八沢 (霎東街) (已結業)

原本滿心期待想來吃忌廉烏冬，坐下的時候才發現餐牌只有泰式食物。原來餐廳已經由日式餐廳改為泰式。因為餐廳未轉變之前質素的確不錯，所以就給了一次機會試試。怎知道換來的只有失望。由於我想吃有湯的食物，所以我選擇了非常有泰國特色的船麵配金邊粉。餐牌上的價錢是$65，不包括飲料。其實以船麵來說，不包飲品要65元已經是偏貴的價錢了。即管硬著頭皮試試。食物不久就來了。從湯的色澤就已經知道，這個船麵的湯底的味道很淡，像稀釋了一樣。實在與我在其他船麵餐廳吃到的差太遠。船麵的豬皮是非常重要的一環，我原本非常期待。當我一咬下豬皮，豬皮竟然是整個淋掉的，而且是淋得有點黏牙那種。既不爽脆也不香口。另外其他的配菜和金邊粉就不過不失。非常一般。到埋單的時候，價錢竟然要$72！原來是收了加一服務費（餐牌上也沒有提及）。我心想：我用餐也只不過用了30分鐘，點餐是用QR code的，期間侍應也只不過幫我斟了一杯水，和遞了一次調味料。食物又不好，憑什麼收加一服務費？以吃船麵來說，還要不包括飲品，要收$72？非常離地。老實說非常不明白為何餐廳要由日式改為泰式。又不是做得好吃。總括來說，貴，普通，失望。不會再來。完！

美味的扇貝三文魚奶油松露海鮮湯麵和特製的白桃飲料多麼美妙的融合！東方面和西方湯混合！出乎意料的驚人！這是它們的驕傲招牌菜！除了豬肉，他們還提供海鮮拉麵選擇，而其他商店則沒有選擇！只有豬肉拉麵!非常非常奶油滑湯湯頂上的松露！非常高級！但太小了!煮熟三文魚非常甜美，味道恰到好處!吃完之後，我覺得我已經從三文魚湯中吸收了豐富的維生素！ 特別是在這段病毒時期, 我覺得我充滿力量！

我係睇到之前嗰啲留言，所以喺見到得一檯客嘅情況都有信心｢綜｣咗入去試.堅大鑊，未試過咁伏！！！ 因為完全唔係食日本嘢. 係食泰國嘢㗎！📢係食泰國嘢㗎！📢係食泰國嘢㗎！📢重要事情要講三次！我懷着入去食一碗靚忌烏東嘅心情，最後放咗海南雞飯+船麵+生菜包入個胃入面.矛盾懊惱沮喪混雜埋一啖一啖不及格嘅油飯，勉強咁滑下我嘅食道. 嘴嚼住比一般food court更food court嘅海南雞，我重新再check多次呢間食店以往嘅食評. 腦海充滿着疑惑，希望青檸梳打嘅刺激可以帶嚟清醒，話俾我知呢個係一個夢.😵對於同我共膳嘅朋友我感到無比愧咎，因為就算調整過心理最後接受今餐食泰菜而唔係日本嘢，始終食物嘅質素非但唔能夠撫平佢哋嘅失落😑，反而隨着梳打水產生嘅胃氣輕輕嘆出一啲傷害肺部嘅說話. 畢竟疫情之下肺部健康特別重要，被頂撞後嘅感覺特別難受.☹️望住船麵，視覺上嘅反感已經填滿我胃部嘅空虛🤐，所以我對筷子無機會潛入沼澤探索究竟，就已經回歸佢嘅起點.要知道生菜包嘅生菜本身係無罪嘅. 佢只可以慨嘆際遇弄人，時不與我，明明爽脆可口，卻因為生於不合適嘅年代，而不被賞識. 更失望嘅莫過於，聽住服務員嘅對話內容

