利豐打冷小廚

营业中

休息中

天寒地凍，食咩好？有咩好得過一大班friend圍埋一齊打邊爐或者同埋三五知己嘆番個熱辣辣既羊腩煲呢？早幾日氣溫驟降，令人胃口都無咁好。我男人因此極力推介位於係黃大仙正德街既大排檔入面既正爆羊腩煲！我開頭都半信半疑，懷疑有無佢口中講得咁正咁好呢？羊腩煲整黎整去都係咁架啦！上菜既時候真係眼前一亮，皆因個晚我淨係同我男人兩個落去食，但個煲羊腩煲既分量係3個人食有餘！入面既羊腩香氣撲鼻，淨係嗅都已經令人垂涎三尺！除左羊腩，羊腩煲既經典材料當然一樣都無少，有齊支竹、馬蹄、荀同冬菇。除羊腩煲仲附送一大碟生菜，超級抵食！每舊羊腩都燜到透哂，皮同肉已經分開，絕對唔會有羊腩太硬咬唔到既情況出現。所有配料亦都吸收哂湯既精華，淨係食條支竹已經感受到成煲既滋味！我地兩個食哂成煲羊腩之後，因為唔想浪費個d濃郁既湯汁，就叫多左個烏冬。最後再個食到捧住個肚，寒氣一掃而空！當日叫左既食物：羊腩煲 $168烏冬(一個) $25青島(一支) $15忌廉(兩罐) $12食到飽一飽，埋單只需要 $220 !!!希望大家可以支持下係香港買少見少，寥寥可數既大排檔!!!(本來無諗住寫食評，所以無影到個烏冬同碟菜既size)

今天專程來試菜, 車泊在黃大仙中心地庫, 十分方便, 走上一層便到, 見每枱都叫生炒骨, 應該是好野, 可惜在早上已吃了一次, 而且不是真骨, 而是豬扒款式一塊塊的, 都是下次才叫吧, 韮菜豬紅, 很難做得唔好食既, 只需要夠熱, 這碗十分熱, 好味, 但實在太大碗了, 都是食唔晒, 鵝片, 不過不失, 鵝味不算太濃, 但肉質好, 咬得出十分新鮮, 下面的豆腐也不錯, 彊蔥魚雲煲, 香口, 夠味, 蔥多, 不煋, 今天駕車, 沒得飲啤酒, 可惜.

難得放假，就約了三五知己來到這間店吃晚飯，叫了幾碟呢間舖頭的撚手小菜。一去到就見到所有位坐爆晒，好彩頭輪啱啱轉咗，冇幾耐就有一張空枱，老板非常熱情，極力推介我地食羊腩煲同埋炸蠔餅，另外我地仲叫咗口水雞、炒花甲、金銀蛋菠菜同菠蘿咕嚕肉。先講老板所推介的羊腩煲跟生菜，一上來就感受到腩煲的肉香，而食落口感嫩滑，羊肉冇羶味，老板果然沒有介紹錯。跟住就係炸蠔餅，炸粉的粉漿唔太厚，所以食落唔覺漿口，非常鬆脆，而又不失蠔的鮮味，一流！再來一碟生炒骨，酸酸甜甜，最令我印象深刻嘅係啲菠蘿，食落去好爽口，菠蘿味重，炒菠蘿食落竟然可以同新鮮菠蘿一樣味道。廚師功力可見一斑。炒花甲：味道稍為咸，但加上辣椒同豆椒去炒，帶出蜆肉的味道。口水雞：配料充足，有齊各種四川菜有的香料，但隻雞食落去啲肉較為霉口，不過不失。最後碟菜都ok，沒有多大驚喜。整體來說，該舖頭的菜式質素都有一定水準，廚師廚功亦一流，埋單計數每位大約一百元，實為一個高水準的食肆。

