八歌仙 (家樂坊) (已結業)

四百幾蚊放題，每個種類都好少，漏單催單既話就會幫你成張單出兩次，不斷拎冇叫既雞軟骨比我地，前後黎左5/6兜到。日燒啲牛大部份係冇肥膏，唔好食，海鮮唔新鮮唔好食。反而係啲炸野幾好食，例如芝士年糕同天婦羅。我會比兩粒星星，唔會再黎食。

首先要讚一讚佢地同事雖然無BOOK位不過都幫我地排WAITING LIST打左幾次去問有飛拎未都好有耐性解答我地問題可惜無記低佢個名，服務態度值得一讚！Menu大致上分左兩款，今次同朋友仔揀咗食澳洲和牛，會送埋刺身拼盤。佢地嘅帶子真心推介，夠哂大隻鮮甜！最鍾意佢可以一次過食哂邊爐同日式烤肉，咁就可以一次過滿足哂啦！醬汁好多選擇，不過真係唔知邊款打邊款貼一貼貼紙可能會好少少！手機掃code落單，每次限制十款食材送單，等大家唔會食過龍亦減少浪費食物依樣做得非常好！頭一碟頭牌4式和牛仲會俾埋肥脂燒到落尾都未用得哂，唔會燒到中段會無油用！睇相可能未必睇到，不過件件牛都油花好靚，牛味都好足！火鍋方面都唔失色除咗牛之外都仲有海鮮、豬等等另外炸物、串燒、壽司都有得揀而家開到可以八人一枱會相對地更抵食！

真心伏絕對冇下次！點解要話係澳洲和牛！又un又「鞋」$700唔知食咗啲乜！$598放題（仲要唔包飲品）真係冇一樣野係好食第一次食放題未食飽就走！食牛角冇咁嬲OMG

呢間係我第二間令到我會寫食評既餐廳，朋友生日，諗住可以搵間又可以打邊爐＋燒肉，環境又幾好咁，唔會坐得好逼，終於搵左呢間，朋友們滿心期待，訂左8點，最後8點3先安排到入坐，但係其實見到裡面已經執好檯，都算，坐低左d野黎得都已經8點半，9點半已經有人黎話Last order, 都明既, 因為10點就要離開。Order左個Set B $498,諗住今次試下澳洲和牛先，因為怕日本和牛太肥膩食唔到其他嘢 ，第一轉咩牛都叫黎試下，極度失望，得一款叫做好小小，叫做有小小油脂，其他就，如果你鐘意食牛肉乾的話你應該會鐘意食，但個爐仲正，係完全唔係好似韓燒或燒肉咁燒到牛肉有牛香味， 基本上轉咗色就要食， 因為燒過左會老到一個點 ，所以成晚d牛好似白恰咁，本身係牛脷控，諗住牛肉唔得，牛脷都希望ok，結果都係好似食香口膠咁， 另外仲叫左其他串燒，熟食，冇特別，正常，火鍋湯底揀左昆布同番茄龍蝦， 昆布淡而冇味， 番茄龍蝦更食唔出有龍蝦味，跟住黎左盤刺身，都係放題正常質素，但刺身唔係任食，而海鮮同埋壽司還可以，最後甜品每人一杯 Haagen dazs雪糕，都叫做有一點安慰。盛惠4位$2200，諗住呢個價錢唔係最高

偶爾遇上網上推介分享所以book咗午市一試喺樓下需要排隊搭𨋢但係入到門口嘅時候唔需要等位喺入座之前 門口職員會問想要點餐定係放題今次我哋揀咗放題坐低咗之後座位寬敞舒適只要用電話數QR code就可以落單最特別係佢有打邊爐同埋燒烤一次過可以體驗兩種食法上食物嘅速度非常快食物質素都唔差 職員態度都算OK 因為每張枱都有一定嘅間隔空間闊落坐得都好舒服 一坐就坐到接近兩個鐘直到放題時段結束職員叫我哋買單 成個過程都係舒適完全可以一去再去

