刕舙馫麵館 (已結業)

今天去紅磡探望親朋戚友，完事後，感到饑腸轆轆。經過佛光街天橋橋底時，見到一間食刀削麵既餐館，餐館名字十分多筆劃，引起了我的好奇心，決定一試。大部份價錢都係$40至$50，加$9仲可以加多一款餸。我叫左牛筋腩刀削麵加口水雞。冇諗到口水雞份量咁多，有一隻雞髀再配上幾舊雞胸，即使係雞胸都十分嫩滑。味道方面，雞味突出，另帶麻香。碟底的青瓜吸收曬雞和醬料的精華。刀削麵方面，湯底味道不俗，帶有淡淡既香氣。麵質煙韌彈牙，口感十足。牛筋腩方面，炆得好入味，亦十分淋，每一口都係精華。整體來說，份量足，價錢亦唔昂貴，下次咁啱經過紅磡一定會再食。

喺附近做完嘢，行行吓見到一間類似茶餐廳，但我連店名都唔識讀嘅麵館，睇嚟係新開，價錢唔貴，一於衝入去試吓10分光猛，店內牆身仲有啲關於中國嘅畫餐牌選擇幾多，仲可以任意配搭，簡單清晰易明先來一杯跟餐加$7嘅豆漿，有包裝，感覺衛生，唔係太甜，啱我口味佢係用咗滷水豆腐果隻炸豆腐，成功索哂啲辣汁，非常滑溜入晒味，上面嘅麻辣醬都好好味，不過唔算太辣，係bb程度☄️刀削麵係手工切，麵質非常好咬，又索到啲辣湯，個人非常鐘意👍🏻湯底本來以為好似好清咁，但係一撈啲辣醬之後，辣到我個嘴腫哂至於佢比嘅手工白菜豬肉水餃，非常足料俾咗六粒我，皮薄餡靚，食到我好飽！用餐期間聽到師傅同樓面一位靚姐用方言講野，即刻感覺好正宗小店用心製作，價錢公道，值得推薦比大家！

🇨🇳中國傳統飲食文化源遠流長🥳山西刀削麵早已有二千多年歷史👍🏻代代相傳💞時至今日山西刀削麵已成為中華民族的國粹🇨🇳💖呢段文字係間鋪搵到嘅😆🥰刀削麵一向係我至愛😻今次係呢間刀舌香叫左幾樣麵食🍜首先係麻辣金沙骨刀削麵👍🏻金沙骨炸得好香脆🥳肉腍又軟又易咬🤩喜歡骨位的我超級喜歡😋唔油膩又有點辣香🌶麵質地寬大彈牙🥬附送清菜💝健康爽脆🤤之後到麻辣口水雞🐔雞肉好大件🐣滑滑黃色雞皮及嫩嫩雞肉好吸引🤤有香脆花生粒粒配上🥜好野味脆口😋剛剛好的熟度唔會好多骨🤩肉質軟滑👍🏻口水雞的辣可以由客人自行選擇😆辣味令雞肉更香更野味😋整體都好好食👍🏻好滿意 💖

去salon剪完頭,電直左D頭髮,心情唔錯,於是就睇下附近有沒好地方去食個下午茶。搵左陣GOGGLE,佢推薦左一間叫刕舙馫麵館既舖頭俾我。下午人流唔算多,隨便搵左壁畫底下既卡位座。因為唔算好肚餓,齋點左小食無點刀削麵就算。麻辣炸雞翼-雞翼一拼5件,雞翼外表金黃,炸得香脆,雞翼唔會有好大陣雪味芥辣貓耳仔-貓耳仔其實係木耳,木耳口感爽脆,伴上芥辣醬,很有風味香脆素春卷-春卷一碟5件,賣15$平均3$件超抵食,春卷外皮很脆,內裡的素菜中和春卷的油膩感👩‍⚖ 小食非常之抵食，下次會試理麵食

岩岩去完家維邨附近既紅磡觀音廟參拜,再去埋福德古廟拜土地公,休息一下,就去附近搵野食。於是便行返去民裕街,搵左一間食刀削麵既麵館落腳。店名很特別,叫刕舙馫麵館。無錯,我都唔識個名點讀。入到去人客唔算多,求其搵左個中間位座。以下係我地點既菜:麻辣安格斯牛肋條刀削麵-牛肋條炆得很腍,牛筋膜入口即化，牛肉精華風味十足。刀削麵麵條較厚實，口感Q彈有嚼勁。麻辣醬唔算好辣。麻辣豬耳仔（小）-豬耳口感又韌又脆，味道鮮香不膩，由於含豐富膠質，特別適合當下酒菜！埋單總共$60,價錢經濟實惠。

