北海道十勝豚丼 (已結業)

豬肉（豚肉）全部都好味道！佢d厚切、薄切豬肉都好林，味道也佳！最好食係個石頭飯，d豬肉少少肥，但係個飯又熱又有泡菜味，好食！石頭飯 $ 4x 左右，幾抵！最差的是沒有墊木台紙囉，食到好骯髒，又冇骨碟！會經常去囉我！

瞓到下午兩點幾,落街食個飯,就近近哋去"北海道十勝豚丼"睇食評都知唔多掂,但都試一試啦!先講服務,一個字可形容"無".明明有位都唔被入,點解呢?入到去無人招呼.而且一入去,d位相距好近,好有壓迫感,講嘢唔方便,隔離枱常你眼望我眼.到食物: 滑蛋吉列豬扒飯,個飯一個字形容"差"個名叫"滑蛋",d蛋老過我媽.吉列豬扒因放上"老蛋"上面,有一邊吉豬淋晒.另一個"十滕厚燒豬扒飯"一樣.個飯一攞嚟嘅時候,已經係"凍"好似放咗好耐.總結:無下次.

一直都想試餐牌中推介既南瓜沙律，原來難食到爆，南瓜蓉唔香，又跟配菜唔夾味，成碟無食。十勝厚燒豬扒飯：豬肉嫩滑 juicy，比薄豬更食出豬肉既鮮甜。十勝烤豬肩脥飯：口感似豬頸肉爽口，但又唔似豬頸肉甘油。十勝烤薄豬扒飯：配上辣汁，食唔出豬肉味，應配燒汁好些。咖哩芝士厚燒豬扒飯：豚肉嫩滑 juicy，咖哩芝士微辣撈飯好正。雖然南瓜沙律難食，但豬扒飯真係好味！

下午茶時段，我吃了38蚊，我結帳時，我知道這兒5:30PM前是免加一，我已數定散銀放在枱上，到有個肥肥地，眼細細，紅色頭巾的員工，拎張單比我那時，問也不問，一手掃光枱上的錢落個fold 度，本身我想俾2蚊 tips，但我走出門口後，直接走回到收銀處，同那位眼細細同事講，,你的服務太差，不值得我俾tips你，其實我來過這兒幾次，這位員工有次更是大聲呼喝同事，我想，我不會再來幫襯了。

一早知呢間店下午排長龍, 於是十二點去, 唔使等就有位.可能大埔超級城好貴租, 啲枱迫到密一密, 隔離兩位講乜嘢都聽得一清二楚, 我地兩公婆成餐飯都唔敢點講嘢.個人喜好的問題, 覺得用即棄筷子啲食肆冇咩誠意.兩人點了個吉列豬扒set ($48 + 咖啡$3), 豬腩肉set ($38), 午市冇加一, 總共$89.我地兩個第一次幫襯, 唔知個set包啲乜, 個待應妹妹好詳細咁解釋, 態度好好, 值得一讚. 老公點的吉列豬扒餐, 塊豬扒因為係淨廋肉啩, 咬落覺得幾硬, 好在唔算乾.個待應強調呢個餐的白飯可以免費添食一碗的, 我老公係飯筒, 以為佢實會添飯, 但佢第一碗已經食到苦口苦面 "好乾呀"四十幾蚊個餐, 都知冇可能用日本米, 頂多用東北珍珠米, 但個廚師用咗煮泰國絲苗米的方法去煮,即係水落得唔夠, 而且煮完冇焗, 加上啲米黏性唔夠, 煮出嚟啲飯散收收, 完全冇日本風味, 唔掂唔掂, 扣分扣分.吉列豬扒close up, 椰菜沙律冇醬汁的, 又係乾爭爭, 要倒另外碟沙律啲汁上去至食到.我點的豬腩肉set, 豬腩肉睇落雖然肥廋相間, 但口感又係乾的, 冇啲油膶嘅感覺, 一下唔覺意咬落

一間餐廳不外乎幾兩野，服務，食物我昨天叫了個滑蛋吉列飯 非常一般 豬扒淋 沒有下次!相反我同事叫的 汁燒豬肩肉飯就OK 當中有留意這間店的員工服務，目無表情，禮貌欠奉，一個字: 未訓醒!同和民比差幾皮，人地和民落單都要半跪吧...最後因為我女友既家人也正在前來用餐，而我女友亦會陪他家人留下的，所以想通會一下服務員，誰不知他說不可以，要重新出去排多次，我們亦和他爭辯，若我們不先結帳那就可以吧，那個服務員態度差劣，還要求我們快點結帳，因為出面很很多人正在排隊，最後我們亦不和他再爭辯，因為已沒有心情再留下，誰不知出到門口，只有: [ 小貓三四隻 ] ， 人呢???最後: 不同人有不同待遇，各位去感受一下巴!!

