北方餃子源 (皇后大道東)

营业中

休息中

因工作關係，有半年以上沒到訪這餃子餐廳了，本來想點一直的至愛羊肉餃及擔擔麵，但同行的兩個友人見餐牌上有幾款新菜色，就只好放棄舊愛，轉了點鮑魚餃（因為牆上貼住告示說是優惠價快完）及香辣牛肉麵，再加了份煎冬菇餃。鮑魚餃食落味道比較濃，但的確咬到有飽魚粒，唔係仿鮑，加上露筍粒，好有咬口及好好味；至於香辣牛肉麵，因我同朋友都唔太食得辣，就點了小辣，味唔係點辣，下次可以點正常辣，都係好夠味，有點四川風味；冬菇煎餃就照舊皮脆肉鮮，咬下有肉汁噴出來，熱食時要小心燙口。整體感覺就是寶刀未老，新食品也做到高水準，值得再次光顧。

Plump juicy dumplings served here along with noodle and rice dishes. Not sure which region's they are but many of them are spicy. The roasted chicken rice was huge portion and heavily seasoned (very nicely). However, the spiced beef shank was much smaller. Other than the portion inconsistency, this is an excellent restaurant.

點了5隻羊肉煎餃、5隻白菜豬肉煎餃的不太好吃 皮太硬和太油了豬肉就還好 不太特別蒜泥白肉完全不好吃 蒜蓉太少牛肉麵算是比較好吃 挻香麻味 但麵質一般 可以有更好選擇食飯時人不算多 但服務員態度很差不會再去了

晚上8:30好random 咁入來測試，都算 full，但食物真的好麻麻。食了芹菜豬肉水餃和芝麻醬冷麵，價錢都算是 reasonable，平時食開筲箕灣東大街嗰間好味得多。

今天終於嘗到這家店的餃子，但仍然是吃餃子之餘也吃了一肚子氣。今次的情況比上次好，至少有人招呼你坐下，雖然樓面有好幾位阿姐行來行去，但原來不是每一位都能幫你落單。在三推四卸的情況下，終於有幫你落單，餐牌上明明寫有煎餃，但阿姐卻說「呢個時間無煎餃」，原來牆上寫著繁忙時間人手不足，所以未能提供煎餃，但兩點幾還算是繁忙時間嗎？其他食店都推下午茶招客了。我問阿姐幾點才有？她說四點。四點？可能四點她又會說開始預備晚市，人手不足未能供應，那不如乾脆刪除煎餃吧。本應打算離座走人，但既然來到就姑且一試吧，不過吃完第一口後，我想我應該不會再來第三次，因為賣相不錯的餃子，也只是比一般還要低的水平，標榜不加味精的它的確很有無添加的味道，但連少少咸味、肉味都沒有，要加醋才能伴著吃。今天我點了淨豬肉白菜餃，皮算薄，餡料未算乾但欠肉汁，說白一點是完全沒有肉汁。而且上菜後就算立即吃也不覺得熱，只是微暖，是一早已煮好的嗎？整體而言，大家如想吃餃子應該有更多其他選擇，但如果大家還是想來的話，可試試其他食物，如餃子麵、酸辣湯等，可能會比好吃。

昨天很想吃餃子，在Openrice搜尋後，決定特意來試試這家老店。店鋪寫10時開門，我10：15到達，店員在包餃子，完全沒有人打算理會我。自己招呼自己坐下後便點菜，但阿姐們還是坐著動也不動，叫第二次時，才有一位阿姐從廚房叫出來，話很忙，叫我走到廚房點菜，這也算了，但叫甚麼也好，不是說未準備好，就是說下午才有，好像我在阻住她們工作似的，那麼10時開鋪有甚麼用？不如預備好才開鋪吧！最後甚麼都沒有食過，只吃了一肚子氣就走了。如何評分有零星星的話，真想全給零分