入去冇人帶🙂唔知坐邊 是但搵位坐底 侍應望兩眼行過 到落單先知要scan一張單上面嘅qr code 但完全冇人比單我地🙂落單link 不能設任何特別要求 然後我朋友都係要特登叫個侍應黎問杯奶茶可否少甜少冰 咁我想知整個落單code出黎又唔夠方便 有乜用？🙃🙃然後我就問(原來話唔到事嘅)侍應A 可否多粉 加底(即係就算同我講要加錢都冇所謂) 侍應A喺我面前走去問侍應B B態度極差對住A講(我其實只係喺隔離):我地不嬲冇加底喎 跟住頭也不回走左去 對同事差唔理佢啦 對客人態度都咁差 我最後係叫豬頸肉飯冇叫粉嘅 因為驚粉唔飽 冇服務諗住野會好食啲啦(唔知咩邏輯😂) 但係難食囉😊🙌🏻🙌🏻舖位不久前 前身係烏冬店 開門唔想做生意建議讓比其他人開更好嘅餐廳 thx

本來睇openrice以為有日本野同泰菜，點知去到只得泰菜，menu 上的餐廳名多左 ”Asia” 一字2個人叫咗海南雞飯同雞翼撈檬上海南雞飯又無俾汁，要問店員先會俾另外座位因為有隔版所以無餐具，於是麻煩店員幫手拎，佢竟然只係俾一份兩個人俾一份餐具，佩服佩服另外就係野食上菜速度另一樣雞翼撈檬等左成15分鐘以上，途中都有催過，次次都話整緊最後上菜，撈檬個酸甜汁只係俾咗一小碗，唔係成樽俾你自己倒，仲要店員拎過黎一路行一路倒瀉⋯⋯⋯至於個汁太酸，個人喜好唔太喜歡最後，亦都係最過分既一樣 - 濫收加一明明餐牌上有寫免加一，張單亦照寫加一向店員查詢後，店員表示上星期紅日（指1/7 星期四)，但未改今次用餐日為8/7，足足過咗一星期，點解可以一個星期都未改呢？然後店員表示結帳時提醒扣除就可以但到結帳，要求扣除加一，其他店員又表示有加一，午市時段亦有。要再三向先前的店員查詢才清楚總結整個用餐體驗不太愉快食物質素、服務質素，無一合格最不合理就是加一，相信有不少顧客已被濫收費用

🍽 Creamy Seafood Udon with Black Truffle💰HK$ 98 (lunch, 10% service charge)A Japanese udon restaurant is just around the corner opposite to Causeway Bay Times Square. There were many different types of udon to choose from. I had my first bite and was very impressed! The soup base was very creamy matched perfectly with the seafood - big scallops and salmons. The udon was very chewy which made me kept eating it. Pretty good choice for lunch!

呢日同屋企人去銅鑼灣行街，我地經過一間食泰菜既餐廳，就入面去食dinner。佢呢度係用QR code落單，都幾方便。我地有啲肚餓，所以都點左幾多野食。我地點左個大既冬蔭公湯，呢個冬蔭公湯好足料，入面落左好多海鮮同其他配料，有彈牙既大蝦同埋新鮮既扇貝，飲落去酸酸甜甜咁，幾開胃。另外仲有海南雞髀飯，啲雞係用左雞髀，所以勁嫩滑，油飯同啲醬汁都整得唔錯，高水準之作！仲有豬頸肉飯，豬頸肉燒得幾香。另外仲有飛天通菜，幾新鮮，唔錯。最後，點少得芒果糯米飯呢，芒果勁鮮甜。仲有又大又新鮮既椰青。

H先生每次經過呢間餐廳，都比佢外面廣告相入面既白色湯烏冬吸引到，所以今次就專程黎試一試😋-呢間餐廳有好多唔同既烏冬，有湯烏冬、冷烏冬同素烏冬，當然仲有幾款拉麵同飯可以揀🤩-🍜鮮什菌松露芝士烏冬 $85一上枱就聞到濃濃既黑松露味，白色既湯入面有非常多什菌，再加上一大塊就黎溶哂既芝士，味道非常夾，烏冬同時都入哂味，口感亦偏向彈牙👍🏻仲有隻溏心蛋煮得好靚，又要相機食先喇📸鍾意黑松露既朋友仔一定唔可以錯過🤤

