刈Bao台式創意小食 (已結業)

🧑🏻‍🎓講起掃街食小食嘅地方，好多人都一定會諗起葵廣。以前中學嘅時候間唔中都會去葵廣行下街食下嘢咁，不過近排再去嘅時候發現葵廣唔同咗好多，好多舊舖都無咗，多咗好多唔同嘅新舖頭。3️⃣喺葵廣嘅3樓嘅TOP世界入面就有條美食街，入面有好多間唔同嘅小食，仲要大部份都係黃店，今次就揀咗間食台灣嘢嘅刈Bao台式創意小食試吓！🍔台式刈Bao喺台灣就見唔少，反而香港就比較少見，對P仔嚟講佢嘅感覺就好似係中式嘅Burger，用類似饅頭嘅包夾住唔同嘅材料，傳統上好似會用滷過嘅五花腩肉，而佢哋除咗有傳統腩肉仲會有黑松露雞、麻辣雞同鰻魚之類，款式比較多。🍗黑松露雞刈包 套餐 HKD 42今次P仔就揀咗佢哋比較特別嘅黑松露雞刈包，雖然睇落好似係饅頭，但係佢比饅頭更加軟，而且唔會好乾好實；而雞肉就炸過，雖然擺咗陣，但係唔會話好油同好稔，配埋沙律醬同黑松露醬好香好好食！🍤另外呢個套餐除咗刈包仲會包一樣炸物小食，好似鹽酥雞、甜不辣同地瓜球等等，而一向鐘意食炸菇嘅P仔就揀咗佢哋嘅香酥杏鮑菇。🍄杏鮑菇一共就有6-7舊，外層用炸漿包住炸，嗰皮唔會好厚，雖然擺咗一陣先食，但係都唔會稔晒，仲有少少脆；另外個

去葵廣食嘢想食啲香口嘢都在所難免，但真係要小心唔好食錯，TOP世界入面嘅炸嘢嘅ok，但出面啲烤焗嘢就真係不了。😋 綜合2號 $34呢個set係鹽酥雞+鹽酥杏鮑菇，叫得鹽酥當然有啲鹹，啲雞粒係唔錯嘅，層皮同雞肉無分離，而家雞肉都幾有雞味，每粒都仲好大粒😛 不過杏鮑菇就麻麻地，因為杏鮑菇炸完都仲出緊水，啲水份令到層炸皮同菇分開咗。可能杏鮑菇都係就咁炒會好食啲🙈

刈Bao台式創意小食 (葵芳) 💛••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•古早味腩肉刈包+鹽酥雞 $42••••••••••••••••••••••••••••••♥️食評：第一次食刈包🤤個包嘅質地好得意，軟熟但唔黐口，甜甜地，即使個餡有汁都唔會整到濕晒淋晒，連埋個餡料一齊食幾夾。個腩肉都錯，唔會太肥，啲肉都唔韌，調味不錯。鹽酥雞即使外賣返到屋企先食都仲熱，都唔會淋，不過覺得可以再重口味啲🤣雞肉唔算乾，但整體有進步空間～••••••••••••••••••••••••••••••♥️特色：刈包係呢間店嘅主打小食，確實唔錯！另外小店都有其他台式小食，例如甜不辣、香芋地瓜球、台式香腸等等。••••••••••••••••••••••••••••••

刈包又可以稱為台式漢堡，台灣好有代表性傳統小吃，傳統刈包會夾上滷五花肉、花生粉、梅乾菜作為餡料，不過呢到就創作新料理，用上手撕牛和麻辣雞作為餡料，非常惹味☺️除左刈包，仲有人氣地瓜球、鹽酥雞、花枝丸等等，好似去左台灣夜市一樣－－－－－1. 古早味腩肉刈包 $32 7.5/10攞上手都熱辣辣，即點即製入面夾住肥美腩肉、菜同大量蒜蓉，腩肉幾腍🤤好易咬開，刈包雪白軟綿，食落唔算黏牙，不過醬汁多一點會好d，味道唔會太膩2. 手工黃金芋丸 $30 6/10叫左一份有5粒芋丸入面夾住鹹蛋黃同大甲芋泥，粒粒都脹卜卜，外型不錯，不過一切開發現鹹蛋黃比例佔好少，主要淨係食到芋泥味😖

