加太賀

营业中

休息中

假日想周圍行下，上網見到加太賀呢間日本料理，個景有點似日本，但食物好似幾伏...諗左陣唔試過又唔知咩料嘅，甚少去呢頭順便行下。去到加太賀，有點兒迷惘，因為差唔多成條巷都係加太賀，似乎有幾個area，店外佈置上帶點日本異國風情，同一時間又好多人係條巷打卡影相，睇真啲似乎係旅行團(最後發現真係有呢個團.......)。行行下見到門口有個侍應即帶我地入去。內堂面頗大，裝潢甚有和風之感，坐的是卡位，感覺闊落舒適。餐牌，出名是花之戀，假日的午市時段，有Set lunch。雜錦魚生飯定食，$62。見到個賣相，大約都估到咩料，刺身份量適中，但乜冇味，真係一般。跟餐的漬物及味噌湯。三文魚骨，跟餐+$12，太油，口感有點硬同唔太香口。環境取勝，食物味道一般，價格正常，服務態度幾好。既然來到就周圍影下先。

前排身在紅磡，中午尋食時，行行下來到了傳奇的加太賀街。當時想起要帶阿仔來一試真正的花之戀壽司。於是，在紅磡的短期 project 完結後，接了小朋友放學，一家四口就專程來《加太賀》打下卡同帶他們品味一下我同太太年少時的日本味道。來到時，是星期五的下午茶時段，所以餐廳並沒有太多人。有人說，《加太賀》已經大不如前了。但那一次中午來，依舊人來人往的，就知道水準其實依舊，只是時代不段進步，好食既日本餐廳越來越多，也越來越正宗。這些 modified 過啱當時香港人口味的日式食店，好自然地會被比下去。我們一坐低，未正式細讀 menu 時，先點一客花之戀壽司。以三文魚刺身反卷著壽司飯，面頭再加有沙律醬同蝦子。口沒那麼大把其一野放入口啊! 慢慢地一片片刺身吃，再慢慢地感受飯同蝦子的鮮味。花之戀的這一個創作，始終是《加太賀》的，鎮店之寶半點也沒有差錯。小朋友不會多吃生冷野，再加上是午飯時間，所以我們都是吃簡單的日式飯餐。首先來了一個滑蛋豬扒定食。來的時候熱辣辣，豬扒皮依然香脆，蛋可能是老了一點，但味道上是非常好的，也有一定的香滑感，算是不錯。素食 friendly 的，有這一個野菜炒拉麵。這時候，一切

國慶節朋友book到間房，即刻call 到9個人一齊過節，有傾有講有私隱，聽講已屹立土瓜灣很多年，對於香港嚟講，日本餐廳已很多，不過對於宜家無得旅行，嚟呢度打卡影下相當去左一次日本🇯🇵土瓜灣站行過嚟都係10分鐘充滿日本風情金箔花之戀刺身，三文魚很新鮮沙律份量好多，叫左兩份反卷好味，配埋沙律醬唔夠花之戀，再order多碟，如果唔係點夠分魷魚不過不失牛肉包住好多蔥，正，牛肉好嫩加多個燒餅，仲有一碗煲咁大嘅烏冬，燒三文頭好正，好大個。飽飽😋

三十年老字號，花之戀始創店，日式風情一條街，呢啲見證住加太賀的光輝歲月的稱呼，好耐之前已經聽過，雖然香港年青人好喜歡食日本野，但係加太賀係好多年輕人心中似乎形象有點過時，而我雖然經常路過，但係感覺冷清的加太賀一條街，同埋看似陽春的彩色噴墨打印餐牌，令我一直都缺乏試一下的興致。直到有一次心血來潮想試一下，想不到竟然有驚喜，店內環境比想像中好同乾淨，彩色打印的餐牌雖然不太美觀但是餐牌是每星期會轉的都算有誠意。第一次光顧就試了日式雜錦魚生粒飯，食物實物比餐牌上的照片好看，魚生配上蛋絲芝麻，日式碗筷，賣相出奇的好，味道方面魚生不腥，魚生份量多，魚生甚至多過飯，食完飯都未食完魚生，缺點是吞拿魚有筋，章魚比較韌。除了主菜，跟餐的麵豉湯似吉野家的味道是我喜歡的味道，味道不錯，最後有一粒細雪米滋作為甜品，因為叫了多飯，食完都幾飽，魚生飯都只是62蚊，算好抵食了。

