動漫樂園及主題餐廳 (已易手) 新餐厅

其實真的沒有食評寫得這麽吸引，專程來試，順便行吓Maga box,最終只有中伏的感覺。像茶餐廳般的格局，只是多了些玩具精品和小量像歡樂天地般的小型遊戲機玩罷了。食物價錢確是不貴，只不過像茶餐廳再加美式快餐店的混合體。要抱著只求飽肚一餐別冇要求的心態來這餐廳。而最好就是可以慢慢食，唔會摧食客埋單，因為侍應人手不足，連落單也沒有空。食物賣相ok ,但食落就杯雪呢拿奶昔只像稀釋奶水，pizza像在普通麵包店買的pizza 麵包，豬肋骨略甜。而肉醬蛋意粉和雜扒飯就最穩陣。

放暑假又係小朋友既時間，舅父一家去左旅行，得返因為要參加羽毛球比賽既小表分留港，佢係咁打電話俾我叫我帶佢出去玩，咁我就帶左佢去朋友講既有得玩有得食既呢間餐廳食飯去！呢間餐廳環境好大，入面仲有好多經典卡通人物佈置，氣氛輕鬆，仲好乾淨，我地坐底一會兒後就叫左食物，諗住快啲食完快啲去玩我就叫左呢碟牛肝菌蜆肉扁意大利粉，香草味道濃郁，白汁不會太咸，牛肝菌每片皆非常厚，口感極佳，整碟意大利粉的味道與層次皆非常豐富！小表弟就叫左芝士焗千島魚柳飯，當中既芝士份量多，外皮亦焗得香脆，魚柳不會太乾身，仍能保持濕潤，米飯亦焗得剛好，不會焗得太久而失去水份。食完飯就到允戲玉喇！就係大玩各款遊戲機既時間喇！呢度同出面既大型遊戲中心一樣都係有充值式既遊戲咭出售，咁就唔使拎成袋金幣，好方便；我同我小表弟都玩左幾多錢吓，但確係好耐無咁開心過喇~~

中午來 Megabox 食飯，間間餐廳都好多人，最後來左呢間食。環境裝修幾靚，有好多可愛的卡通畫陪我地食飯，最啱女仔的少女心。Set lunch 有主餐，飲品，和甜品，都好豐盛。揀左吉列魚柳配蕃茄湯意粉，有兩大塊魚柳，湯底足料濃郁，意粉好好味，凍飲大杯唔洗加錢，仲有可愛卡通人物的冰棍。送的甜品原本不是太期待，點知係最令人驚喜的地方。甜品係抹茶奶凍，仲係咸蛋超人樣，可愛又好食，成個餐先54蚊，仲唔洗加一，又平又有質數，大讚。

同朋友去MegaBox行街睇戲，順便一齊去食飯，行行下見到有間好似玩具店咁嘅Cafe，又幾得意喎，就入咗去試吓入面嘅燈光好充足，啲牆紙好靚好多顏色~仲有一部部遊戲機，怕悶嘅話可以响等上菜個陣玩吓餐廳嘅菜式好多元化，有泰式同美式，揀咗一陣，最後嗌咗個泰式串燒雞拼吉列炸魚柳配雜菌飯同美式什扒配野菌飯個忌廉湯夠滑夠厚，重要幾濃郁~想好似我咁健康啲就叫個沙律食啦~個泰式串燒雞拼吉列炸魚柳配雜菌飯份量好足，一個人食係會好飽，串燒雞好惹味，加上件炸魚外脆內滑，真心推介~美式什扒配野菌飯！一樣好大份，最啱我哋呢啲食肉獸嘅寵幸！件扒唔會難咬開，加上啲醬汁夠香，食落好滿足！食啲咁大份量嘅餐，梗係要叫杯酸嘅飲品啦！所以叫咗杯凍檸檬茶同凍檸檬水，係隨餐送㗎~