入到去，仲以為自己入錯舖頭明明想食日本嘢，點知改咗食越南嘢。講真嘢食喺唔差，但應該喺門面寫清楚，又或者比人揀先得囉。因為佢落嘩喺手機落單，所以都唔記得影MENU ，同埋我印象中 落單同 賣單 相差一百蚊 ，究竟點解？ （所以 唔記得曬啲名）最好食應該喺個樣炸蝦定肉 圈 ，佢肉感重，每咬一口都喺好彈牙同香脆。之後喺手抓餅，佢嘅生菜真喺好鬆口 以佢嘅碎肉嘅調味都啱啱好 ，有大小辣你揀 。佢嘅雞湯檬撈 ，不過不失 ，啲雞唔老嘅，但無咩特出嘅賣點 聽朋友講 你呢咩脾肉 就有啲乾，得嗰脂肪肉好食啲啲之外 都嗰算好吸引。

夜晚9:10pm進入，同行3人。店員沒有提供Menu，需要用QR code查看及點菜，打算點2個海南雞金邊粉以及1個豬頸肉飯，但網頁無法落單，試了我們3部手機都無效，最後還是要向店員手動點餐。5分鐘後來了1客海南雞金邊粉及1客豬頸肉飯。- 海南雞嫩滑，金邊粉的湯較鹹，整體還可以- 豬頸肉燒得香脆，配合泰式醬汁，送飯不錯可是另一客海南雞金邊粉過了半小時都沒有到來，當中已經向男店員詢問3+次，得到的答覆只是「廚房整緊」，而其他兩台客人比我們遲進來、遲點菜，而食物都已經全部送到，友人的海南雞金邊粉依然無蹤。多次詢問無果，最後另一女店員幫我們查單（對，我們是沒有見到下單的收據，除了最後收錢時），確認是點了2客海南雞金邊粉，再向廚房確認時廚房卻說只有一客，而且已經煮好並且送出了。在友人多番催促下廚房才肯準備這份從來沒有「整緊」的海南雞金邊粉，在9:47pm才送到，已經很接近10pm的關店時間，最後友人只能匆匆食完，都快餓暈了。付款時女店員不斷向我們賠罪，訴說食物沒有出來的原因，是因為廚房的問題，明日會跟老闆討論這個員工表現云云。但看到收據上的10%服務費，實在難以釋懷。這樣的服務不可能口說幾句就

2021.05.17 八沢行到time square附近，實在太熱，見到有間門口唔錯就入左去。入面坐得舒服既，好簡單既裝修，係有幅好大既日本藝妓既畫係牆。以為係食日本野，點知午餐係泰國野，問店員先知係轉左一個星期倒。手機落單，叫左海南雞飯。轉個頭就黎左一杯香茅水，香茅味唔係好出既一杯水。跟住都好快上碗飯加碗湯。擺碟就...唔店，條芫荽放到好Hea...雞件好似砌出黎甘，得雞翼係滑，其他雞肉鞋鞋地...碗湯有兩大舊東瓜，飲到有藥材味，唔知咩藥材。整體麻麻，係冷氣超涼，正。

記得有一次食過 但搵極都搵唔番終於俾我搵得番佢!因為佢牆好有特色😂😂 有大個圖大大碗麵特別記得佢🤣🤣我點左黑松露忌廉海鮮烏冬好香😍 我竟然唔怕肥連湯連烏冬都食埋好creamy 海鮮都有份量嘅成碗清哂😆😆朋友點左山薑汁鯛魚腩掛烏冬店鋪都幾好坐 店員又有善同朋友坐到人地10點關門先走🤣🤣

