加太賀

营业中

休息中

「本輯節目獎品獎金非常豐富，其中包括：加太賀日式和風料理送出花之戀壽司20,000件及獎金總值港幣$610,000」，相信好多人都有聽過呢段對白，但係好多人好似我咁未正式食過加太賀，甚至連加太賀喺邊都唔知。咁啱有公事要去土瓜灣走一轉，搞掂之後喺啟岸個地盤側邊條後巷順便食埋飯先返公司，行入少少見有間日本嘢，間嘢叫「加太賀」，心諗原來真係有加太賀呢間餐廳，我仲以為係個都市傳說。既然都嚟到咁就試埋先走啦。其實如果就咁食個午市套餐唔算貴，50蚊就有碗飯或者麵，不過我就係想試下個花之戀，點知兩件壽司仲貴過碟飯，唔理啦照嗌啦。午市套餐我叫咗個「蒲燒鰻魚炒飯」，跟餐送碗味增湯。炒飯嘅鰻魚比想像中多，但係同時青豆比想像中多好多，仲要係最難食嘅急凍青豆，所以扣咗啲分。呢兩件花之戀要60蚊，舊壽司好大件，一啖呑唔晒，除咗大件同貴冇乜特別。總結，比想像中普通。會唔會翻食？唔會。

其實加太賀我小時候也來吃過，之前見到那些裝修相當暗，而且外面有一些武士彷彿像真人一樣，看起來是有點恐怖，不過現在的裝修變化算是大，光猛了很多，但是榻榻米仍然存在。相信已經有好長時間沒有來到這裡品賞，本身打算吃海陸空及串燒那些食物，但其實看完餐牌你會被那些套餐所吸引，畢竟價錢也算是比較昂貴。因此我們叫了一個四人餐，但是萬萬沒想到，食物份量也相當多。刺身船及壽司都是假設四人份，三文魚算是比較厚肉，但是花之戀之類的產品吃起來也是比較普通，沒有什麼驚艷的感覺，不排除是外面實在太多日本餐廳的選擇。之後來了幾個小食及沙律，老實說，有了芝麻醬（或者叫胡麻醬）的沙律基本上無得輸，就連不是那麼愛好素食的我們也吃了不少，但亦因為這樣發現了四人餐的份量問題。當他們上了炒飯、豆腐及天婦羅之後，我才發現他們的份量絕對不是玩笑，相信如果四個人也是成年人或者比較大食一點，可能只好剛剛足夠，所以對於一家人來說吃起來比較吃力，只能打包。最後，他們也有甜品雪米糍送給我們，真是滿滿回憶～不過價錢還算是比較昂貴，但是相比之下，那個份量是相當大滿足，而且有一些食物或者整體的環境都是相當有那種日本風，與其他日本餐廳不太一樣。

加太賀，我幫襯咗十多年，三文魚水準始終如一。刺身高質，新鮮及厚切，108蚊有7塊。另外我柯打咗竹筒冷麵，同以往唔同，上冷麵時不再用竹筒上，d汁味道同以往比淡咗好多，以前好食d。但疫情下，只有我一枱，坐得好舒適。

1993年開業至今，不經不覺快三十載的『加太賀』今天特意到訪。店主自創享負盛名，令無數日本料理店複製的《花之戀壽司》 當年前超人氣，客人多至可同一條街不停開分店，都不離紅磡崇潔街，用意方便控制食材品質，並把整條街佈置成日本橫町感覺一樣，記得年青時，等位時還有遊戲玩。曾到訪過的明星簽名直情夠做牆紙。非常抵飲之梅酒雖然近年比較少吃三文魚，但來的『加太賀』怎麼 可不叫花之戀， 四大塊三文魚腩，大大嚿飯加多多沙律醬配上魚子， 未吃視覺的回憶已經出曬嚟！三文魚夠鮮，記得年青時特別喜歡一啖成嚿食曬 不過女生應該做唔到（太巨型）。每個成功背後都有個故事，一個成功嘅壽司都唔少得。正常， 但略嫌海膽份量少，漿口感覺亦較弱。牛舌面層燒得夠香，但背面就沒有焦香了，如果燒得生多一點點會更好，但是值得一題，配上醬料有點兒柚子微酸味，加像沙嗲惹味及似wasabi的微辣，很特別😋😋燒雞翼我鍾..意食，不過吃落不像日式鹽燒雞翼，有點兒像炸完再燒感覺，味道還可以。雞泡魚乾，送酒絕配，面焦香，內煙韌必吃之選。PS. 以前人氣排隊要提前一小時，現因疫情關係半場人都未夠。～～～～～～～～～～～～～～～～～～～～～～～食物賣相

