六十年代

营业中

休息中

平日經過冇試過，今日決定嚟試一下，午餐多數都係40幾至50幾蚊。入到去坐，其中一個短髮樓面表演飛餐具盒，我就首先唔明白點解一個餐具盒唔可以輕輕力放喺度而係選擇飛埋嚟。之後叫咗個午餐，上菜速度算快。嚟咗呢一個叫做茄汁水蜜桃鴨胸意粉，午餐嘅溫度唔算高，應該已經放置左一段時間喺廚房，所以餸菜速度先咁快。味道方面，茄汁冇茄汁味，完全係超級淡而無味。份量極少，得4塊細細地嘅鴨胸肉。呢間野完全係失望。我諗我唔會再嚟呢間度食，多謝晒

今早係逸東六十年代食早餐服務差啲食物又差問佢攞個餐刀揸牛油去攞把濕曬餐刀隊俾你全手濕晒！幾張枱無牙籤問拒攞走去唔知邊度攞兩支插番喺個牙簽筒懶個鬼！腸仔煎蛋腸仔好似完全無煎過餐包凍冰冰😩

已經有好幾年沒有到逸東了，這次來到看見多了「六十年代」這間茶餐廳，裝修非常有特色，便也食食看看。我們的用餐時間是下午茶時段，價格頗為划算，味道則較普通。炒蛋治雞蛋很厚身，而且不會太乾，味道不錯。魚柳配辣味薯皇，味道普普通通，不會覺得很油。然後是非常普通的豬扒公仔麵，普普通通。

是日入開東涌，好想食港式早餐，甘岩路經此餐廳。好彩早左5分鐘入去，唔洗排隊。叫左個早餐沙嗲牛肉麵-奶油豬熱騰騰，又脆口👍-沙嗲麵，醬夠濃，牛肉入味，份量適中-奶茶滑，又夠熱，又有咖啡糖揀 呢一個早餐最後埋單$38，實惠，份量岩岩好。

今日媽咪冇煮飯 於是去六十年代買外賣晚餐其實都算多選擇但由於我唔食豬 選擇範圍即刻收窄晏晝又已經食左咖喱所以其實都冇咩可以揀唯有膽粗粗叫左個芝士海蝦伊麵總覺得呢啲係酒樓或者舊式海鮮飯店先會好食 有時甚至乎酒樓都可以整得唔好食所以我覺得自己好勇敢結果竟然相當有驚喜 令我忍唔住要寫返篇食評(可惜食前冇影相 因為對佢冇期望)伊麵嘅芝士汁好香 夠味咁當然唔會係韓式芝士好濃好杰嗰種 但濃淡我覺得啱 啱 好 絕對唔係好稀好水淡眸眸伊麵亦唔會過淋 都係啱啱好 芝士汁都算多 足夠掛滿每一條伊麵 但食晒成個都唔會覺得好膩至於個蝦 更加有驚喜可能係我對茶餐廳期望太低 我冇諗過佢會燒完啲海蝦先再回返落個伊麵度煮所以除左烤過嘅蝦夠香 個殼都好味之外連個麵都隱隱約約有陣烤過嘅味 的確唔錯 而且份量唔細海蝦有四隻 每一隻都唔細如果佢其他小菜都有咁嘅水準就好

食過好多次沙嗲牛麵, 除左有一次煮濃左, 每次都好好味, 味道調得好, 啲牛又唔會乸到淋晒🤤 奶油豬外脆內軟, 炒蛋都好食~不過最近個公仔麵底轉左, 無咁好食, 希望老闆會見到呢個post可以入返之前果隻麵🥺餐廳環境都唔錯, 見到有人話入面好嘈, 我又唔多覺, 裝修都唔錯, 不過啲櫈成日都有麵包碎, 希望可以清理得密啲。順帶一提, 入面取消左wechat付款同埋播緊ViuTV, 更加令呢間餐廳變左做我嘅first choice😘

兩個人喺大嶼山行完山，本來諗住去東涌市中心食嘢，但係經過逸東邨嘅時候，想入去發掘吓有乜好嘢食。見到呢間，外邊裝修有啲懷舊，茶餐廳格局，決定試吓。裏面裝修又好似冇乜懷舊feel喎😅。下午茶時段，佢都有唔少選擇，行完山好熱胃口一般，想叫啲辣辣地嘅嘢食，就要咗個星洲炒米。好快嚟到，睇落炒得幾靚，有蝦有火腿有芽菜有蔥，仲加咗啲芝麻喺上面；食一啖，微辣，吵得幾香口，米粉同配料味道好夾。下午茶當然有嘢飲，加$3可以飲凍嘢，我要咗杯凍檸茶，大大杯，有四、五片檸檬🍋，味道唔錯。總體都幾滿意。

