再臨閣

营业中

休息中

諗起自助餐，好多時候都係覺得所費不貲，最近發現喺尖沙咀鬧市有一間性價比極高嘅自助餐，人均不用$500，即使係平日夜晚都全場滿座！ 重點係即使價錢比想像中低，但係環境、食物方面都合乎預期。冷盤方面，龍蝦、琵琶蝦、小龍蝦都係可以隨便食的～如果鍾意食海鮮嘅話，更加唔好錯過即點即煎嘅老虎蝦，煎得剛好，肉質非常之有彈性，同場加映亦有即煎嘅羊架，香噴噴的，粉嫰的鮮牛肉都係好受到客人所喜歡的！甜品嘅部份，除咗有隨便攞嘅Häagen-Dazs雪糕之外，有流心效果既朱古力心太軟都係我嘅心水之選; 一系列春日嘅甜品除咗賣相吸引之外，味道都相當唔錯啊～最特別有一個限定嘅環節，會邀請客人喺一條長長嘅蛋糕上面灑上花瓣，互動元素十足！

尖沙咀YMCA內的再臨閣餐廳，現正推出2024全新主題「春日盛宴」自助晚餐，讓食客品可嚐到春天的味道及探索到充滿季節特色的佳餚，食物包括：海鮮大召集 (波士頓龍蝦、琵琶蝦、松葉蟹腳、青口、小龍蝦…等等)、刺身壽司、鐵板煎虎蝦及T骨羊扒、燒美國肋骨牛肉、即煮鮑魚、蒸比目魚、蜜餞三色甘筍、醬燒雞、香草牛油焗法國田螺、黃金鍋鈀、燒新薯、柚子蜜黑䐁肉、魷魚仔墨汁麵、炸薯絲蝦卷、芝士焗蠔…等等。甜點更有花彩杯子蛋糕、柚子蜜糖布甸、白桃奶凍、花盆杯、櫻花水玄餅、暖蘋果撻、班戟、心太軟、豆腐花…等等。食客更可預訂初二晚，在天台觀賞璀璨的維港景色及奪目的新年煙花盛放，與大家一同慶祝龍年的到來，並享受濃濃的春日氣氛。當日更會新增鮑參烏雞佛跳牆、髮菜蠔豉豬手、清蒸比目魚、燒T骨羊扒、燒有骨牛肉西冷、波士頓龍蝦、長腳蟹、桂花小丸子…等菜式。因入場券數量有限，售完即止，預訂請早！春日盛宴自助晚餐 日期：2024年1月8日至4月7日時間：晚上6:15至10:00 (星期一至五)，晚上7:00至10:00 (星期六、日及公眾假期) #YMCAofHongKong #thehaven #ymca #SPRING#

自從大家習慣北上消費之後，似乎所有行業都受影響，當中飲食業更是有點寒冬的感覺。從近日見有好幾間酒店已取消提供自助餐已見一班，但所謂有危就有機，始終Buffet都屬於受歡迎項目，為了吸客，除了減價之外，最佳方法就係加強陣容，而尖沙咀YMCA再臨閣就屬於抵食夾大件類別。家陣連加一平日都不過$468，而就算星期五、六、日及紅假都只是$499，一張大牛攪掂。加上地點適中，就近尖沙咀地鐵站，所有坐位靠窗，街景一覽無遺，比起好多酒店優勝。海鮮雖然晚餐不用$500，但食物水準沒絲毫下降。原隻波士頓龍蝦、琵琶蝦、龍蝦鉗、鱈場蟹腳、藍青口、小龍蝦、砂白同海蝦任食，refill速度又快。個人幾鍾意食琵琶蝦，因為平日係自助餐好少見到。波士頓龍蝦又多膏；龍蝦鉗啖啖肉好啱我。Carving Station即煎扒老虎蝦，蝦殼香脆，肉質彈牙，當然任食，但每次只可以拎一隻，唯有排多幾次隊。慢煮鮑魚煮得好入味，口感Q彈，又係必食。食肉獸又有燒美國肋骨牛肉同燒T骨羊扒。同上次一樣，主食有海鮮叻沙，湯底同樣濃稠帶辛勁，很喜歡豆卜蘸湯後的味道，加上怡保芽菜，更係越食越想食。前菜每款都係細細碟，一口一件，幾切合想試多幾款的朋友

