十二味 (赫德道)

营业中

休息中

尖沙咀K11 Art Mall附近，赫德道有間四川菜。weekday晚上七點已經全滿，遲多10分鐘已經開始等位。餐牌有招牌香鍋，酸菜魚，水煮牛肉，小龍蝦，串燒，紅糖糍粑等。當然要order酸菜魚，一盤份量足夠三至四人，色香味都齊全。魚片無骨，仲可以加最愛嘅寬粉，吸晒湯底味，或者送白飯都好夾。叫咗小辣都只係輕輕嘅麻辣，如果食得辣，可以試佢嘅大辣。夫妻肺片份量都好足，有牛肚牛腱十幾塊。食咗肉同魚要配下個花菜，即係椰菜花，大大碟。見到餐牌仲有set lunch，水煮牛肉，回鍋肉，酸菜魚價錢都好相宜。

想食香辣嘢，第一時間諗起十二味！尖沙咀呢間地點方便，而且環境不錯，卡位幾舒適。每款都想試下，今次點了3個餸，大盆花菜，經典香辣鍋及酸菜菜魚。先上大盆花菜，其實是干炒椰菜花，有少量肉片，乾炒同平時廣東酒樓食到的味道好唔同！乾身香口d, 而且小辣好夠味！經典香辣鍋，呢款真係必點！自選5餸以上，我味點了蓮藕，田雞，美國肥牛，木耳同肥腸。一上枱真係嚇一跳，好大盆。好耐好耐無食田雞，在家好難煮，呢度的煮法係先炸過再乾拌，好香口，田雞肉亦易咬開，正！蓮藕同木耳用干拌後，鮮甜味更突出。美國肥牛同肥腸，絕對是重口味之選，干拌的好處食落唔會油淋淋。酸菜魚是招牌菜之一，湯底都見到用幾款辣椒製成，酸辣度夠平衡，魚片份量十足！呢餐食到好滿足，建議香辣鍋要有菜有肉去配搭，食落就更清爽！

晚市都唔少人等位！嚟到呢到一定要食酸菜魚😍 大大碗勁多鱸魚 🐟魚肉大大塊又爽彈嫩滑💕 湯底濃濃魚湯味又勁多酸菜真係味道十足✨ 另外再叫左幾款小菜/小食一齊Share😋酸辣土豆絲超好食🤤 大大碟又夠惹味💕 可以揀辣或唔辣👍🏻 燒椒皮蛋涼菜勁多芝麻椒絲蔥，隻蛋勁滑有小小辣勁好食！叫埋炸串勁豐富好飽肚😍呢間真心唔錯，座位坐得舒服👍🏻

最近成日食酸菜魚，有好多新口味都好好食，但係不知不覺令我懷念最原本既味道。呢間餐廳，就係我最早接觸酸菜魚既地方。黎到點菜嘅時候，出於突然嘅覺悟，感覺應該要點未食過既野，我就點左水煮牛肉同埋武隆尖椒雞。 🍖水煮牛肉用左辣椒同辣油帶出陣陣嘅香辣味，好多餐廳其實好多時都係用辣味蓋過唔新鮮既食材。好嘅餐廳相反會識得用辣味帶出食材嘅新鮮。用辣油煮過嘅牛肉特別鮮嫩，而且咬落去嘅時候，會將味道留喺牙逢間，飲啤酒可以沖走辣味，但係就唔會沖走個陣齒夾留香嘅味道。講開啤酒，藍妹既生啤真係好飲過樽裝嘅好多，更加有氣而且泡沫充足。 🍖武隆，我唔知喺邊度，但因為新年應下景，就武隆咁舞。入邊有尖椒同泡椒，唔知佢地係點處理，呢兩種平時都好辣既野，變成左帶辣既香椒。雞肉切成細粒，用油炸過之後，外皮香脆，呢種雞肉唔可以話係嫩滑，但係好好味，尤其係佢近骨既位，炸左既骨令人食到香酥既感覺。而全碟我最中意係切粒蓮藕，佢既爽昇華左全碟既口感，變化無窮。 ✨️鄭和同哥倫布發現左新大陸而且將自己野帶到當地改良同發揚光大，但冇因為咁大家會覺得原產地唔好。孔子同耶蘇都講過，初戀無限美，而且再細心體會，初戀仲有好多可愛野你會miss左。所

朋友想食酸菜魚，所以就去十二味買外賣返嚟一齊食。十二味嘅裝修係行工業風，好有特色行上一層就係餐廳，座位都好闊落。我哋叫咗一盤酸菜魚加個蔥油撈麵。由於酸菜魚好大盤所以分咗兩個碗裝。酸菜魚非常非常之香。佢嘅麻辣同埋香料就係呢度菜嘅靈魂。佢嘅酸菜魚塊非常嫩滑，啖啖肉同埋份量好多。酸菜亦都煮得好清爽好中，唔會話死鹹或者好酸，另外加嘅薯粉係闊身透明嗰款薯粉，好煙韌。酸菜魚連個湯都好好飲所以我哋就真係清曬碗。因為好鍾意食蔥油拌麵，去到邊都會試一試，所以就搭單叫埋。佢有炸咗嘅蔥絲鋪喺面。佢嘅面粗幼度係類似幼身嘅烏冬但係就煙韌好多。連埋個醬汁撈埋好好食。

