八麵玲瓏 (已結業)

中秋節o個晚終於有機會去試試service 同食物都係above average可能因為做節關係，人客好少，埋單時仲發現得我地一台客添service 真係好好，好有禮貌，雖然係漏左落杯凍檸茶，但係冇乜所謂啦食物方面，我叫左蝦球撈麵同埋佢個招牌八麵玲瓏麵再加碟菜其實可能會淡左d，如果喜歡清淡既朋友一定岩晒喇，我就岩晒喇!!如果想濃味d佢都有其他選擇，而且我最鍾意佢d 麵有得揀，有我至愛菠菜麵同烏冬，多d 選擇。而且仲有部電視，我仲睇到少少鳳凰四重奏既結局添

看戲前要醫肚，由於朗豪坊一向「無啖好食」，就到隔鄰的朗晴坊找吃的。我點了招牌麵，麵聲稱是日本拉麵，看樣子已知不對辦，入口果然又軟又腍，是我最不喜歡吃的那種麵質。湯底可選清雞湯或鮮茄湯，揀了後者，倒還不錯。不是很濃稠像喝番茄湯那種，但酸酸甜甜的，夠開胃。招牌麵有四種配料，炸雞翼和魚扎都是穩陣之作，無甚特別；魚腐是呈片狀，我也要翻看餐牌才知那是「魚腐」，味道也絕不相似；水晶丸外面是透明的一團，包著蘿蔔絲作餡料，質感怪怪的，又飽滯。友人點了酸菜魚扎米線，一向諸多挑剔的他竟然一聲不響幹掉整碗米線，事後報告米線帶韌勁，味道不錯云云。餐飲要凍咖啡，竟然加上了忌廉，雖然味道淡，但也見誠意。店子環境明亮整潔，價錢實惠（麵連飲品2x-3x元，不收加一），服務也可以，所以可能會翻兜，但絕不推介招牌麵。

前日和男朋友見雜誌介紹上去試下,我地都叫左招牌麵餐,$35包埋餐飲,唔計響茶餐廳度食, 呢度坐得舒服D, 晚餐黎講算好抵!!不過我地蠢左, 冇叫其他野食試下,兩個都叫招牌麵餐,貪佢好似好多野食,但係瀨野.....湯底要左蕃茄湯,個湯多料都幾好味佢個招牌麵有4樣餸兩隻雞翼==> 好味兩舊水晶丸(其實係蘿蔔絲) ==> 個人黎講唔鐘意食兩舊魚扎==> 凍冰冰兩舊魚腐==> 咬口好怪, 散散的, 唔及魚米之家咁好食!成碟餸我覺得只係雞翼好食早之剩係叫個雞翼麵, 都只係$30.....環境好, 價錢平, 下次會再黎試過~~

其實呢度既前身係麵軒, 所以呢度d格局/裝修係上一手留低的!~只係多左部plasma~睇飲食男女介紹呢度先知呢度重開+改了名,同男友各叫了一個招牌麵餐, 好似有好多野食咁,但冇一樣我覺得好好食...連個麵都只係普通。d 配料係幾特別, 但唔係好食囉..加$6 要杯特飲, 要左哈蜜瓜特飲,嘩....第一次見哈蜜瓜汁係綠色的, d味勁假, 好難飲...但價錢+環境又唔係唔抵既, 但未必會再來!

