八歌仙 (家樂坊) (已結業)

今日有口福了，朋友升職請食飯，仲要係和牛放題🥳 八歌仙店內裝修以竹林為主題，門口有個大月亮嘅打卡位，好唯美！BLACKMORE M9+澳洲和牛精選燒肉拼盤有齊 牛西冷、牛肩胛、牛三角、牛板腱、牛小排、牛外腿及牛背峰。牛板腱密布油花，肉質細嫩，口感油潤有韌勁。牛外腿脂肪較少，纖維比較多，肉味較濃🤤🤤😍火鍋有多款湯底選擇，壽喜燒湯微甜開胃，黑蒜豬骨湯香濃得嚟層次分明👍🏻壽司卷物有超多款任君選擇，必點黑松露油甘魚！油甘魚嘅魚油脂香，加上黑松露嘅點綴，滋味滿分💯活魚刺身同一般魚生有別，超級鮮甜爽口，值得⼀試！串燒方面，大推炸芝士薯蓉年糕！炸至金黃焦香四溢，一咬爆出軟糯年糕，一次享受多重口感😎

心血來潮想食燒肉放題，於是乎就搵到呢間位於旺角家樂坊嘅八歌仙。自從食過A5和牛就返唔到轉頭，所以諗都唔諗就揀咗A5熊本和王日本和牛套餐（$688）😆🔻精選燒肉拼盤由牛上脾開始，順序食到牛三角，油脂比例逐層遞增，滿口肉汁，脂香無窮🤤🔻天婦羅試咗海蝦、香菇、秋葵同玉米芯，薄薄一層炸衣唔會食到成口粉👍🏻 玉米芯爽脆可口，海蝦肉身飽滿，晶凝通透有鮮味。🔻刺身活魚眼仔碌碌仲好生猛🎣 厚薄一致，鮮甜爽口。🔻壽司卷物試咗帶子、三文魚、紋甲魷魚、蟹子軍艦同黑松露油甘魚，紋甲魷魚清甜彈牙，帶子肥美多汁💦

餐廳使用QR Code自助下單形式，每次限送10款食材。枱面整潔，調味料齊全。值得一讚佢哋嘅通風系統，就算全場都燒肉亦唔會好大陣油煙味，空氣非常流通👍🏻🥩BLACKMORE M9+澳洲和牛{牛西冷、牛肩胛、牛三角、牛板腱、牛小排、牛外腿、牛背峰}當中牛小排最令小編難忘🤤 脂肪含量相當高，烹調時油花化入牛肉之中，既有牛肉嘅嫩度，亦有油脂化開嘅甘甜～🍢串燒孜然羊肉串肥瘦恰當，辛香不羶。雞腿串外皮香脆，內裡肉汁豐腴。雞軟骨串油香四溢有嚼勁。🍲火鍋壽喜燒湯調味比例適中，唔會過甜或過鹹。黑蒜豚骨湯香濃惹味。🦪海鮮花甲王夠晒大隻鮮甜，口感一流！

放假去朗豪坊睇戲，朋友提議嚟呢個餐廳食燒肉放題。餐廳以木系作主調，裝修雅致，衛生企理👏🏻👏🏻A5熊本和王日本和牛（$688/位），價錢係咁多個套餐之中最貴，但絕對係物超所值💰 肉味比一般和牛更為濃郁，肉質更加細膩，真正做到入口即溶嘅效果！香草牛油廣島蠔燒熟後牛油會完全融化，令蠔充分吸收香草同牛油嘅濃郁香味～雞腿肉串肉質飽滿，燒完呈金黃色😍 塗上醬汁後，色香味十足！芝士年糕外層鬆脆，內裡流心，口感煙煙韌韌。芝麻雞翼炸得夠乾身，一咬爆汁好juicy🤤🤤估唔到三文魚壽司都唔錯，肉質鮮美，一啲都唔腥👍🏻 呢度仲有多款特色天婦羅，玉米芯天婦羅就係其中之一，香脆爽口，值得一試！

朋友介紹嘅呢間八歌仙，提供120分鐘任食放題套餐，我地揀左A5熊本和王日本和牛（$688）而我哋夜晚9點後入座，更可享全單75折優惠，超抵食😍精選燒肉拼盤包括牛三角、牛上脾、牛上腦、牛背峰同牛肩胛，肉味同油脂比例各有特色。牛上腦最合我口味，口感綿軟，肥瘦均勻👏🏻火鍋湯底可選兩款，鰹魚昆布湯較能突顯食材本身風味，龍蝦蕃茄湯好足料入味，有驚喜🤩活魚刺身晶瑩剔透，魚味香濃可口。黑松露油甘魚壽司黑松露濃烈香氣引出油甘魚嘅鮮味，甘香悠長👅餐廳無論各方面都比一般放題出色，店員親切有禮，上菜速度快👍🏻 呢個價錢絕對係性價比之選，一定會回頭！

