劉萬利咖啡粉麵飯

营业中

休息中

劉萬利咖啡粉麵飯 (沙田)位置：沙田沙角街5號沙角商場地下熟食中心5-8號舖—————平時去連鎖餐廳食飯平均都要$6x一個飯，仲要無服務，食物質素都係中央廚房，所以可以的話我會幫襯小店今次去咗沙田，有間地道嘅港式大排檔劉萬利呢類有人情味又有風味嘅大排檔愈來愈少🥲🌟叉燒炒烏冬$52🥢一上枱熱辣辣，有鑊氣🔥🥢叉燒唔會太鞋，烏冬炒完冇碎，仲係一條條🥢味道唔會太咸🥢跟餐有金銀菜煲豬骨湯，可以清熱潤肺

沙角邨劉萬利地點方便，沙田圍MTR行3分鐘就到！之前一直都幫襯開，炒小菜炒粉炒麵夠曬鑊氣🤤🤤但午市就真係第一次！今日食左京蔥牛肉飯52$一如既往嘅鑊氣😍我好怕食到蔥嗰浸味，但呢係完全無！而且爽脆香甜！👍🏻牛肉只有好少嘅筋，有咬口食得出無用鬆肉粉！表面焦香入曬味！跟左一杯凍奶茶一個中湯，不過不失👍🏻只能夠講劉萬利食鑊氣野，炒粉麵飯真係講夠一個穩陣，永無出事，大推🤤🤤好食！值得一試再試！

食開博康金沙角 諗住轉下 點知就中哂伏 見餐廳都幾多街坊食 仲有唔少人等外賣 諗住唔差得去邊啦 點知⋯🤯一次叫左2個餸 再後補個通菜 茄子排骨煲上得幾快 但唔香 冇鑊氣 茄子🍆咬落個心仲硬硬地 排骨咬唔入😰 食完等幾個字先上到個雜菌扒豆腐 賣相完全顛覆我認知 以為係白色豆腐上面舖雜菌汁 但原來係炸過既豆腐同雜菌汁兜埋 然後冇件豆腐係完整🫠🫠🫠成碟餸睇落似餸頭餸尾兜埋咁然後又等左幾個字先上腐乳通菜炒鮮魷 鮮魷算多 但咸到🥴 食餐飯等既時間耐過食😮‍💨整體尼講 呢間野只係將食材煮熟 冇鑊氣 冇賣相 味道劣 同埋樓面都幾多人 但冇人會執野 要叫先執 不過一坐底個時就好主動俾啲碗仔我地方便share食 另外餐廳主要膠碗碟為主 啲餐具勁油🤢

金沙角早餐必食一定係沙嗲牛麵+腿治/蛋治。佢既牛肉質地同出面既好唔一樣，牛肉厚薄算薄，咬落去冇乜筋位，係真係一塊塊既肉，肉質仲好鬆軟。佢既公仔麵唔會好容易就發脹，食完之後都唔會係個胃發脹，唔會有食滯既感覺。蛋治方面，炒蛋冇油膩感，外面既方包咬落都好鬆軟，完全冇吸蛋治既油，好好味。早餐有麵再加蛋治真係好飽好滿足。裡面既餐廳姐姐同叔叔都超級好人同有禮貌。難怪每朝早都爆場，星期日仲會多人到係出面排隊等。

當年的冬菇亭，今日全數已入舖，回憶就是……一樣的人情，一樣的街坊。。。就是美當然店內人流多，可見至今都人得街坊喜愛。今日飽飽地沒有選小菜套餐，而選了當日最愛冬瓜鴨肉湯飯。。。鴨湯有濃濃的鴨香味，加上蟲草花，令人更感滋潤，仲要大大盅，開心死。冬瓜大件又入味，滿口也是湯的精華，懶人之選，唔要咬，就食到。仲有冬菇係驚喜，多一種口感，加上蟲草花令湯更鮮甜。而且嗰飯的份量沒有改變，抵食大件。男士至愛。呢區傳統的冬菇亭老店，不會令你失望。

雖然大約20年歷史嘅冬菇亭係早幾年被清拆，冇晒大排檔嘅feel，但係嚟到沙田圍一定要食劉萬利呢間大排檔，建議食沙角邨的老店味道比較好比較正宗，菜式同一般大排檔差唔多，但呢度有一種其他地方體驗唔到嘅街坊情懷🥹當日試咗魚香茄子飯，白飯粒粒分明，好足料，味道不過不失，而朋友當日就食咗沙嗲牛肉麵同奶茶，劉萬利嘅沙嗲牛麵同奶茶可以稱得上係沙田區嘅代表，味道當然冇令人失望。如果唔介意環境同衛生嘅話(大排檔衛生)絕對值得一試🤩

去咗沙角邨劉萬里餐廳食午餐平時經過喺舖頭出邊都至少要排8至10個人，今日見到唔使排隊，所以就順便入去試吓入到去人流很多座位幾乎坐滿但侍應很快就給我們帶了一張卡位，餐牌上有很多菜式，今天我們三個人去，分別點了三個不同的餐share😋😋😋食物方面：沙薑雞飯62元洋蔥紅腸雞髀飯50元滑蛋牛肉炒河50元以上全部包中/西湯一碗及熱飲，凍飲則加2元加配紅豆冰也是2元😍環境方面：餐廳人流很多座位上很窄如果是自己一個人來吃要搭枱的話餐廳也會配備透明膠版衛生程度方面：尚算衛生，地面乾淨整體來說是一間性價比不錯的餐廳值得幫襯

