凝香園 (已結業)

依間舖頭買啲香港小食 我覺得就幾好食 價錢又實惠👍🏻依家出面啲雞蛋仔 格仔餅多數都要二 三十蚊 一底，依到10蚊就可以食到🤤🤤🤤真正嘅平民街頭小食，除咗價錢平之後，最估唔到係即叫即整！唔係整定！👍🏻🤤🤤🤤加上佢多醬 真係食到停唔到口㗎🤫

好少寫小食店，但呢間既魚蛋同碗仔翅值得一讚👍🏻👍🏻👍🏻魚蛋主要係個辣汁，夠惹味，而且魚蛋夠彈牙唔會太淋。碗仔翅特別之處在於會加特製辣菜脯，孤陋寡聞既我真係第一次見，而且估唔倒呢種新鮮既食法又幾正，哈哈😁另外就係叫少少野攞走都用個紙袋打包，而且係田灣村入面竟然有個裝修得幾靚，週末又無咩人既地方可安坐進食，所以想介紹下比大家知。希望人多d之後，可以考慮擴展，再做埋夜市，咁以後宵夜又多個選擇啦!

本局長是日與副局長行經田灣商場，見商場提供泊車優惠，內裡裝修新簇簇，food court 小而精緻，當中凝香園價錢合理。食物富有香港街頭特色，遂二話不說幫襯。局長倆選擇咖喱魚蛋、燒賣、腸粉、雞蛋仔、碗仔翅，擺副到成檯嘢都唔駛一嚿水，甚為滿足。食物價錢實惠，味道亦出乎本局長意料，相當出色。碗仔翅十分足料，每一羹都有好多嘢咬到，加入胡椒粉、辣酸菜等調味後風味更佳。咖啡魚蛋入味而彈牙，好食。燒賣不俗。腸粉香滑，醬汁香甜可口。夾餅、雞蛋仔新鮮出爐，理所當然地好味。總括而言，此店價錢經濟實惠，食物看似普通卻美味非常，富有香港街頭風味，局長倆盡興而歸。

街頭小食己進化為高級版小吃，以前企在街邊，一路行一路食，現在己進駐入了商場內的美食區，價錢依然平民化，吸引！腸粉 + 魚蛋 + 燒賣 $16大大碗！腸粉好滑。魚蛋彈牙，如辣度加多少少就更好。燒賣不錯啊，入口不會是肥肉，有質感有味道。傳統雞蛋仔 $10十元一底好抵呀！熱辣辣，有蛋香，簡單就是好味。足料碗仔翅 $20果然足料，調味恰到好處。生菜魚肉湯 $20魚肉份量頗多，魚香滿溢。加入了糊椒，麻油和菜甫，增加味蕾感。

而家咁既環境，我就唔敢掃街啦。但每次行過旺角，啲街頭小食就不停吸引我對眼，喉嚨就不停吞口水。今日，終於比我發現呢個地方，人小，又乾淨衛生, 我可以盡情掃街啦。田灣食mart入面既凝香園，乜野既街頭小食都有呀🤩食物價錢好似時光倒流，平到嚇死人。$10格仔餅，$20碗生菜魚肉，唔食走寶。魚肉碗仔翅$22雙併都係$22，仲要超足料，有食羮既口感。魚肉又多又大件，有拇指咁粗，認真誇張。而阿姐知我食得辣，就比左成坐山咁高既辣菜脯，所以碗翅既顏色都染紅左啦😆好味又抵食。腸粉魚蛋燒賣餐$16$16有魚肉燒賣二粒，咖啡魚蛋三粒，白滑腸粉有四條，請問邊到仲有咁平。腸份真係好滑好食，加埋混醬食到甚過癮。腸粉控既我地，再叫多份腸粉$10，一於掃街當晚餐。格仔餅$10即叫即製，熱辣辣。醬料塗得滿滿的，牛油，花生醬，煉奶，再加大量砂糖，搞到我地食到變花面貓。肯好呢度有自助清潔區，洗手清潔無難度。呢個細商場都竟然有咁既設施，即刻對佢加分啦。呢度仲有泊車優惠，不過食左咁多野，我就會選擇行返去香港仔坐車減少罪惡感啦。

啱啱喺美食廣場「田灣食 mart」吃完熱狗，仍有點意猶未盡，決定再轉戰呢間港式傳統小食店「凝香園」。餐牌非常簡單，一目了然，當中包括有魚肉燒賣、咖喱魚蛋、白滑腸粉、雞蛋仔、格仔餅、碗仔翅同生菜魚肉等。雞蛋仔同格仔餅係我嘅至愛，而友人就對咖喱魚蛋、魚肉燒賣情有獨鍾，既然一場嚟到，就一於買多幾款齊齊分享。雞蛋仔同格仔餅每底都只係 $10，非常抵食。雞蛋仔顆顆渾圓飽滿，咬下外層酥脆，裡面軟綿鬆化；而格仔餅亦烘得金黃均勻，啖啖都食到醬料。魚蛋彈牙爽口，配辣醬同豉油食，夠晒惹味；而魚肉燒賣水準亦唔錯，每啖都食到魚肉嘅香味，入口軟滑得來有彈性。另外生菜魚肉同碗仔翅都好正，兩款小食都係唔少香港人的集體回憶。魚肉做得挺身，食落彈牙有嚼勁！碗仔翅亦毫不遜色，每一口都能嘗到滿滿材料，撈埋啲浙醋食，更可以提升佢嘅味道。聽朋友講，只要消費滿指定金額，商場就會有泊車優惠提供，所以每逢假期同週末，都有唔少人揸車嚟買外賣。

