公車泰國餐廳

营业中

休息中

爬完文諗住試吓有冇伏🤨點知中到應一應中午訂枱，夜晚7點左右食，今晚約埋屋企人一行6人(4大2小)，差唔多7點到餐廳，可能太早，唔見有客餐廳環境都舒適，夠闊落同光猛落單都叫咗好多嘢-生蝦 $168 得6隻，仲要唔係好新鮮嗰隻🙄-酸辣鳳爪沙律 $88 ，成碟嘢好少，得7隻定8隻鳳爪，有啲仲要係開半再開半，可能我賺咗🤣紫洋蔥應該有半個-木瓜沙律$78 ，呢碟係伴碟嗰幾塊生菜大到呢🙄🙄，青木瓜絲係好多，面頭仲有啲啡色嘅汁，以為冇死啦，但成碟嘢冇味🤦🏼‍♀️-蒜蓉包$48 ，份量都有6-7塊，但勁多蒜蓉，係多到又苦又咸，攪個包中間位好韌😵，只可以話我唔識欣賞-薄餅$42，有2大塊再開成1/4圓形，即係有8塊，一上枱都即刻食，淋嘅🤔🤔-小食拼盤(小)$128 ， 又係妹仔大過主人婆🫣，炸蝦餅我諗都有8大塊，呢個蝦餅係全餐入面最好食，有兩條春卷，剪都冇剪，有半枝筷子咁長。。兩件開半嘅蝦餅同魚餅，正常發揮，冇乜特別，仲有兩串沙嗲串燒，得啲沙嗲汁同椰汁味，啲豬同雞係冇味-燒豬頸肉$88，一般般，有啲燶-明爐烏頭唔記得$148定$168 ，呢個最大獲，落咗單都成半個鐘至9個字先到，都唔緊要，係條魚上面有啲豬

元朗真係好多好野食～今次試吓呢間開係西菁街嘅泰國餐廳 食完發現佢真係好抵食🇹🇭• 泰式小食拼盤（細）$128 🍢小食拼盤份量足夠4個人食 有春卷、炸蝦餅、泰式魚餅、串燒、炸蝦片 全部熱辣辣 好食！• 泰式燒豬頸肉 $88 🐖豬頸肉份量估唔到咁多 調味唔錯 燒得好香• 泰式炒金邊粉 $88 🍝炒金邊粉入邊有蝦有雞 味道正常 • 青咖喱雞 $88 🐓佢哋青咖喱雞係用有骨雞件 唔錯唔錯 但感覺青咖喱係比較香港style～ • 蒜蓉包 $48 🧄蒜蓉包岩岩整出嚟熱辣辣 可惜係麵包本身唔脆有啲韌 牛油味好重個蒜香麻麻～• 椰青 $42 🥥我地叫咗三個椰青 我嗰個好清甜啲肉好夠腍勁正🫶🏻 可惜屋企人嗰個佢飲落去已經話唔新鮮怪怪地 飲到最尾諗住食啲肉先發現椰青入面全部黑黑啡啡咁 應該真係唔新鮮 不過因為我地飲曬先發現就冇同餐廳講luu總結：好推介住附近嘅人去呢間泰國菜！！餐廳平日有套餐好抵食 整體食物好味 性價比高 坐得幾舒服 4/5