📍再臨閣 (尖沙咀)尖沙咀梳士巴利道41號香港基督教青年會南座4樓==============================再臨閣位於尖沙咀YMCA酒店內，位置非常方便，由尖東站前往只需步行約1分鐘就到，旁邊香港知名半島酒店餐廳位於酒店4樓，面向尖東海旁方向，可以180度飽覽海旁景色，而且餐廳設有落地玻璃，所有座位都安排近窗邊，所以任何位置都可以見到尖東海旁的景色😍😍餐廳職員都非常細心又盡責，而且比人感覺好輕鬆，唔會有好大壓迫感，用餐感覺非常良好🥰==============================食物方便質素非常高，無論海鮮，冷盤，熱盤還是甜品味道都非常好，而且款式都是自助餐比較少見✨必食推介✨前菜：🦞開邊龍蝦：好多膏，肉質彈牙無碎冰龍蝦鉗：好大舊肉，而且已經開左一半款，好容易就食到舊肉🥚溏心蛋：雞蛋蛋黃是半流動狀態，蛋白位置好入味🥗椰菜花米沙律：一d草青味都無，有淡淡檸檬香味，配埋其他蔬菜好清新熱盆：🐚法式焗田螺：田螺係放係薯蓉到一齊焗，薯蓉好香滑，田螺彈牙無怪味🦪芝士焗蠔：蠔味道香濃而且超多芝士，好正🐑焗羊架：羊架大約7成熟，超多肉汁好好味慢煮鮑魚：飽魚咬落好有質感，配

睇返啲食評紀錄，原來都有成大半年無食過自助餐，其實，近幾年都少咗食自助餐，因為好老實，無以前咁有食力。不過，一班朋友約出嚟聚一聚，揀食自助餐就方便到大家各有所好，而且，流流長食成晚，大家就可以盡情咁傾，而今次就嚟到尖沙咀「港青」嘅「再臨閣」餐廳。雖然成日聽人講北上消費，但今日雖然喺週中，但估唔到全場坐滿，真喺有少少意外。環境裝修摩登，但殺食位就喺對住文化中心一面全部落地大玻璃，所以，景觀開揚。依家感覺香港好似無咗個冬天咁，凍一個星期就暖和返晒。將快又過年，依家都唔知算唔算已經踏入春天，姑勿論點，今晚嘅自助餐主題「春日盛宴自助晚餐 」就有多款菜式環繞春季而設計。價錢方面，平日成人嘅原價要$668，不過，實際喺有59折，折實咗收$460，確喺抵食。整個場地嘅格局都算幾歸一，一入門口右邊就喺食物區，順路直入，左右兩邊擺放晒各款食物，唔會東一忽，西一忽。沙律、凍肉盤、生果自助沙律吧唔算喺好大陣容，有兩款沙律菜，十零款配料，5款醬汁，以及4款預製好並頗有特色嘅沙律，如椰菜花米沙律、黑醋野菌沙律，。此外，仲有幾款凍切肉，如莎樂美腸、無骨黑椒豬柳，又有自家製嘅鵝肝醬添。晌甜品區唔邊，仲放有幾款新鮮生

在尖沙咀吃有維港海景的自助晚餐，要多少錢呢(⁎⁍̴̛ᴗ⁍̴̛⁎)?! 原來現在經𝐊𝐤𝐝𝐚𝐲預約 🇭🇰𝐘𝐌𝐂𝐀再臨閣的自助晚餐，成人每位只需$𝟒𝟔𝟎+咋～食物質素不但高，景觀還相當好，可以看到維港夜景及幻彩泳香江呢💓～☆ 春日盛宴•自助晚餐💐⏰ 晚上𝟎𝟔:𝟏𝟓-𝟎𝟗:𝟑𝟎💭 𝟐𝟎𝟐𝟒年𝟏月𝟖日至𝟒月𝟕日💰👨🏻👩🏻 $𝟒𝟔𝟖+(優惠) $𝟕𝟑𝟓+(原價) ☆ 冷盤海鮮波士頓龍蝦、松葉蟹腳 、琵琶蝦、青口、龍蝦鉗、熟蝦、熟蜆等等😙。海鮮鮮甜又大隻，肉質結實，質素相當不錯～而且龍蟹鉗更預先拆件及拆殼，好貼心呀～☆ 沙律🥗及凍盤❄️火龍果甜柑芝士沙律、椰菜花米沙律、紫蕃薯柚子沙律球、黑醋野菌沙律、芝士拼盤🧀、煙三文魚等等，特別推介香甜又健康的紫薯球呀🍠～☆ 刺身 及 壽司🍣即切魚生，壽司有甜蝦、玉子、腐皮，最特別的是有即做壽司七彩蟹籽蝦片✨，又香又脆呀～☆ 熱食🔥主打美食有燒原條有骨西冷、即煎虎蝦、即煮鮑魚，還有柚子蜜黑豚肉、魷魚仔墨汁麵、蜜餞三色甘筍、香草燒T骨羊扒、香草牛油焗法國田螺、黃金鍋鈀、喇沙麵等等😋。當中我最愛鐵板燒虎蝦，又大隻又鮮味，調味也好好哦～☆ 甜品🍮甜品都好豐富，而且造型都超漂亮，記