餐廳裝修和風甚濃🇯🇵 枱面夠闊落，座位亦寬敞舒適。120分鐘放題套餐分別有BLACKMORE M9+澳洲和牛（$498/位）同A5熊本和王日本和牛（$688/位）。澳洲和牛係我哋嘅選擇🙆🏻‍♀️ 燒肉拼盤當中最愛牛小排🥩 油花紋路均勻😍 肉質非常細緻柔嫩。牛肩胛肉質較結實彈牙，肉汁香濃！任食火鍋底有壽喜燒、鰹魚昆布、海膽牛奶豆乳、龍蝦蕃茄同黑蒜豬骨（5選2）。壽喜燒醬汁香醇惹味🤤 黑蒜豬骨湯蒜香十足，味道濃厚而不膩。任食海鮮香草牛油廣島蠔飽滿鮮甜，清酒醉蝦爽嫩甘甜，花甲王肥美清甜😋 蔬菜方面主要拎菇類，日本香菇充滿獨特嘅強烈香氣，燒完口感脆嫩又入味～仼食串燒孜然羊肉串香氣撲鼻，入口軟嫩多汁💦 雞軟骨串爽脆富咬勁。

朋友想食燒肉，然後喺OpenRice度揀咗好耐，見到呢間可以喺OpenRice app度book枱，就即刻約咗。限時90分鐘用餐，因為我朋友遲到所以店員俾我等埋朋友先至入座，非常貼心。餐廳環境非常闊落，枱與枱之間都有充足嘅空間，唔會好逼夾。除咗燒肉之外仲可以同一時間選兩款湯底打邊爐，非常之驚喜，因為食之前冇睇得好清楚餐廳簡介。我哋選了$498的價錢，總括而言食物質素非常好，款式亦都很多，值得下次encore。最後唯一缺點就是大廈的洗手間，衛生情況非常一般，有待改善。

今日去咗八歌仙食放題，係燒肉放題，午市仲有得七五折，所以有時間的話都係揀日頭食🤣刺身得一盤，食得一次有點唔夠喉，尤其是個飯立貝，鮮甜厚身，至於其他刺身就中規中矩主打燒肉放題，今次就揀咗澳洲黃牛，中級嘅價錢，肉質已經算唔錯，澳洲牛嘅牛味比較重，當中以牛西冷水準最出色，油脂分布平均得來，又重肉味，又夠林身， Encore左幾次其餘打邊爐，牛小排亦都唔錯，充滿着牛嘅鮮味，蔬菜亦都有好多選擇，當中以冰菜最好食，不過我覺得海鮮就麻麻哋，都係食返牛啦

星期五一行六人去到八個先食放題燒烤火鍋，門口的服務員很有禮貌，但係裏面嘅員工非常冇禮貌問佢攞公筷六個人比一對我問佢攞多一對佢塊面仲黑過獲底，然後臨尾截單冇通知我哋，完全冇事先提我地，咁最重要臨尾梗係會好準時趕我哋走喇！食物質素非常差！一定冇下次！仲有啲員工呢好似同啲碗碟有仇好大力好大力咁樣執碗，我唔明點解要咁做？

平時不會寫食評，但今次真的忍唔住要分享，因為唔想其他人中伏，每位$500/$699再加10% 食和牛 (只有兩個價錢) 晚市放題，限時2小時，但不是任食的 (尤其刺身)，只按人數分配約數款數件，不可追加，可任食的選擇不多，飲品需要加錢，甜品雪糕(只有一杯仲冇得揀)， 仲有每次下單限件數，非常不方便，主動詢問店員才得知，信用卡優惠匯豐簽賬有9折，東亞信用卡88折，到最後埋單才知道, 消費額不夠$1200.- 用不到信用卡優惠，一)店員冇講清楚，二) 兩人食滿1000多元仍冇折扣優惠，總結: 價錢貴，食放題冇得任食，選擇少，仲要冇得任飲，食放題，經驗最差嘅一次。

最近食咗個八歌仙嘅燒肉套餐👹夜晚9點後入座，所有120分鐘晚市放題套餐都有全單75折優惠! Ps: 一至五午市同早鳥時段(7點離座)都做緊75折🤘🏻😆.餐廳空間感大，每枱座位相隔一段距離裝修用上江户時代設計，有大量木屏風🪵同細竹🎋做裝飾，富有濃厚日本風🇯🇵佢有唔同嘅燒肉套餐今次我哋食咗最貴嘅A5日本和牛燒肉放題.📍A5熊本和王日本和牛燒肉放題套餐($688)呢個set結集燒肉、火鍋、刺身、天婦羅、炸物、串燒、壽司同一品料理於一身，夠晒豐富😍.🔻雜錦刺身坐低先嚟一大盤刺身，有齊三文魚、三文魚腩、油甘魚、甜蝦、帆立貝、北寄貝同八爪魚🐙全部都新鮮有光澤，高質過平日放題好多！.🔻A5熊本和王日本和牛✔️牛三角、牛背峰、牛肩胛、牛上腦4款A5和牛都超好食，油花豐富🥩入口軟嫰基本上唔多需要咀嚼，超值得食❤️‍🔥！.🔻燒烤有牛同豬多款肉類，連A5日本和牛都可以refill🤩✔️M9, M7-8澳洲和牛🐂：食完A5番唔到轉頭😂，澳洲和牛冇咁軟滑，但牛味濃啲✔️香草牛油廣島蠔🦪：好香香草味🌿，幾好食✔️串燒🍢：都有幾款選擇，包括雞軟骨/雞腿肉/雞翼等等，自己慢慢燒熟再加調味.🔻天婦羅/炸物✔️天婦羅🍤：選擇好多，海