一次夜晚同呀妹黎食茶餐廳，見新開就去試下啦，環境舒服又唔太逼。嗌左個鐵板西冷黎食下，送過黎熱辣辣，仲好有鑊氣！除咗主餐之外，仲有羅宋湯同甜品雪糕添！服務態度又唔錯又抵食下次會再幫襯

Today I visited Tung Chung and had breakfast at 'the Sixties'. The satay beef noodle is quite nice as the noodle isn't very soft, and the beef is also quite tender. The scramble egg is very creamy yet it's a bit oily. The toast is nice as the outside a bit crunchy but it's soft inside. This modern cha chaan teng will let you begin your day wonderfully 🌞

🚲黎東涌踩單車之前，在逸東食個lunch，就黎左依間啦，門口有不少人排外賣的，我們堂食就馬上可以入座了。食開沙嗲牛常餐，不過店員話無曬了香辣肉碎雜菌米粉 $43 配炒蛋厚多士😮呢款常餐比較少見，肉碎出奇地原來幾辣下，所以我幾鐘意，😋不過如果肉碎份量更多會更好朋友叫的雞翼米粉，不過雞翼得兩隻，多番隻會好啲👌厚多士ok 不錯的炒蛋賣相不錯，360牛乳炒滑蛋係幾滑，但食落好似無咩蛋味.呢間茶記係東涌黎講算係咁啦，價錢ok，可以再黎

晚上9:30逸東已經冇乜可以選擇本身諗住食譚仔 但係疫症期間 譚仔都提早關門 呢間餐廳衛生都好好 見到阿姐左抹右抹 可以安心d堂食 外賣仲有88折菜式有好多選擇揀咗佢晚市嘅孖寶套餐口水雞🐥🐥同🐟🐟魚香茄子煲 跟兩個例湯同兩個白飯熱飲加$6 凍飲+$9呢間茶餐廳有好多雞類嘅菜式口水雞厚肉麻麻辣辣 勁開胃 好過好多川菜既口水雞 冇肉又唔香口魚香茄子煲一落檯出晒煙熱辣辣 真係即叫即煮味道中規中矩例湯係 苦瓜雞腳湯 咸咸地 暖下胃食完同男朋友都夠飽 味道唔錯 住逸東又有一個新選擇啦😋😋😋😋

呢間係新開嘅冰室，係逸東邨食到厭晒嘅我，梗係要試下啦。門口有一張充滿年代感嘅海報，上海女人攞住佢哋賣嘅菜式。冰室有露天嘅座位，方便帶狗同吸煙人士。今次要左叫鐵板餐，雞扒好大塊

樓下之前開佐間六十年代茶餐廳，因為次次想食但次次去到門口都緊多人排隊！所以一直都無去試，好彩哩次去到有位，佢個餐牌都幾多選擇，我叫佐個常餐沙爹牛肉面配厚多士個沙爹牛肉面真係好入味，滑蛋好滑下次無咁多人再試埋佢個晚餐，滑蛋真係好正佢出邊仲有個露天有3張台，夜晚係出邊飲支啤酒都幾正

雖然上次講咗話唔會再嚟食，但嚟到逸東邨真係冇得揀，所以決定局部性選擇，上次叫過，覺得難食嘅就唔好再叫，淨係叫朋友推薦嘅。今次值得推薦嘅就係佢個嚤囉雞炒飯，其實佢用咩整我就真係唔係好清楚但係我食到類似就係沙嗲嘅口味，不過最抵食嘅就係佢有好大嘅雞扒，同埋好多飯周汁，所以都係幾滋味。不過就略嫌佢嘅味真係太重，因為當我食完呢個雞飯之後，我再試朋友嘅嘢食，已經唔係好食到佢原本嘅味道。所以鍾意重口味嘅朋友可以試吓！另一個就係叻沙啦今次叫咗肥牛同埋海鮮，一如既往係得到好評嘅（比起其他嘢食）所以大家下次如果冇得揀嘅情況之下就可以一試。另一個朋友就叫咗南乳蒸雞嘅午餐，其實佢就係同普通家常菜差唔多，都係正常發揮，味道係可以嘅，仲送湯同嘢飲，算係叫抵！咁我上次試過佢嘅中餐都覺得係冇令人失望嘅，所以都係值得推介啦！

下午和朋友一起吃lunch, 看到鋪面幾靚所以就入左去，餐牌又多選擇，咪諗住試下。黎到個樣都真係唔錯既，但食落口就真係一般。我叫左個芝士撈面，芝士有好多，但冇咩味；我朋友叫左牛肉蛋飯，都係冇咩味道；至於海南雞飯，雞都還好，飯就一般，有點兒硬；最好食就是喇沙了，味道係岩岩好。