凝香園喺唔同地區都有分店，都係供應港式街頭小食，魚蛋燒賣、碗仔翅、格仔餅等等，今日可以坐定定食個「掃街餐」。燒賣 $8/5、魚蛋$8/6粒掃街點少得佢兩位？分別叫各一串，店員就放埋一齊，仲淋上秘製咖喱汁，少少辣好惹味！足料碗仔翅 $20真係足料，有冬菇、肉絲、木耳、蛋花，味道濃而不稠，又唔會太過稀，最重要食完無口渴。白滑腸粉 $10/4$10有4條我自己覺得好抵，可以加豉油、甜醬、麻醬、辣醬，麻醬都好香口，腸粉都夠滑。生菜魚肉 $20碗仔翅出色啲，不過魚肉都好彈牙同有少少魚味，可以加埋碗仔翅一齊食。雞蛋仔 $10即叫即整夠哂熱，外脆內軟有蛋香，下次試埋格仔餅。有朋友仔問田灣隔唔隔涉，如果銅鑼灣開車我估10-15分鐘就到（記得有泊車優惠！）如果喺銅鑼灣就搭77號到總站就到，好方便㗎！

朋友一家去完海洋公園話順路黎探下我，問我田灣有咩食，真係考起我，一向唔痴家嘅我不嬲都唔會係田灣食野！既然係咁就一齊試下新開個food court啦！田灣食mart開左半年左右，得四個鋪仔，food court黎講相當細，不過港、台、中式野都有，都算幾巴閉呀！🤣🤣🤣本著地主之誼，今餐我嘅！任嗌！都唔洗一百蚊，哈哈哈哈哈！咖哩魚蛋 10粒/$16魚肉燒賣 10粒/$16碗仔翅            碗/$20魚肉碗仔翅  碗/$22田灣終於有小食賣，唔洗下下食七仔，凝香園都算是香港小食老店，品質都有返咁上下，當然小食就唔會話超級無敵好好食，魚蛋有足夠的咖喱味且爽口彈牙，魚肉燒賣加埋辣油更惹味。碗仔翅精粹永遠係d醋到，正！魚肉可以加辣菜脯，食得辣嘅一定要加，好香好惹味！雞蛋仔同夾餅都係即叫即整，等嘅時候好香蛋味，久旱逢甘霖，係屋企樓下食到呢d小食，真係覺得特別開心！而加仲有泊車優惠，朋友一家三口遠道而來都唔怕了！

【凝香園】是香港老字號小食品牌，已有三十多年歷史，主打雞蛋仔、魚蛋燒賣、腸粉、碗仔翅等港式地道平民小食。食物價錢非常大眾化，貪心地點滿一桌也只不過百多元。點了"碗仔翅"及"生菜魚肉"，碗仔翅用料豐富，有粉絲、黑木耳、冬菇絲及雞肉絲，湯底粘稠度適中，不會過於糊口。加入胡椒粉、浙醋更為惹味。生菜魚肉是碗仔翅最佳拍檔，魚肉打至起膠富彈性，價錢雖然便宜，卻沒偷工減料。凝香園的醬汁，都是由老闆特製，辣汁勁度十足，吃得刺激。"咖哩魚蛋"細細粒彈牙入味，"魚肉燒賣"食味不算突出但加入辣汁後，味道大大提昇。這裡的"雞蛋仔"及"格仔餅"即叫即製，口味雖不如坊間般多，但只售$10，實在超值。雞蛋仔熱烘烘脆卜卜，格仔餅質地軟熟，加上滿滿的牛油、花生醬、煉奶，叫人吃得滿足。店子的阿姐出奇地友善，醬料如麻油、芝麻醬、甜酱和辣醬大大支放於舖面任客人添加，非常大方。加上有30多個座位可慢慢享用美食，又有新式洗手機方便清潔，比平日站在街頭吃小食，多了一份閑適。

Hong Kong Style🇭🇰 Hong Kong Local Food💫..凍冰冰既日子❄️ 你又會想吃什麼❓.我就想食熱辣辣、即叫即做既野食。其中最代表#香港特色🇭🇰 既 #港式小食，一定係 #魚蛋、#燒賣、#腸粉、#格仔餅、#雞蛋仔、#魚肉碗仔翅，冬天食真係加倍滋味🥰。.呢度風格充滿住懷舊港式情懷，想回味一下不妨來走走、逛逛、吃吃喔。..🌟而家黎田灣真係方便左。。🌟揸車去仲有泊車優惠添🚘..×××××ש香港仔田灣街17號田灣商場地下G05A號舖..

