北冰洋

营业中

休息中

收銀果個女人 好明顯係老闆娘 問「仲有冇人未落單」就好好聲氣 收完錢語氣面色即刻變 遇到任何問題就即時黑面 怕你俾麻煩佢 叫籌號攞野食就呼喝客人 食物其實好普通 為嘅係錢 唔係食物嘅質素 唔會再有下次

食燒賣豉油都好重要，但佢d豉油真係少得可憐，見到咁少已經叫佢多d豉油，但佢只會加多一滴比你，如圖所見只係表面有色，想點多下都冇，唔講以為佢d豉油加左金箔。。。講真如果個客要求多d豉油你都咁孤寒，真係冇野好講，唔好學人賣燒賣

龍年的頭炮先來一盆盆菜，盆滿缽滿！細份$338的盆菜一點都不失禮，食材豐足鼎盛，計有鮑魚、蠔、切雞、豬手、魚蛋、鴨掌、冬菇、髮菜、枝竹、芋頭、白蘿蔔以及西蘭花等等，應有盡有！根據指示，小人先入南乳湯再入料，翻熱盆菜。每款肉食都涵得甚到，肉嫩皮爽，當中最吸睛的就是連骨的豬手，肉多到可做手撕豬！豬皮更是骨膠原滿滿，甘腴腍滑！特別美味的非芋頭莫屬，入味之餘更是炆得酥化可口！完全釋出盆菜的精髓：薈萃百味、共冶一爐！

冇得輸冇得輸冇得輸 重要嘅嘢，要講三次！魚旦加埋個辣汁食到我牽腸掛肚！價錢又公道，好過旺角遊客街勁貴嗰啲，呢啲先係良心小店！老闆keep住個質素呀！等我成日返嚟食！

係附近做野差唔多每星期都食一兩次因為都唔知食咩好而依到相對比較抵$36 2餸 有啲餸就要加錢以前魚加$5依家要加$15貴左好多 以前2餸有蜆食依家冇左感覺上 依半年退步左😭😭😭😭以前好有驚喜不過都仲係好抵既有埋野飲但真係已經唔好食了啲魚肉都成日霉/老左下次都係食返普通料算😖😖😖😖

下午飯堂，超抵食，亦好好味雙送料多，飯亦夠食，好飽奶茶非常推介！！雪個隻，無加冰，好好飲，原汁原味！炸雞，好好食，希望成日見到佢👍🏻😜少粉，juicy，少油，好健康感覺，夠熱好好食🥰🥰🥰🥰掛住食，食左一半先記得影，呢間有驚喜，因為一路食有唔同野食係入面薯仔、蘿蔔、草菇、洋蔥、豬肉、牛肉、雜菇等。。。。絕對夠飽，對得住價錢。埋單個陣個哥哥不停講多謝，好好服務🥰不過中間既姐姐要快手又緊張，就未夠耐性，可以態度好d 就perfect la

今日去咗公司附近買早餐$19一份包埋樽仔飲品，買咗幾份上去同同事一齊開心share，諗住簡簡單單食啲嘢就算。。點不知嗰嗰食完都讚讚讚😋炒麵炒米爽口彈牙，唔會林啤啤，我最愛嘅燒賣蒸到夠灑熱辣辣上到去仲好鬼正。最驚喜係個樽仔飲品 除咗樽仔奶茶樽仔咖啡仲有無糖蜂蜜檸檬水😍好特別。賣嘢嘅姐姐雖然好多人排隊好繁忙但依然好好禮貌,我第一次幫襯好多問題佢哋都耐心解答，搞到我都唔好意思，以後將會變成我嘅長期飯堂🤤🤤🤤

公司附近小食店 秘製辣椒超正囉 想問啊姐買一樽但沒有發售 樽仔咖啡少甜都正排隊排了6分鐘...18蚊價錢可以食到這東西 還可以接受 希望遲下有得買 辣醬 我見好多人買飲 樽仔奶茶 不知道好飲嗎明天再嚟試炒粉炒麵 樽仔奶茶