首先佢扮有人book 左檯咁，擺左張留檯牌係檯，但只要有多人(3人以上)walk in ，就變左可以坐。又唔係繁忙時間，死都唔俾2人坐3-4人檯！！！！死都要人夾檯。其次，服務態度非常非常之差，當住客人面講人壞話, 修養呢？我同遊人背住書包去食飯，關你咩事？背住書包都可以話我地個書包阻任你地個通道，仲要勁大聲咁自已討論，俾埋個咪你地好無？仲要一食完，就即刻拿走個碗，好似趕走我地咁。成程嬲到食唔到碗麵係咩味，只係食到d冷言冷語。

平時怕熱氣，每次食都係叫水餃，今次叫煎韮菜餃，黎到果時嚇左我一跳😳似乎係炸既多啲？ 令我諗起酒樓食果啲炸雲吞... 餃子皮炸到卜卜脆..邊位有少許帶焦..其實有啲驚唔知入面熟未，不過食完冇肚痛，應該都熟晒既不過成件事似乎有啲貨不對版？

係上環離開後，悠閒搭搭電車，決定帶細佬試試我最Like 既餃子店--北方餃子源店面核實，帶濃濃北京風，喜歡佢既實而不華，更喜歡佢地既手工餃子，食材都係由新鮮蔬菜製成。今次依然係叫必食既西洋菜豬肉餃同芹菜豬肉餃，試試未食過既茴香牛肉餃，三鮮煎餃，手撕雞同蒜泥白肉。餃子皮有厚度有口感，依2款菜獨有既香氣，加上混和左豬肉，餸內有點肉汁，每隻水餃我地都食得津津有味至於茴香牛肉餃，食落去茴香味唔太重，肉汁卻係咁多款水餃最多既。三鮮煎餃，未影相已經被男朋友同細佬食左2隻😂筆者都係偏好水餃多d,較清新，又可以沾醋同豆瓣醬同吃。蒜泥白肉附上大量生蒜，蔥，醬汁鋪係白肉上，味道樸實簡單，不知道依種口味是否北京口味，但筆者都係較喜歡雲南口味既蒜泥白肉呢。手撕雞，是唯一不推介的。雞肉乾，無咩肉味，醬汁同白肉一樣，無咩特別，餃子店都係食返餃子好了。飲品方面，三人都叫左山渣茶，不太甜，生津解渴，消滯效果不錯，配餃子岩晒

天時暑熱只想食簡簡單單，突然想起己幾年沒有幫襯的餃子店，味道還能不能保持水準呢？一於再重遇，再懐愐！鮮蝦肉韮黃蒸餃子即叫即蒸熱辣辣，皮依然薄身，餡料足，鮮蝦大大隻夠爽脆，夾雜了香濃的韮菜，再醮少許醋汁，果然寶刀未老。平常不愛嚐辣的我郤喜歡飮酸辣湯，辣度十足，材料豐富。 天氣炎熱時食用惹味開胃，天氣寒冷時食用可保暖胃部，非常適合嚐辣之徒。

餃子一直脹價，幫襯多年既北方餃子園都一樣，就只係脹得無人地咁快！呢度餃子有水準，不過多年前食過佢地個手撕雞飯，實在都係唔錯既選擇，就點左個手撕雞飯，餃子賣左D生既反屋企慢慢歎！手撕雞飯佢會跟個辣汁，我無要到，比左個甜鼓油我。雞脾肉一樣舖滿飯面，絕不取巧，件件大件厚肉，鹵味太淡，兼且雞肉有少少乾鞋，可能放得耐左。墊底菜飯就咁撈好，無咩點處理同調過味，有少少馬夫呢！今次有D失水準…都係食番餃子穩陣！