田灣商場近排多左個美食廣場，而呢度進駐左一間賣香港特色嘅小食店—凝香園喇～～～大家對佢都唔會陌生，因為佢好多地方都有分店 佢哋所賣嘅係香港特色小食分別有咖喱魚蛋，魚肉燒賣，生菜魚肉，碗仔翅，格仔餅，雞蛋仔等。呢次我地叫左客魚肉翅，魚肉燒賣，咖喱魚蛋各一串，仲有一客雞蛋仔。本身呢度嘅碗仔翅都經已非常足料，每啖都能夠食到配料，依家加埋魚肉，令到除左原有爽口嘅配料外，添加一種軟滑嘅口感，口感頓時豐富左好多。雞蛋仔：即叫即整，熱辣辣，外脆內軟，入面非常飽滿，蛋味濃郁，甜味適中。魚肉燒賣食得出魚肉多過麵粉，所以都有魚味，配埋辣椒醬油，就更加惹味；咖喱魚蛋咖喱味好香，未食都聞到，魚蛋爽口彈牙，可以再加點辣椒油，令到魚蛋嘅味道更加突出。

如果一講起掃街，我諗好多人第一時間會諗到旺角，但原來田灣商場新開左個mini food court, 有好多掃街小食賣🤩 如果weekend過開泥南區一日遊嘅朋友仔，仲可以試下搭南區獨有嘅舊舢舨船，一覽香港仔/鴨利洲嘅原味道😂今次主要試左兩間店，一間係凝香園 , 一次過食左超多小食，勁滿足呀！！ 價錢亦都好相宜，性價比高。 ✨生菜魚肉：魚肉彈牙爽口，連菜食夠晒清✨魚肉碗仔翅：好耐冇食過呢個配搭，懷念的味道✨格仔餅 & 雞蛋仔：即叫即做，香脆十足✨咖哩魚蛋，燒賣，腸粉：俗稱港式小食三寶，冇得輸泥食野仲提供埋泊車優惠，真係不得了呀🤩

在田灣商場，除了熱狗外，還有一間小食店名為凝香園，主打港式小食。我最喜歡食的，當然係雞蛋仔，及格仔餅。雞蛋仔，比較煙韌，但不會太甜，如果可以更脆更嫩就好。格仔餅，餡料豐富，喜歡格仔餅的人可以一試。另外，還有燒賣魚蛋，碗仔翅，及生菜魚肉，價錢不貴，主打是慳錢的必選。店中，亦正在做一些優惠，燒賣魚蛋賣一送一，更抵食。店員，服務態度亦十分有禮貌，值得一讚。可惜，當天腸粉已經售罄，小食店最好的配搭定係燒賣腸粉魚蛋，希望下次會有。

掃街一流凝香園：-魚蛋燒賣-腸粉-魚肉翅-生菜魚肉-夾仔餅-雞蛋仔燒賣實淨有魚味，魚蛋有少少彈牙，腸粉夠滑。而我最鐘意既係生菜魚肉同魚肉翅，佢既魚肉係我食過覺得最鐘意既，魚肉唔係淨粉，食到魚味，比出面啲實淨得黎彈牙，碗仔翅就咁食都夠鮮甜，但當然加多麻油同醋既香味同層次不可同日而語，鐘意食辣既可以叫姨姨加辣菜脯，真係幾辣下。雞蛋仔蛋味夠香夠濃，外脆肉軟，但要即刻食，唔係好快會腍，但佢咬開內面似蛋糕口感既餡令我停唔到口。格仔餅比出面細少少，但我就比較鐘意呢款，一個人食岩岩好，而且佢既花生醬同煉奶落左好多，但又唔會太甜，我勁鐘意，而且$10好抵食。依家商場岩岩開張，會有新張優惠，例如開張精美禮品、多款小食優惠(聽凝香園姨姨話逢星期三、六魚蛋燒賣有買一送一）、亦都有泊車優惠，自己揸車入去都唔使怕。

田灣鍾意有好味又企理既港式小食檔真係好滾動🥺🥺🥺有時即起條根要食就要去香港仔而家勁就腳原來呢間店有好多分店即係質素都有返咁上下啦都keep住有街坊排隊買野食價錢都相宜早餐仲要$16超抵食一係唔食一係就要食盡佢買晒咁多野返屋企食先本身想買埋腸粉但佢晨早賣晒魚蛋燒賣上面嗰個秘製辣汁真係冇得頂成個成個小食靈魂果鼓辣勁真係好正燒賣都唔會係勁多肥豬肉果種魚蛋都彈牙唔會死實實山菜魚肉胡椒粉麻油味都好香魚肉彈牙碗仔翅好足料格仔餅裏面嘅花生醬真係爆曬餡