八方雲集鍋貼水餃專門店

营业中

休息中

好耐都無去八方了。剛好琴日有機會，於是同同事去咗食。點幾鐘，人多，竟然要等位！等咗五分鐘度就有位喇，都算好快。而家八方唔止得餃同鍋貼，仲有麵線、牛肉麵、酸辣麵等，款式多元化咗好多。左揀右揀，最後揀咗五隻招牌餃加五隻韮菜鍋貼，配綜合丸湯。綜合丸湯先來，有墨丸、花枝丸同八爪魚丸。其實我都分唔出乜丸係乜丸，因為隻隻味道差不多，算彈牙的。招牌餃皮當然厚過鍋貼，餡料很多，全是爽脆嘅椰菜，菜多肉少；加上唔係煎，感覺很健康。韮菜鍋貼煎得唔算太脆，韮菜餡煎起上黎好惹味，味道很濃。枱上還有辣菜圃任落，落了很多，加上豆板醬及醋，味道一流~

上次同朋友係花園街行行下~~~原本唸住食x仔米線~點知好多人企係門口等位~~~之後係朋友ge介紹下~去左旺角呢間八方雲集~~~第一次試~~~之前係荃灣見過~~~~不過一直都無機會試~so就入去睇下~~wa~點知都係好多人~而且鋪面地方好細~等左10分鐘左右至有位~~~而且d人都係迫埋一齊sit~不過想試下都唔介意得甘多~而且又幾平~我地叫左~ 2大碗麵線~好味!!幾抵~個鍋貼 (韓式泡菜同咖哩)我地跟左旗丸紫菜湯(八爪魚丸加紫菜)&忌廉海鮮湯~ 韓式泡菜鍋貼(12隻)好好味~but~咖哩就.....一般~咸左d~!忌廉海鮮湯~好多味精~不過跟餐ge都算la~之後又叫左佢地ge招牌水餃~味道幾清~唔錯~!!食食下`~見到隔離檯至知~原來可以雙拼ga~早知就雙拼下~因為想試埋其他味~~~下次記得la~~食完之後我見甘好食就叫左一份韓式泡菜鍋貼外賣返家~不過可能太遠車程~返到家全部淋晒~下次都係堂食好d~

點了套餐($28)招牌鍋貼一客5隻,皮煎得脆身,內有椰菜,豬肉~椰菜新鮮爽脆但冇肉汁!蚵仔麵線食味普通!內有少量大腸及蚵仔,大腸鹵過的,帶點甜香~蚵仔就口感奇怪,唔知點解D蚵仔外有D透明jelly狀既物體,淡淡的冇味既...究竟係咩泥架?豆漿夠凍但豆味不足

想吃鍋貼，那就來八方韓式辣味鍋貼：十分香口，又好味貢丸新竹米粉：貢丸彈牙，味到很口，新竹米粉又滑又幼，湯底也美味（不過可能是味精的啊）不過整體不錯丸類算是貢丸較好，之前吃過別的丸，也不太美味！

本人食過太子八方分店有好幾次了~推介:鍋貼:招牌鍋貼,韭菜鍋貼(本人喜歡招牌鍋貼多d) 水餃:招牌水餃,韭菜水餃,韓式辣味水餃 飲品:凍檸檬茶,凍咖啡(都算好架~可樂果d就唔講la) 湯品:鱈魚丸湯(最中意~)建議晩上用餐時間:6pm-10pm服務,衛生一般la~

同細妹行旺角, 行行下我地去咗 "八方雲集鍋貼水餃專門店" 試下啦..我地叫咗 3 個 $26 餐 韭菜鍋貼 ---- 一般. 冇咩野特別招牌鍋貼 ------ 呢個真係唔錯...幾好味...韓式辣味鍋貼 --- 呢個真係超難食. 味道怪怪地...酸辣湯 ---- ok 可以接受 栗米濃湯 ------ 呢個太甜了...no good 旗魚丸湯 ------ 好淡...冇味...好似飲緊水...

2010-5 (weekday)差幾步就去了康華, 但貪近入咗八方雲集, 竟然差過台北的勁多,要了咖哩煎餃+酸辣湯椰菜餃麵+旗魚丸紫菜湯, 最好食算係個旗魚丸紫菜湯架啦, 魚丸3粒+一堆紫菜, 但 d 丸其實都係淋淋的無嚟爽口彈牙.咖哩煎餃只有咖哩香無咩味又唔夠脆, 餃子似灣仔碼頭樣子模樣但質素差好多, 皮仲幾厚添呀, 似蒸完擺咗好耐水氣走晒嘅樣, 韮菜餃子一d肉汁都無, 酸辣湯餃麵的椰菜餃都係無肉汁, 酸辣湯就有酸無辣.唔想食定係飽到食不下呢, 我好少會嘥嘢架.

