十二味新派川菜

营业中

休息中

今日收工嚟到旺角食呢間香港有好多分店嘅 十二味～ 一入到去地方好大 同埋食辣嘢最重要係冷氣好夠😆 入到去坐低睇吓餐牌 就用QR code落單 我當然要食最出名嘅人見人愛酸菜魚啦😋 好貼心嘅係酸菜魚除咗有得揀唔同辣度/唔辣 仲可以揀少油 真係好岩香港人口味😬 落完單之後好快飲品就嚟到～ 檸檬梳打 $28食辣嘢飲檸檬梳打真係好爽 唔會過甜 加埋檸檬酸酸甜甜好開胃 解辣一流😙 桂花冰釀 $28朋友就揀咗呢款冇酒精嘅桂花冰釀 有清新嘅桂花香味 甜度適中 不錯～ 毛血旺 $128記得之前喺大陸食毛血旺係超級辣🤣 所以今次就叫咗小辣 上枱嘅時候見到超多辣椒驚左一下 但食落就啱啱好 辣度適中又香口😋 入邊有鴨血、牛柏葉、午餐肉、大腸、魷魚、豬皮、青瓜、豆芽 好豐富😍 好味！ 人見人愛酸菜魚（寬粉） $276十二味最出名嘅酸菜魚😋 一上枱勁大碟 份量超多😆 淨係睇個面已經見到有好多魚肉 啖啖肉唔腥又冇骨 好正👍🏻 叫咗小辣少油 好香又夠味 酸菜好好食 加咗寬粉 份量都係超足！煙煙韌韌 再吸埋酸菜魚嘅湯 好好味 必點！ 嵊州老麵小籠包 $29呢個小籠包係麵包嘅質地 上枱嘅時候仲出緊煙 軟糯既包

旺角這間十二味我是第一次去，環境都幾乾淨，又大間，唔洗怕等位👍🏻。先來一杯熱情果梳打，份量係超大杯的🤣，我鍾意食辣，但係又唔食得太辣，所以有杯超大杯飲品好正👍🏻。腰果宮保雞丁 - 賣相唔錯，有幾種顏色，微辣，又惹味，送白飯一流👍🏻。紅油貢菜螺片 - 這個菜色第一次食，又真係估佢唔到，貢菜爽到爆，螺片都係，再加上螺片有咬口，夠惹味，必食推介🥳。夫妻肺片 - 好大片，尤其是牛肚，牛腱入晒味，係比較辣，但好好食😋。豆湯腐竹奶白菜 - 好多湯汁，好濃而且個汁好香，基本上腐竹同白菜已經成為配角😆，湯汁才是主角👍🏻好得。真正主角出場 - 人見人愛酸菜魚，份量大好，上枱時好香好惹味，白身魚厚切一樣，啖啖魚肉無骨，用個酸菜魚汁撈白飯好正👍🏻👍🏻。最後甜品是紅糖糍粑，金黃色，口感煙煙韌韌🫰🏻。

我們來到旺角，尋找美食，結果被一家名為「十二味」的餐廳吸引了。進入餐廳，首先映入眼簾的是溫馨而熱鬧的氛圍，牆上掛滿了食客的照片，讓人感受到一種親切感。我們的首選是他們的麻辣打邊爐套餐。當服務員將熱氣騰騰的鍋端上桌時，我們的食欲瞬間被激發。鍋底的湯底色澤紅亮，香氣四溢，裡面飄著的香料和辣椒讓人垂涎欲滴。隨著火鍋的煮沸，各種新鮮的食材不斷投入鍋中，肉類、海鮮和蔬菜的搭配讓我們的選擇多樣化。特別是那片薄薄的牛肉，輕輕一煮便變得鮮嫩多汁，搭配上特製的麻辣醬，味道更是令人難以忘懷。除了麻辣打邊爐，我們還點了他們的特製花椒魚。這道菜的呈現非常驚艷，魚片鮮嫩滑口，浸泡在濃郁的花椒醬汁中，香氣撲鼻。每一口都能感受到花椒的麻感和魚肉的鮮美，讓人忍不住一口接一口，根本停不下來。而川式口水雞則是我們的另一個亮點。這道菜的口感層次分明，雞肉鮮嫩，搭配上香辣的醬汁，讓人回味無窮。每一口都充滿了香香辣辣的滋味，讓人想要一再品嚐。餐廳的調味恰到好處，既不過於油膩，也不會掩蓋食材本身的鮮味。整體而言，十二味餐廳的用餐體驗讓我們非常滿意。從環境到食物，每一處都展現出對食材的用心和對味道的追求。這次的撐枱腳之旅，不僅讓我

