八王子餃子店 (已結業)

團購時買coupon試食，堂食+1加埋係約$30一餐，叫了一碗餃子拉麵。拉麵的確唔錯，好彈牙，可惜湯底過咸，整體味道ok碗麵入面還有半邊的糖心蛋义燒味道ok，不會太硬和太肥整體黎講可以一試，但如果無團購，價錢偏貴。

今次團購的主角是八王子，它有三間分店，而每間分店供應的主食均有少許出入，例如牛骨湯麵便沒有在旺角出現了。旺角的八王子地方十分淺窄，但顧客卻十分多，可能是有學生的優惠吧! 相對於學生優惠(原價$35-$3=$32)，團購的價錢($26)雖便宜一點, 但卻沒有飲品和小食，哪個是真正的優惠？ 安慰的是Shirley發覺午市定食拉麵的份量是少一點的....八王子餃子拉麵最貴，先試它一試。 最難得的是拉麵沒有半點鹼水味，豬骨湯亦頗香濃，只是油多了一點，是否有必要？ 餃子煎得不錯，日式义燒的味道和肉質均符合要求，只是未有較深印象，溫泉蛋吃不到流心的感覺，因它的心"幾乎被挖空了"...... 但整體上仍可給75分。Shirley便沒有那麼幸運了，她上次到油麻地分店吃了一碗招牌拉麵，竟然吃到“雪肉”！ 义燒仍是凍的，豬骨湯彷彿被沙冰降温，肥膩的感覺就如涼了的豬骨湯.... 40分！差之毫釐，謬之千里，做食物的在每個環節均要用心去做啊!

喱間鋪D野唔錯幾好食，琴日同朋友去食……叫左個餃子垃面同一打餃子…兩樣都不錯……特別係個豬骨湯底…真係幾好味…但係D服務態度就差爆。今日去食野叫個樓面落單，叫左幾次都冇人應。d侍應一個顧住煲電話粥一個就企左係收銀位應該係玩緊電話，好彩廚房人面的哥仔見到幫我叫佢地。服務態度欠佳，下次我仲會幫襯…拉面真係幾好希望下次有改善啦。

都係因為見團購$28一碗拉麵又話日人做顧問, 都算叫抵至去試下之前去完北海道愛上醬油拉麵, 諗住回味下啦, 都諗到唔會同日本一樣味, 但點知完全係兩回事, 好難食囉, 個湯底係黑黑地, 唔係深啡, 味道唔香唔惹味, 係塊豬肉叫好味d, 食完成碗麵完全係味如嚼臘, 重講話係師承日本, 真係失禮人, 完全係混水摸魚呀!$28再加正價加一, 成$33, 食茶餐廳仲好味過佢下次再見到佢既團購都唔會再買, 更何況正價............

買左團購, 睇網上d 人講, 話因為晚上冇套餐叫, 所以 晚上用團購先抵,每個指定ge 面餐, $26 + 原價 ge 加一, $6.4 自己叫左個 牛油粟米拉面, 朋友叫左個招牌八王子餃子拉面, 呢間ge 拉面店有別於其他拉面店, 因為 佢係用牛筒骨, 而唔係用豬骨做湯底, 所以 味道比較濃, 因為我愛味濃, 所以覺得不錯, 因為個湯濃, 牛油粟米 ge 味道 比較難突出, 並唔係一個好ge 配搭, 除左 牛油粟米 , 仲有糖心蛋, 同 兩塊叉燒, 味道亦一般, 冇咩特別, 朋友 食果個八王子餃子拉面, 一來到ge 時候, 朋友就見到幾隻餃子痴埋一齊, 好似煎左好耐, 冇人要咁, 食落, 味道冇咩特別, 而且個餃子係煎過, 直接放係個面裡面, 好似唔係好合適, 如果係分碟上, 係新鮮熱辣, 會吸引d ,