叫咗碟刺身，廚師以非常殘忍及唔人道既方式，用凌遲既方法宰殺條魚，活生生咁一刀刀將佢下半身啲魚肉切落嚟。條魚上枱時仲呼吸緊，魚鰭仲郁緊，並以剩餘既半身痛苦掙扎中。在場嘅朋友都感到非常唔舒服，並向侍應反映意見，要求將佢拎返入廚房並由廚師劏左佢，減少佢嘅痛苦。可惜侍應諸多推搪，並解釋：「咁先新鮮呀！」令人嗤之以鼻。根據全世界專業廚師嘅道德守則，廚師應以最快嘅速度宰殺家禽及海產，並令到佢哋嘅承受既痛苦減到最低。呢間餐廳嘅廚師都相當唔專業，又或者我可以用非人道黎形容。我奉勸各位有惻隱之心或者愛護動物嘅食客遠離呢間餐廳，費事你食都食得唔安樂。Ps. 拍左片，但openrice冇得上載影片，只可以post相為證。

好似記得掌門人都有推介嘅餐廳，送之戀壽司總值20幾萬好好笑😂😂😂。每個星期都會有個特價嘅午餐，今日就叫咗秋刀魚套餐，頭先燒得非常之好食，快啲瞓啦亦都非常之多， 用日本珍珠米， 好飽最後總結同埋雪糕添非常之好好，服務態度亦都好好

加太賀真係好值得黎，餐廳原來好大，有分A B C D區。入面後街仲好靚可以打咭影相。多數我們食lunch set，比較抵。呢排仲有全單八折，抵上抵。三文魚親子飯定食好食，厚切三文魚比較靚同新鮮。飯量多朋友食刺身飯，飯量一樣好多C餐壽司🍣都唔錯，仲有一大碟沙律🥗食完仲有甜品送，雪糕糯米糍

昔日家人告訴我加太賀係出名日本食物而且食物非常有質素價錢亦都比較高。當然價錢較高的時候服務質素亦會成正比。今次的體驗由於被門口的燈飾吸引着，而且客人都較多。服務質素很差，經常錯漏單。職員也是滿口鄉音，已經沒有昔日的日本風味及氣氛.... 先來一個-雜錦魚生拼盤重(松) 魚生還算新鮮，賣相還算吸引。再來日本馬瞻刺身-這個價錢不新鮮而且價錢不太合理咁嘅質素仲可以出到比客人最後清酒煮刀貝-水有水味，刀貝有刀貝味。唔熱又唔凍。我認為10多年前佢有堅守日本風既真味同風格，可惜今非昔比不再是昔日一樣

今日去咗好耐都冇去嘅加太賀食lunch 呢度有個好處就係佢會不定時轉 set menu 嘅餐牌！今次就有我最愛的雜錦魚生飯！🍣$58 大大碗⋯⋯仲要係好多魚生添，有三文魚，吞拿魚 ，鯛魚，仲有一種唔記得叫咩嘅魚⋯個餐仲跟埋碗熱辣辣嘅面豉湯🥣， 好滿足呀😋😋埋單前記得問店員拎雪米糍丫 🤪而家食仲有全單八折，超抵食

今日去咗行行一間日式料理嘅餐廳🍴，現場環境非常之唔錯👍👍👍👍！今次叫咗份三文魚腩頭便當🍱👍👍👍👍！個三文魚腩頭燒得非常之好好！！啲椰菜亦都非常之爽口！👍👍👍仲附送一啲水果同埋味憎湯👍👍👍食完之後仲送咗一個雪糕👍👍👍價錢亦都非常之唔錯(o^^o)(o^^o)性價比非常之高👍👍👍👍！值得強烈推介👍👍👍👍👍！服務員嘅態度亦都非常之好👍👍👍👍

今餐我請客，附近沒什麼較高檔食肆，唯一加太賀日菜較得體。點解餐牌全部都係定食或套餐既？我想要本正常餐牌，個服務員反應似乎好出奇，雖然我著得非常樸素，我有錢埋單既。零晨兩點訓著，突然三點半紮醒，第七感燃燒！七點訓著八點起身，眼腫腫仲眼訓到頭痛，突然想食熱辣辣既飯暖暖胃，晏晝無煲仔飯黎個石頭鍋飯啦！我話要光猛既區域，肥妹話最光猛張檯喇，信您照入座。九州？挑起我條痛筋，好想去九州！現場完全感受不到一丁點日本九州，大陸神州味道就非常濃烈。光就夠光，但頂手頂腳。而且後面條友條要坐到出一出，連想拉凳攝入去都唔得！即時有想走既念頭，是但坐過一格照落單。何解全場侍應連傳菜大嬸都用州語溝通？已壟斷全香港飲食界職位？還是我夢遊返回大陸？本來相約美女共膳，誰知發短訊惹來誤會，我其實話約點半鐘的，但美女到達已經兩點喇！而且唔食刺身及魚生，早講我就唔會揀日本菜啦，激死我！菜色次序上到亂糟糟，都幾 free style 架喎。我重新排過次序由生到熟由淡到濃，油甘魚刺身、活赤貝刺身、牛油果軟殼蟹加州反卷、昆布湯煮馬刀貝、鱈魚扒西京燒、錦繡串燒併盤多春魚、鴨舌、雞腎、免治雞肉、雞軟骨、帆立貝、牛丸、墨鮮丸、豬肉軟、牛