困得太耐後遺症仍然系太多嘢想食，系時候周圍八卦食乜好，貪心d 搵左間滿足3-4種願望既日式餐廳一嚐😙😙門外睇絕對以為系日食裝修，細心觀察就見到火鍋、燒爐既設備，加上海報廣告賣相吸引，幾帶期待感Menu大致上分左兩款，120分鐘用膳/90分鐘用膳，120分鐘既用膳有包括刺身拼盤一round既選項，90分鐘用膳選項中差別在牛肉級別，唔講得笑系120分鐘menu系A2 size既海報大大張，手拎住有幾分睇報紙既神似 哈哈😆😆😎👍🏻醬汁、用具齊全，枱非常闊落，足夠4-6位同枱，美中不足點系醬汁配料若加上標籤提示系咩調味品就更無好，花左一番時間研究左配料🍃空間非常流通，日式庭園圓窗設計，加上通風設備系統，空氣非常流通，唔會成陣燒肉/火鍋味，十分舒適😌😌📲手機掃code落單，每次限制十款食材送單，可以分幾次發送都冇問題，落單Apps已顯示左限制時間，到時後自動截單，時間顯示方便客人留意到可用膳時限，設置唔錯一來頭牌4式和牛，分別澳洲和牛三角、澳洲和牛肩胛、澳洲和牛板腱、澳洲和牛外腿，細心已備好肥脂，先將肥脂放到燒烤將擦出既油至均勻，再將牛肉放到爐中，輕放、翻轉、夾起，就簡單容易解決左燒牛既要訣味道

𝗔𝟱熊本和王日本和牛 𝘀𝗲𝘁 𝗖 $𝟲𝟴𝟴 (𝟯𝟬%𝗼𝗳𝗳 + 𝟭𝟬%)餐廳以日式簡約的裝潢 職員們很有禮貌 服務細心 值得一讚呀 ¨̮♡︎ 以任食放題黎講 肉類同海鮮係高質既 熟食料理類就普普通通 任食放題包括燒烤及火鍋 火鍋可選兩款湯底 只有set C 會送刺身盤喔 飲品放題需額外收費或可選單點飲品 🍣刺身拼盤 帶子 厚切三文魚 油甘魚 北寄貝 八爪魚 墨魚當中帶子超級厚肉肥美 鮮甜 回味 ෆ̈🍖燒肉----* A5仙台牛日本和牛肩胛----* A5仙台牛日本和牛背峰以上兩款係我encore 最多既燒肉♡︎油花分布平均 充滿油香 肉質軟嫩 有入口即融既口感 不過次次食和牛食到後面都會覺得太膩 牛舌心和牛舌片很普通🐽鹿兒島黑豚肉可以唔洗叫 超多脂肪 太肥了( ･᷄-･᷅ )🥩火鍋肉----* A5熊本和王日本和牛肩胛----* A5熊本和王日本和牛上髀牛肩胛比牛上髀更嫩滑 ♥︎ 我地選了壽喜燒湯底 輕灼後沾上日本蛋汁 那種軟嫩的和牛味道是舌尖的享受 🦐海鮮----* 清酒醉蝦----* 花甲王燒醉蝦 肉質結實 好食 但唔知點解淥醉蝦就唔好食 ( ¯•ω•¯ ) 花甲王係每一輪都要encore 既

放題但係上菜時間非常慢，差不多六成時間都係喺度等，點完嘅嘢一半都冇上，嘢食質素亦都好普通，火鍋又冇人加水，茶要問先俾，仲要係凍嘅，爐唔夠熱等咗好耐都冇反應，整體體驗非常差

疫情下，好多餐廳都推出咗好多唔同優惠，依間旺角燒肉及火鍋放題，有‼️‼️七折‼️‼️我地叫咗M+ 澳洲和牛放題~一個刺身拼盤 ：帶子同三文魚超級肥美🅰️🐂燒肉牛拼盤🐂澳洲和牛外腿澳洲和牛板腱澳洲和牛肩胛澳洲和牛三角上碟嘅時候，好多都未解凍，要等一陣可以燒，會較理想，而且好多肉質好有咬口😅我個人比較喜歡和牛三角，比較肉質比較淋同埋有肉味容易啲咬另外，牛舌芯都好好味🥰🥰🥰火鍋方面佢可以揀兩個湯底，牛肉都薄切，好正！🥰不過老老實實120分鐘，燒得飲黎都打唔切邊爐😅整體對燒肉有d失望，我個中規中矩，落單有漏單情況，不過有七折連加一，每人$400都唔洗，算係咁啦！

同同事嚟食，揀咗 $688 嘅 #A5熊本和王日本和牛 setyummmmmm~ 食到滿嘴都係油香☺️除咗燒肉佢仲有火鍋同放題有好多嘢想食，不過其實都食唔到咁多...另外隨set仲有個 #特盛刺身拼盤，好高質👍🏻可惜佢啲刺身冇得再order(成餐掛住食我都冇影相😂)

