八方雲集鍋貼水餃專門店

营业中

休息中

喺旺角行街經過八方雲集就入去食個午餐今次我就揀咗食珍珠餛飩米粉（佢原本應該係麵 但可以揀米粉細細粒嘅餛飩有八粒 好好食🤤米粉上面仲鋪咗一d紫菜同 冬菜？鍋貼我就揀咗咖哩鍋貼咖哩鍋貼好香 有少少辣🤤嘢飲我就揀凍豆漿食鍋貼覺得辣個陣 就可以飲下豆漿🤣煮嘅時間有d耐 需要等一陣

今天公司好忙，忙到落樓逛店坐低食個午餐時間都唔夠，打開外賣平台，見到八方雲集有優惠，所以選擇左佢既台灣麵線套餐。台灣麵線：湯頭濃郁而香味十足，充滿了豬骨同各種香料的味道。麵線本身非常細緻，口感滑順，完全吸收湯頭的滋味。大腸乾淨而且入味，配上香菜，豐富的口感令碗麵線更加美味。配菜我選左餃子：餃子皮唔算好薄，食起黎有嚼勁又唔算好油膩。餡料菜肉均勻，搭配醬料一起食，更突顯餃子的美味。珍珠奶茶：台灣料理點少得１杯珍珠奶茶。珍珠奶茶的口感順滑，奶茶的濃度和甜度剛剛好，珍珠Q彈有嚼勁。同台灣麵線簡直係完美搭配。

位於旺角的「八方雲集鍋貼水餃專門店」是一家專注於提供各種口味水餃和鍋貼的餐廳。👅這裡的招牌水餃一直以來都廣受食客喜愛，🫦八方雲集的招牌水餃絕對是這家店的招牌菜。首先它皮薄餡多，💪招牌水餃的外皮雖然有點厚嚼勁還可以，這個價錢下總算合格。🥢皮子的薄度和餡料的搭配常有徧差，但它保證每一口都能充分品味到內餡的美味。🥳第二是餡料鮮美，💪水餃的內餡十分豐富，除了鮮美的肉類外，還加入了新鮮的蔬菜和香料，使其更加營養豐富, 這點不是連鎖店用心良苦還是成本考量。而環境方面都是簡潔舒適，非常適合和家人朋友一同享受美食。店內桌椅排列整齊，不會感到擁擠，讓用餐環境更顯舒適。此外，服務態度親切，員工也樂於幫助客人選擇口味，連前面的英文人都很樂意解釋，讓用餐體驗更加愉快。😆最後也是最重要就是它價格合理，特別是考慮到食物的質量和份量。這家店的水餃和鍋貼以大碗大碟的方式呈現，讓人感到物有所值。👍這裡也提供不同的套餐選擇，讓客人可以根據自己的需求選擇，無論是小吃還是正餐。😝😉

自己煮唔倒咁厚肉的牛肉鍾意喺八方雲集食牛肉麵牛肉嫩淋又有牛肉味貪佢卡路里低又有兩種羅白同酸菜伴麵屋企唔會自己煮兩舊蘿蔔通常會加多一份菜又可以凍餐飯走冰、全走糖低卡路里之選同埋佢地的豆板醬加招牌水餃係絕配而家好少食到50年前嘅豆版醬味拉面有咬勁但不硬配豆板醬一樣好味

多次表達唔想比個強力吹風機吹住，一黎吹凍哂啲野食、二黎真係正常人都吹到頭都痛，果部機係有半個人咁大座既強力吹風機！其實店內冷氣都好夠，有幾枱客入到黎直頭都嫌後面既座位吹風太勁唔坐，不知幾多人望住部機想熄左佢！店員仲會係吹風機前包餃子，啲麵粉真係吹到周圍都係，到底食麵粉定餃子？店內店員又無禮貌，收到單聽到客補充應都唔應一聲，客以為無聽到咪補多句，店員都會即刻懟番一句「得啦我聽到」，成餐飯都見住態度一直咁差，講野使唔使咁倔平時去開既八方都無呢間咁，認真可一不可再，又多飛蟲烏蠅，衛生真係好差

一向都好鐘意食餃子😋，其中八方雲集係我至愛食店之一🥰，雖然近年不繼加價😶，但係我覺得性價比仍然可以👌。其實呢啲集團式經營嘅食店，來貨全部都係一樣，好唔好食，就好睇店員嘅手勢🤭。話說我家附近有間分店，餃子嘛，煎得普普通通咁😅，又未至於唔好食，ok咁啦😅。但係可能疫情關係，今年年頭呢間分店結業了😪。而家我每次想食，只能夠去到太子那間😔，至今幫襯了約5~6次，每次都煎得好靚😍，好金黄😍，真係值得一讚👍。今次叫咗3 set外賣，2 set 韓式辣味鍋貼，1 set 招牌鍋貼。有圖為証，你地睇，真係煎得好靚㗎😂😂。

我叫咗個麵線套餐，五隻鍋貼，雙Q奶茶，同埋一份珍珠紅油抄手雲吞啲嘢食好快就嚟到雲吞同鍋貼都熱辣辣🤤 包得好滿 食得出有好多豬肉白菜餡麵線就正常發揮 有幾粒肉丸同埋幾塊大腸 都算幾足料雙 Q奶茶略嫌太多冰 冇乜奶茶味 但係好多珍珠同埋椰果🥥👍