九十年代，掹家人衫尾、煞有介事慶祝，而且要在崇潔街內這獨霸武林的「加太賀街」（即舖外）等至少一個半小時才能內進的明星巴巴閉日本料理，如今是：大年初一去，直入，隨便選位坐。依然是霸佔幾個舖位，而且經過大裝修，翻新整頓一番。從前是少女店員招待，現在是換了大媽知客，似呼應店舖鉛華盡洗之感。據說花之戀源於此地，今回重遇，還好，三文魚花還是偏大而綻放；店員錯誤下單的 海膽龍皇卷，要舌尖用心細味，方嚐到那彷彿一閃即過的海膽...委實有點唏噓；日式小食冷盤反而中上，勝在感覺樣樣有些，鳴門卷、蛋卷、帶子裙邊、螺肉、八爪魚恰如其分；燒魷魚筒，有點偏燒燶了，都自行用剪刀剪走燶的表皮，亦不夠香；感覺就是變了樣，沒有從前來前那種期待、興奮的感覺...

呢間野我就試過一次之後，已經進入左我既black list。無奈既係，身邊總有啲人唔怕伏，成日鐘意黎呢間野試伏。我就只好迫於無奈咁陪下佢地。今次再試伏既係一個叉燒拉麵。首先，我要強調既係，佢係餐牌都真係寫拉面。作為一間"日本"餐廳，我從來無諗過，佢既拉面仲可以係咩面。但一入口就伏左啦，佢係韓國拉面，簡單黎講就係公仔面。What！？其次就係佢啲肉，兩個字講完，死咸，一種用醬油浸左好耐，已經食唔出肉味既感覺。湯底，算啦，我唔想試，因為佢就係一種無落調味粉，清水煮公仔麵既味。完全唔可以用湯底呢兩個字黎形容佢。好啦，如果你唔係俾人迫，你都真係唔好黎試呢間野啦。

呢間野開左起碼廿年，廿年前曾經風光，獎門人啲獎品實有佢份。宜家同獎門人一樣都已成歷史喇。細細個屋企人都帶過我慕名而來，當時對小學生黎講都覺得好食。宜家家人年長了，記憶仲停留係以前，縱使一早聽聞呢間野風光不再，但有咩緊要得過家人，家人話想懷緬下咁就做孝子啦。訂左位，所以黎到帶左我地十幾人入後街。OMG.....真係一行到後面街已經嚇到食唔落環境非常惡劣，完完全全係「後欄」，你行過就望到哂個廚房環境，你企番陣就可以睇到碟刺身點誕生。後欄加啲燈飾就可以變「日本街」，留番比大媽慢慢影啦後欄門口一行十三人，嗌左啲壽司，炒烏冬炒飯，老人家拍板。都係啲老少咸宜既野食質素⋯⋯我只可以話係茶餐廳扮日本菜比咁既價錢我點解唔食好啲？老實講，如果佢平番一半我都可以順氣啲比個OK咁既價咁既衛生環境

約了朋友下班後吃飯聊天， 她在紅磡上班，加太賀就在公司附近。看了餐牌一會兒，還是覺得晚餐最超值。晚市有四個套餐選擇，分別名為春、夏、秋、冬， 我們點了春天套餐。春天 - 二人前 $288魚生卷物拼盤~拼盤有油甘魚、八爪魚和卷物。 油甘魚刺身頗鮮甜!燒茄子~很長很大條的茄子，上面鋪滿了大片的木魚碎，茄子燒得香但仍多汁，軟腍之中有咬口，加上醬汁和木魚，很美味!A 級牛扒鐵板燒~牛扒偏瘦但帶少量脂肪香， 烤得香口，味道不錯!炸蝦野菜天婦羅~漿粉呈金黄色，不像日式天婦羅的偏米白色，賣相打了點折扣。但炸蝦很大隻，外脆內軟而肉嫩!野菜炒烏冬~烏冬很大碟，口感頗滑，配野菜、木魚碎、香葱，很滋味!味噌湯~湯味濃郁!這晚餐菜式多，份量很大， $288 十分超值，二人其實吃不完，要打包!加太賀早年開業時，生意超好。短期間已由一家本店擴充至多家分店，整條崇潔街變了熱鬧的日本街，每晚都大紅燈籠高高掛，風頭一時無兩! 聞說全盛時期老闆還租了一家舖作為顧客等候區，真誇張! 首創的“花之戀壽司" 亦風靡一時。當年的盛況，實在只是從傳媒和朋友口中得知，未能親自體會。 由於怕等，首次到訪加太賀，已是開業後幾年，還以為