早前家人生日 想食下燒肉知道八歌仙算係比較貴價嘅燒肉但有生日優惠都可以抵返些少我地選左和牛套餐放題可任叫有各式打邊爐嘅料開頭包咗一個刺身拼盤 啲刺身好得😍帶子同三文魚都好肥美好新鮮仲每人都分到隻生蠔🦪而燒肉最正一定係大過快面呢舊和王！一落燒盤聽到油脂燃燒嘅聲音🤤可惜呢個不設任叫燒肉拼盤上其他牛部位則可以隨便叫 牛肩胛係我哋叫得最多次的至於邊爐就無乜特別食物款式尚算多 但個湯滾得好慢 以及食燒肉較為滿足 所以我哋都無點理個爐🤣由於生日 最後的生果盤上服務生仲加左啲小蠟燭砌到靚靚上枱前居然林左😂😂😂但佢勁有心再砌過再上過👍🏻整體環境和服務都不俗唯獨價錢真的偏貴如果特別節日食尚可接受平日想大量享受燒肉都會傾向其他平民價些少的店😬

去咗呢間係旺角好好食嘅日式高質放題！好鍾意食燒肉嘅我，今次就真係大飽口福啦！呢一度有唔同嘅套餐可以選擇，我自己今次就揀咗一個可以食A5熊本和牛嘅套餐，而且呢度除咗燒肉之外仲有刺身同埋打邊爐可以食得到！整體來講呢度嘅刺身非常豐富，我好鍾意食呢度嘅三文魚同埋油甘魚！味道香濃，而且油脂味道十足！

人日，又趁中午可以出街食。 諗住出街食餐好。上網見YouTuber講過呢間餐廳放題就諗住試下。入到去，大約坐左十張枱，人唔算多，餐廳算係乾淨企理。坐低叫左個中價放題。岩岩出黎啲刺身都算正常OK, 指定牛個盤野就真係一般般。有一款直頭咬唔開成舊吐返出黎。算啦⋯⋯ 諗住掃code點餐，點知啲牛好多都點唔到，其他貴一啲嘅壽司都無。 打邊爐啲蔥、蒜、辣椒都無⋯⋯ 收人地正常價錢，雖然午市7折。 我明白而家市道艱難，但係如果你地一早講有啲食物，而家無供應。 我反而能夠接受同明白。 但係而家咁樣野食都無，係咪都要同客人講聲。仲要無個啲都係一啲比較貴嘅食材。 我感覺係隱瞞客人多啲。

可能有排都冇得去日本，唯有去旺角呢間日式裝修嘅火鍋燒肉放題餐廳放任吓先～店內裝修以竹林為主題，真係會見到有竹㗎，而且門口仲有個大月亮嘅打卡位，夠曬唯美！店內座位又夠寬闊，唔洗同人逼埋一齊，享受吓喺竹林嘅午飯時間👘✨火鍋燒肉放題套餐真係超級豐富！有燒肉、火鍋、海鮮、蔬菜、天婦羅、油揚炸物、自家串串燒、壽司卷物、一品料理、火鍋配料及主食。仲有唔同口味嘅乳酪同乳酪梳打飲品畀你揀，超滿足吖☺️✨一共有4款A5仙台牛日本和牛，包括三角、肩胛、背峰及上脾。淨係望住到啲油花都好靚，有一半拎咗嚟燒肉，見有個壽喜燒鍋，另一半就拎咗嚟當火鍋食，我反而覺得火鍋正過燒肉喎👍🏻✨而刺身都好新鮮，除咗有超厚切嘅三文魚，仲有鮮甜帶子、八爪魚、魷魚及北寄貝。另外，壽司同樣高質，特別係火炙三文魚壽司，半熟三文魚有入口即溶嘅感覺🍣✨💬派心心時間▪️美味：❤️❤️❤️❤🤍▪️抵食：❤️❤❤❤🤍▪️服務：❤️❤️❤❤🤍▪️環境：❤️❤❤❤❤

太耐冇出旺角勒❗️今日就同朋友一齊行街辦年貨，辦年貨之前梗係要填包個肚仔先，朋友話好想食放題，我就係OPENRICE 度SEARCH 下，搵到LEE 間正嘢，估唔到一到門口個環境傳統日式設計好有和風嘅感覺，座位枱與枱之間都好闊落舒適，120分鐘任食放題，同時可以燒肉同打邊爐，好滿足。首先冷盤係刺身拼盤，入面有三文魚、帶子、八爪魚、北寄貝同埋墨魚，刺身非常新鮮肥美!烤肉有A5日本和牛拼盤， 牛肉好新鮮，燒起嚟好”池池”聲，已經好吸引，食落更加冇得頂，油香滿滿任食set仲有得任叫和牛，海鮮，蔬菜，一品料理，串燒，天婦羅，壽司，油揚炸物等等，實在太豐富勒，食到口都停唔到😋