包包傾老趙越南餐廳 (已結業)

原來星期六"老趙"都有午市套餐，見價錢不太貴，同老公大人試下。午市套餐由$48-$58 不等，包飲品，價錢合理。叫左香茅豬扒飯及上湯雞絲檬，味道可以，但談不上推介。驚喜的是散叫的"牛油雞翼" ，現炸的外脆內嫩，非常美味，推介給雞翼愛好者。

一次非常不愉快的經驗, 一個香茅豬扒檬, 一個咖哩雞飯等我差不多一小時, 對於一個趕住翻工既打工仔尼講, 已經是史罪。 我們催了又催, 默默等候, 千呼萬喚始出來。香茅豬扒檬檬粉硬, 豬扒都硬, 吃到一半朋友放棄了, 跟住個咖哩雞汁是可以的, 但雞就軔到不可開交! 米飯幾靚。只此一次下不為例。

星期日晚八點鐘到，唔駛等位！同我個女兩個人點咗从下嘅嘢；1. 香矛牛肉撈檬， 好味道2. 老趙河粉，味道亦可以3. 蒸粉包，味道一般4.半打沙爹（豬、牛、蝦各兩串）D蝦完全冇鮮味，牛和豬味道太淡！5. 咖喱大頭蝦粉絲煲，裏面有3隻大頭蝦，滿懷希望一睇，點解個蝦頭同蝦背切開一條大裂縫！蝦膏欠奉！一咬隻蝦，完全冇鮮味！6. 一杯青檸梳打同一椰青埋單$440，如果個大頭蝦煲唔喺咁豈有此理，總括嚟講喺ok嘅。

可能只是六時多·無须等位·新装修·地方乾淨雅緻·點了生牛河·蔗蝦·七十六元·抵食·生牛河的湯比它老店多·主因是碗比老店大·湯底味道不錯·生肉及河粉質地可以·整體好味·7.5分·蔗蝦是老趙名物·真材實料·蝦肉彈牙·蔗清甜·俾9.5分·新颖装修对老趙是一件好事·除却老氣·地方变得乾淨·讚!一定同老公再來!

上星期五,上完最後一堂,考過試就慶功了與一眾同學及剛於星期二飛走了的導師來一個遲來的晚餐地點就是上課附近的老趙越南菜館一坐低又是一輪的手語,用的是香港手語,所以沒難度啦最後決定了來一個8人餐 ($888), 剛好我們就是8人嘛~ 先來的是牙車快,即是越式沙律,都是雞絲,菜絲,其實沒甚特別但這竟然是全餐最似樣的,其他的菜色都很重味精接著是蒜蓉包,自家焗的,算是不過不失啦春卷就真的十分"油膩",雖然材料是足的,但油成咁點食呢?加上了生菜中和了油膩感,才可以勉強入口炒青口:汁好咸,不過好彩d肉仲食得下,一陣個蝦先大鑊扎肉河粉:普普通通,又唔會驚為天人,但唔食亦沒有損失香茅豬扒紅飯:個飯ok,至少唔係茄汁飯,都有d蒜香,不過隔離件扒就"鞋"到冇朋友就係呢個"大頭蝦煲"就真係大鑊中之大鑊,蝦得個頭大,d肉係"梅"的,絕對係雷中之雷,而浸著的粉絲好咸,唔知落左幾多味精........最後的甜品是由糯米+粟米+椰汁o既物體,一pat pat 的......."老趙"嘛! 我記得都幾出名,但咁樣o既質素,真係試一次就夠了當然,亦可能我地"咁幸運地"一次過叫晒佢最差的野.......有吃過的朋友,可以告

Was here in the afternoon for a quick bite. The place was very busy on Sunday afternoon but manage to get a table within 5 mins. The service isn't great had to ask for things multiple times. I ha the Pho which the soup was very salty. They also do not have the normal sriracha hot sauce and they have no sweet sauce. The noodles were nice and soft and the beef and beef balls were tender. If I am desperate and hungover I might come back but otherwise I don't recommend wasting your time.

是晚沒有食神, 到訪過強差人意的 Assaggio 後, 欲到 6 座雲吞麵「溝貨」卻發生一連串「麥兜故事」, 無何奈何之下離開, 唯有到附近的老趙。點選了一個沙嗲拼盤 ($54), 除了有慣常的牛和雞外, 竟然還有蝦的選擇, 是坊間較為罕見的。最開心的莫過於可以選擇「乜都有」, 一次過可滿足你三個願望。沙嗲肉串均調味得宜, 火路又剛好, 整體來說相當惹味, 是質素上佳的燒肉串; 至於最特別的蝦沙嗲, 蝦頭已被切去 (應該是用來熬湯吧),蝦肉尚算彈身, 沒有一般廉價蝦肉那種霉的感覺; 不過, 對「檸茶」來說是靈魂的沙嗲醬卻稍為失望, 尚有進步空間。

