北海道牧場餐廳 (已結業)

又係團購惹的禍 睇相先!! 我明白從來圖片只供參考, 但情況就好似比半島酒店O既相我睇, 但實情係賓館咁 等位等左30分鐘, ORDER 後再等 20 分鐘, 得到一盒涷O既飯大家見到個紙盒嗎? 唔好誤會呀, 我係堂食架~ 不過係外賣整錯左, 放左O係度一輪, D 伙記趕收工, 所以執返出黎比我地食架!!! 另一盒O個份蛋仲非常細其實我本身都幾鐘意食呢間餐廳, 所以先再次上團購O既檔. 我以為未食過先會中伏, 但原來食過O既餐廳都一樣中伏.個餐 人頭計先 $20, 我真係唔期望得多, 係咁易比返杯飲品同隻蛋我啦. 我估唔到隻蛋都變成咁. 杯飲品是OK 的~ 做團購做到咁, 不如做正價算啦. 依加仲做衰左個名. 食飯當日仲有客人同職員嘈交.往時關10點, 依加要關7點. 為咩?!

之前見到團購好抵, 同埋北海道牧場食評唔差就買黎試下團購好在平同埋間間分店都可以用,不過要下午3點後先用得, 原本有一日平日晚想食既, 點知呢間野收7點 換言之, 團購實際只係用得4個鐘星期6就岩時間4:30去到, 排長龍!!!好在排左半個鐘多少少就入到去免治牛肉飯份量細,蛋既生熟程度岩岩好免治牛肉都OK既, 肉味濃, 有唔少肉碎, 但汁太少, 完全唔夠厚切餐肉飯餐肉好大塊, 但冇煎到香脆上面炒蛋唔錯, 好滑蕃茄汁酸酸甜甜, 開胃之餘可以中和餐肉既油膩, 有少量既蕃茄肉, 感覺上比較健康凍華田, 面頭華田粉無我想像中咁多成杯野都夠濃味, 無愈飲愈淡, 好飲另外叫左北海道咖啡, 普通, "北海道"只係因為個奶係北海道牛乳由於人手不足, 坐低到落單到有得食都要等等等見到廚房整好晒D飯, 又要等先有人上每個員工都"非常"緊守崗位, 廚房既煮好野食就企晒係度吹水, 唔會幫手/叫人上D飲品/飯所以D飯黎到都只可以講係徹暖....樓面既2個店員好似唔想做咁, 好HEA

「北海道牧場餐廳」，我只知道銅鑼灣有一間，原來尖沙咀也有分店。 今天午後兩點半去幫襯，人流仍然都多，找了一會才找到個空位坐下，侍應們好似當我透明咁，而且冷漠得沒半點表情。 好了，速點菜。吃了個「忌廉雞湯麵全餐」（$39），有三樣食物加 飲品。火腿配忌廉雞湯麵： 火腿切得四正，公仔麵泡在忌廉雞湯內，使麵變得香滑，湯也美味。牛油多士及蘑菇炒蛋： 多士幾脆口，炒蛋頗嫰滑，但蘑菇蓉就份量略兼太少。咖啡還算可以，幾香濃。儘管以茶記水準來說，這𥚃算幾好，但見到木口木面的店員，我實在不能說這是「開飯之選」，只能評為普通。

窩夫烘餅唔知係咪即整既關係, 大概等左10分鐘, 烘餅唔係脆卜卜個隻, 但又香又軟熟, 上面淋左煉奶同牛油, 牛油好大舊, 好香, 加埋烘餅一齊食真係好好味, 窩夫烘餅同農夫多士, 我比較喜歡這個. 熱奶茶同3.6奶都係一般貨式, 正常野.

