冬蔭公公 (已結業)

女朋友口痕要食泰國菜。見到冬蔭公公CP值不錯，就入去試試。內裝格局似茶餐廳飽食一餐，唔好要求太高冬蔭公湯海鮮麵(小辣)海鮮説不上新鮮，基本都係冷藏貨，有蝦。青口。鮑魚片。龍蝦丸等。P.S 個湯有少少甜，一點都不辣。海南雞飯。被推薦就點了。雞嘅份量不錯多，黃油飯一粒粒，唔太油。香蕉薄餅！我唔慣溶哂條香蕉咁食！女朋友覺得幾好食🙈

黎到Happy Friday,就梗係約朋友出黎食食飯，聚個靚會! 今次就去左我屋企附近既冬陰公公，價錢係東南亞餐廳黎講都算係比較平，唔知道味道又掂唔掂呢我地就分別叫左海南雞飯，豬扒撈檬粉，雞肉串。首先就上左碟海南雞飯，雞肉唔係叫做特別滑，但食落鮮味都足，唔太有冰鮮味。 飯係普通炒飯，如果係油飯應該更好。 醬汁方面就覺得頗有水準，醬油汁味偏甜，可以增添鮮味其次既就是豬扒撈檬粉，平時唔多試檬粉，今次都覺得算係好味，配料亦足，檬粉約有兩個成人既份量。味道偏甜，所以食到一半都話飽晒!! 豬扒味道唔差，厚度偏簿，所以唔會有咬唔開既感覺，反之較為軟身√√最後既雞肉串就略為失色，份量都夠的，但唔算好惹味，調味料落得較少，不過燒得唔錯，唔會過老 整體而言，呢個價錢咁既質量都叫左合理，係平時係家落樓食野的可選之例!!

今晚突然好想食海南雞，所以到左附近苳陰公公一食。海南雞飯：$64嫩滑的海南雞，食落雞皮同雞肉分離，相信大廚用了很高的廚藝而做成，雞肉食落十分滑嫩，而且肉質10分彈牙，可以比上新加坡的正宗海南雞，加上雞肉唔會太肥，十分瘦，食落啖啖雞肉。馬拉盞炒芥蘭：$68咸咸香香的馬拉盞用來炒芥蘭絕對係一絕的小炒推介，芥蘭不但大而粗，食落爽口清甜，絕對係要一試的菜式。總括來說，這裡的食材比價錢高質，而且份量十足，絕對係喜歡食海南雞的朋友必試之店。

剛剛遇上下雨天，早起床就去附近吃個午餐先去上班，看到紅通通的招牌頗為吸引就試試吧。落單紙落單。海南雞飯。加錢轉了雞脾位。油飯油香不太重不夠油，味道較為清淡，微微雞油香若果可以再重些會更好。白飯粒粒煙韌，雞肉嫩滑，雞皮更是香口滋味，沾上甜醬油、海南雞醬汁和蔥油，三種味道混合在一起非常濃郁惹味，雞肉鮮甜嫩口，非常出色。木瓜乳酸。木瓜味道清香清甜，果味重不會太甜膩，入口香濃解熱。

馬沙拉牛肉 配油鬆餅⭕️咖哩好濃味 （係正宗印度馬沙拉咖哩，夠香，辣中帶點甜）⭕️夠辣夠刺激⭕️牛肉夠薄夠爽口 份量又夠多 ❌得一塊油鬆餅 食完仲有半碗咖哩淨😟泰式木瓜沙律⭕️有蝦皮 個味即刻正宗左⭕️木瓜絲夠爽口 ⭕️個汁夠濃味夠酸❌份量少😟 唔夠喉❌太辣 食到水我出汗（平時食開譚仔小辣）黑珍珠椰汁冰⭕️有半價 $11都叫抵飲⭕️椰汁夠濃 P.s. 如果怕辣就應該揀椰汁飲 解辣一流！

下雨天，穿著睡衣短褲去到家附近吃個午餐，地點選了冬蔭公公。泰國菜的連鎖餐廳。食物選擇多，價錢超值。冬蔭公湯底。湯中有大量花生和粟米，冬蔭公味道濃香帶微微椰香，入口不會太濃郁太咸，非常香口滋味。餡料選配蘿蔔和豬頸肉，米線彈牙掛湯力也不差，蘿蔔吸盡湯底味道入口清甜惹味，豬頸肉肉質爽不嚡口，份量也適中。咸青檸梳打。青檸味道不太濃烈，酸味不重，冰凍的梳打水味道甜甜，青檸味道再重會更好。

