冬蔭公公 (已結業)

朋友囡囡出世已經一段時間喇! 終於搵到時間去探探佢。同朋友傾左一陣計之後就有啲肚餓, 朋友就帶左我黎呢間冬蔭公公食泰國嘢喇。喺東港城入面, 對面係三哥, 紅色為主嘅外牆, 標誌都幾得意。因為未到食飯時間, 所以無咩人排隊。有點餐紙, 選擇都幾多。連蠔仔餅同炒蟹都有!!薄餅都有甘多款呢!!小食拼盤包埋2個飲品, 連特飲都唔洗加錢, 好好呀!! 拼盤都幾多嘢食, 豬頸肉大大塊, 唔洗點汁已經夠味!! 豬頸肉肉爽而且唔油膩。串燒雞肉肉嫩唔鞋口, 配埋沙嗲汁, 更加惹味!!! 燒腩肉炒芥蘭苗份量都多, 豬腩肉都唔少, 唔會辣, 有少少蒜蓉味, 都唔錯。小食拼盤餐嘅飲品我揀左青檸梳打, 大大杯, 有咸檸同青檸, 好清新又唔太甜, 配埋小食拼盤, 簡直一流!!! 朋友同我食得開心又滿足!!!

之前逛「東港城」，跟《公公》有過一面之緣！是日再訪，當然要來個深入了解吧！米畀佢紅當當嘅外表嚇親呀，實情啲嘢食係有分辣與唔辣嘅，大人細路都一樣啱食呢！《冬蔭公公》除咗主力冬蔭功湯之外，其他東南亞美食樣樣齊。由於我倆唔太嗜辣，就揀咗個飯加個套餐吧……1.鮮菠蘿煙鴨胸炒飯$70: 原個靚仔菠蘿上，滿載住肉鬆、煙鴨胸肉粒、提子乾、粟米粒、青豆、甘筍粒、菠蘿肉、炒蛋等等豐富嘅饀料！炒飯濕潤，煙鴨胸肉粒軟嫩，加埋啲酸甜配料，好好味啊！如果有埋蝦及nuts，必然會更加perfect！2.泰式雜錦拼盆$136: 呢set套餐包埋兩杯飲品，相當抵食！拼盆内有5款嘢食，最難得嘅係5樣嘢都鬼咁好食囉！蝦餅，爽口鬆脆！泰式豬頸肉，嫩滑無比，點埋個泰式酸辣醬汁，下飯一流！酸辣鳳爪，無骨鳳爪開胃又爽脆！沙嗲串燒蝦，大大隻蝦，肉質相當彈牙！沙嗲串燒雞，雞肉嫩滑惹味！3.荔枝冰$0+凍檸蜜$0: 套餐包兩杯飲品，可以揀餐飲、汽水及特飲，如果轉鮮果乳酸，就要另加10蚊杯。荔枝冰，味道似七喜，零荔枝味！不過唔使錢又咁大杯，無所謂喇！唔使加一，認真好味又抵食！公公，你好嘢！

對於冬陰公公一直都覺得湯底好好味👍🏼每次經過都要食，不過每次都係食雞絲雞絲份量多足料 味道夠濃 不過每一次填bb辣或者中辣ge味道都唔同，所以都係要撞彩喇。而且下午茶都幾抵食$3x連飲品 可以再食🤤🤤

同老婆撐枱腳，就黎食下呢間冬蔭公公！入到黎先知原來呢度係免加一，幾好！好彩我早D黎攞位先！點定菜老婆可以一黎到就食得！岀街食飯都盡量叫D菜食下！所以叫左個豬頸肉沙律，好掂！份量夠晒！豬頸肉加埋D汁微辣，好好食生蝦刺身夠晒彈牙！辣椒羔炒蟹上菜！好大份好大隻蟹！初初都驚兩個人食唔哂！真係啖啖肉！雖然個名叫辣椒羔不過唔辣！個汁好濃，仲有D蟹GE鮮甜，有驚喜！辣椒羔炒蟹個汁太太太好味喇，決定後加左個油鬆餅黎食，估唔到呢個配撘係好MATCH！好味道 今餐超滿足！