年廿九公司都要我出去見客， 見完客就當然係我自己既午餐時間。天寒地凍, 最想就係食肉都食飯， 見到有意大利蕃茄炒蛋配厚切餐肉飯， 個名真係超吸引我， 因為覺得自己有D感冒既關係仲叫埋生薑黑蜜， 但我真係唔明點解佢響餐牌個名叫太太生薑黑蜜， 唔通太太先飲得.叫既時候真係有D尷尬， 飲一啖薑蜜， 即刻條氣都順D個人都舒服D， 主角轉頭就到， 我既意大利蕃茄炒蛋配厚切餐肉飯， 最頂係香草->蕃茄蓉->炒蛋->超厚切餐肉->白飯->蕃茄汁， 初初覺得飯好似唔係好多咁， 仲想叫佢加飯， 點知食完都夠晒飽, 蕃茄蓉係用新鮮蕃茄加茄膏酸酸甜甜既味道,不過汁唔夠多同埋希左少少。上面既炒蛋仍然強勁,好香蛋味,好滑,唔好太熟有蛋汁, 蛋汁食得出有奶同雞湯既味道。厚切餐肉,肉質扎實,有小量肉絲，應該係名牌罐頭。今日仲獎勵自己叫多個甜品， 牛奶布丁， 奶味都有但唔係我想像中既奶凍質感， 可以一試。 食埋甜品， 就完成左我龍年既工作， 蛇年繼續努力!

訓醒已經兩點幾, 訓飽既人可能真係唔洗食好多野, 換件衫落樓下食個午餐. 黎哩度食野當然係食蛋啦, 餐牌上面8成既野食都有蛋, 蛋狂又係奶狂既我叫左個3吋厚蛋冶餐送到埋黎既蛋治, 蛋厚過包, 包有牛油既香, 我諗蛋加包有成4,5吋. 不過因為太大既關係, 要食佢都幾困難, 所以我都係分開食, 佢既蛋唔係炒埋一齊, 係會見到一層層既質感. 但係又唔係話熟晒個隻, 仲有好多蛋汁響入面. 蛋入面食得出有D雞湯味同牛奶味, 先至會咁香, 但控制蛋既熟度都唔易, 因為煮得太熟,蛋就會過老, 不過哩度做得唔錯咖啡幾香，唔算濃，但好飲。三交治餐盛惠29元這個蛋治，份量極大, 食完真係唔洗食其他野

今年報左個英語進修課程，所以每個星期都會去街坊福利會上堂。上堂前都會周圍搵食， 因為上堂有時真係會好肚餓，好難挨到2粒幾鐘。成日經過山林道都見到有好多野食，成日見到北海道牧場餐廳想試好耐，今日終於決定一試。 因為唔係食飯時間， 所以唔係好多人， 一個人都搵到位兼唔奇怪。 我點左「自家製肉丁全餐」，首先送上的有牛油多士及蘑菇炒蛋，當中的炒蛋配以蘑菇汁真的很不錯，入面真係有好多蘑菇。 跟住送來的就是自家製肉丁意粉， 肉丁方面，肉質比日常吃的五香肉丁沒有這麼肥膩，但辣度與日常吃的五香肉丁就相若。自家製肉丁意粉的湯本身都蠻不錯，但加了五香肉丁的辣後，變得沒有這麼特別，但整體的味道都是不錯的。滿杯都係粉的凍華田，唔會因為冰溶既關係而變淡， 反而越飲越濃。40元左右可以這麼滿足, 感覺不錯, 想再來試試其他食物。

上星期日又俾天文台呃左，冒住雨入左長洲影相，總算儍有儍福，而家睇緊D相，影到幾張都幾鍾意嘅4點幾出番佐敦，搵野食下，跟住去左呢間。。。北海道牧場餐廳；好似唔係開左好耐。。。7月中先開。。。嚟過一次，知佢出名係蛋治同义燒飯，上次食左蛋治，超巨型；今次我揀义燒煎蛋飯；讚嘅係义燒夠瘦，燒汁好味，彈嘅係汁真係太多，义燒都太多，變左太咸，下次記得要少汁朋友嘅火腿通粉＋火腿蛋，佢話好味喎，個蛋用左北海道牛乳炒，好滑咖啡唔算好特別, 都係一般貨仔, 不算特別好飲, 不過都唔係唔好飲.朋友嘅3.6奶一杯, 夠凍, 就係3.6奶既味道最令人感動係價錢，裝修唔錯，坐得舒舒服服，只係三十幾蚊一個餐，味道唔錯食到你飽

屋企住山林道附近，北海道係呢度開分店對我呢講十分好。早幾日返晏所以同男朋友一齊落去食LUNCH試下我自己叫左至愛麥芽糖西多士 水準同對面海一樣，自己覺得麥芽糖好味過糖漿男朋友叫左招牌北海道套餐 + 凍華田偷食左D蛋，HEHE 一樣咁好味茶餐廳價錢，又好味，埋單都係＄60蚊左右，最好係可能因為新店關係唔洗排隊嘛