個女人服務態度極差，之前已經試過叫野食俾錯野我，仲堅持話係我講錯！我次次去親都係叫燒賣，係得呢個女人會俾錯野我。😡今次叫其他野，發覺同價錢牌唔同價錢，問佢點解佢係唔應！再問都係唔應！然後話自己夾緊3條腸粉 要數下有幾條所以答我唔到，你用個口夾㗎？3條腸粉數咗你10秒？你數咩呀？之後應我喇終於，然後鬧我態度差，話我「你見唔到我整緊野咩？」 然後一路夾其他野又一路鬧我，而家又唔洗數幾多粒燒賣咩？極過份！以後唔幫襯！

平時喺附近返工都有食開佢嘅早餐，原因係因為附近真係冇乜嘢食，但今日叫咗個炒米粉真係接受唔到，食到一半竟然有舊好硬嘅嘢，唔知咩嚟，又似乾咗嘅魷魚，都好似雞骨，跟住再摷下個底加加埋埋原來最少有五嚿咁嘅嘢🤮冇諗過炒米都可以咁核突。之前食過燒賣同埋炒麵，個人覺得燒賣食落好似唔錯嘅原因可能係因為是豉油好甜，另外佢個炒麵好似倒瀉咗啲鹽落去咁（好咸），自問對食嘅要求唔高，但咁樣真係好有問題。另外店員通常都聽唔到我講咩，叫嘢食要大聲啲同重複兩次。

今天第一天試食了，$50兩個餸，覺得蒸鯰魚柳沒有什麼味道，最後也沒有吃😀菜有點硬，可能我遲咗去買已經尾聲😭😭😭總體來講沒有要求的人是可以的，可能我要求比較高😀🥱

公司樓下最近開了不少新餐廳，有貴價茶餐廳，亦有小食店，今日就試試這間新開小食店。這家小食店除了一般小食外，還有兩餸飯等選擇，中午亦看見時有打工仔光顧。是日目標是雞蛋仔，回想起來這區附近都沒有雞蛋仔賣，$15一底雞蛋仔，價位正常，不是很便宜，但也不算特別貴。雞蛋仔即叫即製，外層色澤烘得咖咖黃黃，賣相不俗，表面亦很完整，沒有爛掉，烤好後店家亦有掠開攤涼，拿到手時，雞蛋仔外層是帶點硬身的，感覺外層應該蠻脆。回到公司第一時間食，雞蛋仔果真做到外脆內軟，外層帶點微脆，內層帶點實心，質感帶點鬆軟，不會死實到有飽滯感，整體口感其實很好，可惜味道方面偏淡，甜度不夠，亦沒有蛋香，未至於難食，但實在有很大的進步空間，整體有點失望吧！那有回購的衝動嗎？大概沒有了。

奶茶控的我，平時都好少黎荔枝角，係未食早餐既情況下，經過這店有樽仔奶茶，無理由唔買黎試下卦一枝約250毫升，盛為$13，價錢適中，唔貴。返到公司先飲，由於公司唔係附近，都要30-45分鐘，都仲凍，雪得都幾凍👍🏻飲落有茶味，少甜，奶少左啲。不過就唔算滑，個人認為都ok。可以止到奶茶癮下次有機會再經過，可以試埋樽仔咖啡

朝早既早餐套餐基本上好過附近好幾間舖頭基本燒賣魚蛋腸粉炒面都有齊 味道正正常常 但如果食得辣，一定要試吓佢個秘製辣醬，夠香口，食完做野都開心啲。套餐配細樽裝凍飲好方便，凍啡奶茶夠醒神，想留返lunch 先飲又得。午餐$35兩餸飯超抵，一般文職都夠飽，係附近做倉洗車高體力勞動既就差d飯同餸，去返附近果間多飯多餸既飯盒舖啦。不過飯餸既質素就無呢間咁好。雖然呢間比唔上附近咁多間質素高又抵食既舖頭，但想每日慳下錢又想食得好少少，呢間都可以考慮下。

工廠區新開的兩餸飯店，裝潢睇落乾乾淨淨，店員服務親切，價格相宜，住家飯味既多款餸菜味道亦唔錯，美中不足既係店內只有飲料可選擇，如果有附送湯既選項就更好，更完滿。