利苑酒家 (創紀之城五期(apm))

营业中

休息中

原本打算去好彩酒樓食團年飯，點知好快就full booking，改左去觀塘利苑。先讚他們不需客人叫指定套餐（套餐一般都貴，8人都要4000），可單點，於是我們叫了4隻乳鴿， 幾款小食，另外order咗四個餸,一個煎面及一個 香芋臘味粒炒飯，最可惜沒有事前預訂乳豬及已售罄的片皮鴨。再講下味道，各人非常滿意，尤其五香牛展片香口惹味炆得淋身， 乳鴿燒得乾身但多肉汁，4隻已夠十二個大人細路食，真係意外驚喜。其他 餸菜味道絕對不會令人失望，雖然所叫的餸菜並非屬山珍海味， 味道卻令人回味。下年都會轉去這處食團年飯，好過其他又貴又唔好食嘅酒樓。

冬至大如年，我哋一行17人，大大小小一齊食頓豐富的午餐 — 就是飲茶去～叫了片皮鴨啦，點心啦，當然少不了食湯丸應節啦～*我哋一早訂咗一張16人枱，訂咗冬至的星期日2pm。去到原來都要等位。2:30pm先有張16人枱坐。之後叫點心和片皮鴨，2:50pm 先上菜，味道唔錯😋。3:00pm左右就叫我哋埋咗張單，話先埋單之後慢慢食喎。嘩！真係有少少問題喎，嘢食都未嚟齊就巳經叫埋單，這是米芝蓮餐廳的服務質素嗎？嬲嬲哋，我話「我介意呀，遲啲先埋單吧。」店員聽到之後話OK，遲啲先埋單。*不久之後又話last order，我哋就即刻點了2碟炒粉麵飯和甜品。店員等我哋上齊菜之後又叫我哋埋單先，好吧，就埋單啦。我哋走嘅時候，差唔多4pm，原來已是最後一枱！*上網搜尋一下，餐廳原來原本下午3pm休息，但因為要配合做節，所以開到4pm，攪到食客要食快啲，店員也小了1小時休息。只可以説，今時唔同往日，米芝蓮餐廳都要叫食客要食快啲，做多幾枱。我明白，只好體諒一下啦。

男朋友正日生日飯 食好啲😘🎂💕👦🏻媽媽提議到出名食中菜既利苑慶祝一下🎉✨#冰燒三層肉 (8/10)果然係利苑招牌🏆皮脆肉嫩 肉質軟嫩融化 燒肉皮脆卜卜‼️層次分明 入口不油膩🤤點埋黃芥末醬 更有另一番風味💯🦀️生拆蟹黃翅 (7.5/10)色澤金黃誘人🤤侍應介紹係師傅落單後即拆既蟹肉 肉質鮮美 入口味道濃郁醇鮮 鹹香不膩🧡用料十足 啖啖蟹肉同魚翅 大滿足😋✨蠔皇扣南非鮑魚伴海參 (9/10)睇住店員將炆煮後的鮑魚海參不出黎🤤熱辣辣仲噴緊煙 分俾我地 食慾大增💕鮑魚大大隻 肉質鮮美 口感微煙韌彈牙兩者用料靚又夠入味 海參爽口有嚼勁醬汁調配得超正超香濃！搭配上海參和鮑魚 加分不少 更提升鮮味💞🐟日式煎龍躉扒伴沙律菜 (8/10)外皮煎焗成似餅乾脆脆的口感😝幾特別！魚肉肉質結實 啖啖肉得黎帶少少咬口 配埋日式醬汁甜甜酸酸非常好味🤤香口得黎亦保留到魚肉本身既鮮味～🦐西施蛋白蒸虎蝦皇 (8/10)虎蝦煎得勁香 蝦味濃郁 肉質爽彈🧡味道新鮮食得出絕對不是雪藏貨蒸蛋白火候控制剛好 入口嫩滑 味道鮮甜💛好似食緊豆腐花咁😝🍚鹹魚茸肉末蒸飯 (7/10)用左泰國金鳳米 粒粒分明 有嚼勁充滿米香~味道同整法都有啲

今日同同事行開觀塘apm呢間利宛度飲茶， 其實都試過多次，但觀塘呢一間就未試過。 咁我哋叫咗唔係好多點心，主要都係因為想傾下計吹下水咁樣啫。 值得一提嘅就呢個雪山奶黃包都非常之好味， 奶皇都整到好滑。 其餘嗰啲叫咗菜呀都係一半嘅點心， 但其實overall呢一間嘅食物 ，水準係 fine 嘅，但係個價錢我覺得就真係認真貴。 因為其實相比起其他酒樓 ，佢個價錢我覺得真係好似酒店咁樣 。所以其實如果佢可以考慮下現今經濟環境再adjust返個價錢咁就應該會好好多。