自己其實好鍾意食餃子而且要求都唔低🙈鍾意食啲皮薄得黎有咬口好似食緊粉麵咁 餡肉要夠大 味道唔好太鹹/油細個嗰陣超鍾意八方雲集水餃 可以食十幾隻見好耐無食 屋企人又買咗包急凍未煮嘅八方雲集招牌水餃 （20隻) 就食吓同時煮咗灣仔碼頭嘅薺菜豬肉餃比較吓味道上面有明顯分別八方雲集嘅味道較淡 因為入面無乜醬汁 亦唔油相反灣仔碼頭嘅味道好濃郁 入面原先已經有醬油另外八方雲集嘅餡較大 豬肉相對比菜多灣仔碼頭就相反而皮就八方厚啲 好咬口啲 餃子本身size都大啲相比之下我比較鍾意八方雲集- 新鮮啲 少啲味噌 健康啲- 皮比較有咬口啲- 餡大啲不過宜家已經不及從前好食 又或者我口味變咗 要求又高咗感覺佢啲皮都係唔夠好食 因為一食就散開🙁而且味道都淡咗少許 或許韮菜會重味少少但係點都好食過灣仔碼頭...只不過八方雲集好似咁多年都係咁 冇乜創新口味 所以俾其他方間嘅餃子專門店打贏 (的確而且上幾篇食評間餃子店好食好多)*外帶關係 環境 服務 衛生值不能作準*

台灣地道美食之中我最鍾意阿宗麵線，但奈何香港唔係好多地方可以食到類似嘅味道，每次嘴饞起上嚟我都會去八方雲集食返個麵線頂一頂癮。八方雲集起源於台灣，麵線自然有幾分台灣地道風味，雖然難以同阿宗麵線比較，但想念台灣味道嘅時候都可以止下癢😋湯底以豬骨熬成，帶少許濃稠感，相當鮮味😋加上滷得入味嘅滷水豬大腸，彈牙嘅貢丸同手工麵線，係非常台灣嘅味道🥰麵線套餐附有飲品，我揀咗凍豆漿，中規中矩。套餐可以揀鍋貼或者水餃五隻，而且有七種味道可以選擇，有招牌、韭菜、辣味、咖喱、田園、粟米同芹菜，我揀咗韭菜鍋貼，表面煎得微脆，咬落去韭菜味好香，而且有豐富肉汁，唔錯😛

每次入去食野，都係因為佢平靚正快，而每次落order，我都唔知點解一定會揀抄手，加上少少辣汁，都幾好味架。而近排我會再另外叫多5隻鍋貼，一條條長條，同埋唔會太油，配上杯凍奶茶，食個簡單快餐，都係一個唔錯的選擇。

中午一條冷唔知食咩好既時候，又唔想食「飯」時就好容易就會諗到去食八方，至少我係🤣其實間間八方menu都一樣了，所以都唔駛多講。今日揀左食麵線餐，我覺得呢個餐幾啱女仔食，有5隻餃類既去揀，再加個麵線同飲品，一個人都食到，唔太多或太少。呢間八方同我屋企附近的又有少少不同，我去開既都係一入去就點餐，然後等叫號。無論堂食定外賣都一條隊。呢間就得意D，堂食就先坐低寫紙畀店員落單，食完先買單。可惜我叫左佢煎燶D，但都唔係好燶🤷🏼‍♀️不過飲品係有做到少甜既。個麵線就用堂食既碗去裝，好似比用外賣紙碗份量多D。👍🏼料都好足既，好多切粒既肉丸。大腸都有2-3舊。座位來說呢間就有D窄，為左放多D位佢擺到有D飯堂feel。不過食個快餐冇咩所謂啦。一到一點，果然好多學生哥黎，一下子就坐滿。好彩我早左幾個字來到😛

唔只一次去八方，唔係成日去，感覺一次差過一次。今次去八方，要先去收銀俾完錢，再等食物送黎，我自己極唔中意哩種服務方法，所以用哩種服務嘅大家樂，大快活，美心等等...我都唔幫襯。望望個餐牌，又加價！麵線套餐由30蚊加到37蚊。點咗一客麵線，招牌鍋貼同豆漿。招牌鍋牌保持水準，無話偷工減料。豆漿無咩特別啦。但碗麵線味道變咗，有辣味！其實辣味唔重，我唔食辣都接受到，但點解突然將碗麵線變得有辣味？服務變咗，價錢貴咗，味道辣咗...... 唉......

前幾日收工已經好累，所以最後決定買外賣回家食多款套餐，最後就叫左個有營套餐套餐係包豆漿既，其他台式飲品就要補回差價大腸麵線好好味，入面仲有一粒丸韭菜鍋貼入面有好多韭菜我個人鐘意配辣醬多過醋既生菜正正常常，都好新鮮珍珠奶茶完全唔掂，奶茶味不足，而珍珠係比較細粒，好硬！應該未全熟

一個人係旺角行完街見方便就行咗入黎食餃子啦⋯⋯入到去坐底寫單...寫完單諗住叫姐姐入單啦...叫左幾下個姐姐都好似聽唔到咁...之後就有個哥哥仔話出黎比左錢先食嫁...因為印象中以前好似係食完先比錢既...咁我就乖乖地走出去比錢啦⋯⋯比完大概3分鐘左右...姐姐就拎左碗貢丸湯比我...前後15分鐘就上齊野！都算快既...最中意係八方個貢丸湯多莞茜泡菜味鍋貼就比較油...都尚可接受招牌水餃個餡就好好味...但個皮就太厚了不過埋單都係$38個大洋 你仲想點香港地好難搵到呢d價錢嫁喇。#曲

I was looking for something tasty and quick to bring back home... And these were a good choice! We ordered the pork, curry, and leek pan fried dumplings. The most flavorful was the curry, for obvious reasons. But all of them were tender and tasty. We've gotten take away a few times and it's always good (not amazing, but good.) And quick. And cheap.