劉興記生煎包專門店

营业中

休息中

收工去到上環，然後就在附近見到這間吃生煎包的店舖，於是就進去試一下。吃完就感覺生煎包好好吃喔，包底煎到好香脆，咬下去旅會爆汁，整體是好味道的😋📌📌📌$54麻醬手撕雞絲粉皮 （粉皮夠多 不錯）+生煎包（1隻）配凍豆漿$54蔥油雞扒菜飯 （雞扒新鮮炸到脆 惹味）+生煎包 （1隻）配凍豆漿🧮🧮🧮Total HK$108

今日過嚟上環呢邊食lunch，想食小籠包同生煎包😆咁岩劉興記就可以滿足晒我兩個願望🙂‍↕️蟹粉生煎包: $18一個估唔到咁足料，真係啖啖蟹粉！而且係爆汁😳一定會回訪呢個😝雞絲酸辣湯: 又係足料之選，每一啖湯都可以食到雞絲雲耳冬菇！味道好正宗，非常開胃！😚小籠包: 一籠有四粒，粒粒爆汁，而且餡料肉味濃😍😍順帶一提，餐廳係豆漿任飲😱呢個真係第一次見，$8任飲豆漿😱任點！豆漿係比出面重豆味，唔會同甜！

之前係旺角分店食過一次，回味無窮。今次黎到文咸街分店，地點都好方便，但係上環地區就多左一份寧靜的感覺☺️超抵食皇牌套餐，$54包左主食，生煎包同豆漿任添！🥟鮮雞湯小雲吞12粒配生煎包2隻鮮雞湯幾濃幾鮮味，雲吞比想像中大粒，豬肉餡鮮味juicy👍🏻🌟生煎包真係鎮店之寶😍皮好脆，一咬落去係爆汁嫁😆好彩對面無人。肉餡好香好鮮味，鮮嫩多汁😋🦀蟹黃生煎包多左蟹黃的鮮味，真係好好食。🍜排骨葱油拌麵排骨味道腌得幾好，炸完香口惹味,拌麵好香葱油味🤤🍚葱油雞扒菜飯雞扒炸得皮脆肉嫩，份量幾多。幾中意個菜飯，夠乾身，加上菜粒，幾爽口。🥛豆漿超有驚喜，豆味好濃郁！微甜，稀稠適中，仲可以無限任添，忍吾住添左兩杯☺️🌟餐廳性價比真係極高，兩個人百零蚊已經食到好飽，而且食物質素驚艷👍🏻

今日我地又去食劉興記，試過兩間唔同分店，今日就去試埋上環另一分店，睇下係咪keep到一樣嘅水準先🤭招牌生煎包🥢同兩間分店一樣，上到枱熱辣辣，個底脆卜卜，重點係入面一樣爆汁🤤睇嚟間間分店都一樣咁有水準😌蟹黃生煎包🦀同招牌生煎包一樣脆、熱、爆汁🤩雖然價錢好似差唔多貴一倍，但入面都幾多蟹黃，已經值回票價啦😌每一啖都充滿濃濃蟹黃味🤤擔擔麵🍜花生味夠晒香，而且仲有微微辣味，麵質亦唔會太硬太淋，我更中意擔擔麵味道😋呢間分店一樣好貼心，貼左紙仔叫客人，如果包唔熱可以換，有咩需要唔洗怕醜叫職員幫你，如果食套餐，豆漿仲可以任添😳🤑 人均消費：～$80🤩 推薦指數：8 / 10📍 餐廳資料：劉興記生煎包專門店 (上環)上環文咸東街2號地舖☆.。.:*・°☆.。.:*・°☆.。.:*・°☆.。.:*喜歡我的食評請Like & Follow🫶🏻 @umi.bengal.foodie#foodie #foodies #foodiegram #foodielife #foodiehk #hkfood #hkfoodie #hkrestaurant #香港美食 #香港好去處 #香港打卡 #香港探店 #香港必

