北方餃子源 (砵蘭街)

营业中

休息中

同中環、環仔果間係咪同一間就唔肯定，睇個裝修同menu就一樣。次次都係睇就好多選擇，入到去坐低除左淥餃子之外就乜都唸唔到...叫左個手撕雞麵，d雞肉仲好大舊😅麵浸得淋左d，味道算係有既，唔係話難食但無驚喜咯，不過不失咁。餃子叫左西洋菜豬肉餃（5隻）同芹菜牛肉餃（5隻），大大隻又多餡其實係唔錯，可能係呢排係屋企自己煮多，食淡左，對於出面街既餃子🥟，都總係覺得太鹹太重味可能係我個人問題，一般人應該接受到既。

之前食過好多次，品質絕對係好，但係今次經驗真係唔得: 經openrice 13:13落單，13:15就話完成可取，去到等到13:49先有，仲聲大夾惡話openrice張單係寫13:43，話佢而家已經過咗就唔出聲

這間餃子源都幫襯了不少時間，這間的北京餃子皮有少厚身，但都幾多料，所以有時都幾鐘意在這裡買外賣，因有不同的餃子和麵食，但今日想食清少少就叫了一個鮮肉西洋菜餃四十六元，選擇了走湯，就算遲點食都不會爛晒的口感，差不多半個鐘頭後打開來食仲有少少微溫，餃子大大粒都好吸引，份量不少，咬落去餃子皮依然都幾滑身，有點皮厚反而有口感，入面不太多豬肉，但西洋菜勁多，再配醋和辣椒醬食，味道都幾好，當素餃食，食完簡單都夠食。

雖然今日係公眾假期但係都陪老公返公司做嘢然後就因為附近有突發事件發生我哋決定行返屋企😅睇吓沿途見到乜嘢食乜嘢老公話發現屋企樓下有餃子食我同老公都好鍾意食餃子所以就決定呢間不過好彩去到嘅時候仲未閂門因為原路見到好多鋪頭都閂晒門我哋叫咗牛肉餃同埋芹菜豬肉餃仲有個皮蛋豆腐佢將啲皮蛋切得好細粒仲有肉鬆，所以感覺不錯👍🏻不過老實講牛肉餃真係麻麻餃子都係配豬肉比較好我哋另外加咗$3先有個湯個湯望落去似好淡但係飲落去好有魚鮮味👍🏻👍🏻😁

其實之前都食過呢間幾次，但係今次的起心肝幫佢寫下個食評，佢啲水餃都好多款式有西洋菜，有白菜，有韭菜，brabrabra....但係我最鍾情就係食韭菜豬肉水餃,佢入邊啲水餃都有啲汁走出嚟嘅，咁同埋都好大粒，亦都好夠飽，不過唯一一個唔好嘅地方就係佢比嘅醋同醬汁太少喇，外賣自取拎返公司食都唔夠醋唔夠醬汁點，帶10隻水餃有五隻都乾食，所以下次如果去呢間一定要叫佢加醋或者醬汁。

身為餃子控今次再番黎試下唔同口味既餃子！叫左呢個涼拌茄子🍆無諗過又幾好味！醬汁用左甜醬油加大黃豆加蔥加蒜頭加少少辣椒，直接攻擊原本無咩胃口既我👅堅正呢個，凍凍地又甜甜辣辣👏🏻👏🏻👏🏻到煎羊肉餃，望落好似好炸咁，但咬落都係煎既口感。脆脆的一咬開好多肉汁流哂出黎！好正既係肉好多汁就唔乾口，愈食就愈好味。我個人幾中意呢個羊肉同蔥，但有機會香蔥既濃烈有d人未必中意，蔥既味道非常出❤️中意呢間餃子店🥟覺得次次食佢既味道都係最獨家！西洋菜豬肉餃就變左正常既餃子味，唔算特別但正常👏🏻😚而且每粒餃子都好多料，的確係幾滿足。

之前一直都食這間的湯餃子，但是用的是普通湯底，看到餐牌，原來這裡可以改為酸辣湯，想飲的我當然最後叫了一個鮮蝦豬肉九菜餃麵加酸辣湯底，但價錢就要另加$17，所以最後要$62，都有少少貴，就諗住試試。拿到返公司一打開都見到，酸辣湯有不少材料，而飲落去的味道都幾濃郁，而且帶點微辣，的確味道都不錯，材料都幾入味，餃子都依然大隻，入面的鮮蝦都不錯又多料，而因為加了酸辣湯味道再濃點味道更佳，但因為一碗過，所以酸辣湯份量比較少，加了$17就偏貴，可以下次寧願食淨酸辣湯加餃子比較好。

身為餃子迷嘅我今次黎到呢間北方餃子源食佢哋嘅下午茶佢哋嘅下午茶38蚊起就可以選兩款餃子共有八隻有水餃同煎餃分別今次我就要左京蔥羊肉餃、 白菜豬肉餃、西洋菜豬肉餃同茴香牛肉餃一咬入口都幾 juicy比較推薦西洋菜豬肉餃因為我覺得味道幾match同埋食落幾有層次嘅但係呢茴香牛肉餃呢~就未必人受到嗰隻味因為係呢四隻對比茴香牛肉餃就覺得比較怪下午茶包一杯嘢飲可以要五花茶、豆漿又或者山楂茶整體算唔錯😄價錢對比其他餃子店嚟講好抵食同埋味道好正，但唯一就係地點係喺旺角同油麻地中間所以呢兩個站落車都要行過去嘅😄

😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡北方餃子源食物味道好，餃子款式多有很多唔同嘅口味，味道很好，呢個暑假都幫襯左好多次。今日特登帶朋友一齊去食下午茶，推介呢間咁正嘅餃子比朋友認識，但係今日嗰位肥阿姐非常冇禮貌，服務態度差，讓我要將今天的不愉快事件告訴大家，今日叫咗四個下午茶餐，其中一碟鮑魚餃比錯咗一粒牛肉餃，因為鮑魚餃價錢較貴，因此要求更換，店員非常冇禮貌，話一定冇理由整錯，我哋俾返隻牛肉餃佢睇，佢仍然話冇可能比錯，店長好有禮貌咁話俾返一隻鮑魚餃我哋，嗰位肥阿姐仍然不服氣，眼骨骨我哋，好冇禮貌咁收野，係咁俾說話我哋聽，我話我哋叫咗四碟餃子，冇理由呃你一隻！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

今日同Small Mui係旺角,油麻地行街，因為頭先大家想坐下食左個tea, 於是我提議食餃子啦🥟！ Openrice 見附近有呢間北方餃子源！先黎兩碗麵，我地嗌左1.香煎芹菜豬肉餃子麵2.香煎冬菇香草豬肉餃子麵麵就偏淋，湯底又無乜味，餃子有d煎到少燶冬菇香草豬肉餃子好食，芹菜豬肉就正常啦

旺角放Lunch諗住今餐想清清地就去左搵餃子麵食上openrice見到呢間北方餃子源就去試一試呢間餃子都好多款式最正常個d豬肉餃同蔬菜餃都有如果剩食餃就有十隻加麵就5隻我叫左白菜豬入餃一黎到見d餃勁大粒D餡都好有味同幾有肉汁如果剩餃有得雙拼就更加好啦因為都想食剩餃但十隻一樣味 又有d卻步午餐$45有前菜同野飲都算幾抵食👌🏻豆漿 山楂茶 五花茶都唔駛加錢咖👍🏻我叫左佢地自家山楂茶 佢係冰櫃拎出黎冰涷得黎無加冰 非常推薦大家選黎飲下

有日同朋友講開想食餃子，朋友介紹呢間唔係大集團開嘅餃子店話非常抵食又足料，難得機會即管試試😋我哋三人叫咗兩個小食，三款餃子share兩款小食唔係話非常特別，但餃子真係值得推介😍穩穩陣陣地叫咗平時最common嘅白菜豬肉餃子同韭菜豬肉餃子🥟🥟🥟餃子皮薄，入邊非常多料本身我唔鍾意食韭菜但佢哋嘅韭菜餃子並冇平時嘅我唔鍾意嘅青味，最後竟然覺得仲好食過白菜豬肉味😂$46有10粒非常飽肚翠玉瓜鮮肉煎餃 $55比起煎，應該話係炸餃子餃子勝在皮薄，啱啱上碟熱辣辣，又唔會太油翠玉瓜同鮮肉嘅配搭之前未聽過，食落唔太出翠玉瓜味但又幾特別🤗皮蛋豆腐 $36雞絲粉皮 $41兩款小食唔係太大碟，雖然冇餃子咁抵食不過用嚟過吓癮都唔錯🤤三個人埋單$224我哋比較大食，所以呢個份量只係啱啱好🤣但其實如果一般人嘅話淨係10隻餃子都應該已經好夠飽其實係幾抵食的😍

2 adults, 1 child came here for lunch;We had the mutton, beef, and cabbage and pork dumplings (fried). Due to the strong flavour of mutton, the beef dumplings lost some of its shine. However, we would probably order the same dishes when we come next.They were all really good!! Our little one loved her fried dumplings and ate all 5 of them! She's a picky eater, and if she cleans her plate, you know it's good.Also, the have a sign that says they don't use MSG which is useful as I get really sl

🥢北方餃子源 (旺角)好juicy 既餃子🥟，餃子皮煙銀彈牙，薄薄外皮，一咬d肉汁係明顯見到架，嘩好好食，肉同菜嘅份量岩岩好，食晒八粒都唔會滯，唔洗醬汁都好食。 🤤必點韭菜豬肉餃！仲試左個茴香牛肉餃，但唔重意個味重。 .人均消費：$36（下午茶8隻大大隻）好味指數： 1️⃣2️⃣3️⃣4️⃣5️⃣6️⃣7️⃣8️⃣ 8.5/10分地址：旺角砵蘭街134號地舖好多分店，詳情睇下頁 ..

無意中見油麻地有餃子食 見到餐牌都係40零蚊唔算貴就入去試下!話明叫餃子源 咁就嗌左個翠玉瓜餃子啦望落係一隻大大隻既普遍味餃子一咬開唔係爆汁又唔係鮮個d而家好香濃既翠玉瓜味！！一般呢個瓜都會比其他食物既香味蓋過左但呢個餃子絕對可以叫做出色 有足夠既湯汁 即叫即整 同豬肉夾到不得了 豬肉都唔會乾身🤤🤤🤤🤤🤤下面呢個雞絲粉皮就正常發揮啦個汁用黎點餃子食幾正唔算十分野味同埋佢個雞絲似豬似絲多dOk的夏天食呢個海蜇涼涼地 都算係大碟 兩個人食岩岩好