八王子拉麵館 (已結業)

本來睇環境都真係幾似日本既拉麵鋪，真係氣氛唔差既，衛生方面都唔差既，但係食物方面真係有d失望，拉麵一定唔係手打係出面一包包買返黎既，份量真係好少最多可以當下午茶，湯底得個咸字，配菜方面就算係正常不過不失個蕃茄沙律只係將佢蒸熟左去皮再放入雪櫃等佢凍再加芝麻醬係上面，但係又去唔晒皮，温泉蛋唔係温泉蛋，正常温泉蛋蛋黃係會流出黎架麻，但係佢e 度果隻又好似熟晒唔識郁 ,唯一值得讚既就係店員既服務態度幾好，會主動加水又幾有禮貌！如果講憑食物方面真係唔知點解可以拎到連繼兩年拎到獎

其實我都算係八王子ge粉絲，由佢佐敦開店就一直都有食開，始終難忘佢牛骨湯濃郁味道同大廚ge專業友善態度。自從知道佢執左，都有少少失望，畢竟佢之前旺角間分店失色不少，做唔番佐敦個種味道，太過走向本地化。重開之後朋友邀請下就去左試下，希望可以食番以前個種味道。只可惜，一切都只係我自欺欺人…過往只能回味…都唔敢試新口味，只係食番最經典個兩款，點知都中伏…我地食八王子拉麵同胡椒風味拉麵，八王子拉麵用ge係豬頸肉，呢樣同以前一樣，但以前塊肉有用火燒過，表面有微微燒焦ge感覺，減低豬頸肉ge油膩感同增加鬆軟口感。而家個塊不單只用水淥過就算，而且仲要冇味…個湯底仲要勁淡味，可以話濃味過清水少少咁多。麵質又冇左以前個種口感同掛湯力，煮得又過左火喉，成碗野真係冇優點可以講…至於胡椒風味拉麵，麵質一樣都係咁差，個湯底不但冇以前個種辣得好過癮ge濃濃胡椒味，仲要極咸…飲完個湯根本就食唔出其他味。塊所謂叉燒仲衰，以前係用日式叉燒，即係肥瘦均勻卷住個種，再係表面燒下，而家就用兩片五花腩，但五花腩片係冇味，冇味，冇味架(好重要所以要講三次)，同只係用水烚過冇分別。烚完都算，明知係五花腩，好心就比多少少調味減低個油

仲以為日本野食都應該唔會太難食得去邊 可能我見識少啦.....今日見肚餓 唔知食咩好就是是但但走去一間鋪食野 見到哩間野都裝修幾靚 就入去試下啦坐低左就叫野 想叫拉麵同炸物 佢地就同我講無哂炸野 不過可能十點收鋪就無得食 最尾就只係叫左碗拉麵點知一試 就覺得拉麵啲湯得個咸字..........我就叫左個菇拉麵 初初飲啖湯 點解會無味既 原來無撈勻啲醬 咁攪完之後就好咸 味道無層次 不過值得一讚既係啲菇好好味 燒過再塗上醬汁 幾野味

今日夜晚係旺角砵蘭街諗住搵間野食, 行行下見到E間野, 門前有貼很多報章評論, 又見裝潢不錯, 就入左去食首先, 間野真係好細, 你見到好似好多人咁, 其實只不過係錯覺, 而咁就可以騙左你入黎食. 再者, 雖然E個係其次, 但因為這篇係負評, 就不妨講下,你坐低之後就會覺得坐得好唔舒服好逼.第二, 食物質素真係好差, 我同3個朋友共叫左3碗唔同口味的拉麵, 但當我試過他們的湯底, 我可以說基本是沒有分別, 再者, 湯底完全只是得個咸字, 例如我叫左黑胡椒湯底, 其實就只係幾咸的鹽味湯底再灑上黑胡椒, 我朋友叫左黑蒜油拉麵, 湯底完全不是過往一直食開的黑蒜油味, 而只是普通鹽味湯底, 根本黑胡椒湯同黑蒜油湯完全沒有分別! 此外, 裹面的肉同蛋係可以沒有味, 我真係唔知點解可以離譜到咁, 正常一個廚師點解會可以做到一碗只係得咸味的拉麵, 而裹面的所有材料係沒有味的, 但仲要賣到成70-90(未計加一服務費)一碗, 十分離譜第三, 服務態度好差, 一間野咁細, 係咪真係咁難去聽到客人? 我多次想埋單及落單都係只係無視. Okay, 埋單我同服務員反應一下食物差, 佢竟然用鄙視眼神對我, 仲好