建議：即叫即整，超香口既香芋丸同咸酥雞😌葵廣愈開愈多舖，兜入左一條路就會迷路😂 所以通常直上會先上3樓食番啲食開既店，先再逐層兜下發掘新野😋今次試左： 刈包套餐 (刈包+小食)▫️古味腩肉 + 咸酥雞(套餐HK$42)腩肉幾有層次，一層肥一層肉，唔算太薄，幾入味，不過食落有啲嚡口。相反，唔知係咪太耐無去台灣掃街，咸酥雞有台灣既感覺，唔會太咸，留左幾粒番屋企先食，仲係好好味。▪️麻辣雞 + 黃金芋泥丸 (套餐HK$44)雖然叫麻辣雞，不過唔係太辣，配埋個包好好味。值得一讚既係個包裝做得幾好。啲雞好多汁，個紙包裝都無穿。

👍🏻👍🏻👍🏻👍🏻👍🏻/5分💛刈Bao台式創意小食Gua bao葵芳葵富路7號葵涌廣場3樓TOP世界3069-T26&T27號舖-麻辣雞刈包套餐(配花枝丸）🐔我都唔識讀呢個咩包🤣🤣🤣但係呢個包真係好好食😄鬆軟又有ddd甜甜地🤣🤣但係最正係個麻辣雞🐔有四川辣醬個個feel☺️食完會麻但係辣度又可以接受🌶️加埋d生菜中和返個熱氣感😇花枝丸貼心地切左一半先炸🤣雖然熱辣辣但就唔會辣親☺️☺️-🚽(5🌟滿分)依家夜晚無堂食所以介紹多d外賣🤣所以沒有🚽喔

今日去到葵廣掃街，見到呢一間野好多人推介，於是睇下個Menu，見個個都食刈包，一於試吓唔係間間店都有嘅棺材板。雖然等咗15分鐘，但係一出嚟個棺材板熱辣辣，而且上面仲有火炙左嘅芝士。棺材板入邊嘅白汁幾香，亦有唔少嘅海鮮，之前去台灣掃街嘅回憶即刻翻返嚟。

📍刈Bao台式創意小食 (葵芳)  除左日本之外，相信另一個大家好掛住既地方一定係台灣啦！😍 呢間小食店主打平價又高質的台式創意料理，除左最人氣熱賣既傳統刈包，仲會有台式滷味同埋台式鹽酥雞，掛住台灣小食既你地必試呀!!𝐼𝓉𝑒𝓂𝓈 𝑜𝓇𝒹𝑒𝓇𝑒𝒹:💛 麻辣雞刈Bao (單點$32 配餐$42)刈包係台灣好出名既一款小食，但係係香港就真係好少地方有。佢既口感其實就好似饅頭咁，會係入面夾入唔同既小食。今次試既係麻辣雞刈包~ 刈包入面夾住好多雞肉，雞肉好酥脆。而麻辣醬汁亦好出色，唔會太過辣，仲真係會麻口，食落好惹味!! 😆 刈包本身煙煙韌韌咁，夾住麻辣雞之後吸哂啲醬汁，食落好正!! 🤤配餐既小食選擇左花枝丸，炸花枝丸外層好香脆，咬落仲好彈牙，值得一試!! ❣️💛 香芋地瓜球 ($25)如果你都同我一樣鐘意食香芋既話一定要試呀！💕 香芋地瓜球外脆內軟，香芋味好香濃，同地瓜味好夾，食落仲要係熱辣辣架！係一個好出色既甜食~𝒜𝒹𝒹𝓇𝑒𝓈𝓈:📍葵芳葵富路7號葵涌廣場3樓TOP世界3069-T26&T27號舖Shop 3069-T26&T27, Top World, 3/F, Kwai Chung Plaz