今次嚟到呢間人氣生煎包專門店。必試嘅生煎包外皮金黃酥脆，底部煎得恰到好處，帶有誘人嘅焦香。咬開嗰一刻，熱騰騰嘅湯汁即刻湧出嚟，真係要小心食用！內餡嘅豬肉餡料鮮嫩多汁，調味適中，配上香噴噴嘅蔥花同黑芝麻，層次感十足！💝特別推介蟹粉生煎包，內餡加入咗蟹粉提升鮮味，一啖咬落去層次分明 - 先係酥脆嘅外皮，跟住係香濃嘅蟹粉香，最後係鮮甜嘅豬肉餡，絕對係一個味蕾嘅享受！🦀套餐裡面嘅上海排骨菜飯都相當出色！排骨炸得金黃香脆，外皮酥脆得啱啱好，咬落去仲可以感受到肉質嘅彈牙，一啲都唔乾柴。特別一提佢哋嘅醃製功夫做得好好，香料入味，肉質保持多汁。配上清新爽口嘅青菜飯，平衡番成個餐嘅油膩感。🍖最後唔少得佢哋嘅招牌豆漿！暖笠笠嘅豆漿香濃順滑，豆香濃郁但唔會太甜，任飲添，真係超值！最啱配住生煎包慢慢歎。☕整體嚟講，呢度嘅出品質素穩定，價錢合理，仲可以任飲豆漿。無論係生煎包定係炸排骨都做得有誠意，絕對值得推介！⭐⭐⭐⭐⭐

最近心思思想試吓上海風味，於是特登揀咗呢間上環有名的「劉興記」生煎包專門店。佢係上海菜愛好者心目中既「必食」清單，主要以生煎包和各種上海特色小食為主。見到店內餐具用上藍白瓷花紋，感覺古色古香，頗有中國風情，環境相當舒適。劉興記的餐牌豐富，有上海小食同拌麵系列，選擇非常多。店內座位整潔，佈置簡約，牆上有齊全的餐牌介紹，方便客人點菜。蟹皇拌麵係今次最令人驚喜的菜色，蟹皇餡料份量十足，濃郁的蟹香撲鼻而來。麵條吸收晒蟹皇的精華，夠彈牙之餘又唔會太膩。呢道菜價格偏高（$150），但份量大，可以兩個人一齊分享，性價比算係合理。強烈推薦必試！👍原味上海小籠包小籠包皮薄而且多汁，熱辣辣上枱，咬開時肉汁豐盈。但係味道上稍欠濃郁，唔係典型的豬肉鮮香味。整體仍然值得一試，但如果講緊上海點心，我反而會更推薦生煎包。生煎包生煎包外皮脆香，內裏鬆軟，肉餡多汁且味道濃郁，整體表現比小籠包更出色。底部煎得金黃香脆，一口咬落去，肉汁四溢，感覺相當滿足。非常推薦大家試試！上海排骨菜飯排骨口感脆卜卜，肉質鮮嫩而且調味適中，唔會過鹹或者偏甜，配埋底下的菜飯，滿足感十足。菜飯煮得粒粒分明，加上少少蔥香，非常惹味。呢道菜份量足夠

平時lunch time呢間坐滿人，亦都好多人叫外賣。除咗生煎包外，主食都有唔同配搭嘅麵飯。招牌擔擔麵擔擔麵水準高，主要佐料有芝麻醬、肉末、櫻花蝦及碎花生碎。湯底鹹香濃郁，可口美味。蔥油雞扒菜飯+生煎包份量多，適合大食嘅朋友，雞扒生炸，以蔥油提味。套餐配一粒生煎包，如果唔夠熱，可以叫店家翻熱。鮮雞湯小雲吞+生煎包有12粒，而且唔細粒喎，呢個餐無麵，配以兩粒生煎包。套餐加配豆漿是免費的，而且可以添飲喔！🧸評分：🧸🧸🧸🧸4/5

最近在上環返工，見到近地鐵站有間人氣生煎包店，決定今日lunch time 來幫襯我點了招牌擔擔麵，麻醬味並不濃郁，但麵條煙韌頗彈牙，加入肉碎也相當惹味。生煎包兩隻，煎得金黃脆口，咬落去湯汁爆出，勁juicy，豬肉新鮮嫩滑，包面灑滿蔥花，真係粒粒爆汁豆漿新鮮自家製，豆味濃郁，配埋生煎包食，更加美味

之前大熱嘅劉興記生煎包宜家少咗人去，啱晒我呢個擁躉。唔使排隊直入真係爽。生煎包就必食㗎啦，個個爆汁，如果唔爆汁佢都包換，一唔小心真係整到成身都係。但係其實佢嘅蔥油雞扒拌麵都好正，雞扒新鮮炸到脆卜卜，面就朔晒啲蔥油非常之惹味。跟餐有一個生煎包同埋豆漿，仲要係無限免費添飲㗎。我一個人都可以飲咗四杯以上。散叫$8一杯都係可以無限添飲，如果食兩個生煎包加豆漿都係$28。無論做lunch或者下午茶都真係一流。