開業30年的本地老牌日本料理店，首創「花之戀」壽司，曾經紅遍全港，成功帶起香港的日本料理熱潮。由落單到上菜過程不用5分鐘，速度快得驚人。刺身、壽司可算是抵食兼大件，刺身沒有難聞腥味，件件厚切鮮甜。除了刺身、壽司外，還有多款串物、鍋物、定食等。總括而言，餐廳環境座位寬闊舒服，食物價錢屬於中價水平，食物水準算不上劣評，有興趣的朋友可以體驗一下這條紅色的日本街。金箔花之戀刺身船 $380龍之籽 $108蒜茸牛肉薄燒 $68火炙三文魚壽司 $50赤貝壽司 $38芥末八爪魚壽司 $33

十幾年沒有來過這裡食飯,上星期同事提起,今天去完科學館,撘幾個站屯馬線來晚餐蟹籽沙律不會太多沙律醬,份量十足尋找舊日的味道當然要吃花之戀,$68一客2件我已經忘記往日的花之戀現在的花之戀是幾片大大的三文魚包住細細件白飯,當然配上沙律醬和蟹籽雖然份量好足但三文魚不鮮甜已經沒有了舊日好好味的感覺可能現在的花之戀其實好普遍油甘魚有點鞋口,也沒什麼魚甜味,只是普普通通不過我有一次食千両的油甘魚,相比下,這個油甘魚也算不錯我從未吃過咁差的雞泡魚干,不論味道或是口感也不合格串燒拼盤有6串,好懷各半鰻魚肉質嫩滑鮮甜,雞軟骨香脆帶子和雞肉好乾也沒什麼味道牛肉和鴨舌普通牛肉薄燒蔥香肉嫩加上醬汁吃是好味之選份量足,飯粒粒分開,配3色蟹籽,味道剛好,不太咸,也不太淡,抵食之選不過長蟹腳就是普通蟹柳焗蠔真夠差芝士就是表面的芝士粉,乾乾一層洋蔥未淋完全沒有焗的感覺就是一隻蠔放了一些洋蔥煙肉在面表面再加芝士粉燒一燒薯餅普通,沒什麼特色,正常運作炸蝦好好味,熱辣辣,外脆內軟6大隻份量足如果炸粉薄一點就更好了因為現在放題其門如市,跟20年前比較當然感到失色,但整體來說仍是一間可以回頭的餐廳

由細到大食開嘅日本餐廳 今日再一次過光顧 換來嘅係失望 貴又唔好食 叫左蝦刺身，軟殼蟹天婦羅，墨魚咀，花之戀壽司都係麻麻 爭鮮嘅花之戀都好食過佢，花之戀果塊三文魚仲要一隻烏蠅嘅死屍

其實都真係歷史悠久，由細食到大，有時又真係唔需要佢進步，只要維持不變就得，只係希望食返童年嘅味道。叫咗個滑蛋豬扒飯定食，跟麵豉湯同生果，生果係橙，仲有一個醃青瓜。老實講真係以前好食d麵豉湯就不過不失，普通麵豉湯，味道還可以。生果都正常，唔算特別酸。但醃青瓜真係太鹹，即使同飯一齊食都太鹹。滑蛋豬扒飯紫菜唔夠脆，有d淋。滑蛋味道正常，白飯都夠熱，兩樣嘢都幾夾。不過豬扒較為偏乾身，肉質偏薄，冇咩咬口。所以覺得價錢偏貴。

嘉太賀真係黎過唔少次，每次都係一家大細一齊黎聚會。壽司同刺身都ok，最近先知原來花之戀壽司係嘉太賀創始的。難怪特別好食，呢度的三文魚魚腩都特別好食，而且好大件，擔擔肉。其他也是都中規中矩啦最開心係最後有糯米滋雪糕食ga！每次都拎一籃入黎，我地屋企個個好似抽獎咁，好野我抽到芒果味！好野，我收到香芋味…..感覺好開心。可能嘉太賀已經好多年，所以就比較久，如果可以翻新下咁就好啦！不過我都會再黎，因為屋企的來人家很喜歡黎呢度食嘢！幾錢合理！

