勝園餅家

营业中

休息中

每次黎鯉魚門，我都會去呢間餅店買點小手信。呢間店舖既餅食大部份都係店主自己新鮮手造。🥢我每次黎都必買佢既紫菜肉鬆卷 。蛋卷夠鬆化，有濃濃既蛋香味，甜度剛好，配上肉鬆同紫菜， 真係令人忍唔住一個接一個咁食。🥢另外芫茜蛋卷都好好食， 平時新鮮既芫茜會有一種濃味，唔係個個可以接受， 但芫茜經過同蛋卷一齊烤過後， 果種濃烈既味道消失左，芫茜入口變得脆脆， 就算平時討厭芫茜既人，都可以一都試。🥢而雞仔餅有濃濃既南乳特有香味， 係兒時食到既味道。大集團既食品到處都可買到， 但味道卻很單一。我個人比較鍾意幫襯小店，食到既唔單止係食物既原味道，更多既， 係香港越來越少有既人情味。🏠 勝園餅家🛤️ 油塘鯉魚門海傍道中27A號地下

除了澳門手信街，在香港最多手工蛋卷店應在鯉魚門。前兩晚去鯉魚門食海鮮，心血來潮想買手工蛋卷，源着海鮮街（只有一條路）走着走着，聞到一陣蛋香味就走到勝園餅家，當時店員在做蛋卷，就買了一盒回家，沒有令人失望，很香，很鬆化。一盒八條，兩日已KO了，昨晚再去勝園買了兩盒蛋卷，另買了一盒焗合桃也沒令人失望。昨晚第二次購買時，店員讓我嘗試了鳳凰卷就覺得蛋卷比較出色，可能本人比較喜歡鬆化的口感，另外有一款焗蛋白也可一試。

咁多款中式小食黎講，砵仔糕可以話一直係既最愛，比較起其他中式甜品，佢有口感之餘又甜甜地，隨時食幾個都得啊。今次黎到油塘，其實經過過呢間中式小食店好幾次，但每次黎都賣哂砵仔糕今次竟然咁好彩未賣哂，即刻試返個！一個$3.5，$10有3個，都係同出面差唔多價，但拎上手明顯比出面既細三分之一左右。去到只係淨返一個有豆既，雖然我食開有豆，但都試埋個無豆啦（一個點夠食喎係咪！）咬左一淡就已經知係高質既砵仔糕！試過無數間砵仔糕，當然佢未係最好食，但佢勝在夠煙un，好多地方都做唔到呢種口感架，而且佢既甜度係適中，我比較中意甜既但呢個甜度應該係唔好甜品既人都會接受到，紅豆量都算正常，唔會有未煮林既情況，各方面都做得唔錯，我都好唔捨得咁慢慢咁每啖每啖品嘗下次要試下熱食同埋一定買多幾個

上個月，姨丈的家姐去開油塘鯉魚門，順道買了 <勝園餅家> 的家鄉雞仔餅！姨姨送了一盒給我們！ 家鄉雞仔餅粉紅色的紙盒印上的圖案似鵪鶉而不是小雞！ 盛載十件雞仔餅，而且有膠袋封套防止油份滲出來，而且可以保存其新鮮度及香氣！一舉兩得！ 由於雞仔餅是人手造的關係，大小形狀不一，比我預期中大件，  打開膠袋，已傳出一陣南乳香，呈金黃色的餅身，口感煙韌帶甜，內裡的南乳及冬瓜肉及肥豬肉，鹹甜交集，美味可口，  食了四件當早餐都夠了！ 如果，配上一杯熱茶更可有助解膩！

好老實，來到香港都無乜野手信可以稱得上拎俾外國朋友。除左本地老字號果D之外，都送個過一次。鑑於外國朋友好鐘意食呢D中式糕餅，所以就決定買其實餅家出既糕餅。勝園呢到除左係自己出品既糕餅之外，佢既包裝都係自己設計去整，但盒上面貌似有鵪鶉既圖案。覺得好有本地特色，送禮都一流。今次買左合桃、小蛋卷、老婆餅同牛肉乾，仲有買左小小散裝既椰堆。因為佢一買就封盒，所以影唔到相，但係我覺得佢地個樣無咁有光澤。朋友食完後品評：合桃:果香較香，而且比較硬身，不過佢表面好似沾左小小糖漿，佢地話愛黎做NUT FRUIT SALAD早餐一流小蛋卷:佢地覺得好乾身，油份不多，不過夠香脆。有D似外國食雪糕既朱古力卷。老婆餅: 佢地至愛，因為之前買左奇華俾佢地，佢地話吃既時候食餅皮多過食入面個餡，至於呢個既佢覺得個皮好薄，入面個餡好多。叮熱吃一流。牛肉乾:佢地美國人覺得似硬既煙肉，不過佢地話呢個就係多汁既煙肉，比較軟身。至於椰堆是我買的，食完唔太岩我，因為實在太多椰絲，同埋咬上去太粉。唔錯唔錯，回頭的我想應該都是牛肉乾。

鯉魚門這個九龍市區內，唯一仍然保存著漁村風貌的地方，其簡樸的鄉村風貌、引人入勝的名勝、優美迷人的景貌，已經令我每年都必要去一次．．．．．．當然還有該處別具風味的小食啦！上星期六傍晚，我又再到鯉魚門，拍了幾張照片，臨走時當然少不了指定動作－買手信啦！其中一款手信，就是現時已經買少見少的椰堆。今天下午茶時間，我拿起買回來的椰堆來吃，吃起來，椰汁味十分甜美濃郁，口感也十分鬆軟。最重要的是，吃了它後，也不會上火呢！下次到鯉魚門，它也必會是我的買手信首選！

其實本人成日黎呢度買野食，因為覺得比較新鮮而且自己整，應該會幾好味！我成日買豬肉乾食，因為真係好好味，佢有好多隻味，而且會比你試，肉汁好多好juicy，又不會太硬我又買左鳳凰卷黎食，一定係買我最愛的咖啡味啦，食到有咖啡味算不錯，因為好多都食不到有咖啡味，幾鬆化又買左密糖合桃，呢個真係超好食，好脆，不太添，唔知點講，甜既合桃原來咁好食，不過好貴！$45得一少包，計反可能要$1 一個

昨天到鯉魚門食飯，路經這小餅店買了肉鬆疍卷、椰絲旦卷及牛耳。今天下午飯後開了肉鬆蛋卷跟兩個孩子一起吃。怎知不須十分鐘已經將約十幾件的蛋卷全部吃完！蛋卷不是德成號那樣鬆的口感，而是脆脆的，並且有疍香。好味！