勝利小廚 (已結業)

昨晚突然想食炒聖子+小炒, 收工懶煮, 就近近地同老公去左中泰合壁的"勝利小廚"! 食中式小炒的同時, 你亦可以叫一些泰式小菜, 如冬陰公, 豬頸肉等! 而海南雞飯, 鼓汁大蜆, 鹵水豬脾, 炸蝦餅, 都是我倆鍾意的! 記得佢地都有炒聖子, 今次就試下啦, 原來除左超級巨蜆外, 聖子都非常美味! 中形size啖淡肉! 非常野味, "勝利"的水準真係好好! 另外我地叫左蜜桃骨及八珍豆腐煲! 2個人僅僅食得晒, 真係唔肥都幾難! 飯後又叫左龍眼冰潤一潤, 非常消暑呢!

一間未試過小店，係一班人搵野食，咁啱成條街得佢有位，就入去食！招牌菜係海南雞，無得唔試，$80半隻，黎到好似細隻左D，不過真係滑，大部份起骨，除左翼，無理由翼都去埋骨掛？不過，真係細隻！後來走個陣發覺雞係晨早切開晒，半隻就執件胸、搭隻脾、加舊翼，斬開就當係！怪不得細隻到咁！其他菜無乜特式，因為無先睇Openrice 至去，唔知乜野好，唯有叫D 大路，金銀蛋莧菜，茄子班塊，泰式豬頸肉，水準無話特別好同壞。可能我地叫得普通！一般大排檔水準，因為有鑊氣。一路食，一路聽到有人叫外賣，應該都幾受街坊歡迎！不過外賣半隻雞，唔知夠邊個食，可能真係一人食。埋單$278，最後加多個椰為汁西米卷，埋單$278，五個人。平均五十幾，不過真係不能作準，因為完全無叫貴價招牌菜！總括而言，值得一試個雞。

2008年3月30日，勝利小廚晚上來了吃小菜。海南雞飯：另一半的媽媽說這裏的海南雞跟以前的不同了，現在用冰鮮雞，沒有以前那麼好吃。個雞油飯就…差D嘞，好油，不香。白灼西蘭花：西蘭花沒灼過火，如果這個都做得差，可以關門了。茄汁蝦：豉油蝦做得好，但呢個重好。個汁嘅味道好好，好啱味，蝦肉又爽，正。還有熱檸檬茶。

窩貼小棠菜: 將D 小棠菜切碎加入蝦膠& 墨魚膠裡面再包粉炸, 食0既時候點少少甜酸汁, 第一次食, 好特別, 超正! 茄汁大蝦: 新鮮大蝦配酸"may""may"0既茄汁, 夠晒開胃!海南雞: (必食!) 真係好滑好嫩口! 次次都嗌!生菜包: 辣辣0地0既肉碎包住D 唐生菜, 好fresh, 好正!

雞好滑,水準之上.冬陰公同泰式生菜包掂.新增滷水蛋好味.作為一間小廚廚房菜色也可話多姿多彩.之二個字(好吃)

昨晚因仁寶小廚太多人, 故在此order外賣, 想不到因此賴野!外賣"炒芥蘭"及"咭嚕班塊"半粒鍾都未有, 吹親都話整緊, 結果遲過我D人, 食完, 攞完外賣揸車走人都未有, 三催四請之後, 個四眼怪先話比我聽"漏單", 重要係一句唔好意思都無, 同個豬X事頭婆一唱一和, "而家幫你整, 你要唔要, 唔要比番錢你" 好似我唔啱之餘重要唔好左住地球轉, 我梗係比個"那"佢攞番錢走!!論海南雞,雞少,醬無味, 灣仔泰妃雞好過佢多多聲, 論services更加不知所謂, 貼錢比我都唔去!!

今次係食茄汁煎蝦碌,味道幾好,夠香濃!蝦碌好大隻!推介!上次食過去骨海南鷄,今次都食,始終係招牌菜,幾好,個汁開胃,同上次一樣,越嚟越鍾意食海南鷄了!啲飯都ok!今次好像好過上次一點,或者唔係繁忙時間吧!