雖然住得近，但竟然咁耐都未去過。開飯啲相影得咁靚，終於俾佢吸引咗嚟。放咗工即刻去，所以冇乜人。任坐~~一心食啲自己唔會煮o既嘢，於是決定炸炸炸... 生炒骨、炸大腸拼鮮魷、蒜蓉菜心，加罐可樂就完美喇。幾個食評都大讚生炒骨，而我本身又好鬼鍾意食，所以點都要試吓。炸漿唔算厚，又炸得透，食落唔會剩係食到炸粉咁。肉質唔算太腍，甜酸汁味道亦啱啱好。總算冇令人失望！大腸皮炸得好脆，肥膏亦唔算勁 (始終肥肥地先好食)。但相對地鮮魷更出色，炸得乾身，但肉身仲保持到少少彈牙...菜心有啲老同有啲燶，失色之作。兩丁友能夠試o既實在有限，唯有下次再試吓其他嘢。

較早之前翻新過的熟食亭，偶爾會吃個早餐，即使離家很近，晚飯卻很少吃。碰巧朋友說想吃小菜，二話不說便來了，看來她比我更熟悉這裡。我並不是無酒不歡的人，只是難得的小聚，很想開懷暢所欲言點。酒精，的確可以令人放鬆心情。【獅威啤酒】很久沒有碰酒類品，雖然比起青島為淡，但較易入口，至少比嘉士栢好喝。【金銀蛋炒莧菜】金銀蛋有皮蛋、咸蛋和雞蛋混在一起，加添肉碎後有點散。一大盤的莧菜在底，翠綠幼嫩。【啫啫雞煲】看似有很多的配料，但大多都是蒜頭，要是可以通通變成栗子，便太好了。雞肉很軟滑，味道也不錯，所以我猜是用雞腿吧。【豉椒炒蜆】白飯吃完了，卻還有一大支酒沒喝，唯有再點一些伴酒菜。我很少吃貝殼類的海鮮，這裡的蜆肉不算很小，基本上用筷子輕輕一翻便離殼，一口口地吃著很方便。　

我自細屋邨長大，對於每日都望住嘅冬菇亭大排檔，特別有感情。香港剩餘嘅冬菇亭大排檔已買少見少，而當中亦有唔少令人回味嘅食肆，所以大家有機會的話，點都要去試下...黃大仙下邨嘅利豐打冷小廚喺九龍區都幾出名，大家坐港鐵到黃大仙站C2出口，再向左行唔駛兩分鐘就見到冬菇亭，好方便！雖然利豐以打冷小廚為名，但佢地最強嘅反而唔係潮州打冷，而係港式大排檔小菜...潮州蠔餅($35) - 呢度嘅蠔餅第一個感覺就係唔油膩，而且餅身好有層次，極有咬口，加埋大量新鮮蠔仔，難怪成為利豐名物之一，個人覺得唔蘸魚露食更正，大家不妨試下~！椒絲腐乳炒通菜($30) - 呢味分分鐘係大家去大排檔必叫，而呢度通菜份量足，顏色嫩綠，咬落無渣，絕對係正菜！腐乳落得唔會太重手，味道啱啱好，所以食多幾條菜都唔會覺得口渴～！菠蘿生炒骨($48) - 如果我話呢個係全港最好食嘅生炒骨，大家都可能覺得誇張，但唔信的話即管黎呢度試下！酸汁味道恰到好處，生炒骨外層炸得香脆，肉質咬落鬆化，軟骨仲要爽口到爆，咁夠鑊氣嘅一碟生炒骨，去邊度搵？椒鹽鮮魷炸大腸($58) - 就算去東寶又好金利來又好，椒鹽鮮魷都唔夠利豐整得咁淡口，但唔代表利豐嘅唔好