第一次要寫食評😅同朋友4個人一齊去，個場幾大張枱都好夠大，但人手上感覺真係唔係好夠，staff帶完座，咩都冇講我地就係喺到齋坐，過程中想搵個人問下，但大家都好忙完全冇理到我地，之後等左成差唔多十分鐘先出個QRcode比你落單。枱底係咁噴啲熱氣出嚟，我同我啲朋友越食越熱，成身流汗，真係差到一個點，未試過食完好似去完焗桑拿咁，同個地下好油。食物方面，一般般，火鍋湯底差，啲單亂嚟，經常漏單同嚟啲冇點過嘅野。飲品要另加，冇咩特別。咁嘅價錢，環境差到一個點，冇咩野唔會再去，去食牛角好過。

講咗讚位先呢個價錢食到靚牛 係抵嘅啲牛出到嚟係凍 無擺到出晒血水先比你火鍋料都好多選擇 扇貝大隻 蝦都新鮮唔係梅食物上檯速度超級快數量均真 你篤四件唔會比少你醬油提供咗5-6種 仲有玫瑰鹽比你油煙幾乎無乜 唔會食到成身燒肉味食完有雪糕提供 不過要主動問講完讚就講彈我一入嚟到門口見只有一台人揀緊餐知客接待緊佢哋 知客理過我哋 又無講等一等於是我企正餐牌隔離位 開定book檯訊息等佢點知佢帶完位返到嚟都係無理我同一時間有另一台客人從入口位閃出嚟打尖佢快過我講咗句「唔該」個知客即刻接待佢知客明明見到我 但佢選擇咗接待打尖客同大家介紹返點餐注意事項：知客介紹餐牌時<不會>講明邊啲餐無得用75折亦<不會>主動問客人需唔需要加錢任飲大家記得自己問最後埋單我哋以為有75折因為係經OpenRice訂位 9點後入座75折但收銀員話75折不適用90分鐘餐我問佢點解知客唔講明呢？佢無正面回答我

見到d介紹 話日式裝修 入到去 同普通放題差唔多，差唔多每位500蚊 餐廳清潔度都一般 一坐低已經發覺枱面好油 梳化有食物殘渣食物方面 不過不失 無太大驚喜，但差唔多500蚊一位 我覺得真係好一般飲品加左錢任飲，但發現最後散叫會抵d 最後甜品係haagen daza 雪糕仲有佢個落單系統 一黎就down左 擾攘左成個鐘變左要人手落單，漏單情況都嚴重最後都係變左打邊爐食菜多，打邊爐食野方便，唯一有驚喜係有冰菜結論係 唔會再去😂😂

八歌仙✖️首先店內嘅竹林環境令人好舒服，座位都夠寬闊，所以一大班朋友過去都唔怕。一個價錢就有燒肉➕火鍋➕海鮮➕天婦羅炸物➕串燒➕壽司卷物，可以點選嘅其實都好多仲有好多類別，不能盡錄。價錢三級制，以美國、澳洲、日本和牛分辨。揀選完之後呢，就可以揀選兩種湯底。湯底大致上都係以日式為主，有昆布濃湯、壽喜燒、黑蒜豬骨、蕃茄龍蝦、麻辣等等。我揀咗壽喜燒同埋蕃茄龍蝦，番茄龍蝦嗰個真係麻麻哋，味道就好似罐頭湯。不過醉翁之意不在酒，基本上都係食燒肉為主。我揀選左中消費嘅澳洲和牛，睇個樣唔係好多油脂，略略燒過幾下，我覺得牛味一般般。但係火鍋用嘅牛小排就好唔錯喎！一坐低嘅時候就會送一盤刺身稍後想落單嘅話就只有壽司同卷物。我食咗幾件黑松露油甘魚壽司，都唔錯，一定好過嗰啲乜乜放題乜乜放題！卷物🙆🏻‍♀️大件結實炸墨魚咀🙆🏻‍♀️爽口彈牙炸蠔炸天婦羅🙆🏻‍♀️好薄粉炸雞皮串🙅🏻‍♀️唔掂熟食及日本料理，大致上味道及份量都好令人滿意！唯一唔滿意嘅，就係佢哋門口個餐牌係假㗎‼️當我問侍應點解有咁多款冇嘅，違反咗商品條例喎！餐牌上同手機都爭好遠，起