【名過於實！普普通通日本料理】加太賀呢個名字相信大部份香港人都由細聽到大，一直以花之戀馳名中外，今日同屋企人嚟到試下佢其他日式料理，感覺名過於實！「小日本」嘅街道的確好有氣氛同感染力，好似去咗旅行咁。環境都舒服、闊敞，但食物有待改善！ 🐟 雜錦魚生船魚生款式的確多籬籬：三文魚、油甘魚、魷魚、八爪魚、海螺、三文魚籽、蟹籽、帆立貝，都算應有盡有。各款都唔算好突出，好鮮味，反而好似雪到冇晒魚鮮味，亦冇魚油香，有少少失望。🥗 鹿兒島黑豚松露蟹籽沙律蟹籽份量多，觀感的確唔錯。用上沙律醬其實有少少膩，可能換成黑醋更好；沙律份量1-2人份左右，略嫌少少偏貴，但可接受。

加太賀，昔日風光，今天沒落，不無原因。因為男友未黎過，所以帶佢試下。加太賀做得最出色既，應該係佢出面果條街，思鄉病發可以緬懷一下。但認真講既，食物質素真係……可能有比較就有傷害，以呢個價錢(埋單1千)。其實好多日本餐廳既質素都好過佢。會入去食只係因為出面打完卡，冇理由唔幫襯架但真係冇下次! 衰d咩？叫左細刺身船 (好似6百幾，唔記得)。刺身得2種味，一種係雪味，另一種係冇味! 我分唔到食左d咩落肚。仲有個煎餅既物體，成舊都係粉。真心唔知自己食左咩。叫左個串燒，咬落去，係硬既。牙痕咬既話會幾好。2杯飲品，勁甜……糖尿都似。相睇落唔錯，就好似有d KOL咁。照騙大家三思呀！

去加太賀係開心的， 環境好特別， 好有心思，自成一閣。 MENU 好多選擇，仲多過放題店。 芥末八爪魚，應該鮮製，好特別。 燒牛舌味道不錯！好juicy. 壽司好食好新鮮花之戀一定好正啦， 佢係founder。 三文魚夠新鮮。 

咁岩去開紅磡附近，唔熟唔又唔知食乜，有人提出「朝聖」，於是跟隨友人嘅步伐，眼前就係鼎鼎大名嘅「加太賀」，一間未見其店都會先聞其聲嘅日本餐廳！🔹環境：雖然我未去過全盛時期嘅加太賀，但係都知道佢而家縮左水唔少。門口裝潢同埋柔和燈色配合得幾好，幾有舊派和風感覺，但門口易拉架就非常港式，當係懷念舊香港嘅情懷（聽講以前嘅加太賀差唔多係獨大，好把炮！）。入座後，會發覺佢大部分物品都充滿香港氣息，包括茶餐廳常見品牌嘅調味料同埋座墊，所以當佢係舊時港式日本菜去食啦（老香港嘛）。🔹花之戀：以前睇獎門人成日聽到獎品「由加太賀送出花之戀二百件」，聽都聽到熟曬，但就要等到十幾廿年後嘅今日先食。賣相黎講都唔錯，唔會砌到朵花溶溶爛爛，由四片三文魚砌出黎，厚度同油脂都適中，配個爽口蟹籽同開胃沙律醬，的確係配合得宜！朝聖嘅角度更加係值得一食添！🔹希靈魚刺身：魚肉同魚籽嘅比例就一半一半，醃得唔會太酸，開胃前菜咁食都唔錯（個人中意魚籽比例多啲，食落爽啲嘛！），食落都係新鮮嘅！🔹海鮮燒餅：叫多個飽肚燒餅食，試枱時熱辣辣，加上沙律醬、燒汁同埋七味粉，食落味道豐富。加上海鮮都唔少，有蝦同魷魚，每人都食左兩三件，味道唔錯又夠飽！

加太賀記得以非常出名，成日係某三色台見到佢地既廣告，順便比佢地宣傳一下自己。最常人地提起口邊就係某某名星獲得二萬件花之戀壽司，心諗而家食完未呢？笑話一則。講翻正題，今日同朋友係紅磡做野。撞正lunch時段食飯，嘩成個紅磡都好多好多人，排曬隊。同同事有理無理就入左呢間餐廳，心諗今日就食貴啲啦（因為印象中都算貴）。點知一入到去睇睇餐牌，個lunch又唔算貴，我點左個魚生飯份量都正常，叫佢加飯佢地都肯既。整體黎講不過不失，有機會要試下晚餐可能有驚喜。

今時今日有咁多同價錢既日本餐廳可以選擇，呢間真係大不如前。可能太早下午六點去食無客人,所以侍應都冇咩人~ 今次叫左壽司，餃子同串燒, 食物的確大件，但味道真的一般, 最好味應該係支sake….