海南雞飯依然得...尤其個汁．．．　撈油飯好正好醒胃不過．．．茄子班腩褒，啲班塊好厚鬼粉... 個褒又唔夠味，　好似唔記得落味咁．．．茄汁煎蝦碌．．　啲蝦好多膏，　可惜啲蝦炸到過哂火....好韌．．唔知個廚轉咗定發緊夢，終之個廚房唔係好得囉．．．

油飯是最正的,小菜也十分有水準。只是出名的海南雞真的沒有雞味、豬脾飯又滷味不足。之前已多次惠顧,午餐多數是海南雞飯/咖哩牛肉飯,平均消息$35-40。晚市4人約花$250。包括:雪裡紅(似金銀旦時菜加鮮蝦)、滷豬脾、海南雞半隻、啤酒。

北角區四處遊逛, 最後走到這兒來晚飯, weekday二人不用等位, 真好!!蒙牛第一次到勝利, 當然要點個海南雞飯, 雞肉依然香滑軟腍, 雞皮的脂肪都去得所餘無幾, 雞油飯油份不重, 所以香味都久了點, 酸辣的醬汁如沾一點在油飯中, 更是令人開胃百倍! 眼見店內很多人點炒蜆, 但我們偏點個炒聖子$65, 皆因本人喜愛是也! 這一客炒聖子的分量大得很, 而且絕無呃錢成分, 聖子肉炒得入味而且香口, 又是送飯一流的美食北菇扒西蘭花$45, 但是份量又是大得驚人, 特是北菇又大隻又厚身, 差點以為是假的呢! 西蘭花都是一般蠔油, 合格合格格局都是街坊招呼, 完全合格啦~~

雞肉好滑,飯唔算太油.豬脾亦正值得推介.

原本諗住去"阿鴻小吃"食鹵水，點知去到佢今日休息，真無奈！只怪自己無看清openrice寫的資料，白行一趟。唯有轉食"勝利小廚"ge海南雞飯，幸好味道還過得去~三個人叫了一個海南雞飯、一個青curry with beef & 一個生牛河。海南雞飯：雞還算嫩，無骨，但油飯真係好差，一d都唔油，無油香味，雖飯是黃色，但就似加色素多D，顏色唔均勻，完全無雞油香都可以叫做油飯？青curry with beef：青咖哩味道剛好，好香香草味，唔係話好辣，剛好；牛肉醃過，無牛味。以上兩個餐都有湯。佛手瓜湯，好味，夠濃又夠熱！生牛河($22)：我覺得，因為佢娜用肥牛，加上熱湯一淋，不再生了，有少少失色。幸好湯底味道不錯，加埋冬菜，很惹味！

大家一樣買海南雞為主,一樣叫勝利小廚,點解食物及服務質素相差幾班都唔祇.雞味及雞汁北角勝利完全贏晒,連服務都贏幾條街.何文田勝利小廚要好好反醒一下啦,情願比多少少隧道費過北角食,起碼食得開開心心.唔信大家就試下啦.

男友住呢區, 食得至多就係呢間佢至BUY海南雞加油飯, 我就至愛蒜香豬串骨同椰汁糕, 通常都要等耐D, 超熱氣又勁惹味, 正!!我地通常七點左右去食, 人不多, 招呼都唔錯

好多年前係勝利道總店食過海南雞覺得一般, 昨晚由我發板就試下呢間分店睇下又得唔得海南雞飯($38) - 雞肉幾嫩滑但無雞味, 點黑豉油會較對胃口. 走黃要了白飯, 飯身幾軟腍. 個飯包一碗例湯, 花生雞腳味好淡, 飲左啖都放棄咖哩石斑($38) - 放係小食類但就幾大份. 咖哩唔辣同有好香椰味, 用來撈飯一碗都閒閒地. 而石斑炸粉唔厚, 肉地都算幾滑溜.呢個笑係比個咖哩既.