放工後到利東街逛, 沒有找到我要買的東西, 然後肚子就開始打鼓了,需要醫肚先, 想起了5分鐘路程去到的北方餃子源, 立即衝過去。必點我最愛的鮮蝦豬肉韭黃餃(10隻$48): 可選10隻或5隻, 因為我太愛這款餃子, 所以點10隻!! 餃子皮厚薄適中, 咬起來彈牙, 而且因為皮唔會太簿, 可鎖住裡面的肉汁, 食的時候一咬開就有鮮甜的肉汁流出, 好正。餡料有蝦肉, 豬肉和韭黃。蝦肉係切粒的, 唔會太碎, 可以咬到。3個餡料的味道好夾, 真係好好味  拌青瓜($25): 有肉都要瓜菜類, 所以點了拌青瓜。這裡用的醬汁跟外面不太一樣, 是麻醬加少少辣汁拌爽脆青瓜, 很惹味開胃!酸辣湯($18): 1人份, 吃著碟上沒有湯的餃子, 拌這碗酸辣湯最好不過, 湯比較杰身, 酸辣度適中, 很開胃而且非常足料, 有蛋絲, 豆腐絲及木耳絲等。有菜有肉有湯的一人份晚餐, 夠豐富唔怕悶, 埋單$91! 這家餐廳的食物唔算大份亦唔貴, 一個人可吃得完,不會浪費, 吃得飽飽, 很滿足!

餃子永遠都係我最愛，呢間餐廳都算係由細食到大。本來想食京蔥羊肉，但沒有，最後點左鮮肉韮菜餃--HKD41每粒餃子人手包的，大小一致。饀料充足！由於餃子皮厚，餃子汁仍留在內。雞絲粉皮--HKD37粉皮是透明的而且好厚，跟外面的不一樣，吃下去很滑。本身粉皮沒有味道，吃時要配上辣醬汁及雞絲。

在北方餃子源裏, 可能比較嘈吵的一檯要算是我們的一檯, 探訪完親戚後大夥兒從他家居轉場到樓下的北方餃子源, 繼續食餃子狂歡 ~京醬茄子醬香濃鬱, 鮮鹹可口的京醬茄子, 不失為一個開胃頭盤 ~山東手撕雞撕成肉絲的山東燒雞, 配上由蒜蓉、芫茜及豉油調製成的醬汁同吃, 雞很軟熟, 鮮美含汁 ~鮮肉露筍鮑貝餃肉餡配搭新穎, 口味相當清新, 鮮得不得了 ~煎鮮蝦豬肉韮黃餃餃子皮的四周是薄的, 煎過後保持香脆而不過硬, 肉餡飽滿得令人心滿意足, 鮮肉與蝦肉均是產生甜味的食物, 加上韮黃卻令人望而迎之 ~本篇完 ~

上星期拉了老公去北方餃子源灣仔老店！每次路過藍屋，也嚷著要試！嘩哈哈！因為我倆都是餃子狂熱份子！灣仔老店十多年歴史，裡裡外外都滲透著北方的味道。沒想到七點多已九成入座率，沒開始先興奮，因為顧客人數已是保證！更甚的是，牆上竟然有不同國藉遊客留言讚揚！店家保持北方餃子店的樸實，桌上就有源源不絕的醋供應。個人而言，要食出功架，什麼醬也是多餘的，因為難得標明零味精！一行六人最開心人多可以試多一點款式！先來茴香牛肉煎餃，喲，汁多而惹味！確實比水泡煮法來得香口！京蔥羊肉餃也是必點，黑草羊的味道，就是地道北方菜的風味！茴香牛肉煎餃再來幾道冷盤，京醬茄子勾起我那些年的回憶！跟台灣版的涼拌茄子有點不同，多點辣，開胃！拍青瓜則是另一素食選擇。後上的兩款餃子分別為素餃及冬菇餃都是素食者福音！前者有蔬菜做餡料之餘亦混了飽肚感的黑木耳，後者超受歡迎很快便售罄。食肉獸沒肉不行，所以亦點了醉雞翼， 另一道山東雞對喜歡手撕雞的人來說，沒有台灣版般味濃，啖啖肉！蒜泥白肉是典型北方菜，又怎可以錯過？蒜泥白肉B.M.無菜不歡，西蘭花更是至愛，難得店家全走，對正口味！大伙兒食飯，又怎可能沒甜品？久違的豆沙鍋餅！外脆內軟！為這