從來沒有想過在香港也有親子餐廳。九龍灣mega box的兒童層有一間親子餐廳(˶‾᷄ ⁻̫ ‾᷅˵)所謂的親子餐廳其實是不同年齡階層的人士都可以在這裡快快樂樂地用餐。不知道有沒有家長覺得一邊要照顧小朋友，一邊又希望與其他大人交談是一件很困難的事，但是在這裡就變成一件輕鬆的事。由於這間餐廳是由小型樂園和餐廳組成的，所以整個地方都是以漫畫卡通風格去裝飾佈置，充滿歡樂感。而一入門口就是小小樂園，樂園雖小，但五臟俱全，設施足夠讓大人和小朋友在這裡同樂，有夾公仔機、籃球機、氣墊球機等等，亦有一些玩樂設施適合較年幼的小孩。如欲玩這些設施就需要在入口的counter買電子卡，所有設施都是用電子卡付費的，很方便。連填寫會員表格的筆都十分可愛!最入面就是餐廳，如果坐出一點，家長可以看到小朋友在出面玩，可以放心地讓小孩自己玩的。餐廳每天都會提供不同的精選晚餐供客人選擇，價錢亦都不會太昂貴，我們用膳的那天就有不同地方的菜式；而最吸引的必定是餐廳的兒童餐，有咸蛋超人卡通的飯，更有小食、甜品、飲品，應該沒有小朋友會不喜歡吧！我們這天點了葡國雞飯和卡邦尼意粉。葡國雞飯出乎意料外好吃(*^__^*)怪不得是廚師推介呢～～

今天與朋友經過店舖，以為是個遊戲樂園，進內時才得知是樂園與餐廳融合的Cafe!我們頭一次來還以為不是餐廳，看見餐牌後才發現這是Comic Park &Cafe!確實非常引人注目及好奇。餐牌上的五款晚餐有多種搭配方式可自由選擇，一點也不單調!野菌飯份量大，什扒不會煮得太老太過火，仍保持軟身，醬汁味道亦非常香濃。雞粒與蘑菇粒頗大顆，雞粒仍保持鮮味，香草味也頗香濃，意大利粉不黏糊，軟度適中。飯後我與朋友到樂園區玩玩才離開，十分興幸我們誤打誤撞進入了這間樂園餐廳，才有個難忘經歷!

同屋企人行MegaBox行到肚餓，就入咗間睇落似玩具店多過似餐廳嘅餐廳食飯，好在佢响商場入面，好快就可以行到去店舖好寛闊，座位唔會排得太密，成間店嘅色彩好繽紛，而且仲有遊戲機，等食個陣可以玩美式嘅餐又有，中式嘅餐又有，大人小朋友都OK我叫左雜扒飯，碟飯有好多肉，最啱鍾意食肉嘅朋友，而且d扒唔會韌，好容易就可以咬開，啲汁都唔會咸阿妹既雞串飯都幾ok，串燒雞好嫩滑，而且燒得好香，吉列炸魚柳外脆内嫩，仲有兩大塊添，成碟飯都好大份，一個人食真係超飽最後叫咗杯凍檸檬茶，酸酸地可以開下胃~!~!

之前睇雜誌介紹Megabox 9樓有間店舖, 有得玩有得食, 進入店內首先見到勁多夾公仔機、唔同類型的遊戲機、擲彩虹🌈.......玩咗一陣過去餐廳八下, 晚餐價錢唔貴($58~$88), 另外仲有咸蛋超人兒童餐.咸蛋超人兒童餐 - $88雖然係兒童餐, 但份量絕對大人食用, 兒童餐內幾樣食物都好合我的口味🦄 什果沙律 - 好鍾意食什果沙律, 最重要係無西芹 & 夠多沙律醬🦄 蜜汁雞中翼🦄 超人蛋包飯 - 蛋包飯的蛋皮需帶熟, 但內層尚算滑滑唔乾身, 蛋皮包薯的為茄汁炒飯, 味道好淡, 莫非的配合小朋友口味🦄 超人啫喱糖 - 黑加倫子味啫喱😍, 不過太深色影得唔清楚.香草茄醬雞髀柳扁意粉 - $72 味淡較淡, 雞髀柳沒有醃過, 可能要迎合兒童口味, 蕃茄意粉同樣淡味.凍檸檬茶 - 跟餐亮點係超人攪拌棒 - 好可愛