同朋友辣引起，大家都不約而同諗起十二味，旺角都已經開咗分店啦，今日就嚟到旺角文華商場嘅呢間分店，可能因為地理位置原因，客流都比較少。入面坐位好大好濶，坐得好舒服。今次叫咗小辣乾鍋、中辣酸辣土豆絲、清炒萵筍同埋無骨鳳爪。之前試咗佢嘅柚子梳打，今次就是檸檬梳打。乾鍋有啲重口味配飯就岩岩好、中辣酸辣土豆絲同上次食有啲唔同，唔知係輕手咗定上次比錯，望落去同食上去都無上次嘅中辣咁辣，味道都係咁好食。最後因為都想有啲綠色蔬菜食，就叫咗清炒萵筍，味道正常，不過可能因為天氣凍，食物凍得快，食食下感覺油味重。檸檬梳打比我預期嘅有啲唔同，無想象中嘅酸酸感覺，而係似檸檬茶加蜜糖嘅梳打。無預計係茶，所以夜晚飲完又訓唔着整體用餐感覺良好，上菜速度都好快👍🏻👍🏻

同朋友辣引起，大家都不約而同諗起十二味，旺角都已經開咗分店啦，今日就嚟到旺角文華商場嘅呢間分店，可能因為地理位置原因，客流都比較少。入面坐位好大好濶，坐得好舒服。今次叫咗小辣乾鍋、中辣酸辣土豆絲、清炒萵筍同埋無骨鳳爪。之前試咗佢嘅柚子梳打，今次就是檸檬梳打。乾鍋有啲重口味配飯就岩岩好、中辣酸辣土豆絲同上次食有啲唔同，唔知係輕手咗定上次比錯，望落去同食上去都無上次嘅中辣咁辣，味道都係咁好食。最後因為都想有啲綠色蔬菜食，就叫咗清炒萵筍，味道正常，不過可能因為天氣凍，食物凍得快，食食下感覺油味重。檸檬梳打比我預期嘅有啲唔同，無想象中嘅酸酸感覺，而係似檸檬茶加蜜糖嘅梳打。無預計係茶，所以夜晚飲完又訓唔着🤣整體用餐感覺良好，上菜速度都好快

本身無諗到食川菜嘅地方有羊腩煲。羊腩煲（$138） 幾好味。本身唔鍾意太濃味油膩的味道，十二味的羊腩煲有唔辣的版本，羊肉的肉都多肉、唔算多肥膏、醬汁都算正常有味但唔會濃到濁👍🏻 裏面有其他配料，冬菇炆得特別腍身。有腐竹同腐皮。晚市套餐食咗黑豆花藤椒酸菜魚，黑豆花就是黑色的豆腐，應該係黑豆製成。魚肉份量都幾足夠兩個人分。一碗白飯都夠分因為另外仲叫咗一個唔辣嘅炒土豆絲配桂花冰釀同埋冰粉食，都幾refreshing，有小清新的感覺。本身餐廳出邊嘅走廊有人食煙，但係好快就將我哋調返入去，等我哋唔使食二手煙👍🏻

今日同朋友去旺角新開的十二味吃晚飯，原來呢橦大廈都有幾多間新餐廳，十二味食過好幾次，味道水準都keep得好好。1.酸菜魚味道酸、辣可以自行調節，我哋就喜歡重口味，真係好好食，食完最忍不住飲埋啲湯，而且配白飯一流！但size份量比較大，我地2個女仔食唔曬。2.酸辣土豆絲（中辣）中辣都幾辣🤣 但食得好過癮，又係重口味，土豆絲既質感比較爽口，酸辣汁好香好鮮味，配搭不錯，下次都係叫小辣就得🤭3. 乾鍋花菜🥦用豬油炒既花菜🥦好好食！好香油、蒜味，配白飯十分好！我哋清曬所有菜，真係好香好入味。原來餐廳有一人晚餐🍲又幾好！如果自己一個都可以食到想食既菜式。