身為西貢街坊嘅我，周不時都會係坑口揾食，冬蔭公公都算是常到之其一飯堂，今日就分享下有咩好食先。今晚飯腳不太辣得，我們就集中點啲淡少少嘅菜式。•泰南公公明爐魚$98•烏頭魚是也！！ 講真都幾大條,2-3人食完全夠食，附帶一碗酸酸魚湯，自己加入爐面，過程幾好玩，一邊望住個爐慢慢咁滾住條魚，一邊吹水，兩個人中間有陣煙，其實都幾好。魚本身已經熟了95%, 魚上蔥菜很香口，亦有酸梅子在湯中，慢慢滾住，滲出酸味。附帶仲有個酸辣汁，酸酸甜甜帶點點辣，很有泰式夏天感覺。而且最重要係有強勁冷氣，完全舒服嘆。•馬拉盞炒芥蘭苗$66•茶餐廳價錢，簡單而有鑊氣，芥蘭苗幼身鮮嫩，新鮮！•咖哩牛腩跟油鬆餅$66•算是飯腳最愛，雖則佢唔愛辣，但對這裡的咖哩情有獨鍾。咖哩香，唔太油，牛腩炆得林又入味，跟餐有油鬆餅送，好抵食的。•花生薄餅$26•熱騰騰，即叫即做，內有花生，少少甜。飯腳是花生怪，飯腳表示如果再多些花生就更完美了。餐廳門口透明玻璃望到有個師傅即做，都可說是東港城景點，門口經常有街坊圍觀睇表演的。•油鬆餅$20， 今餐是跟咖哩送的•今晚唔食飯，就點了薄餅，同樣熱騰騰的即叫即做，我次次黎都會點，喜歡它較乾身，

今天與朋友來到這食抵食泰國特色菜，發現以下都不錯1 冬蔭湯底粉面湯可選辣度，想食辣但又沒有呢個能耐的我當然選bb辣，而結果是很適合我的。食上去湯味濃郁，但不會太辣，而且可選檬粉，彈牙的感覺與湯底很配合。2 杧果乳酸特飲好飲的程度我相信它會成為每次一來都必會選的飲品，杧果味很豐富，與乳酸很配合，喝上去酸酸甜甜的~值得推薦!!!

今日收工後去去食辛辣野，所以去左冬蔭公公食晚餐。首先，我叫左泰式鳳爪，鳳爪係凍食岩晒依家咁熱的天氣，鳳爪不但用上了泰式配料醃製，而且爽滑軟身，唔似一般店鋪硬崩崩，加上用了大量的泰式醋，所以食落酸酸甜甜，非常可口。之後，我叫左海南雞飯，為左食雞脾所以加左$8轉脾。個油飯，除了用上新鮮雞油而煮製，而且每粒飯都沾滿了雞油，所以食落份外惹味。而由於轉了雞脾，所以份量亦相對地多。海南雞的脾位不但嫩滑極至，而且唔會因為煮得太耐令到雞肉變老，所以師傅應該用上不少時間才製造出嫩口的海南雞。最後，我叫了杯咸檸疏打，不但用上陳年醃製的咸檸檬，而且配上疏打，令到入口有一種特別透心涼的感覺，係食完泰式辛辣菜後必叫之選。總括來說，冬蔭公公的泰式酸辣菜不但種類眾多，而且份量適中，係喜歡泰式食物的朋友必去之地。

夜晚係東港城唔知食咩好,見到冬蔭公公個名咁可愛,一於入去試下!木瓜沙律-先黎個沙律前菜,份量唔少,賣相無咩特別,味道幾清新,材料新鮮得黎仲好juicy,食落幾爽口,味道偏辣唔錯!蝦醬炒通菜-蝦醬黎講唔知係咪特登迎合香港人口味,食同嗅落都唔係好香蝦醬味,通棻本身新鮮,但成道菜無咩特色豬頸肉撈檬-豬頸肉幾香唔太肥又多汁,份量多又好食,檬粉比較軟身,食落似金邊粉,不太彈牙黑珍珠椰汁冰-比較甜呢方面似足泰國風味,接唔接受到就睇大家口味,個人覺得配返泰菜係唔錯!黑珍珠少少似西米露,口感小煙UN,唔錯!