陪嫲嫲去食野,嫲嫲是山東人,特別喜歡食辣,於是就帶左佢去一間刀削麵館食野。搭左十五分鐘地鐵,係黃埔站落車,行左大約5分鐘,黎到裕民街一間叫刕舙馫既門面。今日係禮拜六,入面已經逼滿了人,大約排了十分鐘隊,就輪到嫲嫲同我入座。嫲嫲點了一配招牌麻辣牛根腩刀削面,而我就點了麻辣特級安格斯肥牛刀削麵。先上的是嫲嫲那個,她說牛根腩很好味,很腍。然後到我那碗麻辣特級安格斯肥牛刀削麵,肥牛很新鮮,與出面吃得不同,可能是安格斯肥牛的關係,肉味十分濃郁,然後刀削麵爽滑,份量很多,用來掛麻辣醬湯一流。

岩岩新開張就黎食過 覺得都五錯下 今次再過黎翻工 緊系再食翻呢間啦 嘻嘻😜 ！！ 發現多左好多 款式喎 仲有英文餐牌囉。 麻辣金沙骨刀削麵 $46 🍜🍜 湯底濃得黎都幾清架 ， 金沙骨大大件 有3件甘多 肉好軟一啲都五肥 ， 刀削麵 彈牙有口感 。麻辣皮蛋豆腐 $22 流心皮蛋 十分軟熟 ， 豆腐滷水過之後好滑 。麻辣口水雞 $45 至愛呀 雞肉大大件 肉質好嫩滑 麻辣醬除左辣 仲有麻同香 令到雞肉更野味 ，醬汁真系好緊要喎 熱檸水 完全冇苦澀味 ， 熱度岩岩好 ！！

大病初愈，吃熱辣辣東西應是上策，得到老媽子介紹，就來了「刀舌香」麵館嚐嚐招牌刀削麵。呀！不是刀舌香 ，其實是黎華馨。地點方面：餐廳位於黃埔站附近，很方便；且位於工廠區，方便在附近工作的上班族😆。餐廳雖位於內街，但有著明亮的招牌，即使遠在街尾，也能看見😇。餐廳也因午飯時段而在門外設置圍籬，方便客人排隊，十分貼心。😀餐廳內在環境方面：長長的手作璧畫，很有文青的感覺，加上設計光猛，坐下來也感到十分舒服！餐牌方面：設計簡單易明，一眼看哂，全部麻辣，哈哈！紅底白字，互相配合。食物方面：點了1）麻辣牛根腩刀削麵；2）麻辣金沙腩排；3）惹味燻魚；4）麻辣炸雞翼。1）麻辣牛根腩刀削麵店鋪主打刀削麵，當然要點啦，麵條軟硬適中，長度均一，浸湯也不易糊，滑中帶韌，跟平時在街外吃也絕對不同，什至可拍得住手打麵。牛根腩肥美，可以一吃。湯底很好，足料熬製。2）麻辣金沙腩排金沙腩排，我會給他100分，不僅是即場製作，也是因爲他吃下去是「骨肉分離」，高水準得來也是誠意之作。3）惹味燻魚很有新鮮感，魚也覺得新鮮，十分惹味。實至名歸。4）麻辣炸雞翼5隻熱辣辣雞翼是這次吃貨之旅其中一客滿意的菜式。剛剛炸起的雞翼，熱氣騰騰，

聽朋友講紅磡有間幾好食嘅刀削麵，鐘意周圍食嘢嘅我當然要嚟try try😜😜...............單併平均係四十零蚊一碗，加多個餸變雙併都係加九蚊，都算幾抵！我同朋友各自叫咗一碗雙併刀削麵！金沙骨肥牛刀削麵 $53口水雞大腸刀削麵 $61................呢碗麵真係份量十足！不過出名大食嘅我當然清晒！主角刀削麵果冇令我失望，麵質夠晒煙韌，又有啲咬口！金沙骨有兩大舊，醃得好入味！肥牛就正正常常！................朋友嗌咗豬大腸同口水雞，佢話個口水雞真係幾辣，唔似出面嗰啲得個麻字冇辣味！夠晒惹味~

在紅磡的一條內街中， 發現一間店名很特別的北方麵食館， 經過翻查後， 相信讀音是「離華馨」。店內最吸引是牆上的村莊壁畫， 甚有中式風格。餐廳主打是刀削麵配麻辣小食， 選擇有十數款，價錢親民。在場有很多街坊食客都點了麻辣豬扒刀削麵， 感覺會不錯。豬扒炸得香脆， 不會太油膩，表面加上蒜粒、芫茜、麻辣醬， 別有一番風味。湯頭用上豬骨及雞熬製，喝得出十分足料。刀削麵用機器製成， 麵條粗幼平均， 吃起來軟硬適中，軟滑卻不失煙靭。麻辣皮蛋豆腐人氣極高， 差不多每枱也有點。皮蛋呈溏心狀態， 豆腐充滿醬汁，非常惹味， 如果怕辣可以走辣。

