十三姨酸菜魚 (置富都會)

营业中

休息中

今日同妹妹去咗紅磡6點鐘妹妹就話肚餓，咁我哋就去搵嘢食啦！原本以為十三姨酸菜魚入邊只會有辣的川菜，出乎意料佢比到我驚喜·茄湯清甜魚$188（二人份量、不辣，老少咸宜)同酸菜魚嘅做法一樣，只不過改用咗新鮮蕃茄，湯底變得更加濃郁更加清甜，而且魚肉勁多勁大塊，啖啖肉無骨小朋友食都非常放心，最正嘅係佢用烏冬做底，烏冬索晒蕃茄同魚嘅鮮味，令成個烏冬嘅鮮味都升級埋· 十三姨秘製雞翼$38/5隻秘製醬汁醃過的雞翼再經過油炸，外表鬆脆肉質依然好Juicy，面頭再加上秘製嘅香料，令到成隻雞翼更加㘃味，好味到妹妹一口氣食咗三隻·手撕雞涼粉（$58小辣)涼粉每日新鮮製造，爽滑又新鮮手撕雞胸肉拌辣醬、花生，香辣香口又㘃味，小麻小辣簡直令我回味無窮最後嗌咗杯可愛嘅椰汁爆珠特飲俾妹妹，新鮮椰子打製而成嘅椰汁，非常清甜，粒粒爆珠好味又好玩，簡直係小朋友的至愛十三姨酸菜魚有辣有唔辣識揀下次一定會揀返呢度食

收工時間去搭火車，途經商場見到呢間十三姨，突然好想食酸菜魚，不知不覺就入咗去乾乾淨淨的，第一感覺良好好!一於就試這店的酸菜魚先來個醒胃青瓜海蜇，青瓜脆而清甜、海蜇爽彈，入口酸酸辣辣，頓時胃口大開等到頸都長的招牌酸菜魚上桌，望得見是落足料、聞得出是夠火候，色、香皆絕，試味先。。。魚片夠鮮夠滑，咬落濃濃魚味，連酸菜辣椒齊吃，個中亨受，無以上之湯頭夠鮮香，魚味十足，酸中帶甜，一碗接一碗直至見底為止，飲完都完全不會覺得口渴，証明湯頭沒有添加味精，真材實料。紅糖滋粑，淋上少許紅糖漿調味，外脆內軟，又不太甜，真是秒殺，記得趁熱食！酸酸辣辣後，再來杯凍飲中和一下（紫薯黑鑽特飲），濃郁很香的紫薯加入甜忌廉搞勻飲，香滑解渴，至高無上的享受呀！

其實我真係幾鍾意食酸菜魚，見到紅磡新開左一間酸菜魚，就即刻過嚟試一試！呢度會提供餐牌，亦都可以手機下單，都幾簡單同方便。如果有唔明職員都會主動協助。我就嗌咗一個酸菜魚，手撕雞涼粉，清炒萵筍絲。呢度有大麥茶提供，仲有好多凍飲可以揀。酸菜魚個份量都幾多，揀咗小辣。少少酸，辣味比酸味濃。魚肉好嫩滑，好正！手撕雞涼粉雞肉好嫩滑，本身以為係粉皮，估唔到涼粉都幾好食！辣味好過癮，好香口！清炒萵筍絲解辣一流！清清地唔錯！