聖誕就係食自助餐好日子，上左KKday 睇邊間有優惠，再臨閣算係幾高分價錢又化算，再上網睇見人介紹YMCA既性價比好高，所以就book左試下，當日主題係「愛在聖誕」，$498三個鐘雖然環境普通又唔係咩出名酒店自助餐，但整體質素的確唔錯，款色唔算好多，但勝在味道幾好，重點係有回本位🤭🤭蟹腳、龍蝦、最正既係即煮鮑魚🥹🥹，芝士蠔都好香濃•前菜：泰式去骨鳳爪沙律、櫻花蝦豆腐、自家製刁草煙三文魚、地中海發達芝士沙律、cold cut、煙黑魚籽雛蛋、黑松露蜜糖伴芝士、水晶肴肉、烤芝麻吞拿魚• 熱食：清蒸比目魚、芝士焗蠔👍🏻、鹽焗雞、脆皮咸豬手、照燒八爪魚仔👍🏻、燒T骨羊扒、龍虾湯意粉檔、即煎魚&虎蝦、即煮鮑魚👍🏻龍蝦湯意粉可以唔洗試，湯底好淡，而且意粉難以掛湯汁•海鮮大召集：波士頓龍蝦👍🏻、鱈場蟹腳、龍蝦仔、藍青口、翡翠螺、熟蝦、熟蜆•即切魚生檔：雜錦寿司、芝士拼盆•切肉：燒美國肋骨牛肉• 甜品：三色朱古力慕司、紅豆綠茶布甸、荔枝乳酸啫喱、藍莓芝士餅、檸檬牛油蛋糕、即做pancake

2023年最後一餐buffet, 去咗尖沙咀The Haven. 前一日先決定去，點知打電話book枱(3位成人）仲有位😱午餐時間係中午12點至2:45pm。價錢係$388/per adult(已包加一）。可能因為大時大節，要先俾$500訂金。餐廳內大部份都係窗口位，陽光曬到入嚟好光猛。枱與枱之間唔會逼，都幾舒服😌食物選擇唔算多，基本野都有：沙律🥗（有秋葵，唔係好多地方有）、海鮮🦞（沒有蟹、沒有龍蝦、沒有生蠔）、凍肉、刺身（有三文魚、𩶘魚、八爪魚、希靈魚）、壽司🍣、熱盆（有薄切牛肉、即煮粉麵、即整奄列、豬腳薑、燒賣、奶皇包、上海粗炒、香腸、煙肉🥓、薯餅、炸蝦🍤、蒸魚……）、中西式湯、麵包🥖、甜品🍨（apple crumble、waffles🧇、啫喱杯、Häagen-Dazs 雪糕🍦……）及任飲咖啡☕️、茶🫖同果汁🧃。其實好明顯係將貨就價😅如果諗住簡簡單單食少少野都ok嘅😏

第1次來尖東YMCA再臨閣，發現4人優惠好吸引我們6個人除開，大家吃平了！而食物非常豐富，有龍蝦、琵琶蝦、青口、凍蝦、麵包蟹，翡翠螺……等比較出色：翡翠螺彈牙爽口麵包蟹膏很濃琵琶蝦肉質彈牙而且蝦肉味好鮮甜沙律DIY 選擇很多酒店服務好好不停添加食物，不會缺貨！不用搶食物，可以慢慢取，服務一流！烤西冷肉質柔軟.外焦內嫩，比較喜歡切薄一點因為很易飽肚慢煮鮑魚、海鮮龍蝦湯、溫泉蛋、即煎虎蝦、即煎石斑魚片、羊架、龍蝦伊麵、清蒸比目魚、炸軟殼蟹、炸薯絲蝦……堅好味道，沒有伏（＾＾）海鮮龍蝦湯甜品區甜品好豐富，生果／蛋糕/豆腐花/糖水／窩芙……等比較特別有朱古力心太軟，火焰雪山蛋糕.我吃左杧果西米布丁，朱古力杯，木糠布丁。杏仁蛋糕，成個沙灘造型！有Häagen-Dazs 雪糕。而且新出栗子味好濃好味！免費飲品區有咖啡/紅茶/檸檬/蘋果汁/青梅綠茶/青瓜維他命水……很滿意自助餐。

