勝興潮州打冷

营业中

休息中

當晚同屋企人去元朗食晚，行過見到啲打冷野食好似好味，就入去試下。首先叫左鵝片，炒蜆，腐乳通菜，剪蠔餅，等野食個陣，見到隔黎枱叫左碟椒鹽蟹，心血來潮又叫番碟，又叫左個肥牛粉絲煲個鵝片同炒蜆黎左先，發覺碟鵝片得十至十二塊係面，個底就擺啲豆腐乾，完全唔值$80，碟蜆好多都係空既，超呃人囉突然有個女侍應從隔黎枱攞番碟蟹過黎，佢話佢擺錯枱，但我地見到碟蟹其實已經擺左係隔黎枱有五至十分鐘，所以我地要求佢幫我地整番熱碟蟹，但佢擺左入微波爐，叮完仲要過多五分鐘先攞畀我地，本身脆既蟹已經唔脆，我地同佢講，個女侍應勁串咁講：“又係你叫我整熱佢，我咪幫你叮番熱佢囉” 但其實我地叫佢炸番熱囉 啲態度差到冇人有，我地急急腳食完埋單走人

黎勝興食打冷已經好幾次，門前擺滿美食，蝦蟹蚌咩都有，可惜本人對海鮮敏感，還是簡簡單單叫些鹵水好了。已經是十點半，明天還要早起，就不要吃太多了，叫了三個餸和白飯。正鵝（$60），必叫！鹵水汁好正，鵝肥肉嫩，仲有少許豆腐同花生托底，一樣吸哂啲鹵水汁。韮菜豬紅（$25），大大碗，豬紅滑得黎又唔會散，微辣，好入味。韮菜略微老了點，好有嚼口。鹹菜牙帶（$30），牙帶吸了鹹菜汁帶出了一份鹹香，沒有過鹹，而且不酸，又係好正。白飯八元一個，唔熱而且好細個，略微有點敗筆。每枱桌上有茶壺同紙巾，地上沒垃圾，冷氣頗強，環境有點迫之外還算可以。

晚飯宵夜，香港人間中也會吃潮州打冷。不過隨著很多新派的潮州菜館落成，變成專吃燕、趐、鮑的地方時，大家對潮州菜的印象開始模糊起來。而我是從來不會到那些新派，高尚的潮州館吃潮州菜，不是說他們做的食物不好。而是我較喜歡到一些平民街坊格局的打冷擋，吃一些平凡簡單的潮州菜。別看小這些簡陋的店，做出來的菜往往是最正宗，最吸引的。簡簡單單反而給人有一種溫暖熱情的感覺。其實潮州菜都有很多特色小菜，但因為這些都是「粗菜細做」的關係，不少菜館都感到麻煩，久而久之便越做越變質。風球除下，晚上又是時候出去覓食。這次選擇走到偏遠一點元朗又新街。這條街又被稱為食街，小小的街道，已有幾十間不同種類的食肆。我們先把車子停泊好，再看看有什麼食肆吸引。由於天氣不太穩定，不時下著陣陣毛毛雨，我們便走過對面馬路，看到這間打冷店門處擺滿了一列五花八門的海鮮，玻璃廚櫃上掛起豬腸，韮菜，滷水鵝，凍花蟹。涼吃的掛起來，熱食的在溫著，琳琅滿目，任君選擇，五顏六色的非常很吸引。二話不說，就選擇到這𥚃用饍。一列五花八門的海鮮，魚，蝦，蟹, 真的令人垂涎三尺。簡單的一盤盤冷盤小菜，已令人目不暇給。食物整齊地一盤盤放在枱上，好讓客人挑選。甫進

今日行山行到累累地,食完糖水後去食正餐~我唔知道係唔係因為潮州打冷D牛腩係唔得,定係我應該叫佢要肥D先岩~佢D牛腩好乾好硬,最恐怖係D菜都係差唔多水平...河粉就正常的但總體就唔得了,不值去食!服務方面就真係....幫我地落左ORDER又唔寫單,寫單又寫錯單...而且態度一般,似想收工多一點...