八方雲集鍋貼水餃專門店

营业中

休息中

叫過兩次外賣係屋企食，味道都算唔錯，今日剛好行過舖頭，於是乎就坐低堂食。地方好細，但啲檯都分得幾開，唔會太逼。叫咗午市套餐，有豆漿，煎餃，台灣牛肉麵。豆漿就正常水準，煎餃就擺出邊太耐，皮唔夠脆，溫度已經凍咗， 稍有失望；反而牛肉麵就熱氣騰騰，面頭一層紅油，小辣， 份量好大，我拎咗四五件牛肉同牛筋出來攤凍，即刻滿咗個煎餃盤，縱有紅蘿蔔同白蘿蔔；最好食係個麵，夠爽身同有嚼勁， 湯底反而有啲淡，再咸些少應該更好；牛肉同牛筋都好質地，同樣係味道差咗啲深度。總體來講算唔錯。

見到外賣自取有個優惠餐幾抵食，又好掛住台灣麵線即刻落單先！行到門口呆左咁多人既，原來其他外賣平台做緊優惠，好多人叫外賣，張張都係大單。見到職員做到無停手，又要接堂食單同埋walk-in外賣，真係睇見佢哋都忙到暈。整到我份外賣，剛剛無哂韮菜餃，要再等出爐。職員見我等得耐，都好好咁問我轉唔轉其他餃，咁就轉左招牌餃。煎餃我食咁多次品質都算一致，煎到金黃色睇到都好食。餃子皮帶點煙韌，餡料可以保持到肉汁，好食。紅油抄手就第一次食，個汁對我黎講有啲太辣，係香口好食既。重點係麵線，有大腸同貢丸係入面，有蒜香味，好正，好有係台灣食麵線既感覺最後就飲埋杯珍珠奶茶，味道正常既，只可以話係合格之作，唔算出色。總括嚟講CP值高，會繼續支持！同埋辛苦晒班職員

見openrice有特價餐($49)，試一試啦，點知中晒伏。首先落order要求12:45取餐，結果12:22已經收到通知話做好，咁我set取餐時間的意義係乜???然後，成袋食物交俾我原來要自己執餐具又唔出聲，好彩我自己office有環保餐具啫。最過份係個餐錯左一半! 和風抄手變左紅油抄手，我就係唔食辣先揀和風，結果焗住食辣(仲要好多辣椒油，好辣)。跟餐要珍珠奶茶，一飲發覺加左料係「珍珠」「椰果」奶茶，乜咁客氣呀😑 然後叫左「走冰走甜」，結果無走過冰無走過甜，你俾少冰少甜我都可以算數囉，而家成杯野飲甜到唔落倒左。麵線、田園鍋貼雖然無俾錯，但由於太早已經做起，加上杯凍飲放埋一齊，拎餐已經凍左一半，麻麻地好食。堂食八方無事嘅，但外賣唔好用app囉，真心失望，唔會再食。

連鎖店八方雲集我平時好少食，因為麻麻地連鎖店同記得有一次食得太多餃子，結果飽到嘔，今次同事話想食，咁就陪下佢來食下啦。😉店面唔大，得5-7張枱，見到多數都係1-2人過來食，我地4個人，姐姐一聽就話:咁多人？我笑左出來。😂😂😂 可能真係我地”多人”關係，所以都等左差唔多半個鐘先有位，不過無所謂，因為我地都食得快嘅。✌🏻✌🏻到左點餐，我叫左個10集煎餃套餐，招牌煎餃，再加杯百香果茶，煎餃皮有少少咬唔開，不過可能人多，煎餃流量快，所以都算香脆，係油多左少少，而百香果茶係好飲嘅。💁‍♀️💁‍♀️至於同事叫左個麵線餐，佢仲話呢度麵線最出名，我唔認同佢，但又唔敢駁佢，因為我唔食麵線的，佢仲笑我唔識食。😅😅😅😅😅今次食餃食得晒又無嘔到，究竟係我大食左定佢啲餃細左呢？🤔🤔🤔🤔

好討厭禮拜一去銀行，總會搞到連食飯嘅時間都冇埋。純屬路過，雖然隔離有間新嘅餐廳，但穩陣起見，都係入咗八方雲集，始終食過幾次，都放心。原以為係簡單快捷嘅一餐，結果食到成肚氣。啲嘢食都係自己喺張紙到剔，然後由啲樓面阿姐入電腦單。最初冇為意，之後先見到，我想飲嘅雙Q奶茶冇幫我order到！最先上嘅係酸辣湯，酸味濃，冇乜辣味。有齊木耳絲、麵線數條、金針菇、紅蘿蔔絲同肉絲、豆腐粒，叫做足料。熱辣辣，要慢慢食，不過我食晒啦，啲鍋貼都仲未上。睇睇啲樓面阿姐，喺到吹水，仲要係最前面張檯食緊麥記雞翼，完全冇理到啲客。直到坐喺我後面嘅兩個姐姐都終於出聲問：“啲嘢都飲晒啦，鍋貼呢？”食緊雞翼嘅阿姐先恍然大悟，急急腳走去個檔入面，一路搞一路大聲講：“煎燶咗啊，等等先啊，唔好意思！”當時知道自己都中招，冇計，都要等，但真心餓到人都等到憫。鍋貼上到來，仲見到啲焦，應該係啲殘餘物，唔夠脆，亦冇印象中咁辣啦，只有好濃重嘅蒜頭味。如果係泡菜鍋貼，咁只能夠說呢款泡菜嘅質素都真係麻麻哋！食完真係好需要杯雙Q奶茶啷啷口！夜晚嘅時候，明顯地胃氣漲，噁咗幾聲，空氣中瀰漫嘅全都是啲蒜頭味！好臭啊～最後講返啲餐具問題，已經有好多餐廳

