加太賀

营业中

休息中

加太賀真係聽過未食過，今次終於有機會去食到。成條巷都係佢地嘅，侍應們都著日本和服，加上個度嘅裝修令成個氣氛好日式，比人感覺唔錯。 食物有好多選擇，我地8 個人叫左8 樣菜，本人最推薦有以下幾款：1. 花之戀 - 每件有成3 件三文魚，件件都好厚好肥美，食得我地津津有味。2. 鵝肝和牛粒石鍋飯 -  飯好夠熱，鵝肝撈好左之後令成個飯都充滿佢嘅香氣，好食。3. 鰻魚炒烏冬 - 烏冬好彈牙，甜甜地，鰻魚份量都多，加埋好好食。其他野食就唔逐一介紹，但整體唔錯。

加太賀！幾年前就一直很喜歡這家日料店！三文魚真的一絕！一一一絕！！！目前深圳&香港還沒有其他店舖能比欸 價格也還可以的！不過現在很明顯沒有以前生意那麼好了 以前還可以玩遊戲抽獎的！之前中過一條三文魚和清酒！刺身船🚢 🌟🌟🌟🌟🌟很多不同種類的魚生拼在一起還有三文魚籽&帶子之類的 價格的話沒細看呀 可以滿足一次性嘗試不同種類的刺身！點！！一些沒怎麼吃過的魚 試了一下 基本很鮮沒什麼腥味～～三文魚腩 🌟🌟🌟🌟🌟🌟🌟！爆炸！必須點！！！真的又厚切又新鮮！！必須點！！超級抵！！花之戀🌟🌟🌟🌟🌟必須五星！一個很大！拳頭般大小！吃了一個下肚子的話基本上都很飽的了，一份兩個，一個裡面有三片三文魚！綠茶蕎麥冷麵 🌟🌟🌟🌟🌟其實這冷麵是好吃的，但是因為點的菜品太多了，真的吃不完，所以剩下了一些！soba還很健康，一份的份量也很大！牛肉粒（炸蒜片）🌟🌟🌟🌟🌟。。。。超級香。。。。。牛肉粒杯吃完後。。蒜片也被解決了。。。！壽司拼盤 🌟🌟🌟🌟其實可以少吃點米飯 菜品點太多的話真的很浪費的 跟之前寫過的刺身船一樣 魚生沒有什麼腥味 蕃薯&南瓜天婦羅 🌟🌟🌟 🌟🌟其實很多人跟朋友去日料店也不太喜歡吃生食 那不如選一

細細個睇獎門人講獎品，一定出現：加太賀日式料理花之戀壽司，總值·．·如今，獎門人播完了，小弟卻多年後首次品嚐《加太賀》，不如預期被安排到和式餐室用饍，𥱊地而坐雖有私人空間，但冷氣不夠，相對較焗。珍味龍蝦沙律龍蝦肉都頗多，底層主要是青瓜、小蕃茄和中華沙律伴碟，食材都幾新鮮北海道長腳蟹炒飯炒飯中心佈滿魚杍，頗具口味。長腳蟹肉份量足夠，且鮮甜，配上菌類，都炒得幾有鍋氣天外天壽司拼盤配搭有點奇特，包括腐皮蛋卷、蟹棒、煙鴨胸、龍蝦沙律（又有？）、三文魚壽司。相對地，壽司較失色，始終三文魚味道不太新鮮，鴨胸又較煙韌但腐皮卷都可以一戰脆口豚肉炒野菜這道菜材料豐富，腰果、野菜、洋蔥、菌類、盧荀、蝦乾數量，遠高於豚肉但這個配搭，如果撈飯，一定夠飽肚。牛肉炒烏冬（小）雖是小碟，但份量與大碟無分別。剛上菜時，木魚還熱烈地擺動看起上來都幾似炒野菜，事實上是醬油過多，略嫌咸味重。另外，烏冬較幼身，都頗彈牙牛肉則一絲絲，份量不太多。海鮮燒餅又是澱粉質，餅底較厚，相對似Pizza。又是木魚、元貝、蝦等材料，老實講有點膩