家人臨時決定聚會，在詢問了幾間餐廳後，只有這間APM內的利苑當晚還有10幾人的大檯，便前來一試。店內裝修陳設已略顯老舊，餐具更有破損。檯面的餐牌多是山珍海味，普通小菜如咕嚕肉亦約$150起，寫在菜單不明顯的一角，且選擇較少，蒲坐下，店員邊開始力sell貴價套餐，追問幾次，有點令人倒胃口。菜品只稱得上不過不失，人均$400左右的中菜，相信有大把更好的選擇。全程除了sell套餐同傳菜，沒有任何其他服務可言，沒有換碟，就連添水都要催上幾次。

難得約齊七人幫飲個茶食個包，老友就話就下佢去觀塘apm利苑飲茶☕，呢間我都係第一次嚟，冇所謂啦!老友幫找位先，真搞笑，話門口直入轉左走鬼位，哈哈一定見到嘅！真的好容易見到呢個位，其實冇行到入面都唔知裏面有幾大，不過地方真係幾寬敞和好舒服， 傾計一流，不過就有限時間，因為人太多不可以坐得耐😛 發板就由老友發板啦！叫了好多款點心呀！😍😍 ✨✨✨✨✨懷舊馬拉糕，黃金南瓜， 蜆蚧鯪魚球，xo醬炒腸粉， 豉汁蒸鳳爪，叉燒包， 潮式小粉果，蝦餃，蜂巢芋盒， 香煎蘿蔔糕，奶黃流沙包！七個人係咪有點過份呢！😂😂😂😂每一款點心都睇得出師傅用心製作，好小巧 標誌， 賣相吸引， 味道又好味，雖然價錢有點貴，食賣上食環境到超值呢！👍👍✨✨✨✨✨馬拉糕有點似比薩斜塔鬆軟到不得了xo醬炒腸粉 蝦好大隻睇過賣相已經好吸引 黃金南瓜 嘩廚師真係有一手甜甜嘅南瓜味再配啲鹹蛋黃漿撈埋一齊咋味道好夾大大粒炸鯪魚頭 記住要點蜆介醬食呀！

是日工作需要到觀塘APM, 我對呢一區一向都唔熟, 唔好話搵嘢食, 去到晚飯時間成個APM無一餐廳是有位的, 門外都充滿着大批等位的人龍唯獨偏偏利苑有一枱空位, 馬上衝過去利苑- 由第一次在銅鑼灣開始食, 圓方到中環IFC, 元朗Yoho mall甚至來到觀塘APM也看到利苑的身影兩人共點了三個小菜, 包括老干媽干扁四季豆($130), 德州煎牛柳($160)及醬油脆皮雞($180)四季豆的味道正常, 份量也頗大的, 用上了老干媽醬汁的口味加上鑊氣去炒的醬油燒雞, $180份量只有半隻, 味道偏鹹一點, 燒雞夠脆皮, 雞肉滑溜, 不算太肥德州煎牛柳, 沒有想過在中餐廳點了一份比較像西餐的牛柳, 哈哈味道符合利苑出品的水平, 煎得好香口, 用上中級的牛柳, 沒有雪味, $160 兩大塊, 可叫侍應把牛柳剪開, 方便食用總結一下, 發現店內食客年紀多數以中年為主, 三個小菜兩人消費加一後共$5xx, 勝在利苑中菜廳的出品比較穩定, 質素算是有保證

星期六是妹妹的大日子，天氣陰晴不定，雨粉飛飛。想不到惡夢已慢慢步近……4點電話響起，「場地有問題，要轉場。」已在旅遊巴接賓客到會場的我嚇呆了，說不出話來。接下來的是一連串恐佈的尋覓場地經歷……2小時內搵一個附近的場地即時擺6圍結婚酒😭直到，接通＜APM利苑的電話＞原本要取消婚宴終於有一絲希望！利苑把我們由地獄拖回現實，從新娘跑去落訂一刻開始，酒樓經理便集齊員工幫我地擺枱圍場地，印菜單，準備菜餚……十分高效率！感激！六點賓客準時到場，一切都處理好了，我們真不敢相信！折騰一輪，終於到了上菜時間，婚宴菜色是七道菜另配甜品果盤，＜清宮明火雞煲翅＞湯底清甜美味，<如意百合炒带子>甜豆炒得爽脆，带子大粒飽滿，賣相👍👍，非常好味。再上<蠔皇扣南非鮑魚伴玉掌> 南非鲍魚大小適中，口感煙韌，蠔油汁底不會過咸，大家都讚好吃，想再來一份！大力推薦👏👏👏夠體面又好吃<古法蒸海星斑> 星斑顏色紅红，鱼味濃郁，配木耳食，不像清蒸般單調，美味也特別。<脆皮燒雞>味道一般，不多介紹。<蛋白杏仁茶>杏仁味清甜，不甜膩，為婚宴劃上甜美句號，