一 行 五 人 來 個 快 閃 飯 局始 終 小 炒 呢 家 野 ， 人 多 好 叫 餸 。首 先 說 一 下 蠔 餅 ，→ 潮 州 蠔 餅 ($40) 係 利 豐 嘅 名 物 ，幾 乎 每 枱 都 會 叫 一 碟並 非 一 般 以 大 量 炸 漿 小 量 蠔 仔 食 到 上 顎 都 損 曬 的 行 貨 ，而 是 真 材 實 料 ， 咬 下 去 口 感 綿 密 ，光 是 原 汁 原 味 也 很 好 吃 ，喜 歡 辣 的 朋 友 可 加 點 辣 醬 ， 味 道 不 錯 喔 ~蘸 上 魚 露 亦 令 味 道 提 升 不 少 。→菠 蘿 生 炒 骨 ($50) 亦 係 利 豐 嘅 招 牌 菜 ( 必 食 !! )必 試 的 菠 蘿 生 炒 骨 ， 一 上 枱 ， 心 裡 不 禁 嘩 然 ，好 耐 都 冇 見 過 咁 有 水 準 ，那 琉 璃 般 通 透 的 醬 汁 輕 盈 地 包 裹 著 一 顆 顆 排 骨 球 ，看 著 已 經 胃 口 大 開 。肉 質 烹 調 得 剛 好 ， 不 像 外 間 部 份 的 死 硬 派 ，醬 汁 味 道 沒 有 死 甜 死 酸 ， 調 較 得 恰 到 好 處

自細係黃大仙長大,冬菇亭大排檔可以話熟到不得了.但係真係好耐好耐無去過食啦,咩都轉晒啦...今次試呢間利豐,其實佢地係打冷黎.不過又有炒野咁...鑊氣都ok.今次最想介紹佢地我荔灣炒蜆.平時食炒蜆多數都係炒豆豉呀棘椒咁.不過呢個係先走個油之後棘椒同爆蒜溶.食過其他地方咁做但都處理得唔好搞到好多油.不過呢度唔會.其他野食都係中上水準.

黃大仙冬菇亭~好:份量大，熱騰騰，新鮮滾熱辣，味道唔差~抵食之選。雞扎真係唔錯，我地叫左2籠個人認為比九龍城陶源好 芋頭夠粉，大大舊雞，唔霉，腐皮、魚肚、火腿果D都OK。 好似係$10排骨，E+好多茶樓D排骨愈黎愈差，聘珍樓果D都係咁話(當然，聘形樓其實都唔差) 呢籠排骨，以佢價錢，算好唔錯，D排骨唔肥(不過D汁OK肥下)，成碟堆滿排骨，唔霉，夠味。大包都OK。不過...個馬拉糕就麻麻。蘿蔔糕...冇食，但見到人地叫果D好'膿'呀~差點唔記得講燒賣...阿媽話唔錯...我自己就未食過呢種感覺既燒賣，但都唔差，可以試下，雖然賣相唔討好...個口感冇食開果D咁腍，咬落去，竟然見到有隻蝦。都係$10籠，試下囉~茶錢，1$1個，超抵，但當然，唔好太高要求啦~環境就真係比較逼，但咁先有返少少冬菇亭既感覺伙計，勤力快手~有個阿姐幾客氣...佢都有盅頭飯、牛柏葉果D，但冇show出黎，請D阿姐攞就得~下次試下佢D蓮蓉包先

冬菇亭大牌檔俾鐵皮屋大牌檔優勝在有冷氣...而且鑊氣一樣好今晚買了豉椒鵝腸炒麵...鵝腸少左 d...麵多左 d...食到尾唔夠餸....但味道好...麵底仲有少少脆....椒監九肚魚...外脆內軟...炸蒜頭好香...但無椒絲...欠左少少野咁蠔餅...唔一定要打冷檔既...呢度一 d 都唔差...夠多蠔仔..唔會一口粉...又唔會一口油...俾埋點既魚露汁又正...好味

