影片
說起牛雜, 對於我自己來說也是童年回憶的一部份.兒時還在灣仔舊居, 樓下便有一檔流動小販賣著牛雜, 每當放學時, 媽媽有時候都會買一碗給我和姐姐吃~不過隨著小販阿姐退休, 到我升上中學時那檔牛雜巳完全消失了, 取而代之的是她兒子開的糖水粥品店.而這家十三座牛雜, 70年代還在柴灣一帶活躍, 不過要數最出名的當然是搬了去北角後天天大排長龍的消息.這天有幸終於來到大坑見識, 雖然不是吃北角那家總店,但大坑這家原本是用來做工場的店, 現在也拿到牌可以一起賣牛雜了.店舖就在大街斜路, 大大個黃色招牌不難找.沒有坐位, 只有店外小小的一條鐵BAR枱, 風味一絕.下午3時多, 人沒有幾個. 走去看看店內的大盤牛雜...心一驚...賣相有點不討好.要了個小碗的, 盛惠$35. 碗很小, 只見阿姐先拿了2大舊蘿蔔墊底, 看到這情況, 心想必份量也不會多到哪裡.每樣都有3,4件, 尤以牛膀最多. 就先吃個牛膀. 十分入味, 汁也很濃郁; 牛肺很乾淨, 爽口有咬勁; 粉腸跟牛腸超肥.牛腸脂肪豐富得有點嚇人....膽粗粗試了一舊, 吃下去油脂相當豐富, 味很甘, 又不會太漏. 不過真的, 試一舊就夠了.牛肚算淋; 蘿蔔也很淋軟入味. 不過小小的一個膠碗就有2大舊蘿蔔也太多了.我沒吃過北角總店那家, 所以還沒法比較.不過就這店而言, 牛雜是很入味, 不過驚喜不太大.而且小碗要$35還要有2大舊蘿蔔墊底, 感覺有點不值.
继续阅读
13座牛雜都算係著名小食店，初時只係用依個鋪位做工場，所以當時只會聞到香味而冇得食，後來可能終於攞到牌於是打開門口做生意。但牛雜牛腩依類食品個汁係最緊要，而且係需要假以時日去熬先有味，所以開張初期啲味道都係麻麻地。近來再幫襯發現有改善，但都仲未達到其他分店嘅水準。佢哋嘅牛雜分三個份量發售，一串六舊賣八蚊，純粹俾你過下口癮但最唔抵食；四十蚊有一大碗，但反而唔及得上三十蚊嘅細碗，一來兩款碗嘅容量其實唔係差咁遠，而且大碗會用蘿蔔墊底所以有啲搵笨。依度最大嘅問題係成日都唔開門做生意，而且又唔知佢幾時同邊日休息，所以撞啱有開就算，唔好特登嚟食。
继续阅读
那晚去大坑食飯, 發現有上述的小店. 其實巳想試很耐, 所以便買了一小盒$30. 有好多人講好好味,所以好有其望. 食後有些失落感, 因為實在太鹹, 失了真. 我有些朋友也有同樣的感覺.
继续阅读