請左假同媽媽去見醫生做手術follow up同檢查..佢以前既飲食一直都是中式同中式的~好少出去食飯~所以去見醫生前有時間特登帶左佢去試啲其他唔同既嘢食~手術傷口埋得麻麻地~唔食得雞同牛住~太濃太creamy的都唔係咁好丫~但佢又想食香口嘢...去左佐敦的老趙越南餐廳~點左大大碗香茅豬扒凍檬~大大碟越式炒飯~小食大拼盤~同埋份量十足既招牌越南法式三文治~連侍應小姐們都忍唔住笑我地大食丫哈~! XD媽媽食到lam lam 脷~ 最緊要媽媽鐘意食同滿足哩~ 香茅豬扒凍檬不過不失, 略嫌豬扒偏油同偏濕, 無左香茅既香味~招牌三文治三文治裡邊有雞肉, 豬肉同札肉~佢個包算厚, 餡料偏少, 同「山地人」相比還差一大截..可取既係佢個包身外皮夠香脆餅越式小食拼盤其實佢既香料都係一式一樣炸蒜同埋花生~偏偏哩D香口嘢就係令人零舍開胃~加上現成既扎肉同埋蝦片~算係簡單又無咁易失手既食品~而春卷佢加左頗多黑椒~係幾香的~不過略嫌唔平均~害媽媽食左一大口椒~越式炒飯難得同媽媽出來食嘢~見佢好想試下D飯~所以頂住個肚都再追加左個飯~云云飯選中~我地決定都係試佢標稱為招牌或者特色既菜淆~所以揀左「越式炒飯」丫~

除左老趙, 佐敦另一間人氣越南河內餐廳叫越南餐廳, 但星期六無左SET LUNCH即時轉場去老趙, 老趙新裝修, 比河內舒適, 但老趙價錢較貴同埋要收加一蕃茄牛腩湯濛蕃茄湯底超級濃, 酸酸甜甜, 好味, 但味精應該都重手牛筋好食,牛腩好淋但肥位太多咸柑桔青檸熱飲夠味, 可中和一下油膩

今天約定女友前往大埔吃一碗豆腐花，但是在下與女友有點肚餓，於是在附近尋找一間有喇叻麵，可是在佐敦卻找不著。當咱們行到這間老趙越南餐廳，既然找不到喇叻麵，在下便建議在這裡開餐，女友也不反對，於是推門而進。每一次到越南餐廳，咱們都會點選幾款小食，可是今次卻沒點，而只有點了主菜而而言。女友點選了一碗肥牛金邊粉，在下例牌點選了一客香芧豬扒飯和一杯奶茶。本來在下想點選咖啡，可是咖啡卻不是跟餐，所以今次卻沒有點選。稍等一會，金邊粉已經上桌，單看金邊粉已經都幾大碗了，而且湯也是很滿的，蓋著了整碗粉。今次女友並沒有把肥牛金邊粉舀一碗給在下，所以只有望梅止渴。在下的香茅豬扒飯亦同時上桌，豬扒切成小塊，而且煎得對辦，而且煎得香脆可口，肉質鬆化，加埋香茅等香料，使豬扒更具惹味。然而在下每一次吃這一菜式，都擔心會有熱氣的。其實在下於越南餐用餐，除了豬扒飯外，也不知道可以點選甚麼，可能在下認為吃一個飯才能飽肚吧！至於奶茶，和平常在茶記喝到的奶茶沒有太大的分別，而在下本想要越南咖啡，可是要加大洋，所以沒點了。至於女友的金桔蜜，也散發著金桔的香味，也令在下垂涎三呎呢！整體味道不錯，唯獨奶茶有點欠缺特色，服務也算不錯

老趙越南食物，以前响佐敦道渡船街那邊很出有名氣的。現在响佐敦區再開多間分店，無論門面和裝修都比老店的好。今次一行三人入去試一試晚市。點了幾款大路的越式食物。雖然店內人流比較多，但係上菜等待時間和速度都好快，呢樣真係令人十分欣賞。先試一試個咖哩牛腩，香味十足，牛腩也煮得很入味，而且牛腩煮得較冧，容易入口。最重要係入口覺得香，但係感覺上不是太辣。跟手試下用蒜蓉包，蒜蓉味不覺得太多，但係個包都仲熱，而且入口很脆。跟住試下用蒜蓉包連埋個咖哩汁一齊食，味道都不錯呀。相比起個咖哩，反而個串澆豬肉就冇咁特別呀。味道都一般，肉質相比起牛腩就有少少遜色。但係個沙爹汁都不錯。最尾個串燒蝦丸拼濱海，蝦丸的口感都係一般。但係相反個 "濱海"，就出奇地好食。雖然係米粉做，但係配埋D醮汁食，唯然係冷盤，但係美味不錯呀。