今日同友人C 行開旺角，見肚餓就去女人街睇下有邊度可以坐一坐填飽個肚再行過。其實女人街比較受歡迎既食肆我地都試過，今次想試試d未試過既；選擇困難之際，見"八王子"門外人頭湧湧，就發揮香港人本色：拎左飛先。點之飛都唔洗拎，1分鐘都唔洗就叫左我地入去坐，認真有效率。入到去諗住上下openrice睇下有咩推介美食啦，點知果d所謂推介美食有多過一半係係menu搵唔倒既。咁我地就決定叫一碗帶子拉面 & 一碟八王子餃子，話晒佢招牌係八王子餃子拉面店嘛! 就係落單既時候我地發現左menu右上角細細隻字寫住 "為慶祝本店XXXXXXX，依家凡惠顧任何正價拉面都可以免費追加拉面 (ie 加底一次)"。哇，好抵咁。我地落單話要一碗拉面既時候就問WAITRESS A 可唔可以免費追加拉面，佢話：得，不過要食完碗面先可以。八王子餃子 ~$30/6 pieces煎得幾香脆，但餡就失色 - 冇味兼冇汁，仲要成$5/piece。我都唔想比較，but相比xx大王，人地都係$2/piece，仲要又大隻又多肉汁，呢到d鍋貼實在遜色。帶子拉面 ~$55-60湯底 - 淨係得個辣字帶子 - 冇味 拉面 - 普通到唔可以在普

下午茶 $28 免加一，仲要有罐裝汽水送，真係好抵揀左八王子餃子拉麵，貪佢有叉燒又有餃子d 拉麵之前聽佢講話係自己用鴨蛋造o既，而且d麵比平時多d curve等食起上黎多d surface area索湯，不過我就覺得佢d麵唔夠彈牙.....湯底：面頭有好多香油，不過略嫌太多，雖然個湯都算濃，但始終唔及一風堂同豚王o個種勁濃湯底，不過以 $28 黎講係超值，至少好過味千四十幾五十蚊碗o個d餃子：煎到脆卜卜好香口，之但係索左湯o個邊會變淋左，如果入面可以多番 d 餡就好喇叉燒：成碗麵最好食o既就係呢塊，可惜下午茶得一塊叉燒唔係好夠，佢塊叉燒好似話係用豬面珠登肉，而且火炙過超香，我最鍾意佢係唔會太肥又唔會韌，咬落去又香又有d彈牙，總之就好食啦♥睇menu晚飯時間正價食要$64一碗，無野飲不過就多塊叉燒同糖心蛋，雖然可以無限追加拉麵麵底，但呢個價錢就真係唔係咁吸引喇所以下午茶最抵食，拉麵加埋罐汽水$28埋單真係超值♥

有日行過女人街俾佢個 banner 吸引左我去幫襯，見佢下午茶都有好多選擇，有拉麵、餃子、丼，我比較鍾意食飯，所以揀左個咖喱吉列豬扒飯，真係好好味！珍珠米加上大量咖喱汁，豬扒炸得不錯。雖然係下午茶，制作並唔馬虎，下次一定要再試！

早前買了八王子拉麵的coupon, $28 (其實我不記得是幾錢了) 食一個拉麵. 8時多, 店還是很多人在等位, 不知是否團購的了.坐下叫了兩個八王子餃子拉麵, 因為這個算是最吸引的了.麵上有3隻餃子和半熟蛋. 半熟蛋似乎過熟了, 好在還帶少許水汪汪. 餃子真係幾好食, 脆脆的.拉麵普通, 不太彈牙. 湯是味精湯, 也快飲完了, 因為拉麵淡淡的, 只好每啖附上一口湯來食.$28 來說不錯啦, $4x 的話只有一個拉麵又沒附小食飲品我就不來食了. (所以很久也沒幫襯未千了).