點左個八王子拉面，個湯一飲落去似係一杯暖水，完全無味。呢世人都未食過咁難食既拉面。再試左個素菜天婦羅，味道還可，不過食到一口油。入黎既時候得一個人，出去時竟然滿座，齊齊中伏的路人們實在可悲，抱住一試既心態都唔好黎。

今晚諗唔到食乜，又成日經過哩間嘢，見到佢個易拉架講到佢個八王子拉麵有幾好食，就入去試試。好期待咁咗個八王子拉麵，拉麵一到就梗係即刻飲湯先，講到湯底係用牛骨淆咗20個鐘，一飲……個湯超咸，同埋有啲辣辣地嘅蔥味！完全飲唔出係牛骨湯……嚴格嚟講係一碗有色啲鹽水……跟住再食埋啲麵，硬到呢……再食埋件豬頸肉，好彩都ok,而且煮得幾腍，但個湯同麵真係好難食……金x郎同味x都好食過佢……仲要$75咁貴！

點解！點解！話我知點解.....以前好鐘意食佐敦八王子嘅芝士拉麵。但係執左就無得食喇......經過油麻地見到同一個logo拉麵店，即刻入去試下，無芝士拉麵......叫左八王子拉麵，燒直菇味噌拉麵，胡椒拉麵和豚骨拉麵個八王子拉麵嚇死人，係牛骨湯喎⋯⋯無味淨係咸味，慘過清湯.....個麵十足上海幼麵......個直菇味噌拉麵黎到睇落去係清湯底，飲一啖先知係出前一丁麻油味，重點係加埋啲味噌，食落唔知點形容......仲有個蛋都好難食......還好仲有啲菇放得落口.......胡椒拉麵都係牛骨湯，無胡椒味之餘胡椒味都冇，好似辣油湯咁！失望！仲要話明係拉麵都比上海幼麵我…！個豚骨湯相對地濃返d味，但係都係無以前的咁濃，隻蛋唔知想點，一夾就爛，叉燒完全無味，麵終於係以前食開既拉麵，但係唔爽口，煮到好淋...可唔可以比番以前嘅八王子我呀⋯⋯！

八王子仲喺油麻地嗰陣 一個月總會幫襯2, 3次 佢啲拉麫好啱我胃口 特別係白湯拉面 麵質好好 夠咬口比較粗身 啲湯好夠味唔會太over 啲豬肉超又厚又嫩好正... 帶介紹朋友去食 個個都話幾好味.可惜舊年突然結業 失望之餘喺FB向佢哋查詢 佢哋話會再揾鋪頭重開 仍然滿心期待今個月終於收到消息話已經揾到鋪位會再開 尋晚襯有時間 叫埋朋友一齊去食 諗住去食返碗久違味道嘅好味拉麵！去到發現招牌紅紙未撕 入到去鋪頭比起油麻地鋪位細 坐落還好 一睇Menus 得一版仲要得勁少拉麵揀 忍唔住開口問staff仲有冇白湯拉麵 staff問 之前有冇喺油麻地食過？Staff就介紹個Menus邊隻係牛骨湯邊隻係豬骨湯 仲狂推介素食拉麵！最後我同朋友各人分別嗌咗一碗牛骨一碗豬骨湯底拉麵 再加牛舌粒 (以後牛舌粒八王子整得好好味 好嫩好juicy) Order完大家都好緊張會唔會有以前水準...牛舌粒先到 份量明顯比之前少好多 一試... Shit 又乾又un 完全唔好食... 食完牛舌粒 我哋你眼望我眼 已經開始有啲擔心... 5分鐘後2碗拉麵送到 一望碗麵 心感情況不妙 個樣同以前完全唔同 先飲湯試味 我

原本下午食拉麵無咩特别，但有場戲送又幾盞喎。事原食食吓聽到有人嘈，原來有侍應粗口連連向着厨房大鬧，跟着衆多食客和我一樣OO頭，莫非過過都有同感？至少我就會覺得食肆有此員工已對此食店評分大大降底。