八方雲集出名賣水餃窩貼就係人都知啦 但我真係好少食嘅 因為通常都會自己煮😂😂😂今次試左粟米水餃餐有10隻水餃🥟 仲可以揀一杯飲品或湯品 都係$39😛😛 每粒水餃都好多餡 夠晒多粟米豬肉😋😋😋 空口食味道都唔會太咸 食完幾隻之後 可以點啲醋食😛 味道多啲變化嘛😋湯品我就要左紫菜花枝丸湯 唔記得咗有兩粒定三粒花枝😂😂 花枝好香 食落嘅時候仲有粒粒花枝 好有口感👍👍我都食唔哂 cp值好高👍 下次可以試試散叫😂

午市時間人多車多，於是就近八方雲集食個快lunch，點左下個台灣麵線，招牌鍋貼和芹菜鍋貼，合共$44。台灣麵線味道還可以，有少少配料，芫荽，再加d紅醋味道更好。招牌鍋貼和芹芹鍋貼味道不過不失，上枱唔算太熱，只係稱得上暖暖地，加辣醬都幾好味。

Bafang Dumpling always used to be my favorite place for a quick tasty lunch!I normally go to their Kennedy town shop but this time i was in Wan Chai and decided to have a great lunch in Bafang on Wan Chai road.From the moment I entered the shop, i could feel the negative environment of stressed and rude staff (shouting and swearing in Cantonese and Mandarin) while customers were asking for their dine-in orders. The staff of Wan Chai shop (cashier) was very rude with a negative body language and

我都幾鐘意食上海野，由其是D包包餃餃同麵，有得揀我都好少會揀麥當當做晚餐。今晚我就揀咗「八方雲集鍋貼水餃專門店」做晚餐，其實食物味道、餡料同價錢我都覺得ok，由於佢地D餃係即叫即做，雖然每次都做一大煱，好彩嘅你唔使等就好快有得食，唔好彩個煱賣曬要等成八至十分鐘先有，所以肚餓或者趕時間就就揀個第二間啦，今日我算好彩五分鐘就有得食，今日揀咗個set 水餃麵加煎餃同豆漿，唔錯😋

一向對八方雲集這品牌沒甚好感，因為聽到名字便覺得所賣的菜式十分含糊，感覺上出品菜式甚雜，好像中國各省份的食物都有賣似的，縱然知道這個名牌超過十年，亦從未光顧，剛巧在灣仔辦事經過這店，看到原來他們有賣台式窩貼及餃子，兩款皆是小弟心儀美食，遂決定嚐嚐他們出品。看了一下菜牌，才知道八方雲集所賣的並非全國食品，而是地道的台灣菜及台式飲品，最近減肥中，放棄了至愛的煎窩貼，點了一份包含十隻餃子及一碗台灣麵線的套餐。台灣麵線說是麵食，實則類近我們廣東菜中的羮，主要材料有麵線、香菜及鹵水大腸，湯底有滿滿的鰹魚乾煙燻鮮甜味道。餃子選了兩款，每款五隻，分別為招牌水餃及韭菜水餃，招牌水餃以大白菜及上肉作饀，肉鮮味饀有一定嚼勁及肉汁，沒有鬆散口感，最可愛之處是沒有太多油份，入口不會膩膩的，韭菜水餃較大白菜所製的招牌水餃重味，但甜味稍遜，惟肉汁及饀料嚼勁都跟招牌餃不惶多讓，最後必須一提他們的餃子皮厚薄適中，嚼勁麵香俱備，屬質佳之作。

老老實實，八方雲集並唔係咩嘢好好食嘅鍋貼，但比起隔離街果間乜乜大王真係好好多。八方除咗雲集唔同口味嘅鍋貼，亦雲集唔同口音嘅姐姐，媽，我好亂。今日揀咗招牌鍋貼&韮菜鍋貼：皮唔厚，餡料夠，味道都 OK。紫菜花枝丸湯，純粹貪佢有啲紫菜咋，啲湯好似。。。well。。。有無試過啲食物太油攞碗滾水過一過先食？嗯。。。就係似果碗滾水，無乜味，又油。紫菜預咗係普通貨。花枝丸就梗係唔及譚仔啲墨演好食。灣仔$38食晚餐，好難搵架啦，OK啦。

今日去開灣仔，順便去食鍋貼，八方雲集係一個很好的選擇，我個人特別喜愛八方雲集的酸辣湯。這款酸辣湯不是上海的酸辣湯，應該係台灣版本。內有甘荀，金菇，肉片等等普普通通的食物，但加起來配合個酸辣湯底就好好味，有咬口，酸和辣度夠平均，價錢合理。招牌鍋貼，即叫即煎，食落夠熱，皮脆，內有椰菜夠咬口，加上餃子醋就非常吸引。一件一口，大小剛好。大腸米線，湯底有味，大腸夠淋而且鹵得入味，米線軟硬度適中，線長合宜，加入金菇增加咬勁。整體表現正常，出餐水準穩定，價錢合理。

Me and my colleague went to this restaurant after work. It is a bit far from Wan Chai mtr Station, but still accessible if you take bus.There are not many seats, probably you have to wait awhile in lunch hour. You have to do the ordering yourself by ticking the boxes and hand the paper to the waiter. I have ordered the mix of spicy and curry dumplings together with a free bowl of corn soup (38hkd) The dumplings are fine, still a bit oily for me. And too much water added to the soup...I believe o