呢日朋友請食飯，帶左我黎試呢間八王子~因為時間尚早，入到去隨便揀位~~我地叫左下午茶餐，有面+小食+野飲個面我叫左一直好想試既鼓油湯底，小食梗係試呢度既招牌餃子啦~朋友既小食就要做雞肉串個面一黎到，我就即刻試個湯好失望....好似公仔面d湯咁.....唔好味....試埋d面....都係麻麻，唔似拉面店食既拉面，好似係出面有得買一包包好普通既日式拉面...好失望....可能呢間唔係主食拉面啦....試埋d餃子~果然唔同，招牌果然係招牌，好味~~d餃煎到香脆，唔會太油，餃入面仲有好多肉汁~~好食~最哀得4隻....每人先食得兩隻....有d唔夠呢....雞肉串就冇咩特別，同出面果d冇分別......果然黎呢間，都係食餃子好~~

是咁的，小弟今天毒自去呢度食今次我用團購卷換了一客八王子餃子拉麵，味道不錯，拉麵彈牙，溫泉蛋正，豬頸肉正，餃子很脆服務員頻頻倒水，態度良好不過湯底偏咸，油份很多，呢度可作改善另外地方較窄，無奈是地產霸權帶來的問題....

今次試餃子拉麵！湯有點油，拉麵還可以，餃子很脆，溫泉蛋不錯，意外地還有三塊豬頸肉，若多一點蔥及芽菜和餃子能分開上會更好，當然不及味吉，但價錢較平！很大碗，食到好滿足！

第一次食八王子選擇了平日晚飯時段用餐, 幸好不用排隊等候便有位了店舖間格:::★★略嫌有點細, 位子也較狹窄, 冷氣尚可, 舒適度一般食物味道:::★★★份量十足 拉麵也算彈牙, 湯底也很濃味, 可惜太多油, 有種很油膩的感覺, 需要不斷飲清水值得一提的是拉麵是可以免費添加的 不過驟眼看上去需要添加拉麵的客人是零, 大概是份量很足可是恰巧我沒有吃午餐, 肚子餓得很, 吃完一碗後仍有餓意, 所以就毫不客氣添麵了添加的份量=原本的份量 即是說我足足吃了整整兩碗拉麵有讚也有彈, 雖然拉麵彈牙湯底濃味, 可是吃上去有種感覺: 拉麵歸拉麵, 湯底歸湯底 完完全全分開了!!!而且個人認為餃子應分開上, 放進湯浸了一會後便會"林"了, 而且口感會減分, 建議餃子分開上, 或者可散叫一碟餃子服務態度:::★★★★很有禮貌, 當晚環境氣氛也很融洽, 也主動添水(因為很油膩, 所以我和友人要多次飲水)整體:::有機會會再來用餐, 不過會選擇午餐或下午茶時段, 因為價錢較便宜而且份量也差不多

第2次黎食啦,因為團購過而認識呢間店子!小小的店,但企企理理,乾乾淨淨俾到顧客最基本ge環境先!呢間店唔期望拉麵有幾好食,但對餃子就有一定ge預期八王子餃子拉麵,當中餃子真係與別不同! 涵唔多,但好野味!湯底其實都好唔錯,係多油左少少,有2塊豚肉ge物體,係特別好味!超正!!!個溏心蛋都好特別,我以為蛋白係硬身,點知同蛋黃一樣軟身,好好味>.<另外點多個章魚燒,面頭睇落去好炸物feel,但個涵都好多料,唔係虛ge,所以都有少少硬身,都食得過!整體唔錯,會再黎=]

掛住煲劇的中秋,眼瞓到連節目都冇諗加上患上咗"煲劇後群症"為食嘅我連諗食乜嘅意慾都冇晒嗯...是是但但走入女人街.見到呢間八王子!!丫~未食過架喎咁就入咗去試他的八王子餃子拉麵,湯底不過不失,佢話係啲麵爭啲隻蛋有驚喜.我的牛油粟米拉麵,湯底不會過咸,經常都會食到啲重手咗嘅牛油拉麵,咸到暈低.北海道芝士餃子,原來係好多芝士包住隻餃子,感覺好特別呀.芥末枝豆春卷,鍾意食枝豆鍾意食春卷皮,不俗