十二味係全港都很多分店，今次都係第一次食，嗌左外賣，就算返屋企食都好正，好惹味。點左份川式口水雞，杏仁青檸蝦球，夫妻肺片。即叫即整，等一陣就有得食了，口水雞很嫩滑，辣得入味，佢會問你食吾食辣，之後可以有不同辣度選擇的，很好。先講口水雞，雞肉質嫩滑，辣味夠辣又香，好好食，又抵食。夫妻肺片份量都好多，啖啖肉，醬料是分開的，所以吾食辣都可食。最後青檸蝦球是最正的，因為每個蝦球都好像有兩粒或再多的蝦，啖啖蝦又爽口鮮甜，好好味，全部都很不錯。難怪咁出名又多人食。

想試呢間酸菜魚店好耐 今日終於黎試啦！估唔到佢咁迎口香港人口味 可以揀小辣少油QR code落完單 上菜速度極快人見人愛酸菜魚 小辣少油$248味道恰如其分！ 平時其他店既酸菜魚叫小辣都辣到嘖火 今次小辣真係岩香港人既小辣 有d過癮但又辣到噴火！平時唔食飯既我都忍唔住因為呢盆魚食左成碗飯 超下飯！魚肉嫩滑不會鞋！見到乾煸四季豆都好多人推薦 好似好正 仲可以揀小辣 走肉碎！d豆炒到好淋好惹味 份量仲要好多 兩個人都食唔灑！老公就想食佢既串燒 呢個叫香口阿牛（小辣）既串燒有驚喜 好滑同真係好香口！最後叫埋甜品幺妹兒冰粉 清一清喉嚨就perfect啦！

菜式評價：- **酸菜魚**：我品嚐了酸菜魚，這道菜份量十分驚人，雖然價格較高，但絕對物超所值。魚肉鮮嫩無刺，配料豐富，湯頭酸爽清新，酸菜酸味十足，不單只是咸味，而是帶著酸甜的滋味。整體來說，這道酸菜魚鮮美可口，給人留下了深刻的印象。- **乾煸大腸**：我同時品嚐了他們的乾煸大腸，這道菜同樣份量十足，雖然價格稍高，但每一口都令人滿足。大腸炸過後外酥內嫩，咬下去時，油脂滿溢而出，口感極為香脆，讓人欲罷不能。儘管這道菜較為油膩，但絕對值得一試。其他推薦：除了酸菜魚和乾煸大腸外，Craps Table還有許多其他精彩美味的川菜選擇。他們的麻婆豆腐和口水雞都是絕佳的選擇，辣味十足，鮮香可口。此外，他們的麻辣火鍋也十分有名，是辣愛者的不二之選。

今晚冇咩胃口，去左食十二味刺激一下，增加一下食慾，係尖沙咀食店林立嘅赫德道，有間紅燈十二味的就是了，上樓梯，裝修別樹一格，仲見到有位置是band show,吾通特別日子仲有band show助慶？上到去人客都多，點了三樣回家食，乾焗肥腸，武漢尖椒雞和卤水拼盤。先講肥腸，真的很乾身，脆口啊，非常多辣椒，辣得很惹味，另外是武漢尖椒雞，雞件切細件，加配菜粒粒炒得香口，喜歡加了蓮藕，增加咬口，好食。至於卤水拼盤，都是很出色，有牛展，牛肚等，份量都多，卤得很入味。佢嘅辣真的很出色，價錢合理，服務都很好，推介比大家。

酸菜魚的口感結合了鮮嫩的魚肉、爽脆的酸菜、辣椒和花椒的刺激感以及酸辣的湯汁，帶來了豐富多樣的口感體驗，每次去必點的菜品，魚肉嫩滑，絕對好吃，酸菜是酸菜魚的核心調味料，它帶有酸味和鹹味，為整道菜餚提供了鮮明的風味。酸菜的質地通常較脆，口感酸爽，加入辣椒，給菜餚增添了辣味的刺激感。辣椒會在口腔產生辣熱的感覺，與酸菜和魚肉的鮮美味道相互融合幹鍋的食材的鮮嫩、恰到好處香辣的味道，讓口感更豐富，色香味俱全，味道不錯，值得一試