🥰 支持小店 正宗台式刈包!🇹🇼 餐廳: #刈Bao台式創意小食 #guabaohk▫️▫️▫️▫️▫️📍餐廳地址: #葵芳 葵涌廣場3 樓TOP世界3069-T26&T27號舖▫▫▫▫▫🔴介紹:位於葵芳的 刈Bao台式創意小食🔸，是間主打平價兼高CP值的小店。數款招牌菜式包括: 傳統刈包、台式滷味、鹽酥雞等等，當中最受歡迎的是古早味腩肉刈包😚和鰻魚刈包🐟哦~鬆軟的包子夾著濃味餡料，完美配搭，味道不錯呀。另外老闆推介的小餡料🥙，用台灣著名三星蔥做內餡，蔥香味濃，作為小吃也不俗呢～

主打平價又高質的台式創意小吃🍗試咗麻辣雞刈包🍗估唔到佢啲麻辣又好出色喎香辣得黎 有麻嘅感覺 真係四川嘅麻辣香雞肉醃得入味又大份👏🏻本身怕刈包沾上醬汁會濕淋 但仲保持得好好 鬆軟得黎會回彈🥠·🍡香芋地瓜球🍡好耐冇食過 新鮮即炸 又多芋泥餡 一定好食·🍢甜不辣🍢其實我未食過甜不辣 以為只係類似魚餅嘅野但原來佢係比魚餅更軟糯 更入味嘅灑上孜燃粉幾好食喎🤣

叫左個綜合8號，有魷魚圈同鹽酥雞。個魷魚圈係咬唔斷，唯有食左炸皮先再一次食本體魷魚。然後鹽酥雞好重口味，唔係香果種鹽酥味而係落調味太重，但都食得出肉有小小臭。老實講佢就唔係鹽酥雞只係重口味企圖遮味的雞。同埋有一點係，我地一直企係收銀台個位等出野食，當時全程都無其他客，整好出黎都無出過一句聲所以我地唔知出野食，等好耐想問先發現佢就咁放左係台面，然後店員唔知係邊，我地都係黑人問號咁擺低張單係枱就拎野食

刈Bao台式創意小食💛👅葵廣真係可以令人食食食唔完既地方‼️今次黎到3樓TOP世界食台灣小食，刈bao主打平價又高質的台式創意料理，除左人氣小食例如係台式滷味、🍗台式鹽酥雞之外，估唔到竟然有傳統刈包可以食添！💁‍♀️古早味腩肉刈包👍"刈包夾住大大舊腩肉 真係食埋先減肥啦哈""腩肉再吸收埋醬汁一齊食 係超Juicy!"💁‍♀️香酥杏鮑菇👍"新鮮即叫即炸 炸粉唔會好厚 連裏面嘅杏鮑菇都Juicy啊！"💁‍♀️香芋地瓜球👍"外脆內軟 口感好煙韌 餡料嘅香芋地瓜味好香甜 必點"

葵廣出名多嘢食～今次試左刈包🤩見佢個名得得意意～又唔識讀就走去試下😂（讀音：艾） 古早味腩肉刈包刈包夾住舊大大腩肉～令到舊腩肉一啲都唔油膩👍🏻腩肉吸哂啲醬汁好juices 😋刈包有啲似厚厚厚身 用嚟夾扁皮鴨嘅潤餅～如果鍾意食潤餅嘅人就一定好鐘意食刈包😋鹽酥雞配花枝丸台灣小食又點少得鹽酥雞😝即叫即炸嘅嘢一定好食！ 冇得去台灣食住台灣小食止下癮先！

招牌古早味腩肉刈包（$22單點）🍞腩肉好食！淋身入味！刈包軟熟熱辣辣😽雖然細細件但都滿足😊仲要係良心小店🤤🤤如果唔係太飽，都想試埋其他小食🙊🙊店員態度都好友善😊😊

嚟到葵廣，掃街當正餐是常識吧～良心小店要多多支持呀！除左炸物小食之後，仲有拌麵、刈包等等，下次去要試埋其他食物先得！綜合5號(鹽酥雞、香芋地瓜球)兩樣都超級香口呀！😋 鹽酥雞上面灑左啲味粉，更加惹味👍🏻 地瓜球都幾多餡喎🤤 外脆，入面就煙煙韌韌咁，好有咬口，好味！🤤 雙拼(香酥杏鮑菇、酥炸魷魚圈)新鮮即叫即炸，熱辣辣🤤 杏鮑菇外層薄薄的炸粉，裏面嘅杏鮑菇都好juicy! 魷魚圈都幾爽口，唔會韌～