今日朋友帶我食好西，佢話上次食過呢間覺得幾好食，所以就帶我黎。星期日既3點幾鐘，餐廳冇乜人，加埋我地都係4枱人。一坐低店員就提醒要遵守防疫規則，食物未到唔可以除口罩。🥢黑松露忌廉海鮮烏冬黑松露份量好多，所以一上枱就已經聞到好香既黑松露味，令人流晒口水 🤤 忌廉湯底好creamy又夠甜夠鮮，海鮮份量亦適中，大大舊既三文魚好滑，而烏冬好彈牙，最後成碗清晒連湯都飲埋 😋🥢廣島蠔肉碎烏冬呢碗同頭先果碗係2個唔同既口味，呢碗湯底就比較清甜，鮮味亦較重。🦪 大大隻蠔肉好有口感，唔會韌唔會有蠔殼/沙，仲好鮮味。加上大量蔥絲同蔥粒，令整體味道更加香 😋

位於銅鑼灣嘅八沢 餐廳位置唔難搵就喺正時代廣場後面💡之前經過一直都以為係拉麵店 睇真啲原來先至係食日式烏冬🍜-首先講吓餐廳環境：裝修企企理理、少許日本特色、座位並唔逼夾💯-NANA與友人一人叫咗一碗烏冬：黑蒜炙燒極濃黑豚肉烏冬🐽、雙重芝士豬扒掛烏冬🧀原本諗住叫多一個小食 但睇來睇去都睇唔啱 餐廳小食並不太吸引（個人意見）所以最後都冇選擇到🙃-黑蒜炙燒極濃黑豚肉烏冬 $87呢碗烏冬應該係餐廳嘅人氣之作！食落非常有驚喜💯豬骨湯底濃郁而且又陣陣嘅奶香味 但唯獨黑蒜味不太突出 但因濃郁奶香搭救 NANA都忍唔住飲多幾啖湯！黑豚肉肉質非常淋 如果可以少啲肥肉嘅話就更好😽但整體來講呢碗烏冬都非常滿意呢！-雙重芝士豬扒掛烏冬 $75一開頭見到掛烏冬（撈烏冬）係有啲卻步 因為總會覺得好乾身！但呢碗掛烏冬又冇呢個問題 因為芝士非常搶鏡 豬扒上面黃色嘅芝士味道非常濃郁 好有芝味🧀而白色的芝士汁就較為清淡同稀身 係另掛烏冬唔乾身嘅重大功臣！豬扒炸粉適中 豬肉亦相當淋身 係會令人食完一舊又想食另一舊嗰種🤣整體來講呢個掛烏冬令我覺得撈烏冬都可以好好味💯✨-呢一餐正正就係我講嘅食完之後會感到幸福 可以開心一日嘅「

二訪銅鑼灣八沢🤓🤓性價比超高嘅食府 港島嚟講，每人都唔使$200，每人有1個主食1個小食同1杯飲品🤓🤓食物都系高質的。 黑松露忌廉海鮮烏冬忌廉奶味好香好creamy🤓🤓黑松露同湯底好夾。烏冬偏幼身🥣🥣但好滑好索汁。海鮮有大大粒帶子同三文魚😝😝個三文魚雖然唔系腩但系出乎意料地一啲都唔鞋，入口即溶 🥰🥰。完美。黑蒜油豚肉烏冬個湯好香，系咸但無出面啲湯咁咸。豚肉份量都正常，無想像中啲脂肪，但唔算好鞋。仲有木耳、蛋同鳴門卷🍥🍥做配菜。烏冬索咗黑蒜味超香。牛油金菇包金菇不嬲系我最鍾意嘅菇，焗到吸哂啲蒜香同牛油香。不過個底就咸啲，建議撈勻先食。龍蝦沙律🦞🦞啲龍蝦蓉都幾多同幾新鮮，唔錯。白桃特飲白桃味香，似日本。