八月茶檔

营业中

休息中

我第一次幫襯，OpenRice 落單，點嘅係XO醬金菇肥牛炒烏冬，但係俾咗豉油王牛肉炒烏冬，食到底偏咸同埋好油，雖然個盒細都打爆個盒，好飽，肥牛變咗牛肉，口感唔錯，

觀塘工業區有間隱世茶檔八月茶檔 地鐵站行過嚟大約10分鐘半開放式的廚房 茶檔簡樸給人一種無拘無束簡樸感覺 秘製咖哩汁魷魚x魚蛋🦑有驚喜 醬汁濃郁充滿傳統車仔檔的風味另叫 炸比沙律🥗同樣即叫即炸 大大隻雞肉滑juicy入味鑊氣小炒有驚喜乾炒牛河 惹味夠乾身牛肉嫩滑河粉條條分明不油膩傳統炒粉味道👍🏻香炒時菜雞球 十分之惹味 夠spicy有爆炒大排檔水準 而且份量算多茶餐廳用心製作 充分表現出茶檔令人懷念的味道和情懷😎😜

今早去食早餐，見到喺廚房做嘢嗰兩位工作人員都冇戴口罩，其中一個仲一路塗花生醬在一塊多士上一邊同一個侍應傾偈，我諗佢啲口水應該都噴晒在多士上。喺廚房工作戴口罩係辛苦，但喺疫情底下，帶返口罩食客安心啲！

一入到去比較懷舊 同其他茶記分別不大 比較特別就是有車仔麵選擇 款式都幾多下☺ 今次食左雞赤 豬腸 羅白 聽老闆講加左佢個八月秘製辣醬 果然好正 又辣又香😋 下次一定會再試其他食物

觀塘打工仔，想叫外賣其實都幾多選擇架有時會係附近叫肥仔海南雞，平時等位d 同事會𥄫下旁邊哩間茶餐廳都叫坐到6成滿，又好多外賣單咁今日班同事決定試下！　一個餐約$52-55，我自己試下個豆腐火朒飯，送野飲同事叫左乾炒牛河。炒牛河等得有Ｄ耐，應該新鮮炒～豆腐火朒飯味道有少少失望既。。。燒肉唔硬不過細件。豆腐係硬豆腐既，唔同其他餐廳既大舊又軟滑。個汁係有點單調，同埋太甜喇同事乾炒牛河反而唔錯，夠獲氣，牛肉都多！下次再去買外賣，可能要認真選擇叫咩了～

之前喺社交平台睇過有人話佢嘅沙爹牛肉麵好食，所以就將佢儲存咗係我OpenRice「想試茶記」嘅標籤入邊。今日喺附近打算食早餐，就突然間諗到行過去試吓，嚟遠見到個環境（好多人坐喺店舖出邊，馬路邊而且有大垃圾桶）本來唔想入去，又諗：mark 低咗咁耐，都未試過，咁多人坐晒喺門口食，或者係臥虎藏龍呢。室內都幾大，一個客都冇，我揀咗一張枱坐低，叫咗個早餐，見到舖頭都不停有人叫下外賣。我叫咗豬扒奄列，花生醬多士大火多醬，因為來之前飲咗一杯熱奶茶，就打算叫杯凍檸檬茶外賣一陣拎住先飲，不過佢話要收一蚊（外賣盒收錢就通常都要，紙杯比較少），我就放棄，怕飲完奶茶再飲檸檬茶唔好，就飲返奶茶。塊多士睇都睇到冇大火，同埋好少醬。奄烈ok豬扒細$37，唔飽，我一食完行到公司樓下就再買嘢食。無論環境服務食物都幾令人失望，坐喺出邊食嘅人應該都係貪可以戶外食煙。同埋佢附近可能冇咩其他選擇。結論，就係工廠食堂嘅水準同價錢，好似我咁特登行過嚟就無謂。唔記得咗食沙嗲牛肉麵～報告完畢～

觀塘雖然係舊區但懷舊店舖已經所餘無幾記得兒時在附近做暑期工經常光顧……此茶檔開業已經幾十年裡面裝修十年如一日，完全無變過早餐及午市幾張摺檯放在門口。店內得數張長檯加圓檯格局好六,七十年代開放式的廚房一眼見哂伙計全是老大叔同阿姐食客多數係附近寫字樓餐牌選擇唔多甚麼早餐,午餐,常餐,特餐…全部都係千篇一律唔同嘅，只係早上也有車仔麵而今次選擇咗早餐沙嗲牛麵 , 餐包煎蛋，凍咖啡宜家好多餐廳已經轉咗用丁麵但呢度多年來一直維持用大光麵早餐等五分鐘到了麵身軟硬度煮到剛剛好不過湯底淡而無味，要加辣椒油食沙嗲牛肉好淋不過沙爹味唔香煎蛋 + 自家製餐包餐包有咬感 , 幾好食 , 不過凍嘅煎蛋好油沒有甚麼特別！凍咖啡唔錯雖然加咗冰 , 飲落啡味都幾香濃早餐$24 凍飲加$2 $26 埋單真的很平。