冬蔭功面真系百吃不厭！濃濃的椰汁和冬蔭功，BB辣岩岩好(>﹏<)夏天食醒胃，冬天食暖身一碗面可選兩個餸，加上一杯凍檸茶$43 午餐perfect個人認為牛骨湯底都好正，好够味想轉下口味時就會食呢個誠意推薦( ´▽` )ﾉ~

難得放假咁悠閒，就同呀媽去行下街食個下午茶。東蔭公公真係吾錯嘅選擇！首先，要大讚呢個東蔭公湯底，我order小辣，加幼薯粉配埋個辣豬肉碎，一流！湯底味濃又香少少辣，幼薯粉好煙韌，最鐘意佢浸得耐都吾會發脹，豬肉碎葉得好入味，加埋一齊食真係好正！太配合啦！另外，生蝦都好吸引，非常新鮮，點上秘制醬汁，酸酸味味，好開胃最後，當然吾少得必叫嘅炸蝦餅啦！蝦餅彈牙爽口，調味得宜，非常香甜，配埋酸甜醬，真係好惹味！最後都要介紹下呢個本瓜乳酪，非常濃郁嘅木瓜味，絕不欺場

常常食的泰式食品價格都挺貴，所以來到這間收費相宜的餐廳品嚐，估不到竟然很好食。以下都是我試過而值得推薦的！第一款：泰式豬頸肉沙律第一印象是它的豬頸肉很多呀！而且食上去不肥及肉質多汁，，而且不會太焦，再點上特制的醬料，很好食。第二款：泰式彈牙蝦餅食上去真的很彈牙，而且多肉，脆脆的外面配合軟口的蝦肉，不用點醬都已經很好食。第三款：泰式醃生蝦雖然份量不多，但足夠二人的份量。生蝦配上蒜片及辣椒，食上去不會有任何腥味，挺好食的。

今日和朋友來到這間冬蔭公公食泰國食物，想不到用不多的錢就可以食到超過五款泰國美食，超值!以下是食過而值得推薦給大家的:1 下午茶湯粉套餐，抵食又好食!我當然選了最愛的冬蔭湯底及幼薯粉，食上去不會太辣，而且湯的材料豐富，有超級好食咬上去香香的花生、碎肉及豆芽等，口感豐富而鹹淡適中。而且可以選bb辣、中或大辣，適合不同的朋友。2 公公拼盤套餐這個套餐內可以一次滿足我想食多種泰式食品的慾望，裏面有串燒、蝦餅、蝦、豬頸肉、鳳爪等，非常豐富，而且味道不錯，尤其是蝦餅很彈牙，咬上去滿滿的，啖啖肉，很好食。拼盤附上三種醬，點上去更加錦上添花。3 芒果乳酸特飲這個是我極度推薦的，喝上去芒果味濃郁，應該用果肉在內攪拌了入去。而且酸酸的，甜度適中，非常配合泰式湯麵的味道。

今日放假入左東港城睇Tomica，睇完見肚餓就周圍搵下野食，好多地方都要等位，咁啱見到呢間唔洗等就入左去。店舖以一個泰國男公仔做logo，都幾可愛。成間店都以紅色為主，令人不禁諗起冬蔭公湯，即刻睇下有咩食。Menu得兩頁，簡單易明，一頁係麵食同飯類，另一頁係小食同飲品。發現正價飲品全日半價優惠，好抵，即刻叫返2杯野飲先。鹹青檸梳打 $11味道較淡，青檸篤完帶少少咸味，梳打味不太濃，浸一陣後味道慢慢出黎。木瓜鮮果乳酸 $13乳酸夠稀身，淡淡既木瓜味散發係乳酸中，飲落幾舒服。泰國冬陰海鮮米線 (BB辣) $69望住橙色既湯面，已經知道味道有番咁上下。今次叫左BB辣，所以呢個辣度都幾岩自己，又唔會食到出汗。除左辣味之外，椰味都幾突出，一路食一路都散發住夾雜椰香既冬陰公味道，米線不會煮得太腍。至於海鮮方面，有蝦，青口，魷魚，蟹柳，龍蝦丸，除左龍蝦丸有兩粒，其他只有一件。豬扒撈檬粉 $60各樣材料圍住中間既檬粉，加入餐廳提供既酸醋之後撈埋其他材料一齊食。檬粉都幾滑口，但略嫌提供既酸醋唔夠味，所以食落味道偏淡，豬扒成塊上，肉質結實，如果切開會更方便。泰式醃生蝦 (6隻) $78同一般泰式餐廳所食到