琴晚同同事開完會黎食飯因為怕多人早一日打黎book位點知七點半黎到都只係得幾檯客真係登佢有d擔心兩個都叫左西式dinner set分別係牛扒伴天使麵($48)同羊扒伴天使麵($55)餐包蒜蓉多士同忌廉湯蒜蓉多士夠熱又脆又夠味有驚喜忌廉湯有粉粒而且蘑菇份量太少一般同事個牛扒煎到八成熟帶少少韌,ok羊扒一碟有三件但肥肉同骨各佔一半所以肉得兩三啖default係蒜蓉汁味道不錯又夠多撈麵食天使麵極幼食落似檬粉多d餐飲我地各加6蚊要左特飲我既朱古力沙冰唔太甜味道唔錯成個set份量足又唔油佢俾左個梳化位我幾好坐環境唔錯又舒服侍應反應快亦好幫手仲要唔收加一旺角區黎講係個唔錯既選擇

今日同d舊同學食飯, 咁三個人咪諗住搵間坐得舒服既試試啦, 咁見食評話ok價錢地點又啱咁就打唻訂位勒環境都算坐得舒服, 招呼都唔錯好勒到食物質數勒：我地每人叫左d唔同種類筒飯(幾好), 天使麪(唔錯)，湯麪(ok)。本來食飯都感覺唔錯但坐多陣我地叫甜品...咁就賴野勒個芒果西米露係我食過咁多糖水最差既勁稀，完全無味，總之唔得我個fd叫chrees cake都係一般。總之唻食野唔叫糖水就無事勒

今晚六點半黎到...唔太多人...! 又唔太肚餓....於是叫左個健康什菌菠菜麵....加熱菊花薑蜜茶....而老公就叫左個茶樹菇香肉五穀飯加凍奶茶! 菠菜麵叫左個蕃茄湯底...唔錯...唔太鹹又無乜味精.....而杯茶又清清地! 茶樹菇質感較硬...不過幾有咬口...飯又香! 整體唔錯...蔡瀾無介紹錯!

又是誤打誤撞找到好地方星期六晚上,來到朗晴坊睇眼鏡順便食埋飯,本來想食樓上日本菜,但上去見到唔係太o岩口味, 而黎到呢間門口覺得入面裝修很不錯, 所以就衝左入去喇店內很光猛,裝修簡潔,座位很寬敞,台椅的設計很有心思,卡位sofa 下面更加有lighting 呢,感覺上好像一些上樓cafe 但感覺甚至比cafe 更舒服~雖然佢係以麵為主要賣點, 但晚上也有西式set dinner 和cheese cake 等。叫了個牛扒餐配天使麵, 男朋友仔叫了個南京牛肉配天使麵(哈哈,很有趣的配搭呢)。首先set dinner 的忌薕湯充滿著大大塊的蘑菇, 還配有大大塊蒜蓉飽, 很美味^^, 而主菜牛扒就有點"un",有點難切,但佢個蒜蓉汁就不錯。男友點的南京牛肉也不錯, 味道很濃郁.食完仲叫左個藍莓cheese cake, 只是$ 10~此外, 這裡的服務也很不錯, 店員都很有禮貌唔收加一之餘, 我地埋單$99, 我俾100, 佢地$1 都照找返俾我地, 唔似得某d餐廳找幾蚊當無件事2個人食飽飽,食埋甜品, 都唔使100, 抵呀~~下次同朋友食飯or傾計都可以考慮下呢間^^

i tired that at last sat,the environment is good,the seat very confortable and spacious!好光猛!most important is noone smoke at there!its hard to find a rest'at mk that no smoke!i like it!i tried the soft bone of the pork noddle,i choose spinash noodle.very good!all is perfect!the spainish noodle very soft too,healthy!they hv noodle set include one drink,total $30.they have dinner set too,have some western style food(like lamb,chicken...)but i perfer noodle more.but after the lunch,i feel very thir

阿J睇雜誌搵到呢間新餐廳,佢地主打係食麵,岩岩個日同阿A & 花花去街,於是叫埋佢地一齊去試下:豬軟骨撈北京拉麵-唔錯,豬軟骨幾入味,煮得好軟,麵幾彈牙豬頸肉湯伊麵-好味,份量都幾多,配合清湯味道幾好雞配湯北京拉麵-有好多件雞,味道幾好呢間都幾睇食,3個人食都唔使HK$100,下次會再去。

