加多樂冰室 (已結業)

撞正嚟到發現改咗午餐menu, 加咗啲新款~生煎豬扒飯（限量供應)（$39）同事見係新野，又限量，重點係平，所以一試。同事激讚塊豬扒大而厚又juicy, 醃得好好味，連骨都lun埋，生煎果然唔同啲~我都痴咗一舊嚟食，真係正呢個飯確係性價比高。我當然就叫返我至愛: 咖喱牛腩配炒蛋飯（$48）食咗咁多新蒲崗茶記，都係呢間啱我口味，咖喱夠濃又香，薯仔又入味，不算太辣，炒蛋都多，仲有少少沙律菜伴碟，賣相掂，呢個價錢係值嘅~😋

路過一間叫「加多樂」嘅茶餐廳，見個名又幾得意就入去試下。呢排心情都麻麻，唔知食完唔知會唔會開心啲呢？希望係，除非唔係。想食清淡但又見到有咖喱，心血來潮想食，所以揀咗個咖喱吉豬飯，價錢好似算唔上勁平，不過差唔多啦…因為咖喱都幾惹味，我唔食得辣，所以覺得好正，係個吉豬真係過份脆左少少，整體都可以接受啦！等我下次再試下其他，滑蛋好似好吸引咁……

平時喺新蒲崗番工都唔覺有呢間野，有日同事話想試下，我心諗，四十蚊左右一個餐，同出面差唔多啦，如果味道唔太差都叫合性價比丫，試下亦無妨。入到去，好似幾乾淨下，唔似普通茶記feel，比傳統冰室多咗一份modern感，燈光唔會過猛，D櫈都幾靚仔(我鍾意坐硬櫈多啲，唔怕上一手整濕咗都唔知)。望住Menu，都係啲冰室會有嘅野，價位好似都幾合理，最後嗌咗個「常餐」，雪菜肉絲米跟雙煎太陽蛋同埋我至愛嘅多士，跟餐飲杯熱檸水都唔洗加錢，四十蚊攪掂，而且上菜都尚算快，速食lunch一流。常餐(雪菜肉絲米/雙煎太陽蛋/多士)($39)算係咁啦，米粉大大碗，粗身啲，唔怕太硬哽胃，雪裡紅唔梅唔散，好新鮮爽口，嚼勁十足；雙煎太陽蛋內外合格，唔歡喜仲可以轉炒蛋又得，荷包蛋亦得；至於多士喇喎，一個字「熱辣辣卜卜脆」，絕對吸引到我回頭再食！薯仔雞翼飯($43)呢個係同事叫嘅，望落好似都好大碟，份量十足，佢仲話好有家嘅味道，食到上哂癮咁話。我都食咗兩三啖，又真係幾住家飯feel，唔太濃唔太清，唔覺有味精，岩岩好，勁想偷多佢一舊薯仔同雞翼食呢。

經過門口見有鰻魚飯就試下啦，點知。。。。。。。。。點解燶到咁都可以俾客??!?!??!。我都無指望57蚊可以有幾靚既勁，但都唔係買條碳呱???。😒😡以後唔會再食

午餐跟爸爸在附近覓食，發現新開的一間冰室，外面有大大的牌寫著五十多元的鰻魚飯(忘了多少總之不過六十)，上網找也沒有資料，看來很新嘛，看照片還不錯就進去為大家試試新物。賣相是很這不錯的，五十多元的鰻魚飯就不要求太多了，鰻魚大大的味道正常當然別期望有甚麼炭烤香氣，肉不是很厚可是絶對足夠，主要調味來自鰻魚汁，醬汁屬日式偏甜，汁的份量多很好配飯。飯量適中，也不沒有因為汁多而太爛。鋪在飯上的配角炒蛋意外不錯，味道就是普通炒蛋可是質地好，不是全熟，留有蛋汁。這個價錢還有沙拉菜點綴擺盤實在誠意十足。老爸叫的是雜扒飯不超過五十元，忘了拍。有大大的豬扒雞扒肉量十足沒在吝嗇，食肉獸可以點，扒都煎得不錯挺香口，肉質不太乾，還有根煎香腸。雜扒飯配的黑椒汁很多夠鹹，只用醬汁都可以配完整個飯。發現這餐廳的醬汁量都偏多，我個人是覺得可以少一點會更平衡，淡口味的人記得少汁。餐牌沒拍，還有很多常餐、茶餐廳常見食物，像是雞翼/豬頸肉撈丁、西多士等。還有比較少在茶餐廳看到的特色湯底粉麵。有興趣，下次會想試叉燒煎蛋飯。上菜速度挺快，店員態度很好，吃的時候正值新年期間，結帳時店員還送了兩個小豬匙鑰扣。店面環境整潔座位空間足夠。