好失望 第一次去食 服務態度唔算好唔算差 要乜冇乜 之後無計就點左幾樣喇 雞 片皮鴨二食 黃金蝦 一條老虎斑 點講啦 唔算好食 當大家以一個肚餓既心態去食飯正常應該係冇乜挑剔，但真係 食一啖都唔會再夾 連我奶奶平時食嘢要打包既人見到淨咁多都話唔想打包 返到屋企全部係度煮麵食

首先，服務態度差，語氣不好。然後，我們點了一個烏龍魚，一向喜歡吃魚的我，較為失望。魚的肉比較老，和平時吃的魚有很大分別。相信下一次不會再光顧。一次的失望就夠了。。。。。。。。。。。。。。。。。。。。。。。。。。。。。。。

慕名而來 唔訂位真喺好難食到一行四人點左幾樣試下叉燒望落夠曬肥美 入口又不太肥膩 但口味稍微甜左小小😗龍蝦泡飯重點推薦 口味鮮濃 飯粒焦香脆嫩 吸飽湯汁超過癮😝炸子雞就中規中矩🧐

今晚同朋友慶祝生日，記得佢中意食利苑，所以就帶左佢黎食啦。利苑餐牌見到既菜式唔多，好似好多之前都食過咁，所以今次就揀左佢既套餐，每人638元，另外仲有加一服務費。一向對食材有要求既利苑，今次食到既食物都唔例外，都新鮮好味😋，但原本諗住638既餐，應該點都會食得飽掛。。。但結果係食唔飽架🙈，因為佢全部野食份量都非常小，連碗麵都係同平時去酒樓食點心用既碗差唔多，食晒成個餐應該得6成飽左右，可能係我太大食？🤢如果份量可以多少少就好啦！

一直都幾鍾意食利苑酒家，今日係觀塘分店食。環境好靚，可以望到街景。不過侍應態度麻麻，我諗佢哋主要做熟客，所以侍應唔太理我呢啲生面口嘅食客，但係嘢食味道係好食嘅。我哋一大班人叫咗好多嘢食，我最欣賞就係沙溪米鴨、龍蝦泡湯飯同埋黃金黃鳳尾蝦。米鴨好入味，食落口就充滿濃濃嘅酒香味，連啲骨都入晒味，非常好食。龍蝦泡湯飯係必叫㗎！湯汁好濃味，又鮮甜，而且配埋脆米，非常有口感黃金鳳尾蝦，有濃濃鹹蛋黃味，而且炸得非常香口，啖啖肉，真係好好食！

今晚與同事吃飯，選了吃粵菜的利苑。我們點了欖菜肉鬆蒸茄子、片皮鴨、芹菜藕片炒牛柳絲、秘汁香煎黑豚肉、鮮蝦蟹肉蒸蛋白等…….先講肉類片皮鴨會在我們面前片皮，片後皮連少少肉，皮脆肉嫩，粉皮薄而軟身，夾住醬汁同京葱一齊食，正！煎黑豚肉沒有特別出色，感覺像普通的一塊豬扒。蔬菜類野菌銀杏炒蘆筍中的露筍爽口，多百合，配野菌，夠清新！欖菜肉鬆蒸茄子夠香，欖菜惹味鮮蝦蟹肉蒸蛋白夠滑，不錯！最後吃完楊枝金露好圓滿！

之前老闆請飲茶，覺得點心偏細件精緻，適合喜愛細味品嚐的人，像我們求大件抵食的，真的不太滿足。但今次，老公挑選在這間米芝蓮榮譽的酒樓宴請親友食晚飯，由選菜單到當晚進餐的服務，都十分滿意，尤其經理主動提出替我們佈置房間，為當晚增添不少氣氛，十分感謝讓我完全改觀，留下十分美好的回憶黃金豆腐粒外表看似平凡的椒鹽豆腐粒，入口先知原來係咸蛋黃豆腐，又香口又惹味，食唔停口！妙齡乳豬全體妙齡即係比乳豬細隻啲，感覺唔肥膩，外皮色澤金黃香脆。如意吉祥炒虎蝦球如意吉祥應該形容緊啲露筍、菇同燈籠椒，清新爽口，而主角虎蝦隻隻肥大爽脆。此外，份量超多!蠔皇扣花膠扒伴玉掌骨膠原十足！首先侍應向我們展示原塊花膠，再剪開放入砂煲加熱。分完之後，件花膠都仲大過隻掌，十分足料。一個字「很膠」！清蒸沙巴海星斑新鮮嫩滑。鴻運脆皮燒雞又係皮脆肉嫩！龍蝦湯泡飯於濃濃龍蝦湯加入脆卜卜飯（應該係將啲飯炸過），意想不到的好食，入口脆卜卜，連食到飽飽嘅小朋友都清咗乾清棗皇糕棗味特濃，煙韌不黏牙！女士大愛！棗皇百合燉雪蓮子雪蓮子近年人氣上升，滋潤養顏，口感軟糯，糖水甜度適中。最緊要係唔係啲大路糖水，緊貼潮流！經理出心出力佈置房間，令我十分驚