在香港的美食地圖上，湘菜一直占有一席之地，而「十二味」是其中的佼佼者，鍾意食香辣口味的應該都啱食，味道都幾好👍。因家人想係屋企食飯，我就打包佐酸菜魚、清炒萵筍絲和菜花。酸菜魚入面的魚片嫩滑，湯底酸爽可口，完美地融合了酸菜的獨特風味。每一口都帶著微微的酸味，令人開胃，魚肉鮮嫩，吃上一口就能感受到新鮮的海味。湯中加入的辣椒和香料更是為這道菜增添了層次感，既有辛辣，又不失酸香，令人回味無窮。接著是清炒萵筍絲，色澤鮮亮，清新可口。萵筍的脆爽口感搭配簡單的調味，帶出了食材本身的甜味和清香，清爽解膩，賣相也滿分。同埋仲有炒菜花，菜花應該先炸過，跟著猛火炒到恰到好處，保持了脆嫩的口感。簡單的蒜蓉調味，讓菜花的清香更加突出。這道菜雖然簡單，卻展現了廚師對火候和調味的把握，令人忍不住多夾幾筷。打包的幾道菜都展現了湘菜的獨特魅力和豐富層次。無論是酸菜魚的濃郁，還是蔬菜的清新，都讓人感受到湘菜的風味與熱情。值得來食的一間餐廳。

黑豆花水煮魚非常惹味，又唔會辣到標哂汗，辣度岩岩好近，啲魚份量都好足，好鮮嫩酸辣雞雜用酸豆角嚟炒雞雜，都幾大盆，送酒送飯都一流，呢個菜係食到唔停得口個種，岩哂鐘意食內臟既我。 嵊州老麵小籠包小籠包唔係食開嗰種有湯汁，入面係包咗辣辣嘅肉，點醋味道都可以，因為我哋冇叫米飯，呢個配雞雜食，又唔會太過飽，係唔錯嘅配搭。大盤花菜大盤花菜，雖然冇乜特別，但係食咗咁多肉有碟清清地嘅菜，可以解吓膩，反而就算咁大碟都食得晒。 一開始食湘菜，仲驚會好辣，會唔會要飲好多嘢？好彩呢度嘅味道都唔算太辣，但係佢嘅嘢飲都勁大杯，非常好抵

自問係十二味常客，每星期都食一次，去過好多間分店食，依間應該係食過最差😑.👉🏻霸王辣子雞依碟真係離晒譜，之前食親都係炸得又乾又脆，今次啲雞又油又淋🤮係食到油溢味嗰種，似係擺咗好耐（你話係人哋食剩我都信），勁唔開胃！👉🏻水煮牛肉比起之前食開，份量係少咗，最慘係成兜嘢完全唔熱，凍冰冰，好似一碗辣油牛肉咁😵可能因為間店唔夠冷氣，所以變做冷盤，等客人唔會食到成身濕晒？依間店質素真係差到不得了，唔會再有下次。

環境非常之有特色，而且衛生整潔乾淨，服務態度都非常之好，而且仲好有禮貌。今日食咗辣子雞、酸菜魚和水煮牛肉等等的經典菜品，各具特色，令人垂涎。辣子雞的香辣口感，加上鮮嫩的雞肉與大量辣椒和花椒，辣味刺激味蕾，呈現了川菜的麻辣風格。酸菜魚是另一番滋味。新鮮的魚片混合酸菜湯中，湯底酸爽開胃，魚肉滑嫩，清爽又富有層次感，特別適合搭配米飯。水煮牛肉則以其鮮香和麻辣為主打，牛肉片吸收了香料的精華，再淋上熱油，香氣四溢。每一口都能感受到牛肉的滑嫩與辣椒。這三道菜無論是從味道還是口感上，都展現了川菜的魅力，讓人難忘。