每逢 Friday Night，都會諗諗有咩好玩之餘附近仲可以食埋嘢。來到九龍灣呢一間餐廳，可謂一次過滿足我兩個願望。來到門口，見到有不少的可愛擺設及精品，沿著走廊走便會見到不少的機動遊戲及經典玩意。因為唔食嘢就無力玩，所以轉個彎便到了餐廳。一部份是圓枱，亦有一些梳化位，方便一家大細或三五知已聚首一堂。美式雜扒配飯呢個雜扒飯有牛扒、豬扒和雞扒之外，仲有腸仔，真係夠哂大份。每款扒都煮得很腍身，而且肉汁也很香濃。卡邦尼煙肉扁意粉意粉的份量都唔少，而且鋪面的煙肉碎都算足的，食到差唔多到底都仲有，加上白汁令到成碟意粉幾開胃。餐飲呢兩個 set 幾十蚊，而且份量夠，仲包埋餐飲，真係夠哂抵食。

位於九龍灣Mega Box 9樓的 Comic Park, 除了有不少遊戲可玩如夾公仔機、拋彩虹，更有一間主題餐廳。主題餐廳用了色彩繽紛的牆紙，主題會不定時更新，而是次主題為機器人。點了一客美式什扒，和一客蜜汁燒豬肋骨拼三文魚，兩個菜式都配薯菜。十分鐘後飲品先來到，飲品份量足夠，頗大杯，檸檬茶的攪攪棍更有個有趣的卡通圖案。主菜來到了，粗條薯條炸得熱辣辣，而且整條都粗粗的，口感很正。三文魚煎得表面香脆，入口嫩口，整體味道不足。餐廳還提供了鹹蛋照人餐盒，賣相也十分精緻。

今日同朋友&佢個囡去咗呢間餐廳，小朋友好鍾意呢度嘅環境，有得玩又有野食，帶小朋友嚟就最啱。叫咗個蘑菇湯，睇返張相都仲想再食，超香滑超好飲！小朋友好中意飲！芝士焗龍蝦大大隻，配埋意粉上，香濃嘅芝士上面仲撒左香草，啖啖芝香，意粉口感煙韌，龍蝦肉好嫩滑，幾驚大廚會失手就浪費隻龍蝦，呢個大廚係得嘅！！食完休息一陣，小朋友又可以去娛樂區玩一陣間再走，餐後運動亦有益健康！朋友個囡都食得好開心

時間仲好早，所以都係去搵啲節目來打發吓時間先，最近我中意嘅偶像上咗新戲，所以打算去支持下，睇戲前就梗要食吓野先戲院附近見到一間主題餐廳，作為一個熱愛動漫嘅當然系無可以錯過喇：動漫樂園及主題餐廳！希望可以見到我中意的動漫人物。去到裡面嘅話，人無算多，可能因為時間點問題吧。餐台之間感覺喺稍微有小小窄嘅，不過可以見到環境好乾淨企哩，坐系出邊都幾自在下，點餐區度都可以見到好多食物，是偏向於快食類的食品我自己點咗一個蝦白汁忌廉意粉，從圖片都可以見到有幾多蝦肉，而且蝦肉都算好新鮮，忌廉意粉真的點食都覺得唔會厭嘅，意粉口感很韌，入嘴之後感覺好Q彈，分量都係啱啱好咁仲有一個係素魚柳漢堡配薯條，好西式嘅搭配～薯條炸得啱啱好，漢堡比較細，味道倒是出乎意料，好食到我幾啖就已經食完，一輪落黎我見時間都差唔多喇，拉拉聲趕去睇片戲喇。出門之時侍應仲好心提醒我話今天可能會落雨添