今日我,太太,外父和外母相約往尖沙咀YMCA再臨閣食自助晚餐,謝謝太太早三個月前訂位,自助餐食品豐富,這裡有冷盤,凍海鮮,刺身,熱食和甜品,冷盤有鹽水鴨和煙三文魚,食落咸度剛剛好 ,凍海鮮有龍蝦,蝦,蟹腳,蜆和青口,食落味道新鮮鮮甜,刺身有三文魚和八爪魚,三文魚食落新鮮,八爪魚肉質爽口,熱食有避風塘聖子,慢煮鮑魚,煎虎蝦,煎東星班,船面和美國肋骨牛肉,避風塘聖子肉質鮮甜,慢煮鮑魚食落湯汁味濃,羅白吸收湯汁,鮑魚鵝肝入口彈牙,煎虎蝦肉質鮮甜新鮮,煎東星班食落有油花,船面有豆卜,蠔和蝦,蠔和蝦爽口,豆卜食落軟腍,金不換蝦仁彈牙惹味,船面食落爽口,美國肋骨牛肉肉味香濃,西湯有滴漏海龍皇湯,飲落有香濃龍蝦味,口感清新,甜品款式多有豆腐花,燉蛋,面包布甸,朱古力心太軟,豆腐花味道香滑,燉蛋甜度適中,面包布甸口感順滑,朱古力心太軟味道香濃,haagan dazs雪糕我選了雲呢拿,朱古力和朱古力馬卡龍,味道香濃,食落口感滿足,酒店期間有鐘聲有火焰雪山,食落有酒香,朱古力味道香濃,酒店有凍蘋果汁和無糖綠茶提供,飲落甜度適中,酒店座位舒適,食物美味,冷盤, 凍海鮮和熱食高質,職員服務細心,而且餐廳位置可

9月頭剛好比我捕捉到餐廳喺KKDAY嘅快閃優惠，做緊個海鮮主題自助餐，有凍龍蝦、琵琶蝦、鮑魚、煎虎蝦等，即刻吸引到中意食海鮮嘅我，所以訂左個半月後嘅星期日嚟食DINNER，每位連加一$489，唔駛$500就可以食到酒店自助餐，感覺好似幾抵🤔。由於我坐近凍海鮮區，見到個攪笑現象😂，當時buffet未開始，但啲食客已經拎定隻碟、圍哂喺凍海鮮區😆其實refill速度好快，唔駛急住食第一輪。冷盤海鮮：餐廳海報明明寫有琵琶蝦，但當晚一隻都無，在場唔止我一枱話失望😥。凍龍蝦都算飽滿、唔瘦，肉質唔會好膠、好硬、好難咬、而且有好多蝦膏添，不過蝦味就偏淡。蟹腳肉一梳梳，算新鮮，不過唔算大條，同埋鹹左少少。前菜：最有印象係黑松露蜜糖伴芝士，身為芝士控滿懷期望，但個芝士打到好似泡同Cream嘅質地，芝士味薄弱，加上我麻麻地黑松露太濃嘅食物，所以食一啖就放棄左😣。第二有印象嘅係鵝肝多士，真係好肝味，唔係人人都接受到，加上凍食，我唔識得欣賞😂其他沙律菜、壽司、刺身，我都無試到。熱食：我試左即煎虎蝦、即煎東星斑、即煮鮑魚、烤美國西冷、滴漏海龍皇湯、燒T骨羊扒、砵酒燴牛面頰、清蒸比目魚、芝士焗蠔、西班牙海鮮飯、脆椒

海鮮種類多，爽到爆炸！首先，凍龍蝦大隻，肉質鮮，一啖咬落去，彈牙！還有凍蝦、小龍蝦，非常滿足我的蝦子控胃口。另外綠青口、藍青口、翡翠螺、蜆，這些貝類都係好新鮮。仲有長腳蟹腳、麵包蟹，這些螃蟹類都係超級好食。除咗海鮮外，熟食都係唔錯，個海鮮湯夠濃，即煎東星班同海蝦，夠哂熱，好好食；仲有其他羊架、燒牛肉、蒸比目魚⋯不過不失。甜品種類唔算太多，但都可以食到好滿足。如果你也是個海鮮愛好者，這絕對是一個值得一試的地方！