今晚去到位於沙田博康邨既新冬菇亭，講下舊史以前的冬菇亭衞生就冇現在咁好，但就好似特別有風味，見住d廚房大哥打大赤隙炒到身水身汗咁。座位就比較有點空間，但人與人之間就好像冇咁親密，少了點街坊味。講返d菜式先，先點了涼瓜炆倉魚，再點埋個八珍炒豆腐，原本想見個炒菜但個伙計就好好人叫我食隔離粉麵既白灼菜心19蚊咁就平左好多，因為炒個菜都60蚊起跳。涼瓜炆倉魚，倉魚先炸後炆係做得相當不錯既菜式，可惜炸倉魚用死魚都係合理，但條魚係死得太耐，d肉都碎濕濕，原本好好地既菜式就彎左。八珍炒豆腐，豆腐先炸再加上什菇等炒，味道都係好既，可惜個豆腐入面係凍，應該是走左油放得耐左再加上炒既時間唔夠，可惜。白灼菜心算是成晚最掂的，灼既時間剛剛好加上蠔油，味道突出鮮明。

沙角邨有20多年歷史的冬菇亭hawker square 於2019年拆缷，大多以前的大排檔都不能過渡，現在只剩下劉萬利在原址經營。下午茶時間來到試咗以下食物。✨菠蘿油$9👎cp值就高，但味道麻麻，番叮包底，牛油淋晒，冇嚟香味，因貨就價，very bad 🙄。✨油占多$9厚薄適中，菓酱甜酸味夠，又係衰個包底，not fresh🙄但抵食😀✨奶茶$17茶夠熱、夠香、夠濃，奶味又足，match得起d茶，不愧大排檔起家，比一般連鎖茶餐廳好👍✨菜遠牛肉炒河$47上枱熱辣辣，牛肉cover晒成隻碟，醬汁澮得非常出色，足夠的掛在牛肉和河粉上，河粉炒得很有wok氣，不油不浰👍👍👍原來劉萬利善長小炒，下次來一定要試，其實他的食物普遍便宜，比出面低$10至$30, cp值高，地方算大和整潔，擺位似大排檔格局， 伙計服務態度好，會粗聲粗氣👍，難得。

今日同老公來食晚餐好少寫食評，但真係好好食，所以覺得要寫出來今次我地坐左窗口位，所以坐得幾舒服下叫左乳鴿試下冇諗過出乎意料地好食乳鴿嘅肉非常鮮嫩，好多汁睇得出廚師炸野功夫非常好熱辣辣幾好食再點埋醬汁，簡直係人間美味叫左個煲，咸魚雞粒豆腐煲唔會太咸咸魚味好出配飯真係好好食食到停唔到口豆腐好滑好嫩再叫左個菜，蝦醬炒通菜鮮魷好有蝦醬味鮮魷都好嫩綜合來講，今餐幾好食，係意料之外地好食無諗過openrice其他食客食評一般但親身去食，呢間比其他茶餐廳好食會再光顧漏左一點，例湯都好好飲，唔咸，冬瓜湯好消暑，所以好surprise

之前試過一次對面博康邨的熟食檔，那次是假日時間去吃下午茶，感覺相當差劣。這次午餐時間，人流旺盛的時間去吃過炒河。這個位置相信都應該是以前飲食火鍋那個位置，變成了幾間冬菇亭，金沙角都是普普通通，另一間嚐X都是連鎖。XO醬叉燒炒可，份量不算大得誇張，剛剛好，炒得河粉不算太過油膩，鑊氣正盛，夠熱夠香， XO醬不會太辣，叉燒看似比較瘦，但亦都不算吃到滿口痴牙，再有洋蔥以及韮黃調味。鴛鴦味道都不錯，雖然咖啡味道不算很濃，不過茶味出眾，都算是不錯的茶檔，這間餐廳都算夠大，內裏空間夠大，因此可以容納不少食客。

餐廳𥚃每張枱都非常近，環境十分擠逼。雖然社交距離限制放寬至4人一枱，但在疫情下都應該盡量減少與陌生人同枱下進食。在有其他空位的情況，仍然兩次安排我與3位（他們也各不相識的）陌生人一枱。當我拒絶準備離開去第二間餐廳，侍應才安排只有一名食客的那一枱。落單後，侍應突然又安排多2位客人撘枱。雖然好反感，但食物到了，牛腩好鞋，只吃了兩口，對面那位食客突然連打幾次噴嚏，隔板上都見到他的口水，坐旁邊那兩位也立即離開。而我只能放棄我的午餐，亦無胃口再食午餐，埋單離開。希望餐廳能顧及客人感受，在疫情下應保持每張枱的距離，即使安排撘枱亦要安排坐斜對面而非坐滿所有位。

如果住喺沙田圍站附近嘅朋友你一定食劉萬利細細個就係呢度長大劉萬利陪左我哋20幾年，一年前冬菇亭拆咗，要重新起過，劉萬利嘅面積得返六分一左右呢個大排檔陪住我哋成長，味道又因為咁而有轉變左以前最鍾意食呢度嘅雲吞麵，好彩雲吞麵依然好味雲吞依然夠新鮮，大粒，但係大排檔嘅味道已經一去不返仲有杯奶茶，同以前一樣茶味濃郁😊😊，係舊式茶餐廳嘅味道，價錢同以前差唔多，如果你經過沙田圍站，記得懷緬下往日嗰份人情味

裝修後食過三次車仔麵，其中兩次食完都肚柯，收銀老闆娘次次都收多錢，建議大家比錢前自己計一計數先，試過幾次收多$1-$10不等。似係有心收多博食客唔為意，老闆娘你心算差唔該就用計數機啦。

一時唔覺意，叫個飯落杯熱飲。以為跟餐，但係佢係唔包嘅，亦都冇寫係餐牌上邊。自己睇路。當然啦，我自己都冇問清楚熱飲需唔需要加錢定係散叫。咁就好容易洗多咗錢都唔知！$17杯熱菜蜜