再臨閣

营业中

休息中

經網站訂了自助餐, 話就話買二送二, 但比自己訂可能只係便宜了十幾廿蚊一位, 但五百有找, 好超值.先講環境,  地方唔大, 一張方枱坐四個人其實有點唔夠用的,  有些就係兩張方枱坐四個人就舒服好多了.窗外就係文化中心, 太空館, 照觀好靚, 只可惜當晚沒有幻彩表演.拎嘢食的地方亦唔係好大, 一眼望晒,  還是就係分得清楚, 凍海鮮, 熱盤, 甜品, 粉麵, 刺身, 一樣還一樣, 唔使打蛇餅六點二去到, 發覺大部份人都已經到了坐低等開餐,  六點三正式有得食.開始時大家都湧去拎凍海鮮, 但一輪過後, 就唔會再逼人了.凍海鮮, 龍蝦, 龍蝦鉗, 蟹腳, 好食.  但最差就係麵包蟹, 蟹蓋幾乎無乜膏, 比起7X9賣的, 八九十蚊一隻的麵包蟹都不如.熱盤 : 豬手, 排骨, 泰式蒸魚, 煎虎蝦, 燒牛肉, 慢煮鮑魚,  都好食刺身 : 有大路的三文, 赤貝, 希靈, 油甘等 (我無食, 但聽說都可以)湯有兩款, 但唔得閒試, 飲品有泰式的香芧薄荷茶, 檸水, 橙汁,  仲有自助的咖啡, 檸茶.甜品都有東南亞風情, 例如係黑白芒果糯米飯, 香蕉煎餅, 椰子果凍, 蝶豆花冰粉等,  比起大路的芝

經網站買左$1436/4 位的自助晚餐，今晚主題是泰式，豬頸肉沙律、肉碎生菜包好醒胃，海南雞d肉都幾滑，海鮮方面開邊龍蝦、蟹鉗、凍蝦都吾錯，即灼魚旦牛丸湯油麵嗰湯底就冇乜味，烤牛扒帶點脂肪幾好食，煮鮑魚夠淋而且幾入味，排骨山、刺身就冇試。甜品花款好多，斑蘭旦糕好鬆軟，香蕉酥餅加煉奶好有泰國風情，朱古力香蕉旦糕和朱古力心太軟就略為甜左少少，其他甜點芒果奶凍、柚子啫喱、芒果糯米飯、椰汁西米糕、炸榴連波波，真係試吾到咁多。飲品有蘋果汁、凍綠茶、咖啡、茶、檸檬茶，全部自助式。整體來說，環境、食物款式和水準都吾錯。

食物同服務都很好，只不過甜品種類較少。有刺身，但今晚沒有食過。海鮮有龍蝦，熟蝦，青口，麵包蚧，長腳蚧及小龍蝦。隔離有芝士區，但有款藍芝士超臭！跟住就係沙律區，有菠蘿，粟米，紅腰豆，沙律才等。熟食都不太多，有羊肋條，炸軟殼蟹，海南雞，蔬菜及蒸魚等。還有跌板大蝦及牛肉。有個不起眼的粉麵檔。冬陰公麻麻，慢煮鮑魚好軟綿入味。湯今晚係洋蔥麥皮同木瓜雪耳。果汁就係橙同萍果，當然有奶茶，檸茶，檸水。甜品推薦芒果黑糯米

今次去到尖沙咀ymca酒店試食這個泰式海鮮自助餐,現場環境座位寬闊,一入到去就見到廚師喺度準備食物, 裏麵食物種類有好多：冰鎮海鮮 - 龍蝦、蟹腳、麵包蟹、青口、凍蝦、即切刺身、壽司、慢煮鮑魚泰式美食： 冷盤：青木瓜沙律、金柚沙律、泰式肉碎菜包、泰式豬頸肉沙律等熱盤：大蝦冬蔭功、泰式焗蠔、火山排骨山、即煎大頭蝦、泰式烤脆鴨、泰滋味青口、泰式檸檬蒸魚、即煮船麵檔、泰式海南雞、炒金邊粉等甜品：椰汁芒果糯米飯、冰粉檔(自由調配)、蝶豆花奶凍、荔枝啫喱、即做香蕉煎餅多款口味的Häagen-Dazs 雪糕、生果件、豆腐花、麵包布甸等飲品：供應果汁、咖啡、茶任飲喜歡食泰式嘅朋友一定要試下!整體評分：8/10味道：7/10服務：7/10環境：8/10人均消費：$500-1000地址：港青酒店 YMCA香港九龍尖沙咀梳士巴利道41號再臨閣 (南座四樓)電話：22687818