媽咪其實好鐘意食泰國菜今日同佢去元朗就順道搵下有咩選最後揀左公車泰國餐廳地方都好舒適唔會坐到好迫我地坐梳化位置叫左二人套餐$148係好抵食12項選擇選2項如果要明爐烏頭加$30送2碗白飯+2杯熱飲因為媽咪鐘意食魚所以我地揀咗魚同泰式豬手另外加咗泰式酸辣鳳爪沙律飲品方面叫左泰式奶茶同珍多冰因為我地都怕食唔晒只叫侍應哥哥只出一碗飯比我地就算免得浪費飲品方面泰式奶茶唔會太甜平時出去飲有機會得個甜字呢度就剛剛好有茶味得來唔會死甜幾好珍多冰正常發揮一樣甜度適中之後就係泰式鳳爪沙律佢係用去骨鳳爪酸酸甜甜好開胃沙律都新鮮泰式豬手我想話如果叫左呢個豬手係一定一定要叫碗飯個汁好好食送飯一流豬手夠淋再加埋側邊d梅菜真係可以食晒成碗飯明爐烏頭我覺得如果鐘意食魚一定要加$30叫都抵食個汁做得唔錯魚又夠嫩我媽咪連d配菜都食晒同埋會愈食愈愈好味個汁再滾下會仲濃最後真係得返魚骨下次如果出開元朗想食泰國嘢應該呢度都係首選佢仲有午餐同下午茶都好抵食下次又試下先

元朗區的西菁街食肆臨立，位於轉角路口的公車泰國餐廳價格合理，是區內抵食之選。餐廳地方十分闊落，光猛整潔，座位寬敞。午餐餐湯是東瓜湯，熱騰騰之餘味道濃郁，帶點胡椒香味十分開胃。海南雞半隻$98肉質新鮮彈牙之餘亦十分嫩滑，配泰式醬汁更能帶出南亞風味。午餐泰式炒金邊粉$58份量十足，愛其微甜的泰式風味，配料有櫻花蝦、肉粒及韮菜等，十分醒胃。泰式豬手飯$58豬手咸香惹味，油香十足，入口即溶，配鹵水汁更令人欲罷不能。蝦醬炒通菜$68蝦醬鮮香，火喉十足，通菜亦爽脆，惹味之選。餐飲凍檸茶及薑汁泰式咖啡芒果糯米飯$68芒果鮮甜，糯米香軟，加上椰醬更見吸引。

7點幾路過入去試吓，唔洗等位，店內都幾大，幾多枱，不過都幾滿幾多人食。餐牌選擇多，燒物、串燒、炸物、湯粉、炒粉、炒飯、甜品、湯都有齊。燒豬頸肉，燒得幾香，肉好軟熟，皮少少脆，不過有啲細炒飯炒得夠乾身，海鮮就係有幾粒青口魷魚，同埋三色豆豬扒比較鞋同乾，肉厚實，麵唔係好多炒牛河都係炒得算乾，冇乜油，呢隻寬河粉好食，牛肉都ok，牛肉都有好多塊開頭落錯咗上咗蝦餅春卷比我，叫咗佢換。全部炸得熱辣辣，好脆，魚餅就唔係好夠香料味。

今日試試元朗一間餐廳星期一至星期四有二人套餐，幾抵食（二人套餐六點後$198）我哋叫了明爐烏頭，泰式豬頸肉，青咖喱雞。飲品方便我們叫了珍多冰同青檸Soda明爐烏頭：魚汁酸甜適中，魚上面的配菜令魚汁更香，很開胃，送飯一流！泰式豬頸肉：份量算大，唔會太硬，爽口！同埋薄切，所以口感送飯都好正！青咖喱雞：加咗椰奶，咖喱香料足夠！味道是甜咖喱。十分開胃，撈飯食會令人想吃多一點飯！青檸梳打：是一支玻璃樽裝梳打水！所以一定夠氣！珍多冰：都算大杯，朋友話唔錯！環境地方座位算多，坐得算比較舒服，二人套餐，值得推介！