一個字『差』!無論服務及必食的食物皆『差』!由於呢間鋪係朋友極力推薦，而且大埔又冇類似既食店，所以就試下啦!此店位於大埔超級城C區，未夠7點已經排晒大隊 仲要排到轉彎，不過唔緊要啦，好食就得啦，何況又唔貴，應該好食先有咁多人等位。等左大約半個鐘，差唔多到我地了，有個肥肥地既阿姐走出黎問: "你幾多位呀?" 之前D人就答佢啦，如果比佢見到D人少過入座既一半，佢就會話: "唔夠半數唔比入! " 佢D態度令我以為我係排隊睇街症....如是者佢同頭個6-8個人講，而每次佢帶完位出番黎，佢都問一次出面排隊既人係幾多位，佢一共問左我地4次.....佢冇諗過要記低佢....仲要用一D不耐煩既態度...好差...隔離元氣都要排隊啦又唔見佢問咁多次?人地會記底架....終於我地都有位啦，由於之前我個朋友話呢度既薄豚肉飯SET好食，加上佢個MENU話這個是必食的! 那我就點這個啦!大約落左ORDER 1分鐘左右，個SET已到了....有味噌湯 + 豆腐 + 豚肉飯個湯D味就唔係好架啦，勝在佢有2隻蜆都OK喎! 個日式豆腐有日式麻醬，都可以啦!但到個主打 - 豚肉飯.....就....必食喎~ 唔係化...

出發去睇演唱會前與朋友前來打定個底區內貌似沒有類似食店,所以一開張時已經非常期待的了!下午茶時間不太多人,不過坐定後都隔了一陣子才有人來落order 試過一次不會再來

今日黎食下午茶，份量原來都好多，因為太好味，食到好飽都忍唔住食晒成碗，飽到有點 guilty 呢。昆布汁煮薄豬腩片飯 ($24)：腩片好薄味道唔夠出，昆布汁撈飯濕濕地易入口，又係令人吃不停。北海道芝士咖哩辣肉醬飯 ($28)：比朱古力咖哩辣些，加埋辣肉醬野味爆燈，令我忍唔住口食晒成碗飯。

服務：晚上6點去到，並不是太多人，明明有很多空枱，還是要我們到外面排隊等。整間餐廳待應有6-7個人，但總是沒有人來招呼我地。後來發現，整間餐廳只有一位女士可以做嘢，她負責帶位、落外賣order、寫菜、追單、埋單等等，她需要打點一切，就算我叫另外一位待應落單，寫完都要她過目，所以樣樣嘢都要等她做完手上的工作才會理會你，其他5、6個待應只能傳菜及清枱，多次見到他們都是站著沒事做，就算有多枱客人舉手，只有領班小姐逐一逐一去應付。亦由於她要顧及所有嘢，整餐飯的時間就只有聽到她指揮及教導其他同事做嘢的聲音，很令人煩厭。在這種混亂情況下，相信大家會估到叫一次埋單是沒有用的。食物：烤薄豬扒飯 --- 豬扒乾、硬，飯很生、很硬環境：迫、亂、嘈

一早起身，唔想成日食早餐，所以等到11點半，呢間舖開門，由於我還未去到，家人已到達，一早開門未店內只有很小顧客。但我家人去到，佢話未夠半數唔比入？但店內夠多位，都要我家人等。痴線，你好多客？唔憂做呀？由於家人未試過，故等了一陣，家人已到齊，但未有帶客同事在場，全店員工企晒響度，有個四眼妹，應該係店內大粒少少職位，只叫我們等。為什麼無咩客都唔比人入，人齊又要等帶位既員工才入得，都唔知呢間野搞咩？查實我已經唔係第一次黎，不過唔會再有下次。D野又唔係十分好食，食物、飲品又唔夠熱，上次黎已有不少人覺得間野D員工不禮貌。尋日見到餐牌話餃子必食，即管試下，我話味千好過佢多多聲。講真，豬扒我只係覺得吉列果隻都幾好，其他？我諗你練好D牙力先再黎過啦！凍飲我未飲過，不過見到隔離枱成杯剩響度，各位，你知咩事啦！若果唔信，大家去試下啦！