最近喺旺角試咗「十二味」呢間餐廳，真係有驚喜！佢哋主打川菜同特色鍋物，晚餐試咗秘制醬香鍋、嵊州老麵小籠包同炸小酥肉，真係樣樣都好味。首先，秘制醬香鍋係今晚嘅主角，個鍋可以揀唔同嘅配料，我揀咗田雞、耗兒魚、豬頸肉、花菜同寬粉。呢個鍋底係用秘製醬料煮出嚟，味道濃郁又唔會太辣，醬香撲鼻，非常惹味。田雞肉質鮮嫩，吸收咗醬汁嘅香氣，入口即化；耗兒魚同樣係非常嫩滑，唔會食得好麻煩。豬頸肉係另一個亮點，肉質彈牙又有咬勁，脂肪同瘦肉比例剛好，食落去香濃不膩。花菜吸滿咗鍋底嘅濃郁醬汁，清爽中帶啲辣味，寬粉亦煮得軟糯但唔會過火，係吸汁好幫手，成個鍋真係食得非常滿足。嵊州老麵小籠包都係唔可以錯過嘅，尤其係辣味版！呢款小籠包肉汁豐富，辣味適中，帶出咗肉餡嘅鮮味，辣嘅程度唔會太過火。最後，炸小酥肉簡直係一大驚喜！外層炸得金黃酥脆，內裡嘅豬肉保持嫩滑，炸嘅火候控制得啱啱好，唔會過乾，咬落去每一啖都係肉汁同香脆嘅完美結合。配合埋佢嘅特製粉，味道更加香濃。

今日放工去左旺角，突然想食酸菜魚，就決定去試下十二味嘅。一坐低，就有qr code揀野食，正！佢哋個menu都好多野食。環境都好好，個場好大，坐到好多人。好彩我早到，未係食飯時間，所以唔使等位就入得。以下係ordered food:- 人見人愛酸菜魚(寬粉) 少辣少油 $276- 飄香毛血旺 少辣少油 $128- 檸檬梳打 $28- 桂花冰釀 $28- 嵊州老麵小籠包 $29- 紅糖糍粑 $48首先佢個酸菜魚真係冇令人失望，係超級好食，勁多酸菜同勁多魚，好新鮮！毛血旺都好足料，有尤魚，牛餐肉，豬皮，豬紅等，好正！野飲方面，估唔到28蚊嘅梳打係咁大杯，一個人絕對飲唔曬，真係又抵又好飲！桂花嗰杯非常打卡，味道特別，有酒釀嘅米味，但又冇酒精成份。小籠包似菜肉包，幾特別，幾鐘意佢層包嘅口感。紅糖糍粑係後上，廚房新鮮整完即食，外脆內軟，加埋紅糖醬，真係超好食！值得encore!!!

見食過觀塘個間分店都唔錯今次試旺角分店點知地點唔方便都算..叫個炒肉難食到忍唔住叫佢退單都有再叫過另一樣野食，最尾食唔哂打包袋加1蚊都正常..外賣盒1個收$5蚊？？仲有就係！！冇諗過係香港食飯，竟然要講普通話個店員先明你講乜最尾出去埋單，個收銀完全無比單我睇就叫我比錢..我叫佢比單先發現根本冇退到個炒肉成$118蚊成個感覺都極差，離L哂地

之前都食過十二味呢間餐廳，今晚喺旺角呢頭想搵間川菜食，見到原來旺角都有分店，就帶咗朋友上去食😉🍲自選麻辣香鍋（五餸起)比起其他川菜舖頭，呢度有加麻嘅選擇，適合鍾意食麻但係又食唔到太辣嘅朋友🤣 同朋友揀咗五個餸，分別係田雞、豬頸肉、五花腩、鵪鶉蛋同寛粉😙 每個餸嘅份量都幾多，田雞同豬頸肉肉質都有咬口，五花腩肥瘦適中，食落啱啱好，唔會好肥膩，鵪鶉蛋嘅表皮有炸過，食落更加香口之餘，都唔擔心撈其他配菜嘅時候會散😄 寬粉夠粗，不過略嫌有啲淋，個人鍾意食多啲咬口嘅薯粉😝🐄夫妻肺片呢樣都係川菜入必嗌嘅幾樣，有牛𦟌同牛肺，面頭有啲芝麻碎，調味嘅辣椒油好惹味，底下仲有啲青瓜粒解膩，成碟小菜嘅份量都幾多，呢個價錢幾抵食😚整體嚟講，呢間舖頭嘅川菜高過平均水準，份量大，幾抵食，而且分店都幾多，會再encore😊