今晚去咗東港城搵朋友食生日飯，壽星女話想食泰國菜，諗起東港城2樓有間冬蔭公公，就順應民意啦！入到餐廳，侍應好禮貎地帶位，解釋卡位那邊可能比較刺鼻，因隔離店正在裝修，好貼心服務！每次食泰國菜，例牌會叫冬蔭公湯，湯內有兩隻大蝦，而且仲有好多磨菇，味道不太辣，剛好！上次係另一分店試過木瓜沙律，今次叫個豬頸肉沙律試下，豬頸肉好有咬口，酸酸辣辣好惹味！平時叫咖哩會係紅，靑，黃咖哩，今次有一款叫馬沙拉牛腩咖哩配油酥餅，不妨試試！啲咖哩帶少許甜，好味，配油酥餅，絕配！叫咗個泰式蝦餅做小食，啖啖蝦肉，好彈牙！叫咗個咸魚茸炒芥蘭，啲咸魚係主角，不鹹，而且好大粒，芥蘭亦好爽口，正最後每人叫咗杯鹹青檸梳打，杯內真的是有一粒青檸，一小件鹹檸，飲落囗好舒服！另一間分店我亦曾經光顧過，兩間食物質素都有水準，值得下次再去食過！

將軍澳原來都有泰國餐廳喺坑口東港城附近有間叫做冬陰公公入到去叫做一個冬陰公湯底嘅米粉。之後食食下覺得佢個湯好足料好濃同埋有啲辣，完全覺得佢個湯底好開胃如果鍾意食辣嘅朋友不妨一試佢有其他菜式例如有泰國嘅小食拼盤亦都有印度酥餅，而且價錢下午茶時間都算平合理所以大家可以去試吓啊！

年近歲晚，陪阿媽去商場逛街，辦年貨，係唔少得的責任，阿媽當然是買個不停，左一袋右一袋，真係有啲攰，我就有啲肚餓，好想食飯，要坐低唞一唞。商場內有不少食肆，咁啱，行到附近，見到門口，有人等外買，順便走入去，食返個晚餐。餐廳格局，都是似開放式，明亮，舒適！難得是以全日不設加一服務費，多出的錢，可以叫多杯飲品，真開心！價錢都幾適中！冬蔭多湯薯粉，湯底叫左大辣，以為係好辣，但都是可以接受到。湯底香濃，薯粉夠滑溜，有嚼口，好有飽肚感，蘿蔔腍甜，魚片頭鮮甜爽口。曼谷豬頸肉炒飯，飯粒分明，用上爽口豬頸肉，每粒米飯都有肉香味。爽口，無油膩，口感唔錯！停不了！

有張一田的禮券就到期，就去了一田睇下有無野啱買，原來呢間分店幾細無咩啱，行左兩個圈放棄了去搵食吧，呢個商場都幾多野食喎，左睇右睇食泰國菜最吸引。餐紙選擇幾多，阿媽要了湯粉，自己點了飯，再多點幾個小食打包給留在家的阿爸。泰式凍奶茶及咸青檸疏打，奶茶茶味香濃，略甜了點，疏打大大杯又夠凍，好解渴。阿媽的冬蔭功湯檬粉，要了中辣，加了豆卜。豆卜吸湯一流，檬粉彈牙，最正係個冬蔭功湯底，香辣味濃，勁多香料，酸酸辣辣十分惹味，正到要飲哂啲湯。自己點左咖哩牛腩飯，意外地大碗。牛腩牛筋很多，多到數唔到有幾多舊，炆得軟腍入味，咖哩香料味重，但不辣的，因加入了蕃茄，味道帶點酸酸的，跟平常吃到的咖哩完全不同，既特別又好味。豬脛肉沙律，超多豬脛肉，好嫩滑。沙律有香茅，蕃茄仔，芹菜等，香味十足，酸酸辣辣又帶少少咸，好開胃。仲有雞半隻，阿爸喜歡食海南雞，所以點一客外賣，當然要先偷食啦。賣相不錯，醬汁有泰式酸辣汁，薑容同甜醬油，三種醬汁都ok的，但不夠豬脛肉沙律的正，所以點左沙律汁食。講返隻雞，雞肉嫩滑，雞皮下無油脂，但味道略淡，可能係其他菜色太濃味啦，隻雞唔點醬就無味了。埋單，不用加一的。