好有閣樓Cafe feel, 裝收以米白色為主, 有好整潔的感覺, 野食就一般啦, 服務唔錯, 但都幾嘈

某天睇見飲食男女(跟便利個本)推介, 係旺角朗晴坊上面, 朗晴坊?! 睇地圖真係睇唔明, 淨係知係朗豪坊附近, 某個星期6(22/07)送姐姐搭車時候竟然無意中發現到, 原來就係朗豪坊隔離, 地圖老點囉=.=" 即晚走左上去試, 間野唔算好大間, 但都唔細, 有條男子服務幾好, 星期6晚係旺角都唔駛等位, 我諗大概係因為佢係樓上舖+ 開張幾個月卦, 入去雖然坐唔到卡位, 但條男子都專登俾張睇到電視o既位我地, 1有卡位仲即刻轉俾我地坐~ gd呀^^ 叫左個招牌面set + 豬軟骨兩面夾攻set + 油菜招牌面set ($35) : 湯底有兩個揀, 清雞湯/蕃茄湯, 我梗係揀蕃茄湯啦, 碗面勁大碗, 係日本拉面, 勁多蕃茄+ 雜菜, 但個湯太清, 無蕃茄味咁, 係好健康咁o既感覺, 不過好似滾湯咁, 跟4個食送~ 水晶丸(白蘿蔔蓉)x2 + 日本魚扎x2 + 煎魚腐x1 + 炸雞翼x2 , 抵呀^~^ 本人因為唔舒服, so飲熱柑桔蜜, 唔駛+$ 豬軟骨兩面夾攻set ($35) + $6 : 係拉面+ 波菜面, 豬軟骨OK得, D 汁撈面好好味^^ 仲跟碗蕃茄湯~ 好味過我個招牌面D

真係要推薦下，我去過這麵店2次，佢\地整D食物比較健康，又冇味精！湯底有雞湯同雜菜湯選擇，個人推薦雜菜湯底。在旺角好難找到一間咁舒適地方咁大既麵店，喜歡靜靜地又唔嘈吵，直得一試再試！店員服務親切有禮

當日同2個朋友行朗豪坊。係附近收到傳單介紹呢間食店。就上去一試，上到去感覺唔錯店環境好舒適。係旺角算好難得。我地三個人3人各自叫左碗麵，另加小食2款。味道不俗，鴨胸好味。每人仲有飲品都只係百多元埋單，食到捧住個肚走。當真有啲意外驚喜，值得推介。

是日要小妹安排飯聚...班團友開既條件都幾「辣」：1. 要好食同夠食2. 要光猛同坐得舒服3. 要坐得耐唔趕人走4. 時、地：星期日夜晚@ 旺角5. 價錢：$50 - $60頭痕。要五者（其實多過五者）完全兼顧，真係有D 難度...唯有「事發前夕」落區做research。星期日晚旺角呢間店異常地靜（至起碼入得梯既都淨係識上樓上cafe），D friend 仲串我話呢間一定係黑店...睇o下點。一行五人，三男兩女，其中四個係飯桶（無論食字定實際上都係，而其中一個係小妹），所以叫o左四個飯桶，一個三色拼盤：三色拼盤係豬頸肉、鴨胸同八爪魚- overall 細碟，但D 八爪魚好巨型。四個飯桶分別為（由上至下，左至右）：燒鰻魚炸帶子、日式牛仔粒、白汁海鮮同台式家常，全部以五殼飯（白米、糙米、紅米、麥米、黑糯米）做底；雖然唔係大盛、亦無話屬邊門邊派，但D 味...除o左白汁海鮮比較淡之外，都係好入味、新鮮同夾- 至少五個人都食得飽飽。自信，見於檯面無鹽同胡椒粉盅。個飯其實係套餐，有湯有茶，加錢轉特飲：湯係金銀菜乾湯，多菜，無味精，好；特飲叫o左黑加倫子蘆薈、青蘋果蘆薈、八麵玲瓏特飲、凍啡（ser