話說個日lunch我地一大班同學（約26位）聚舊於是去左加太賀食日本菜，貪佢位置多而去唔係太貴！一共叫左4個四人餐同2個二人餐！你無睇錯！表面上好似只係夠20個人食，但實際上係份量多到食唔曬！！每個4人餐裡面都會有一個小食、兩個主食、一盤壽司+刺身+沙律+甜品。wahh真係好多！所以基本上一個4人餐其實係可以for7個人食都未必食得曬！至於食物方面，最有驚喜既係太空鍋拉麵同沙律。太空鍋拉麵顧名思義個鍋好似太空咁大，我地一見到已經嚇親！個拉麵係濃既豬骨湯底，而且麵既質感煮得armarm好！三文魚芒果沙律可能大家經常係日本餐廳都唔會特別叫黎食，但佢呢個沙律三文魚份量真係好多！係多到食唔曬！！而且d三文魚仲係好厚身！真係誠意十足！！每道菜既份量都係好似一座山咁高，而且好足料！！真係值得一試！

記得細個成日睇獎門人個條日本街 就成日好想有機會去試下。我記得好耐之前都試過一次，而今次終於再去到加太賀試一下佢既lunch set.加太賀果然勁，有好多間舖位每間舖都有佢唔同嘅主題。今次同朋友去而間舖既感覺係有啲舊，十年如一日，同紅當當好怪但我知道佢有啲舖係新裝修嘅餐牌都係十年如一日啦。我記得佢比較抵食係雜錦魚生飯。今次我地就叫左個雜錦一個淨三文魚。好老實佢啲lunch set麻麻地好食 最好都係魚生飯 但比起之前水準好似有小小下降，魚生無以前好味 ，但都尚算新鮮。不過天婦羅就好有驚喜，好乾身，好好味！！同先係加$12

6月23日和家人到加太賀晚膳，因為加太賀有獨立房間供應，縱然味道一般我們也偶爾光顧。可惜，我再也不會光顧了！因為突然發現有還在動的曱甴在桌面上，侍應只是用紙巾執走及給了我們一些濕紙巾便走開了（可能見慣不怪？），一句道歉都沒有。衞生如此惡劣、服務如此差勁，我是再也不會光顧了～

一個月總會落去加太賀食 Lunch 最少一次, 至於去幫襯次數密唔密, 就睇睇佢久不久轉菜式嘅 lunch set 啱唔啱口味.哩期菜式一般, 少去!望望個 menu 唔想食牛, 薑汁豚肉又話沽清, 選擇唔多…. 唯有叫咗個野菜人肉炒烏冬.優點:1, 冷氣足夠.2, 環境闊落, 裝修極有日本特式.缺點:1, 烏冬斷開情況頗嚴重. 而且唔夠熱.2, 雞肉份量極少.3, 原本男女廁所各兩個, 當日男女廁有一個修理中.4, Lunch set 俾個雪米糍做飯后甜品, 感覺極度無誠意, 我情願俾奶茶咖啡好過!5, 俾個雪米糍已經感覺無誠意, 重要將個雪米糍拋上枱, 服務態度差劣!  攪咩呀? 好好一間加太賀攪成咁? 

對上果次黎，係十幾年前讀緊小學嘅時候😱，再返嚟條街好似同印象中分別唔太大，紅紅嘅燈籠映照到成條街都係昏昏紅紅咁......入到餐廳，唔算多人，有少少冷清……食物嘅味道就同記憶中嘅味道差幾遠下，可能細個嘅時候特別識得珍惜。今次食咗雜錦刺身、加太賀日式沙律、拉麵，幾款食物嘅賣相都係一般般，刺身食落唔算新鮮，同埋較薄身、細件。沙律普普通通、中規中矩，不過份量算係大份既。拉麵嘅湯底好重要，但係又飲唔到濃郁嘅豬骨味，個麵既韌度亦唔算出色。

約了朋友中午時間吃午飯，想係日本菜，但是選擇不多，所以最後才找了加太賀，印象中當年日本菜很流行的時候，這間店在這條街有好幾間店，現在只剩下這一間，在放飯時間前我們就選了這家，所以人不多。午市套餐可以再選多一個小食只需要加$12，整個午市餐$70多一個，雖說不便宜，但是現在在外面吃日本食物，也是差不多要這個價錢了，小食選了番薯天婦羅和三文魚刺身，天婦羅都算中規中矩，不要期望特別鬆化很好食，三文魚刺身更加是一般到不得了，壽司有赤貝，刺身蝦和鮑片和卷物，勝在飯不少可以飽肚，待應態度也是一般。

失望極至，同十幾20年前，風光一時差天共地最出名嘅花之戀愛壽司，大嚿但硬而又唔好食，三文魚根本唔好味,同行朋友話蛋壽司有怪味。天婦羅又係大大嚿但炸得硬又油。蟹粥就最大期望，蟹唔新鮮仲有勁多海帶，又加咗好多冬菇，接近無特別又貴。本人感覺係似喺大陸食日本野，可能仲好過加太賀，唔明白可以生存至今。服務員全是大陸鄉音的，根本在倒胃口。本人第一次單寫食評就係因為唔想大家中伏，如果懷着希望到加太賀嘅請三思。完

