十二味 (赫德道)

营业中

休息中

十二味應該係第2次，今次係尖沙咀做完野就試下尖東分店。門口都幾大，要行樓梯上，上到去好有中式麻辣菜feel, 紅色主調嘅中式燈，最神奇係可以唱K，一眼就見到個stage🤣上次食過酸菜魚，今次得2個人就揀左經典香辣鍋，宜家好多餐廳都用QR code 落單可以慢慢睇慢慢揀，麻辣香鍋要揀最少5款配料(每款配料加$28-$48），當然離不開要有肉： 雞翼、肥牛，肉類分量都幾多下，炒起上嚟好大鍋，雞翼有炸過，口感香脆不過我自己最鍾意係面頭一粒粒炸過嘅黃豆，食落脆卜卜，令個香辣鍋食起上添加咗層次，食香辣鍋一定要有白飯唔係會超級重口味～ 最好係可以order 既時候request 少鹽少油，感覺上健康左

尖沙咀十二味，地點非常方便，二樓雅座又大又舒服，裝修新派✨尖沙咀依間分店有兩大特色：1️⃣有KTV，可以辣到唱歌🤣2️⃣有好多酒精飲品既選擇，由生啤到茅台都有👏🏻天氣咁熱飲返杯生啤，藍妹生啤，都好鮮，依個環境飲返杯就係爽😍武隆尖椒雞，好大盤，超香超吸引，雞肉走過油好有風味，尖椒都幾辣但好味，一次過食尖椒、葛粒同雞粒，好爽😄愈食愈辣再飲多杯，三得利生啤，正✨🍢炸串時間🍡，唔係間間都有所以見到就想食，羊小腸、魷魚等好幾款，香口阿牛(5串)🐂好香，外脆內嫩，好惹味，愈食愈想食🥳Q彈魷魚須(10串)，超香脆Q彈，好好味👍🏻香噴噴月牙骨(10串)，軟骨加啲嫩肉，送酒一流，好正🫶🏻十二味真係一間好正既川菜餐廳🏮尖沙咀仲有好多酒既選擇，享受升級😙

位於尖沙咀（赫德道）既十二味超爆場😨，完全估唔到尼間咁多分店既川菜係咁多人捧場的😳，我地一路食keep 住好多人等位🤣好彩我地7:00就到左，如果想食記得要訂位呀！門口燈籠裝飾超吸睛🏮，卡位地方闊落，枱位就比較迫近，但坐位都比較多，如果真係walk in 都可以的✨🐟人見人愛酸菜魚 $248一上枱超大一盤😨完全霸哂一張枱既位，份量就咁多真係超多的！面層鋪滿四川辣椒麻椒就咁睇以為好辣，但味道剛好岩哂唔食得辣既我🤤微微既麻香辣味同酸菜既酸味極為夾，香味濃郁😋魚肉無骨 啖啖肉食得好爽🤣搭配大量萵荀好健康🤭果然係超人氣酸菜魚，基本上每枱都會嗌✨川式口水雞 🐣$73口水雞份量對比酸菜魚就有點少，口水雞醬汁整體偏鹹，但雞肉部位多骨位少肉位，係扣左唔少分，但我見其他人評價係不錯的，可能我比較黑仔咁岩尼份有點差✨杏仁青檸蝦球 🦐 $158我地另外嗌左款川菜比較少見既菜式試下，蝦球炸到脆卜卜熱辣辣好好食，上面仲带有杏仁香脆口感，青檸牆酸酸甜甜超開胃🤤份量仲要唔少，總共有 12隻左右，整體感覺完全喜出望外😍✨美滋滋芒果蘇打 $28芒果🥭酸甜非常解渴解辣🤤岩哂夏天飲

今日去左朋友推介既十二味食飯，味道真係好唔錯!一定要叫招牌既酸菜魚!! 食酸菜魚就鐘意配埋粉條，要吸曬汁咁食。仲可以簡少油同辣度，我地叫左小辣，都接受到。個湯汁，酸酸辣辣，好開胃。魚肉好大塊，食落爽脆，而且係冇骨架! 入面仲有萵荀，菇等等既配料，好豐富! 同埋都真係幾大兜下!!清炒萵荀絲比想像中份量多好多!! 萵荀絲好脆! 調味岩岩好! 唔覺唔覺食左好多!川香回鍋肉好香!! 而且可以簡唔辣，肉片比例係肥瘦都有，全部都吸曬汁。一齊炒既蓮藕都好入味。野飲就叫左熱情果soda同埋芒果soda，同樣好大杯，而且好fresh，可以減少油膩既感覺。紅糖糍巴係每次都一定要叫的!!!!呢款係紅糖分上，糍巴上面仲有好多黃豆粉，有多重口感，好好食!