試過了銅鑼灣店、中環店，近日北海道牧場餐廳終於進駐九龍區，在山林道再開分店，這次我選了早餐時段一試早前店子門外貼著「試業」字眼，但其實這代表了什麼？覺得不好吃可以不付錢？早餐跟午餐/晚餐分別在於早餐少了叉燒，價錢較便宜，$29，凍飲加$2不過這次一來便讓我發現尖沙咀店的不同之處盛著通粉的忌廉湯依然入味，多士仍夠厚，炒蛋也很滑；問題呢？出在咖啡裡，以往我到其他的分店都會點咖啡，所以那種味道我很記得，我也很喜歡北海道牧場餐廳的咖啡，濃濃的咖啡香加上3.6牛乳，口味跟澳門茶餐廳有點相像；但這次呢，咖啡竟然跟普通茶餐廳的是完全一樣，用料一喝便知分別，味道是否好實屬見仁見智，但絕對不是我喜愛的那種味道 實在有點失望為什麼尖沙咀店的咖啡是如此的「特別」？實屬不解

上一次同朋友去食華X既時候佢同我講話覺得北海道更好食。見山林道開左間新既， 正在試業中， 咁係上堂之前就試試佢醫醫肚啦。可能因為朋友話比華X更好所以令我對佢都幾有期望的。當然坐低2話不說就叫個常餐先啦。奶茶：我叫奶茶，呢杯係奶水黎架下嗎？無茶味無奶味多士：牛油的確好多喇，但問題出係個包到，感覺食落去係平價面包炒蛋：點解係奄列黎既？？？通粉：唯一OK的非常失望，不可一可再

我一向都好鐘意去北海道食野...因為o係中環番工嘅關係, 所以通常都係去中環分店, 但係最近知道1林道開左新分店, 所以就立即去試下喇....地店好似有o的唔方便, o係山林道入面, 唔係個個人都會知有間北海道, 如果唔係行開入去或者上網搵過都唔會搵到...食物方面....叉燒依然保持高水準...另外我同朋友叫左兩個唔同嘅餐, 湯粉嘅湯底我覺得比中環店優勝, 更濃郁...不過其他食物質素就有點比去下的感覺, 首先係午餐肉方面, 好似一塊乾左炸到無得再炸嘅午餐肉, 認真來說有點難入口...炒蛋亦有點乾乾的, 不夠juicy.....最後就係飲品方面, 我唔太清楚係唔係落錯單, 我跟朋友都係叫茶走...但係最後好似黎左一杯普通嘅熱奶茶, 一點甜味也沒有要自己加糖....我想可能係試業其間吧...希望正式開業的時候會有所改變......

很多香港人都很喜歡吃「常餐」, 無論早上、下午或晚上, 總要有一個「常餐」落肚, 「檸茶」也不例外。自從澳洲牛奶公司走紅, 以「數分鐘」的速度蜚聲國際後, 「常餐」已成為港人的一種文化, 這幾年間亦有不少以這類「常餐」作主打的食店出現, 但求在這個市場上分一杯羹, 其中最成功的例子有「港島澳牛」之稱的華星冰室 (業務已擴展至九龍) 和北海道牧場餐廳, 這兩個品牌現已成為實力派連鎖。繼華星冰室於數月前進駐旺角後, 一向只活躍於港島的北海道牧場餐廳最近也衝出港島, 於尖沙咀山林道開設了首家九龍分店。這幾天開始進行試業, 時間由上午八時至下午七時, 試業來說算頗長的了。門面看來不算太大, 原來店內別有洞天, 是非常深的一個舖位, 上圖只是深度的四分一, 還有 VIP Room 提供, 可算罕見。循例地點選了這個名叫北海道套餐的「常餐」, 先來的是叉燒湯通粉, 賣相看來相當不俗, 至少比澳牛和華星那種無甚氣息的通粉好得多, 亦是北海道較優勝的地方。叉燒向來北海道引以為榮的地方, 記得首家分店 (即銅鑼灣店, 現已結業) 開幕時, 也標榜其叉燒來自再興, 可算是「全港最強」, 後期卻有傳言說貨源