嗰晚話說睇完Show, 要在太子附近轉車回家, 三個人都無食晚飯, 米諗住響附近搵食,其實周圍都有茶餐廳及出名車仔麵, 但見佢個招牌仲開又未試過, 當時係十點五十五分, 見佢入面有d客, 都循例問下幾點關舖, 門口靚女話十一點半, 心諗呢餐都係當宵夜, 呢到又係主力食餃子, 應該差不多可以30分鐘食完, 於是入去坐低......一坐低, 員工只顧著清潔牆身，檯面及其他食具, 叫了幾次先同你落order, 點知落order仲慘, 米講什麼套餐無 (預左無..)點知散叫, 連自己的招牌食品豆漿, 酸辣湯, 招牌水餃都欠奉, 問最common都話無, 但個侍應完全無俾其他推介俾你, 呢d服務態度真要加以改善!?如果係咁, 係米門口個接待應該話俾個客聽, 幾點last order, 唔駛入到黎什麼招牌菜都食唔到, 知唔知會影響自己形象.....事實上我地坐低都還入左三、四檯客, 處境same same la........其實招牌菜的存貨一定不可少....番黎check左版面的營業時間是00:00, 咁佢真係要留意下點改善咯! 好彩食品尚好, 其中新出的牛肉麵推廣不錯, 牛筋、牛肉好"淋",

昨天剛好碰見八方，所以就試一下。我叫了五粒招牌水餃+5粒辣味水餃。其實他的餡還不錯，皮也不厚，感覺不錯。比起我常吃的四海X龍，有過至於無不及。不過輪到酸辣湯時，就令我非常失望。料的種類有不少:蘿蔔絲，瘦肉，金菇，蛋，豆腐........不過，他的分量卻不多。而且湯也不辣，引至湯顯得比較酸。比起四海X龍，感覺上酸辣湯的水準遠遜于四海X龍。而且其實價錢業偏向貴..........

職員態度傲慢, 等位又唔俾票, 之後互推責任湯入面有烏蠅仔, 仲扮睇唔到無換已經不是第一次, 已向食環署投訴

辣味鍋貼(5隻)+咖喱水餃(5隻)+綜合丸湯綜合丸湯:內有三粒不同的丸,三種丸都有咬口,彈牙!不錯不錯!辣味鍋貼:即叫即煎,皮薄且脆口,內有豬肉泡菜,入口辛辣同juicy~好味!!!咖喱水餃:皮較厚~咖喱味道較淡,反而食到椰菜的鮮味!其實呢間都算唔錯架啦~總好過我食過一d混水摸魚既餃子店!

上星期五同女友十點度食野只叫一個招牌鍋貼套餐叫左杯凍奶茶招牌鍋貼煎埋一餅．咬落去無乜肉汁鍋貼皮煎得太硬凍奶茶甜到死飲糖水咁．．好難飲下次我都唔知再去呢度食野

昨晚十點經過, 有些餓, 想它開了超過三個月, 而且有幾間分店, 應該不會有問題...和朋友行了入去, 要自行寫點菜紙(款式少得可憐!!!), 點了:1. 雙拚餐: 招牌鍋貼+招牌水餃+豆漿 2. 大腸麵線(小) (點菜紙寫內含大腸、蚵仔)+旗魚丸給了個男員工, 他望了一眼, 將點菜紙"飛"回桌面, 說了一句:「無豆漿喎!」, 就走, 我立即問他:「你哋套餐仲有咩係有嫁?!」, 因為我好像聽到有其他食物已經沒有,他說:「得酸辣湯, 旗魚丸湯同鱈魚丸湯」就走了....七款剩下三款...而且他的態度...之後點了酸辣湯...........終於吃到的是......1. 難吃、皮厚、見不到肉的無味鍋貼及水餃2. 味精+酸醋+雜菜碎開的水3. 完全沒有蚵仔的大腸麵線+粉丸我們很少會浪費食物, 但...吃到一半, 兩個人已受不了, 想噁....放棄!之前不知道大腸麵線是大碗, 結帳時才發覺電腦單寫大碗,向收錢的人說, 她行了去看, 說:「係大碗嫁!」, 收了大碗價.......如果是好吃都沒有所謂........但他們不是!!!難吃到噁心, 沒下次!!!!!!

間野一開張服務態度唔錯,而且d醬都有俾齊但後未d服務態度愈黎愈差!!!!咁我只係食招牌水餃,唔落醋/豉油個d差唔多係無咩味咁但佢次次唔俾!特別今日,我一路等一路望住放住我杯豆腐個袋,係一包醬都無就去問佢拎啦,之後勁惡咁話'放左係入面嫁啦'之後唔俾我咁我番到屋企打開個袋啦,係一包醬都無囉,咁佢所講ge入面係咩回事之後重要有個男人黎,佢態度好左喎!佢嗌野遲過我,但竟然同我同一時間拎得囉!但我等左成6-7mins,佢先等得1-2mins唔該間野improve下d質素啦!特別係服務!!!!!!!!

朋友話未食過,所以就帶佢試試可能太夜先去到11pm所以好多想食,想試既都賣完.但比起對上一次來食食物款式&選擇都多左少少.辣味鍋貼味道差唔多,但略嫌唔夠辣咖喱鍋貼咖喱味道唔夠濃,略嫌較淡九菜水餃皮較厚,但ok