係香港食過最難食嘅泰國菜，無一樣野係好食嘅！首先，叫左黃咖喱雞配薄餅，薄餅一早上咗，咖喱10分鐘後先上，當咖喱到咗嘅時候薄餅已經硬過石頭。咖喱味道似茶餐廳港式咖喱，啲雪藏雞，完全唔入味，得雪味。馬拉盞炒肥牛通菜，好咸，又食唔到馬拉盞，啲菜又老。海鮮冬陰功湯個味道還可以，但係用雪藏海鮮，已經雪到爛，扣哂分。豬手都算大碟，但個味又咸又甜，好奇怪。豬肉生菜包，炒得唔香，賣相又差，但味道係接受到嘅。炸蝦餅、炒金邊粉、火車炒飯，味道中規中矩，得依幾樣屋企人係食得多少少，其他係食幾啖就無人再夾。唔知係多打手定廚房佬今日心情唔好，成餐飯食完係唔開心，好難無食過啲咁難食嘅野。請都唔會再返黎食。

今晚再次黎到元朗著名食街西菁街揾食，係咁熱既天氣，一定係食泰菜系必然既選擇，冇耐之前已食過公車泰國餐廳，佢地既性價比較高，而且環境開揚光猛；室內嘅配搭令人感到系泰國火車內，可算係去過咁多間泰菜餐廳之中相對舒適。“泰式燒豬頸肉”份量同價錢相比下合理，燒得好食， 有有少少焦脆， 但肉篢唔韌， 醬汁帶有小小辣而味道夠哂惹味。“泰式肥牛湯河”，半生熟既肥牛，肉質偏淋適中，口感很好，質地爽滑彈牙。河粉份量豐富。“泰式雞絲湯河”雞絲份量多，河粉爽口，冬蔭功味濃又唔會太辣！超級抵食！“菠蘿冰”“珍多冰”此外，餐廳提供超值二人套餐， 喺多款小菜內選擇兩款， 再配兩個白飯及飲品， 價錢由148起。

第一次寫食評。就係為左呢間餐廳。一家人去食晚飯。點左泰式鳳瓜 甜嘅。咖哩炒青口。得六舊好細味道一般。菠蘿炒飯可以。泰式拼盤雞串好硬。魚餅麻麻。蝦餅ok 兩個椰青最正常。好戲就在後頭。塊薄餅遲遲唔上枱。催一催就出事。 成塊都係點點黑色野。反轉一看仲嚇人。煎唔透油淋淋。不知所謂。咁都上得枱比客人。 我家人話四十幾蚊癈事同佢嘈。最多下次唔再去。成餐飯淨係聽到一男一女員工大大講野。對同事好不滿。一名著住員工制服男坐响餐枱同另一名女子鬧交。 非常騷擾。整體來說印象差 不會再去。

最近去咗元朗食嘢，發現咗一間正宗泰國餐廳——公車泰，真係大開眼界！佢哋嘅菜式咁多元化，有啲泰國經典菜，亦都有啲特色料理，絕對係泰國風情嘅最佳代表。馬拉盞炒通菜係我強烈推薦嘅菜式之一！佢哋嘅馬拉盞醬香辣而不失層次感，炒埋通菜入面，令到通菜嘅清脆口感同馬拉盞嘅香辣味道完美融合，一啖落肚，辣辣地刺激味蕾，真係好開胃公車泰嘅泰式炒粉絲。佢哋用嘅粉絲又彈牙又有嚼勁，加埋啲新鮮嘅蔬菜同香料，令到整道菜色彩鮮豔，味道鮮美，係一個咁簡單又美味嘅泰國經典。泰式辣肉碎炒河粉係另一款令人垂涎欲滴嘅菜式。河粉炒得香口又彈牙，加埋啲辣椒同肉碎，嘅辣味夠勁，每一口都係辣辣嘅滋味，真係令人上癮！椰青好新鮮，每一啖都係椰汁嘅香甜滋味

見到呢間公車泰國餐廳，環境幾闊落，今日黎試下。叫返平時食泰菜最鍾意叫嘅泰式青咖喱雞、明爐烏頭魚、馬拉盞炒芥蘭非常推介青咖喱雞，雞嘅份量都唔少，似係烤過更香口入味。撈一碗飯冇難度～🤤青咖喱裏面亦都有泰國茄子，同平時食開嘅好唔同。明爐烏頭魚上枱嘅時候已經熟咗，所以唔使等好耐就食得。湯汁酸度適中，肉碎醃得幾好味。而魚肉因為冇煮好耐所以仲係好滑！另外配上一碗湯汁，因為碗湯都好好味所以我哋都飲晒。我第一個飲象啤，一個飲椰汁冰食飽飽大滿足～環境闊落一家大細嚟都好適合