今天要做一天臨時媬母，帶著幼稚園高班姨甥仔在家𥚃, 精力無限的他不停跑跑跳跳，把我都玩殘，決定帶他出街玩，但戶外又熱又多蚊，加上連日下雨，想起 Mega Box 𥚃有一間集合兒童遊戲樂園、餐廳和購物的地方 - 動漫樂園及主題餐廳，一於譲小朋友放放電，我也可抖抖氣。店外放有超人及神奇女俠等卡通造型，小朋友未入店內已超興奮。店內還有很多小朋友喜愛的卡通造型文具、餐具、衣服等，目不暇給⋯⋯溫泉蛋肉醬意粉（$62/dinner set)肉醬意粉，是大部分小朋友的至愛，蕃茄醬酸酸甜甜拌以一隻溫泉蛋，令每一條意粉都沾上醬汁，姨甥仔玩完遊戲後，乖乖給我吃盡一整碟。香草茄醬雞脾柳扁意粉（$72/dinner set)扁意粉口感爽彈，加入香草茄醬和雞脾柳一起，值得一提是兩碟意粉都熱辣辣上枱，而且份量都十分足夠！飲品（免費）攪攪棒都是卡通人物。杯墊都是卡通人物餐廳接連著遊戲中心，家長可以放心一邊用餐，一邊看著小朋友玩樂。遊戲種類都很多。姨甥仔唔肯正面上鏡！整體來說，這𥚃很適合一家大小，有得玩又有得食，開生日會或幾個小朋友及家長用餐，大人可以安心傾計，小朋友又有他們的開心天地！

在 Megabox 吃什麼好呢？Ikea 也吃厭了。今晩與寶寶亂碰亂撞去了九樓玩夾公仔，才發現入面有動漫主題餐廳！十分可愛的 cafe style，我們便立刻入去試。精選晚餐不錯，種類不是太多，但也有五款。寶寶要食肉獸，當然點了美式雜扒配飯。賣上很震撼，份量也超誇張！肉類塔如一座山似的。有牛扒，雞扒，豬扒，煙肉和腸仔，很豐富呢～質素不錯，雞扒最大驚喜。雞皮煎得香脆，雞肉卻是嫩滑多汁。我要了蜜汁燒豬肋骨拼三文魚配飯。又有豬肋骨又有三文魚，很掋食呀！因用蜜汁燒，所以豬肋骨甜甜的，很惹味。豬肉也煮得夠稔，可惜肉的分量較小，有點不夠喉的感覺。另外三文魚也燒得不錯，魚皮夠脆口的。套餐還包餐茶。吃飽後當然要岀去夾公仔啦！首先要付 $20 入會，然後便有張績分卡。玩遊戲時只要插上卡便可，比起換代幣的方式方便得多。最後夾了了麥坤回家，呵呵！

九龍灣既MegaBox係觀塘區其中一個大型既購物商場，佢係係九龍灣宏照道38號企業廣場五期，有成20層高，係以家居用品、餐飲、娛樂同埋百貨為主。由於佢個位置比較隔涉，所以會係九龍灣地鐵站提供免費專車接送。其實當你黎到呢度既時候，係可以留足全日架，就好似我今日放假係呢度hea足全日咁🤗仲發現左個好適合一家大細既好地方tim我講緊既就係呢間係9樓集食，玩，買於一身既cafe。我認為適合一家大細係因為大朋友同小朋友都可以睇下精品，扭下扭蛋，射下籃球機，鬥下氣墊球，夾下公仔咁。係攰既時候仲可以行到最入間cafe度食野休息。呢度個cafe地方好大，環境都舒服。Menu呢度都係以西餐爲主，不過款式唔多。美式什扒配飯$88呢個什扒飯好似d大雜匯咁有齊牛扒，豬扒，雞扒煙肉同埋香腸，配上洋蔥汁，份量足夠，不過味道就一般，但係d扒肉都唔會un既咸蛋超人兒童餐$88呢個兒童餐有蜜汁雞中翼拼什果沙律，超人蛋包飯同埋超人啫喱糖再配杯橙汁。小朋友見到係開心既，不過味道就好一般，略嫌雞翼比較乾身，冇咩蜜汁味，蛋包飯個蛋老左dd，但係最欣賞就係個啫喱糖，做到超人個樣，而且味道唔錯總括黎講，呢度係個親子食堂，滿足到一家