平時間中都會同ｄ同事嚟十二味食lunch 晚市真係第一次食第一次嚟尖沙咀嘅分店 餐廳好大好闊落 環境偏昏暗 感覺幾chill平時lunch都有叫開酸菜魚 但估唔到配粉條嘅份量係大兜咁多 直情係成盤咁上枱平時唔食得辣嘅我都叫咗少辣 因為之前食過唔辣覺得有d失色果然有少少辣係惹味好多 d魚就同平時一樣無骨又滑身而其他嘅配菜好似酸菜，萵苣，雞髀菇, 同埋粉條就索哂湯底嘅精華 超級入味除咗酸菜魚份量驚人之外 無諗過佢地嘅小菜都咁大碟清炒萵荀絲食落好夠鑊氣 切做一絲絲令個口感更加爽脆 同朋友食極都好似唔見底咁另外川香回鍋肉除咗有切片嘅豬肉仲有蓮藕同蔥嘅點綴 食落唔會好寡飲品方面就叫咗美滋滋芒果蘇打同百香果蘇打 解辣一流食到最後緊係要叫返個甜品紅糖糍粑炸到外脆內軟 灑上滿滿嘅黃豆粉再點埋附送嘅紅糖真係大滿足

又係星期三食好西叉電既日子，浦開尖沙咀，上次食完泰國菜，今次食川菜既十二味🤪又係排哂長龍，門關既燈籠都頗有四川特色🏮入面環境就唔算闊落，由於無哂卡位坐既關係，二人同行都難免要同旁邊枱相距甚近😭雖然地方大但整層都坐滿客人，氣氛幾好👍🏻🐟人見人愛酸菜魚 $248一上碟超大一盤🤩四川酸菜魚。味道酸辣鮮明，帶有四川辣椒既辛辣口味同酸莱既酸爽口感，香味濃郁😋仲有藤椒既酥麻感覺，整體層次豐富。酸，辣，麻都恰到好處，魚肉都幾新鮮，而旦份量多，萵荀同魚食極都仲有🤣就算無薯粉都夠哂飽(個人唔太好薯粉所以好岩我🤙🏻)🐥川式口水雞 $73作為口水雞爱好者，不得不說有點失望🤔主要係雞既份量偏少而且多骨，一班人 SHARE 食一定唔夠喉，味道上係不差🥱有口水汁既濃厚味道，只係質感就失色，肉質較孩口，無嫩滑既感覺🥲🦐杏仁青檸蝦球 $158非常出色，整體感覺完全喜出望外😍蝦球炸到脆卜卜，蝦殼都可以食埋，上面仲带有杏仁香脆口感，青檸牆酸酸甜甜，非常開胃🤤同原先口感細膩既蝦球互相配搭真係一流😈份量仲要唔少，總共有 12件，兩條友每人6件好满足！💯🍺藍妹生啤 $58好大杯，杯身勁高，成日驚撞跌佢，😂因為枱都比較細，放完3

今日要加班，差點連吃晚飯的時候都沒有，為有買外賣返屋企食，見到「十二味」呢間川菜館好多人，所以都想試吓。餐廳位於尖沙咀德道1-3A號地 下（6號舖）及1字樓，座位都好多，空間都好大，我相信堂食也不錯。❤️酸辣無骨鳳爪 $53 味道酸酸辣辣，還附有很多青瓜🥒，最正係無 骨🦴，唔使慢慢論骨。🧡川式口水雞 $73 川式，顧名思義一定辣啦，口水雞嫩滑，配以花生🥜、芝麻、葱花，令到味道層次更豐富，還付有很多青瓜。💛夫妻肺片。 $68 食川菜，必定諗到夫妻肺片，牛腱和牛肚，加上辣椒油，花椒粉，蒜泥等調味料，灑上蔥花、香菜，令到味道很豐富，而且牛腱牛肚非常爽口。💚黯然銷魂炒飯 $78 炒飯本身吵得很乾身，而且配了很多，有蝦、蛋、蔥粒等等………味道還帶點微辣。💙紅糖糍粑 $48 糍粑用糯米粉製成，口感煙煙韌韌，表面加上糖粉，令到甜味非常濃郁。