久沒有到過加太賀相信都有十年八年，今晚陪朋友睇樓之後我提議去加太賀，不知何故來紅磡總會想起 「花之戀」🌺雜錦魚生拼盤 （梅） $138（梅）之魚生有三文魚、北寄貝、件件油潤細嫩口感豐富。👍花之戀 $56保持水準厚切三文魚包實一舊飯團，花一樣的外表令人有點心花怒放！炭燒豬頸肉拉麵 $72醬油味噌湯底，味道清新麵質爽口彈牙，豬頸肉爽彈入味食出滋味！燒三文魚頭 $88大大個三文魚頭炸得火喉剛好，香脆可口，魚肉仍保持嫩滑帶汁啖啖滋味！以往人山人海排隊等位都要成粒鐘，現在舒服得多！餐牌食物保持水準，價錢都非常合理！

加太賀位於紅磡既崇潔街聽講好多日本人都會黎哩度搵野食哩度又稱日本淺草haha一個月有幾日起度番工都幾開心 搵野食好方便最特別係哩間既便當有橙食都幾甜hahahah出街食黎講蔬果比例都算高最岩我哩d懶健康既事業型女性金菇肥牛都好味 有家既感覺惟一可以挑剔可能係飯既質素 偏淋～～不過食完真係感覺良好 好健康又好食埋單都只係50元 九龍食飯黎講算平

近期公司請了新人，人多咗Lunch搵食真係難度高咗，大家都知紅磡區真係好多小店，又唔多坐位。又唔想等位，又可以坐得多人，就走進加太賀街。帶位姐姐帶我哋去咗裝修較新嘅舖入面，裝潢日本風，燈光都光猛咗。六個人比了間大房，坐得都幾鬆動。本人最鍾意食熟嘅三文魚，就點咗個紅茄子魚頭豚肉鍋 ($50)上菜都好快，落單後唔駛十分鐘就到，以鍋物嚟講算快，午市應該都煮定好多煲。一見過鍋，都幾多嚿蕃茄，蕃茄湯底都幾濃。鍋裡有一兩嚿仔豆腐，如果多番啲就會更好啦。講番個主菜三文魚頭，炸過之後再煮，蕃茄湯都滲入個三文魚頭，雖然個魚唔太滑，但都算ok啦。 但啲豚肉比較肥咗啲，近期大食咗，碗飯都食鬼晒。

老字號加太賀喺紅磡。細個成日睇電視見到。呢條仿日本的日本美食店。今日就即搵道場一試。價錢唔係好貴40元左右有交易。我自己就叫咗個餃子烏冬。餃子用上急凍餃子三大隻。不過不失啦因為餃子都係一啲平價貨。烏冬個麵底亦都唔係用上日本稻庭烏冬。只係一啲平價烏冬之選咬落口口唔夠膽啊。換菜方面日本魚蛋青島全部有。喺啲基本係佢算係抄得幾足。到最後食完仲有雪糕糯米糍。不過粒雪糕糯米糍係維記的。並非日本的雪糕糯米糍。我都明白一分錢一分貨呢個價錢我唔可以要求得咁多。

食物難食，好hea。炒拉麵炒都無炒，烚完個麵求其撈埋味精配料就上，夾起係有湯汁；刺食一d都唔新鮮；壽司飯應該連台灣米都唔係，又硬又無米香，一d醋味都無。服務方面，呢間野係好支持新來港人仕，而大部份既姐姐都算勤力，但培訓方面真係奇差。姐姐上菜擺檯邊就算；揸住個私伙水杯周圍行；而且衣衫亦算爛褸。一間餐廳衛唔衛生，我個人認為好看重個廁所，試諗下個服務員廚師都唔介意個廁所污糟，甘佢又點睇d食物同個廚房？而佢地個廁所就係又臭又爛，同中式酒樓無乜分別，但廚師煮既就好唔同，接唔接受到就大家自己決定。我就食左豚肉拉面；牛肉炒拉麵；刺身盛松；壽司十九本；燒三文魚腩；北海道帶子沙律。總計11xx，四大人兩個幼童 (兩歲)，我當五大人每人230。呢個價，去食日式放題、日式火鍋甚至迴轉壽司店都都得，而我就一定唔會再去(差到我要獻出第一次打幾百字)