慶祝生日，環境不錯，窗邊望文化中心，人唔多，坐得好開，枱唔迫。食物選擇真唔算多，適合唔食得太多的人士。魚生，燒牛排，煎虎蝦，蟹腳，炆鮑魚，羊排，牛小排，燒雞，咸豬手，炒飯，時蔬...沒有生。湯只有兩款，蕃茄西湯，南瓜中湯。飲品自助，咖啡，檸檬茶水，橙汁，蘋果汁。甜品選擇少，一般豆腐花，心太軟，熱香餅，紫米露，西米布丁， H雪糕杯...栗子蛋糕沒有refill, 要一開始攞定先。只有會員和長者有折扣。星期一至四晚 HKD558 +10%

Staycation包嘅dinner buffet環境唔算好大 長形 但都舒服食物方面 雖然唔算好多種類 但貴精不貴多刺身新鮮 壽司🍣正常 冷盤海鮮有龍蝦 麵包蟹 蝦 青口 螺 蜆…龍蝦唔錯👍🏻我地有encore唯獨美中不足 係冇生蠔熟食方面 有鮑魚 炆得唔錯幾好味👍🏻另外燒蝦,串燒…中規中矩其他 沙律 小食 前菜等等…不過不失甜品種類都唔少 不過印象中又冇話邊樣特別出色或者印象深刻最後食咗HD雪糕x2 再加生果 好飽😅整體都okay 性價比高

《📍YMCA 港青酒店介紹– Part TWO（美食）》by@ihungry.hk上集小編同大家介紹咗YMCA 港青酒店嘅酒店及房屋設備，當然唔少得酒店嘅美食分享🥳！今次會同大家分享再臨閣 (南座四樓) 自助早餐，低至$168就可以享受豐富嘅自助早餐🥪🍳🍞，用膳之餘更可飽覽維多利亞海港及港島迷人景色，超正😍！🔸『再臨閣 (南座四樓) 自助早餐 - $168 - $210』▶️成人$210，小童$168▶️港青會員及65歲或以上長者可獲八五折優惠。▶️提供豐富自助式早、午、晚餐。再臨閣自助早餐提供基本早餐食物，區域分為沙律Bar、芝士區、熟食區、飲品及生果區，每區食物種類唔算好多，但勝在食物質素高，夠新鮮，每樣食物味道都唔錯🤩，而且仲有得飲唔同種類嘅咖啡，自助早餐更特別在於有師傅為你特製奄列，仲要任加食材，Chill Yummy👅！總括而言，雖然食物種類較少，但呢個價錢而食物質素又高，又可以對住豪華海景，CP值都幾高🤑！*部分相片由酒店提供🙏🏻🤪 iHungry好味指數：7/10分

訂了酒店staycation$1888包含半海景酒店房一晚，自助晚餐，自助早餐自助晚餐選擇種類唔算太多，有沙津，海鮮，熱食，壽司，甜品等......正常自助餐應該有既野都有驚喜有原隻冰凍龍蝦，蟹鉗，松葉蟹腳新鮮食材，爽口彈牙甜品選擇都多，切到細細件唔會太飽肚，可以試多D其他種類芝士蛋糕好好味，芝士味道香濃仲有Häagen-Dazs 雪糕值得一贊，服務員好有禮貌，好貼心既服務可能因為係平日，所以餐廳人流唔太多，環境比較清靜，而且廚師補食物速度都好快

YMCA hotel個staycation包埋自助早餐，可能太多人去staycation所以早餐要入住嗰日已經book定，佢有3個timeslot，每個timeslot食大約1個鐘。我地諗住都唔會太full，點知前一日6點鐘上去個網book已經得番最早個timeslot，所以建議如果大家係staycation的話一登記入住嗰陣就book埋第二日早餐，先揀到心水timeslot。我地預早左5分鐘去到餐廳，要喺門口排隊等入座，個位置都係𨋢口，有啲迫。入座後就出去拎野食，走廊同拎野食排隊嘅地方都比較窄，行過都要小心拎住野食驚撞親人。每條隊都幾長，難怪佢要分timeslot用膳。野食選擇唔少，有沙律、炒蛋、蒸點、點心、炸魚柳、beacon、水果，平時酒店自助餐有嘅野佢都有齊，飲品方面可以自己沖咖啡或者奶茶。啲野食全部都好好食，特別係個魚柳，炸到恰到好處。啲食物拎番去之後都仲係好熱，溫度控制得幾好。座位大部分都唔錯，落地大玻璃望到1881方向或者太空館方向，都係尖沙咀地標。

平日去人唔太多，安安靜靜食，而且8點會關燈播音樂睇維景既燈光Show。野食新鮮好味，無多個胃只食到好少🥲 但服務態度真係好，食完野都好快有人收碟，野食唔算多，但比起成千蚊貴酒店既已經好夠。