三十多度下的天氣，熱得連舌頭也伸出來最好的消暑方法莫過於喝枝樽裝汽水或吃杯軟雪糕，不過小弟偏偏就在此時選擇到大排檔內喝着普洱吃點心，真是奇哉怪也....到達了這個重新改裝的冬菇亭，有室內亦有室外的座位。室外的就真的捱不住了 (恐防進食途中真的會中暑暈倒呢)，還是室內冷氣位比較穩陣....雖則被稱為"打冷小亭"，但午飯時份主要吃的是快餐碟頭飯及點心。對碟頭飯毫不感興趣，一盅兩件才較適合小弟的口味....好久沒有吃過如此多料的北菇雞飯了。除了冬菇及雞件外，最特別是竟然有金針、雲耳及紅棗粒舖在飯面上。味道雖沒有因此而有改善，但誠意就極可嘉了。飯本身的味道是不差的 --- 飯粒不過爛過濕，仍可算粒粒分明的；雞件件頭十足之餘肉質也很滑，而且醃味很夠。豉油不過鹹亦帶微甜，用來撈飯吃，美味....一盅飯當然不夠喉，想吃燒腩卷又已沽清，唯有轉攻一碟蝦腸。皮很厚，蝦是細細只的，吃落不夠爽又不夠鮮。不過在這類街坊點心食肆當中，是不可能要求皮薄餡靚的了，只求飽肚便行.....吃完後大汗淋漓，還是埋單走出門口，到對面的七仔買雪糕汽水來消暑吧....

每逢週六晚，太公都會從廣播道公司步行至黃大仙上課。每每經過正德街這堆熟食檔，都被其飄出的香氣深深吸引；虎視眈眈己久，今晚終於有機會，捉埋太公公一齊去試下呢堆熟食檔。隨便選了利豐，坐下，點菜；眼見四週，都是街坊或的士大哥為主 - 也對，這位置不算好找；不過只做街坊生意的話，下大雨的晚上十時半，仍是客似雲來，想必非池中之物。太公公點了他最愛的生腸墨魚；用的墨魚非常新鮮，吃下去鮮甜爽口，只有薄薄的調味，墨魚的鮮味更見突出；是暫時吃過幾家大排檔的打冷中，最出色的一家。也要了三杯酒鮮雞，乾葱下得毫不吝嗇，吃下去雞件又滑又香，味道竟與我多年前在台灣街邊小炒檔吃的相若；要是九層塔再多一點，風味更佳。也不能全是葷的，就點了個蒜蓉炒油墨菜，後來待應告知油墨菜不夠一碟，為我我溝一些唐生菜；出來結果是滿滿的一大碟，兩種菜皆爽脆多汁帶蒜香，很不錯。三個夠鑊氣小菜大大碟，不用叫白飯，也教人吃得飽飽的；加多支獅威，埋單才百四蚊.....正！我們又多一個窮風流餓快活的好去處了！

突然想去食點心，就試下來呢間，叫左蝦餃、燒賣、雞紮、盅頭飯，蝦餃都係約$12，叫左4樣野，都係$34+13=$47。免茶芥、加一。點心係佢地自己整，保証新鮮。件頭又夠大，下午2pm食完，6點都未肚餓，真係超抵食。冬天食，坐係戶外太陽傘下面，涼涼地吹吹風，又有陽光暖下。簡直就似西式茶座一樣，好舒服......佢仲係24小時營業，早上6點前仲可以打電話order定點心，返工前食一流啦

下...呢間野點解無人寫食評既...晚晚爆場喎...我呢一年都食左無數次喇.有冷氣大排檔,鐘意既可以坐出去半露天位.打冷既野唔洗講喇.蠔餅,豬紅, 豬腸併豆腐墨魚呢3樣一定要叫,蠔餅真係超正!!!!新鮮多蠔無沙重蛋味!!!除左打冷之外, 佢D小菜都好得,我最鐘意食佢地既生炒骨/沙拉骨/黑椒牛仔骨煲!!!3樣都係正爆既. 呢幾樣野未令我失望過...菜類通常食金銀蛋莧菜/ 什菜煲...哈..好多時都賣晒莧菜要改做白菜仔..呢排開始有羊腩煲.....不過我通常都11點先來到...所以好多時都賣晒喇...不過見到/聞到人地既羊腩煲大大份右有生菜...真係好想試下呀...118係貴D...