近排真係想日食到酸菜魚，紅磡呢間十三姨酸菜魚係岩岩新開嘅，即刻約人一齊去食。店內空間大好光亮好乾淨，探完熱填好紙仔消毒好就可以坐低。估唔到仲可以飲奶茶食甜品可以掃碼下單真係好方便，可以隨時加單同check番自己叫左咩可惜呢日腸胃唔多舒服，唔敢叫酸菜魚，今次叫左同樣係人氣推介嘅蕃茄湯清甜魚，配埋烏冬份量超足，烏冬非常彈牙，食到最後都無發漲變口感，個蕃茄湯好足料，有大量蕃茄同萵筍，而且果然好清甜，食到最後我地湯都飲哂。魚肉嘅份量都好多，而且係我食過最滑嘅魚肉，直頭係會入口就滑到落喉嚨，索左蕃茄湯汁嘅魚肉都好清甜。清炒萵筍絲萵筍同菇都好新鮮，食落好鮮嫩，而且都唔算用左太多油去炒。十三姨秘製雞翼超級香，聞落好似會好辣咁，但其實只不過係香口，識落有花椒八角嘅味道，所以先至會咁香，雞翼嘅外皮濺到好脆好乾身，但肉質依然係濕嘅，juicy嘅，好推介最後叫咗個甜品紅糖糍粑兩個人total食咗三百幾蚊，食到超級飽，食物嘅質素亦都非常之好，員工嘅Service都好好，每次送食物過嚟之前都會幫我哋清一清張枱，亦都會同我哋講聲送啲乜嘢上嚟俾我哋。

實在很久未有進食酸菜魚了，這天經過紅磡，被這間裝修精緻，名字夠特別的酸菜魚專門店吸引了，便來重拾當年風味。午市二人餐非常划算，$168已經包羅萬有。兩杯特飲都不錯，怕辣的我還在想最後要不要再叫一杯。叫了芝士奶蓋怡仁紅茶及小試了黑糖珍珠四季春。兩者茶底清新，消暑解辣，不會過於苦澀，叫了小甜而甜度剛剛好。芝士奶蓋甜度均勻，正是我的口味。主角登場，招牌十三姨酸菜魚名不虛傳，花椒味道令人垂涎三尺，配上大量酸菜，泡辣椒，令湯底更加惹味開胃。魚塊份量頗多，每塊都大大塊沒有骨，魚肉夠新鮮嫩滑，配上彈牙水晶粉更令我們讚不絕口，十分滿足套餐更包一款無骨雞，這次選了椒麻汁味道，不會太辣，麻香十足。雞肉沒有碎骨，處理得很好，肉身嫩滑，跟椒麻汁十分撘配。小菜有酸辣小木耳，酸酸辣辣，醒胃又健康。然後還加配十三姨秘製雞翼，新鮮即叫即炸，醃得惹味，差點不小心吃光光卻忘記拍照。最後更有店員極力推介的椒鹽小酥肉，同樣甘香鬆脆，香口邪惡，肉質相當嫩滑，十分滿足。

紅磡火車站旁邊商場開了一間川菜餐廳，交通咁方便，一於約朋友去試下啦！入面裝修靚，坐得好舒服！兩個人點左：1. 無骨雞(口水汁)開頭有少少擔心太辣店員好細心幫我口水汁另上雞肉好滑，口水汁勁惹味2. 全場焦點：酸菜魚魚肉勁滑，酸辣度啱啱好仲有水晶粉，好吸味！同個湯底好夾個湯底我自己都飲左三四碗！正！3. 甜品：紅糖糍粑好少地方見到有得食，所以一於試吓外脆內軟，唔太甜！值得一試！餐廳特別之處！仲有台式飲品！點了一杯芝士奶蓋四季春！正！總括而言，地點方便，一定會再食的川菜！

今日同老公去左紅磡搵朋友拎d物品，順道食埋晚餐才走，好耐無吃酸菜魚，所以見到呢間酸菜魚就衝了入去。酸菜魚大致分了兩款，有酸辣和蕃茄，適合吃到辣或吃不到辣的人。可以選2人份抑或4人份。我選了2人份酸辣的小辣，很快就上菜了，好大一盤酸菜魚，味道酸中帶小辣，非常開胃，魚很滑，都幾大塊，夾起也不會碎曬落碗湯內，幾乎沒有骨，難怪見到隔離枱帶埋小朋友來吃。因為太好味，又開胃，和老公很快就把魚吃光了，除了酸菜魚，裡面還有水晶粉，很滑很彈牙。另外還叫了一碟清炒萵筍絲和4件紅糖滋粑清炒萵筍絲是萵筍絲配一些菇炒在一起，非常好味，萵筍絲很爽脆，加埋好滑的酸菜魚，真的很好吃。而整餐飯就用紅糖滋粑作結尾，滋粑點上紅糖漿，甜甜的又有咬口，非常滿足。值得一提的是，價錢很相宜，而店員的服務很好，上菜也很快。