聽人講ymca既自助餐好抵食亦好多種類🤭提早5分鐘左右黎到有好多人排隊好多都係買埋酒店package入面環境唔大 近窗邊可以見到維港景食物種類真係幾多凍海鮮🦞質素同大酒店有得揮有齊燒蠔鵝肝😋😋好食缺點應該就係無咩野飲同埋好多大枱 好多呀姐講野超大聲同埋職員分左執枱同唔執枱無咩唔執枱個啲職員 叫幫手都等左好耐埋單$488一個大人(未計加一)幾抵

已經多次到尖沙咀 YMCA 食 dinner buffet, 雖然這不是五星級酒店, 但每次都不會令我失望, 無論在食物質素, 味道, 賣相, 補充食物快, 員工的服務態度, 衛生等都可以比一些五星級酒店為好, 這次就約埋 “姊妹” 一齊享用。首先去飲品區來杯橙汁, 果汁, 咖啡及茶是無限添飲的, 除飲品外, 還有幾款麵包及2款湯 (中及西湯各一款)。海鮮冷盤除平時有的龍蝦, 蟹腳, 青口, 蝦, 螺, 蜆外, 今次還有埋麵包蟹 😀 cold cut 冷盤就與多數自助餐的款式差不多, 但今次的 parma ham 就比之前食嘅有差別；另外還有一些特式的頭盤, 例如黑松露蜜糖拌芝士, 輕燒黑椒吞拿魚片, 日式温泉蛋, 多款沙律及配料, 亦有4款芝士選擇等。熱盤方面, 有燴牛尾, 蒸魚, 焗蠔, 炒飯燒雞, 羊扒 (這款就有點失望 🙄) 等正常食品；而 carving 就是燒肋骨牛, 有多種醬汁及配料選擇, 這是必食之選 (除不食牛) 份量亦很足夠 😋😋；在 carving 枱旁就是鐵板燒, 主要是燒大蝦, 味道不錯及燒到剛好, 即燒即食, 非常美味; 而另一邊就有壽司及煎鴨肝, 這煎鴨肝

我同🤴🏻唔想同人逼，咁就好早8:00就落去食早餐🥣，果然落到去只有3-4枱客人😄😄早餐比起晚餐種類更少（正常），我覺得款式就偏向西式，🤴🏻就話偏向冇咩嘢食😂😂，唯獨係廚師煎蛋🍳🤴🏻比較深印象😆😆中式嘅款式真係少咗啲😀😀，燒賣、珍珠雞、包子、中式炒麵真係講得出有幾多款😗😗西式嘅都係包類比較多，我就有啲未瞓醒唔想食咁多澱粉質，就集中食水果😉😉！水果🍉新鮮🍈清甜🍍！😘😘最後我哋食埋乳酪返上房瞓多兩個鐘🕰，12點退房喇🥰🥰

人人都話住YMCA酒店🏨等如住平價半島酒店，大家對住嘅都係維港嘅景色，我同🤴🏻住嘅房間就對住獨一無二嘅太空館😁😁有啲驚訝餐廳嘅餐枱數量唔係好多，枱與枱之間亦有充足嘅空間，私隱度高咗舒服嘅程度都高咗😝😝食物種類偏少，但每樣都高質素，包括有：😋😋海鮮類：～～～龍蝦🦞、蟹腳、魚生～～～肉質鮮甜，冇海水嘅死鹹味😚😚本來有小龍蝦🦞但唔記得咗食！可惜可惜😞😞魚生選擇大約4-5款，新鮮厚切😄😄～～～煎鵝肝～～～鵝肝油恰到好處，鍾意佢嘅麵包唔會太硬🤩🤩～～～各類甜品🍮～～～甜品🍮大約有10幾款，偏向細小精巧，正常好食但冇乜特色🙂🙂暖笠笠嘅豆腐花一定要試，甜度恰到好處😉😉總結：我同🤴🏻都覺得今次自助晚餐體驗好舒服、好享受😇😇

又黎staycation，今次包左自助早餐同晚餐早餐由於人數眾多要係Check iɴ果時揀埋時間 時間分2節 每節用餐一小時餐廳環境唔錯，景觀開揚座得舒適，服務亦很好自助區有廚師👨🏻‍🍳即整煎蛋，奄列點心有燒賣，珍珠雞，菜肉包麵包都有幾款，窩夫都有最好食係牛角包，好鬆軟另外有煙肉，金巴倫腸，炒銀針粉，炸魚條等等就連沙律，新鮮生果都有飲品有熱茶，咖啡，果汁等等食特種類唔算多，但味道都幾好又係元氣滿滿的一天