中午打完波去吃，刚刚好不用等位~午餐牌48元有河+饮品，叫的是生牛肉河，正！汤好够热又清又甜，牛肉刚刚熟，一点也不韧~老婆另叫老赵招牌河，大碗过午餐牌的河，只不过多两块韧的熟牛肉和一粒牛肉丸和N多牛筋，要56元一碗~性价比不高，相当麻麻。。。。单点的猪肉虾片和扎肉两款小食，都几好食，唔错。老婆叫的三色椰汁冰特饮她很喜欢，说下次还会叫。全餐消费HK$192元。应该会去第二次~OVER.

老趙是本地老字號越南菜之一，他在渡船角的本店我可算從小就光顧。這間在澳牛附近的包包傾是老趙旗下其中一間店，以越式法包做主打，不過同時亦有提供一般越南菜如粉、檬、飯和小食等。記得之前到過這裡一次吃越式法包，印象不錯。這日下午我來到這裡吃個late lunch，不過這次並沒有吃法包，點了碗生牛肉粉，炒芥蘭和一杯熱奶茶。生牛肉粉的牛肉尚算鮮嫩有肉香而白蘿蔔夠入味，不錯。不過靈魂的湯底只有顏色但味道淡如水。(2/5)炒芥蘭：芥蘭應該是烚過再炒的，菜被烚得軟淋淋，也沒有菜的味道，差！(1/5)熱奶茶亦同樣令人失望。喝下一啖這奶茶後口腔都是酸和嚡的感覺，很久沒有喝過這麼差水準的奶茶。(1/5)這餐食物和飲品的水準都是難以想像的差，讓我不禁懷疑這是老趙的出品嗎？

今日係尖沙咀行完街..本想去尖沙咀老船長食越南菜..但竟然去到門口星期日係休息無得食..之後行番老遠去左白加士街..聽人講話有間叫老趙既野食都ok食得過..我唔抱好大期望踏入左佢個門口...就係咁..今餐可以話係我近幾個月食得最差既一餐...睇我以下文字連圖既介紹....就知咩原因...三牛檬 - 上湯粉效率都幾快..坐低一陣就即時送上..E個湯檬只係一碗平平無奇,..豪無特別既湯粉45蚊..湯底清味道唔濃..牛筋可以,生熟牛唔淋重有渣!濃汁沙嗲牛肉粉絲 - 賣相大家有圖可見,豪無誠意! 濃汁?! 事實上汁淡如水,無味?! 白恰粉絲配無味汁?! 點解會咁失敗,牛肉當然同以上菜色一樣都係唔得, 成45蚊我諗好多地方都食得好過E度...小食拼盤- 從來我甚少會勁彈樣野點樣唔好食..但如果我講得出黎我諗真係都真係幾失敗你可以話我好少嘗試其他地方既越南菜,但唔可以質疑我對E碟送既評語如下講味道 - 我覺得任何一間都可以整得好食過佢講賣相 - 豪無誠意,都唔知自己食緊花生配菜碎定係食緊小食拼盤, 札肉上邊灑d花生碎炸蒜,我都唔知自己食緊邊樣先係主角,札肉一片圓形一開三,成隻碟總共有4片, 越南春

在佐敦一帶, 本想到xx牛奶公司, 但太多人, 所以轉場到剛路過的老趙, 反正未品嚐過, 看看如何賣相雖然可以, 但味道真一般, 未能一口接一口的喝那種快感呢....尚算大碗多料, 香煎豬扒切至五件, 檬粉份量夠, 各配料很多, 枱面上的秘製魚露任由加添, 味道okay, 整體很好!小食拼盤的蒜蓉包很脆, 但味道偏淡, 不夠蒜味小食拼盤的雞翼很入味, 不錯之選, 而春卷更附上新鮮生菜以便包著吃, 很好的配撘, 味道各配合這馳名的老趙蔗蝦聽聞是必試的, 我們便單點一試, 結果真的出乎意料的好, 從沒吃過很薄很鬆的蔗蝦, 不會'死死實實'的, 讚!!!!炒米粉竟然是炒粉絲, 沒所謂吧, 炒得不錯, 很香但味道都是偏淡服務有待改善, 職員像聽不懂廣東話般, 我們不想要的她偏偏提議, 我們說明了她仍是硬來, 我們不要汔水, 她偏要說有可樂及雪碧, 她不知什麼是好立或華田, 很難溝通, 很像到了內地shopping, 明明不合適的職員總說沒關係而游說我們接受, 很奇怪呢....