今日去紅磡火車站附近接個朋友放工，為咗方便所以喺隔離商場食飯。見到呢間餐廳新開張，但係入面都好多客人，睇完餐牌之後都覺得幾啱我哋口味，於是今晚就係呢度食飯。呢間餐廳主打食酸菜魚，但係朋友本身唔食酸菜魚，於是我哋就試咗其他菜式。美極煎蝦一上菜已經聞到好香，呢道菜火候處理得好好，蝦同埋蝦殼一搣分得開，蝦肉結實彈牙，好新鮮，加上醬汁好惹味，簡直係食到停唔到口。啖啖無骨雞（口水汁）呢道菜嘅醬汁係另上嘅，可以根據個人嘅喜好口味點醬汁，所以唔怕過辣或者過鹹。雞嘅質地好嫩滑，雞皮亦都唔會好肥，醬汁香香麻麻，辣而不鹹，好出色！酸辣青瓜海蜇涼菜份量都幾大碟，青瓜同海蜇都好爽口，而且唔會太辣，食完好開胃。十三姨秘製雞翼（5隻）雞翼肯定係即點即炸，食嘅時候熱辣辣要小心啲，個皮超級脆，入面嘅肉好滑而且好多肉汁！紅糖滋杷（4件）最後我哋點埋甜品，煙煙銀銀，甜度剛剛好，都屬於水準之上！今晚每道菜都好好食，重點係性價比好高。好期待下次再嚟試吓佢個酸菜魚，應該都會有驚喜！

酸菜魚近期大熱，所以這間新開的十三姨酸菜魚都很旺場! 除了招牌十三姨酸菜魚，還有蕃茄湯鮮甜魚及多款美食，食客只需透過手機用QR落單，十分方便。招牌十三姨酸菜魚可選兩人及四人份量，有辣度可選，份量十足，一大盤二人份量的酸菜魚($188)內邊充滿花椒，泡辣椒，上枱已聞到一陣陣的酸酸辣辣，椒麻的味道，少辣對我來說剛好。大塊魚肉鮮甜而嫩滑，配上大量芽菜，酸菜及水晶粉，十分惹味開胃。還可額外加配料，我便加了蓮藕($18)。十三姨秘製雞翼，炸得皮脆肉嫩，還有辣粉灑於雞翼面上。酸辣青瓜海蜇，酸酸辣辣，有陣陣芫茜香，海蜇頭夠爽脆及咬口，是一個很開胃的前菜。還點了一客紅糖糍粑作甜品，煎得金黃色的糍粑，外皮脆身，內邊則軟糯Q彈，最後淋上紅糖及黃豆粉，甜而不膩。

Lunch 黎到紅磡置富都會新開嘅餐廳食飯 - 十三姨酸菜魚。首先叫了個二人份量小辣酸菜魚。份量很大 ， 大大個盤， 試啖湯， 夠酸夠辣，撈飯一流。魚都有很多， 無骨， 魚肉簿同埋好滑。有水晶粉比較厚身， 彈牙。再叫了個蒜蓉粉絲蒸娃娃菜， 賣相吸引， 上面鋪滿了炸蒜蓉， 粉絲嘅份量偏小，但索左蒜蓉汁之後，非常惹味。娃娃菜夠稔身夠甜。甜品叫了個 紫薯黑鑽特飲。 因為太辣的關係，叫咗杯特飲，上面有cream再加涼粉， 紫薯微甜， 唔會太滯。酸菜魚質素高價錢實惠， 重點係裝修舒服，員工服務態度良好。