我同同事都好鐘意食辣，時不時都會去食我最愛的酸菜魚。今晚放工後唔想煮餸，又想食辣，於是去外賣餸菜返屋企，再煮個靚飯，同屋企人食餐勁☺️。經典香辣鍋小辣 $38.- (跟最少5款配料共$252.-) 嘩！份最勁多☺️，差不多一盒滿，材料非常多，有肉質彈牙的鮮蝦，爽口柔韌的牛百葉，有陣陣油香的豬腸，肉質軟腍帶牛香味的金錢肚及牛舌。香辣鍋用上大量切碎嘅青椒、辣椒、薑、蒜、蔥及芫茜，再加上調味料一齊炒，味道非常惹味香辣，全部食材都勁吸味，非常香辣惹味🥰。川式口水雞 $73.-醬汁鮮香麻辣，鹹度適中，配上肉味濃郁，肉質嫩滑的雞件，越食越好味，餸飯一流😍。食物質素好，價錢合理，好食又份量多，店員服務勤快，值得再次幫襯。屋企人都食得好開心又滿意，下次要試下外賣其他菜式，再食過😊。

今晚兩公婆撐枱腳，去左尖沙咀赫德道一間食四川菜，目的是為了酸菜魚而來😋。入到店內已經聞到好香好惹味的菜餚，而且全店坐滿人，見到鬼佬都黎食😆識食👍🏻。先來個夫妻肺片，賣相又幾靚幾齊整，份量都不少，小小辣，好香，牛腱好淋😋必食👍🏻，再來Q彈魷魚（10串）松阪小豬（10串）一口一串，幾好，仲要好鬼惹味，真係停唔到口😆。以後來個大盆花菜🥦，估唔到個菜都咁香，因為佢連同腩肉一齊炒，非常有獲氣又熱辣辣👍🏻掂👍🏻。主角上場啦！人見人愛酸菜魚，非常之大盆🤣🤣🤣，面頭鋪滿花瓣香料辣椒，聞都知有幾惹味，魚片溥身，非常滑，又無骨，啖啖肉，好鬼好食，記得一定要配白飯食。夠正👏🏻👏🏻👏🏻。一定會再encore 😋

👍🏻人見人愛酸菜魚(加寬粉) $276呢間川菜原來已經開咗10年，好多間分店，但今次同朋友嚟先第一次食整體嘅份量都好大，性價比唔錯，適合同一班嗜辣朋友gathering🌶️酸菜魚上枱嚇親，嗌正常size已經超大盤，足夠3-4人份，另外仲有加大版肉質軟滑偏肥冇腥味，冇乜骨大大塊配料有大量酸菜、萵筍、菇片、白蘿蔔等小辣溫和唔算好辣，酸度適中，油度都可接受，算係唔太油膩/重口味嘅酸菜魚另外加咗寬粉，煙韌度啱啱好，又闊又長，整體魚片同配料份量都多-👍🏻水煮牛肉 $158水煮牛嗌咗中辣，花椒麻香重，唔算好熗辣/鹹牛肉份量好多，大塊唔會碎濕濕，冇乜筋，唔會拿到太腍，仍然有肉嘅彈性呢個唔使另加本身已有大量寬粉墊底，比起酸菜魚嗰啲更加入味，煙煙韌韌🍜配料仲有青瓜條、蔬菜，$158嚟講份量同味道性價比高，抵食大份夠飽肚-👍🏻川式口水雞 $73口水雞都唔錯，有髀有翼位，皮爽肉滑，唔算好辣但有花椒麻香，食到雞味夠冰涼但冇雪味，仲有爽口青瓜條墊底鍾意食辣送酒嘅朋友可試桂花冰釀米酒，酒味唔會太濃烈，甜甜地易入口🍶-🔸極品麻婆豆腐 $73🔸蔥油拌麵 $38🔸桂花冰釀米酒 $228-味道：8/10性價比：8/10-📍

🌟宮保雞丁 $98雞粒幾嫩👍份量好多加左甜辣醬去炒甜甜地幾惹味加左辣椒 少少辣🌶仲有腰果 增添口感🤩.🌟霸王七椒蝦 $138用左7款辣椒去炒叫左小辣就啱啱好聞落好麻😂食落有少少刺激🌶蝦包左炸漿炸🍤有啲似食天婦羅嘅感覺入面嘅蝦係用炸漿嘅熱力蒸熟仲好爽陣🥰加左腰果炒好香口❣️.🌟熱情果梳打 $28好解渴 食辣野必點🤣.📍 十二味 (赫德道) (尖沙咀)尖沙咀赫德道1-3A號利威商業大廈地下6號舖及1樓

今日我行完街已很夜唔煑飯，順路去細佬鐘意的十二味買外賣回家給他吃。按細佬要求，買了他愛吃的秘製醬香鍋和麻婆豆腐。極品麻婆豆腐真係好食，豆腐香滑，牛肉碎多，可揀辣或唔辣，送飯一流。要吃素可以不要牛肉。秘製醬香鍋鍋底有風味，裏面加左芝蔴，黃豆和芫茜，又香又夾味，可選少油。可按個人口味自選多款蔬菜和肉類。田雞肉結實鮮甜，好食過雞肉。鮮蝦幾新鮮，炸過香口好食。台灣魚腐一片片薄片，好食過魚蛋。炸蓮藕片和鮮腐竹吸滿醬汁好開胃夾味。香鍋有風味又好食，忍不住食多碗白飯。份量足夠，抵食好食。