那天要到附近交收，便直接在那裡覓食。經過冬蔭公公，之前去過沙田那間覺得不錯，便下決定。馬沙拉咖哩說是咖哩，但內裡卻有蕃茄，當然也有蕃茄味，所以微辣中會帶點酸甜，味道頗有趣，而且很開胃。不過牛腩只有3、4粒，份量有點少。小食拼盤一看便覺得超豐富，有泰式鳳爪、豬頸肉、春卷、蝦餅和3款串燒，還要包2杯飲品。整體來說不錯，特別喜歡春卷，外層香脆但不油膩，內裡餡料充實多層次。另外，蝦餅也一樣炸得恰到好處，夠香口又不會硬，內裡蝦味足又彈牙。豬扒撈檬還未很飽，所以再點多一份撈檬，但原來超大碗，豬扒的份量也不少。豬扒的肉質夠軟稔juicy，檬粉不會乾硬，不錯。整體質素不錯，而且價錢相宜，可以再去。

一個人食咩好，我好鐘意泰國菜。泰國菜調味重又香，泰國香料濃郁豐富，味道層次多。今日去屋企樓下商場食午餐，首選泰國餐廳。食物選擇多，定價中中，非常抵食。豬肉生菜包。生菜爽脆乾淨，豬肉碎加上大量香料調味，入口辛香微辣，豬肉碎咸香不乾身，肉粒濕潤，加上洋蔥等香料，清辣開胃。海南雞飯。雞油飯油香不太重，入口咸香豐富頗是濕潤，飯粒有咬口。雞肉滑溜嫩香，雞皮香口油脂不高，沾上薑蓉、甜醬油和酸辣醬，每種味道獨特香口，帶出鮮甜雞香。

將軍澳新入左好多樓盤，商場都翻新左幾次。朋友住在將軍澳，岩岩生左小朋友，我作為朋友的乾媽當然要探探乾女，買啲小禮物。朋友樓下有間泰國餐廳，餐牌選擇多價錢中中，吃個午餐先。冬蔭湯底米線。冬蔭湯底輕輕辣味，酸香辛口，帶點微微的椰汁香。米線彈牙有口感，吸湯力高，每口都非常滋味。米線自選配料，有肥牛、龍蝦丸、芫茜等配料，肥牛油香不夠足，入口尚算嫩滑不鞋口，龍蝦丸爽彈，帶點輕輕鮮甜味。我最愛食米線，陣陣清清米香，掛上濃郁冬蔭湯底，最後喝光了。

愛吃辛辣的朋友必食這個泰式豬頸肉沙律，當中選用了新鮮的蔬菜，伴入肉質爽口的豬頸肉，泰式酸辣汁在口內不停刺激味蕾，簡直有泰國街頭風味！再配上一杯冰凍的拉茶是週末醒神之選！其次餐廳另一推介是海南雞飯，雞肉嫩滑未有食到雪藏味，配上油飯是正宗的口味！當中我最欣賞的是醬汁，叫人一試難忘～

滿有泰國風味的菜式～今次特意品嚐了海南雞飯，當中的雞肉香滑，醬汁亦有泰式的辣度，是愛吃雞飯朋友必食之選。而本人最愛的是冬蔭湯底的麵類食品，圖中是雞扒冬蔭湯濛粉，湯底足料餚製，味道與在泰國街頭品嚐到的完全相同，是愛好冬蔭公人士的最愛選擇！

Food is decent but service was terrible. Got our order wrong 4 times on a tick the box order menu. You might also have to move your table to allow other customers in and out of their seats.

又去左冬蔭公公啦，我今次食清清地嗌左碗魚湯米線，另加左魚腐！吾洗好耐就嚟啦，其實食米線吾一定去x仔x哥，因為個d真係加左好多味精，但呢個魚湯米線食完吾口喝，都吾覺得有好多味精，幾好味，好大碗，魚腐都幾好食，浸係湯索晒味，仲有炸魚皮，好大碟，晚餐嚟講，三四十蚊好平！吾洗加一！另嗌左花生薄餅，好香，又夠熱，真係有印度？師父即整！食完好飽，先廿蚊度！最後飲品半價，飲左杞子紅棗茶，好舒服，有紅棗好岩女士飲！兩人150都吾洗，好抵食丫！