在香港尋找本地美食？「劉興記」生煎包絕對值得一試，味道讓人回味無窮！「劉興記」的招牌生煎包絕對不能錯！每隻生煎包底部金黃香脆，咬開時湯汁瞬間爆出，令人驚喜。店家承諾無爆汁可免費更換，這份信心讓人倍感安心。內餡使用新鮮豬肉，肉質鮮嫩，湯汁香濃，令人一口接一口停不下來。除了生煎包，仲有蟹黃生煎包，餡料充滿蟹肉和蟹糕，外皮酥脆，白芝麻的點綴更添風味。麻醬手撕雞絲粉皮亦是必試，粉皮份量十足，麻醬的咸香味道讓人印象深刻。最後，招牌上海炸排骨菜飯，外脆內嫩的炸排骨，搭配均勻的配菜飯，簡直是肉食者的天堂。再加上自家製的低糖豆漿，讓整頓餐更添健康選擇。

最近去咗上環呢間好出名嘅上海菜，食物質素同服務都好好，唔怪得keep住有好多遊客。首先，佢哋自家製嘅低糖凍豆漿真係好高質，豆味濃厚，仲有少少起沙，最正係可以無限添飲，飲到停唔到。跟住當然唔少得佢哋嘅鎮店生煎包，包底煎到好香脆，咬落去仲會爆汁，真係好滿足。餐廳仲寫到明如果包唔夠熱，食客可以要求更換，可見佢哋對自己嘅要求幾高。上海排骨同樣出色，酥炸得香脆，肥美又多汁，非常邪惡。我揀咗配菜飯，菜分佈得幾均勻。朋友就試咗上海拉麵，話味道都唔錯。我哋另外嗌咗小籠包，好多湯汁，皮薄得啱啱好。

近排開左好多分店，一於一試究竟，的確算水準之上，有平民街坊感覺。**爆汁生煎包**外皮唔算厚，一定要細口咬，湯汁瞬間爆出，豬肉餡足料新鮮。**小籠包**皮薄，湯汁濃郁。**上海排骨菜飯**排骨炸至金黃，外酥內嫩。**蔥油雞扒拌麵**雞肉脆皮多汁，麵條蔥香夠，彈牙的麵條有口感。**豆沙窩餅**但皮唔夠酥脆，內餡唔夠多。人均$70-$80，可以食到超飽，豆漿仲要無限添飲，樓面姐姐都好熱情，性價比好高。

喺上環返工放lunch見到呢間人流都幾多就試吓，以為價錢唔平點知原來套餐都只係50幾蚊，仲有豆漿任飲！ 今次就試咗麻醬手撕雞粉皮加生煎包一隻 ($54)，汁另上非常貼心，可以按自己嘅口味加，生煎包嘅底煎得非常香脆，好有咬口，入面嘅湯汁好鮮甜，個味道好balance，粉皮都幾大碗，好多青瓜絲，夏天食呢個就好清爽啦！豆漿任飲都幾不錯，豆漿非常香濃，唔會太甜，飲得出係真材實料比起市面上嘅更加濃稠！最後仲叫多咗兩粒生煎包$20，抵食！

劉興記爆汁滋味生煎包試咗鷄絲酸辣湯，真係俾我一個驚喜！湯底酸酸辣辣，味道層次分明，唔會太過刺激，正好可以開胃。裡面嘅鷄絲鮮嫩，搭配嘅豆腐同蔬菜，令整碗湯更加豐富。好少見啲雞絲既量可以就咁撈出嚟，仲咁多咁明顯隨餐仲有生煎包，外皮金黃酥脆，內裡汁多肉嫩，咬落去真係好滿足咬落去即刻爆汁，記得要喺個頂度咬開一小口飲咗啲湯先😂特別係熱辣辣的時候，搭配湯品，簡直完美😌另外散叫試咗蟹黃生煎包，蟹肉味道濃郁，真係好有誠意，完全唔會令我失望。呢一餐雖然簡單，但每一樣食物都充滿心思，真係好推介！如果呢頭返開工，晏晝食個輕鬆又好味的地方，劉興記絕對值得一試

今早8號風球懸掛，但官方已預告下午12時40分改掛3號風球，避免碰上返工人潮，我和好友提早出發午膳，好友提議位於上環文咸東街2號地舖的劉興記生煎包專門店食爆汁生煎包。小店型式經營，店長友善。我點左個皇牌套餐 $54：招牌上海排骨菜飯+生煎包1隻；好友也點左個皇牌套餐 $54：葱油雞扒菜飯+生煎包1隻。另外點左招牌生煎包8隻 $60。套餐配豆漿，可無限添飲。生煎包熱辣辣上檯時，店長提醒小心燙口（好窩心呀），待會兒已急不及待地吃起來，真係爆汁好味👍👍！排骨香酥入味，雞扒皮脆肉嫩，菜飯香腍好食。豆漿豆味香濃，好好飲。