之前去過北海道帶廣食,真係超正,見係大埔開左同區標榜係十勝,抱住好大期望去試的今日係年三十,下午三時去到係TEA時段,第一見到薄燒,諗到唔駛諗一定試呢款,點知.out of orderOK算喇,叫過差唔多的厚燒豚肉飯$38加凍奶荼,,DRINK好快到,五分鐘,但個飯呢,一等就左二十五分鐘,見佢間舖都未爆就要等咁耐,加埋我地兩個人叫兩個飯都一樣,等咁耐只係黎一個,我怕第二個又唔知要等幾耐,我同果個男仔講我叫左兩個一樣喎,只黎一個???他侮氣地說:黎緊啦!!!!,等左兩分鐘,有個男既將一碗飯放落黎就算,這一下令我覺得好"無"辱,唔計服務態度,呢個厚燒飯同普通醬計豬肉飯無特別,味道不難吃,但係無北海道特式,,唯一令我覺滿意的只係不用加一這樣的食物質素,差劣的服務態度,我絶對不會再幫襯

十勝真的好好味...開店以黎,已經食左3次啦呢間分店~~有2次係下午茶,所以唔使點等就有得入去食~早兩日去食dinner,就排左20min左右啦~餐牌麵類不多,好多係朱古力撈咖哩,所以朋友都退卻...薄豬肉飯同豬脥肩飯都好好味...完全係燒ge~不過又唔燶,又唔係好多油~分量ok,食得飽~下午茶有set..有飲品,廿幾三十蚊~dinner個次就叫左個吉列豬扒冷拉麵~望落就唔係好多,但食完就飽到上心口~冇叫飲品..50幾蚊度~比相大家望下~

聽朋友講十勝豚肉好食，今日咬一口時真係令我驚喜。朱古力芝士咖哩吉列免冶雞扒飯 ($48)：咖哩香濃，應該係有朱古力所以有點甜，但又食唔出朱古力味。吉列免冶雞扒炸粉太多而且唔脆口，食落感得肥膩。飯係用珍珠米，一粒粒大大粒又軟糯。雖然雞扒唔好食，但咖哩醬撈飯已經蓋過一切，令我好滿足啦！十勝烤薄豬扒飯 ($38)：一試薄片豚肉好驚喜，肉片鮮甜肉嫩，正到爆。十勝烤豬肩脥飯 ($38)：豬肩脥口感似豬頸肉，但無豬頸肉咬落甘肥膩，烤得好香。烤薄腩片麵豉湯拉麵 ($38)：腩片厚身，唔算肉嫩，拉麵一般，相比起珠珍飯差好遠。呢個價錢有甘好質素，超值啊！

之前行過見佢重裝修中, 尋晚又未諗度食咩嘅時候, 唔知開咗未呢.見佢開咗重有好多人係門口排隊, 兩公婆一於去試下, 見到入面都已經好多人....有排等坐位方面有4個卡位(可以坐4-6人), 其他坐位就比較迫咗d, 我就叫咗個朱古力芝士咖喱厚切豬扒飯 ($55)好快就到, 先試件豬扒好香炭火烤過香味, 咖喱汁比我想像中重要甜老公叫咗個厚切豬扒定食珍宝size ($55)呢個定食等咗好鬼耐, 我食到一半個侍應走過嚟問有無食物未嚟, 我同佢講我吔叫咗一個厚切豬扒咖喱飯同一個厚切豬扒珍宝定食,點知過咗一陣另一個侍應攞咗一碟厚切豬扒咖喱飯嚟, 我都食緊喇重黎多個, 比我發現係先前果一個侍攪錯晒,唔駛2分鐘個定食終於到喇, 有豆腐沙津, 麵士湯, 個飯裏面係有2塊厚切豬扒豬扒配蔥絲一齊食重好好味餐廳要正視抽風問題,廚房油煙味令到用餐嘅食客感到不適.