第一次食佢嘅午餐🥣食物嘅質素都是很不錯的唯一不好的就是價錢不太美好😂後來朋友同我講呢間泰國餐廳下午茶先係最抵食，性價比超高！不用$50就有河粉或者炒飯加一杯飲品而且份量都係很足療的同午餐嘅份量都係差唔多🫢自己最鍾意食佢嘅河粉，豬頸肉係好林嘅而且有足足5塊❣️

服務非常差，幾個侍應在餐廳唱歌，高談闊論，完全漠視客人感受。食物也上錯了，沒跟飯說成有跟飯，最後飯不來才知道。隔離枱的食物上在我們的枱上。待應上菜時態度很差。食物也非常一般，以後絕對不會再來。

又到放假天，晴晴吵着要出外玩公園。於是吃過午餐後，媽媽和我便帶她到公園玩滑梯 。一玩就已經2個小時了，哈哈，快樂不知時日過。玩完後，大家都覺得有一點肚子餓，於是即興地走到公車泰國餐廳食下午茶。公車泰國餐廳的下午茶之前已經食過幾次，就是覺得又便宜，又抵食，而家食物份量又大份，食物質素亦是正常滿意的。所以每次一到附近，都會選擇光顧公車泰國餐廳。人均消費$86。泰式炒粉絲$42加$25 有椰青飲一大碟，份量算多，還以為下午茶時間下單的會小一點，原來都不小，而且炒得乾身，調味和配料各樣都滿意。所以覺得幾抵食。泰式香茅豬扒湯河$42豬扒的面積比手掌還大很多，肉質不硬，比較軟身的，易咬易咀嚼。調味適中。湯河的河粉滑溜溜的，湯底清清的。有蘿蔔等其他配料。串燒（豬加雞）$35惹味可口，醬汁有風味。晴晴食完一啖又一啖。泰式椰汁燕窩$88每口都食到有燕窩。足料。椰汁味豐富，這飯後甜品很滋補。哈哈。

公車泰國餐廳位於元朗西菁街，提供地道的泰國菜。炭燒豬頸肉撈檬是我最喜歡的一道菜，豬肉燒得香脆，肉質鮮嫩多汁，搭配上檸檬的酸味和香草的芳香，很開胃。泰式炒飯也很好吃，米飯炒得香氣四溢，牛肉肉質嫩滑，口感非常棒。泰式咖喱海鮮和泰式海南雞都是用椰漿和咖喱熬煮而成，味道濃郁醇厚，海鮮和雞肉都煮得入味。泰式咖喱海鮮中的鮮美海鮮與咖喱的香辣味道完美融合，讓人無法停止舌尖上的味蕾冒險。泰式海南雞的雞肉肉質鮮嫩多汁，搭配上咖喱汁的香味，是一道讓人驚艷的美食佳餚。最後，我試了芒果糯米飯，糯米飯口感Q彈，搭配上新鮮的芒果，甜度適中，是一個完美的結尾，讓人回味無窮。總的來說，公車泰國餐廳的菜式非常豐富，味道道地而且十分美味，價格實惠，是一個不錯的選擇，強烈推薦！下午茶餐Q26炭燒豬頸肉撈檬$48 +$2 泰式奶茶Q5 泰式炒飯 牛 $42 +$2 泰式奶茶正價餐泰式咖喱海鮮$98泰式海南雞 半隻 $98芒果糯米飯$68📍 公車泰國餐廳 (元朗)元朗西菁街2號興旺樓地下2-3號舖