紅磡的一條細街上，有間專賣刀削麵的麵館，沒得選粗幼麵、河粉、米粉，只單一賣刀削麵，可想刀削麵實在有其獨特優勝之處。餐牌上每項都寫著「麻辣」，但其實可以走辣的。水餃刀削麵 $38水餃是白菜豬肉餃，食得出是自己包的，皮薄，味道適中。而刀削麵果然名不虛傳，煙韌彈牙，有闊有窄，有圓有扁，實在是人手製作，無得呃。牛展刀削麵 $46牛展和麵分開上，加了些豉油，我略嫌牛展偏硬。豬耳仔（小）$12豬耳仔淋了辣油，因我吃不了辣，所以叫服務員用熱水沖沖，但服務員卻換過另一碟給我，讚！香脆素香卷 $15（5條）這春卷很好吃，外皮炸到脆卜卜，有不同的蔬菜絲做餡，好吃。熱擰蜜加$8凍豆漿加$7

週末起來的時候已經食午餐了，想食刀削麵便來這間平時常有人排隊的試試！我們點了雞翼刀削麵，安格斯牛肉刀削麵，豬耳豆腐拼盤和春卷。先說面底，可選大小辣的，所以不用擔心怕辣。雞翼刀削麵，雞翼很大隻而且有4隻，都炸得很香，而且是即叫即炸的，上菜時熱辣辣香噴噴，好正！麵會是煙韌的，很有咬口，咬咬下很快就食光了！哈哈！而安格斯牛肉是不錯的，牛肉有彈性有牛肉味，是很少麵店會有的牛肉！豬耳豆腐拼盤是涼拌的，豬耳很爽口，份量也算多，放在下面的是鹵水豆腐，加上小小四川辣汁，味道很適合拌著湯麵一起食！！另外，我們還點了炸春卷，春卷內有肉絲和蔬菜絲，包著炸得很乾脆，當然也是即叫即炸，所以很好食！有件有趣事係，每位客人都會問. 「其實餐廳名點叫？」是很普遍的，下次你都可以問下

住喺紅磡咁耐，一直都知道其實紅磡工業村嗰邊好多嘢食，以前就好鍾意有一間日本菜嘅，但係佢好似執咗去咗荃灣之後就冇再行過去嗰邊食嘢囉。今次見到佢開左間新麵店，係我最鍾意食嘅刀削麵呀！放工我屋企人兩個人食飯唔知食咩好求其食碗麵啦，然而佢啲刀削麵真係令我好驚喜！睇得出佢係自己整嘅，除咗粗幼唔一樣好有口感之外，唔會好似出邊果啲咁好粗好硬，掛湯都唔錯。見佢Menu上邊推薦嘅係牛筋腩，所以叫咗一碗，另外係見到檯檯都叫嘅口水雞。牛筋腩啲牛筋真係超級軟熟同入味，不過我覺得份量可以多番少少。口水雞認真出色，大大件嘅雞唔會剩係得骨，肉都好嫩滑，特別係個醬調製得非常好，唔會剩係得辣油，就算浸落去湯面度食都好夠味。餐飲跟豆漿。小食叫咗個口水雞醬嘅豆腐，豆腐都幾滑，有少少滷水左嘅感覺。

依間“刕舙馫”，之前係網上某些介紹餐廳的媒體平台見過一段短片，因其店名好特別，野食又好似好辣，所以記憶好深刻...今日有緣相遇，食完無令我失望，好味既，個麻辣味幾出色，又抵食！！！小食：鵪鶉蛋拼鴨血，調味好入味，鴨血比豬血的血味較輕！小食：麻辣皮蛋，超鐘意個種黏牙感，皮蛋爆花夠靚，無蛋腥味！麻辣豬手，淋得黎重有爽彈感！小食：麻辣豆腐，依個又係一定要食，好好味！個豆腐皮好野味！金沙骨，外脆肉嫩！刀削麵口感煙煙韌韌！叫到成枱野食都係200蚊到，真係抵食但質素唔差！***依到既麻辣味比較岩香港人口味，佢既麻辣香較重，辣度就唔算辣！

假日麵@刕舙馫麵館 地址： 紅磡 號隆基大廈地下3號舖 清明正日唔洗拜山掃墓，一個人做乜好？作為吃貨一個，去四處走食東西天經地義天氣好悶又濕，胃口不振，腦中就引領身體去食濃味東西，間中重口味刺激調節一下今次食左，$35 麻辣金沙骨，上一世是狗仔，有骨特別喜歡咬，加上麻辣油，係好鹹又濃味，但送酒一流$9 青瓜係食辣菜中不可缺少，水份豐富可解解新，細細碟唔貴$13 tea reduce spicy 基本上9成食物係麻辣，要心理準備才來。