尖沙咀呢間分店喺晚餐時間吸引咗好多食客，座無虛席。不過聽到唔少都係遊客～裏面嘅座位夠寬敞，冷氣充足，食辣嘢都覺得享受🤣🤣水煮牛肉 $158水煮牛肉同出邊食開嘅味道又有少少唔同，叫咗小辣但係唔係好夠，可能係因為個湯唔夠熱，所以啲辣椒冇特別出味。不過啲牛肉都夠滑身同埋易咬，仲有啲寬粉係底。美中不足嘅係如果佢有啲芽菜或者多少少蔬菜配料可以加配會更好。Q彈魷魚須(10串 $28呢度都係少少咁樣一串，但佢又唔會少得好過分。魷魚鬚都夠彈牙，唔會燒得硬嘉士伯 $20抵👍🏻熱情果蘇打 $28好大既一杯，食辣嘢叫呢一杯就夠晒飲啦👍🏻 味道都唔錯

之前已經食過十二味著名嘅酸菜魚。今次就帶埋朋友嚟試吓其他菜式有冇酸菜魚咁正！水煮牛肉🐮份量幾多，牛肉唔韌又大片，非常滿足。口味亦都適合香港人，小辣只係微微既辣幾香口～ 上面都有啲菜，不過會擔心浸得耐會吸到啲辣味唔易入口，若果換上青瓜芽菜呢一類會更好小份小龍蝦 🦐呢隻小龍蝦嘅湯底有少少唔同，係難以形容嘅味道😂。龍蝦夠彈牙👍🏻清炒綠時蔬 🥬超級大份😱😱，雖然叫清炒但都炒得好香好夠味👍🏻最後埋單人均都係200幾，坐得咁舒服嚟講係幾抵食

好朋友喺外國返嚟，喺尖沙咀血拼完之後，佢話想食啲特別嘢，所以就揀咗呢間川菜試吓😎呢間十二味喺香港都開咗幾間分店，設計以中國風為主，當中燈籠、百子櫃等充滿著中國元素，店舖好大，座位設有沙發座，坐得舒適☺️，不過晚飯時間好快就坐滿晒人😁📃餐廳用QR code落單， order完好快食物就放到面前😆，食物種類有好多，我地Order咗以下食物👇💁‍♀️美滋滋雞腳筋(5串)-小辣 hk$22-💁‍♀️肥美羊腩筋(5串)-小辣 hk$52-🌟串燒係朋友話好想試嘅食物之一🤣，雞腳筋一粒粒，脆口的，有啲似雞軟骨；羊腩筋比較林，唔會太羶；💁‍♀️乾煸肥腸-小辣 hk$98-🌟名不虛傳，真係好肥美嘅豬大腸❤️，大愛，上枱時熱辣辣，脆卜卜😌；💁‍♀️秘製醬香鍋-唔辣 hk$218-🌟 配菜可自由配搭，秘製醬香鍋規定最少要點五款食材，可以揀香辣或者唔辣，再加入秘製醬炒香，我地就揀咗👉🙆‍♀️田雞、好大件，但啲肉質一D都唔會嚡🙆‍♀️牛舌：值得一讚，煮得好入味同埋好淋，而且切得唔會太薄🙆‍♀️豆皮：吸收晒啲醬汁，好正😋🙆‍♀️萵筍、🙆‍♀️油麥菜：清甜爽口；味道幾濃，炒得入味，配料亦都好豐富有芫荽，香蔥，蒜頭及白芝麻，香味十足值得推

If you are a fan of spicy and chilliThen this is the place for youVery traditional Chinese cuisine.The flavour never disappoint Sour vegetable fishBig portions, big big portionsFish boneless and smooth The soup is strong in sour vegetables flavour and it’s a bit spicy too.Apart from fish also have some Chinese noodles and vegetables.Fried Chinese beansPopular Chinese dish, salty and suggest go with rice and beer or cold drinks.Spicy beefAnother big portion dish Beef never seemed to finish. Beef

經典香辣鍋（雞翼, 嫩牛肉, 台灣魚腐, 花菜, 土豆, 中辣）幺妹兒冰粉橙汁我一直都係麻辣愛好者, 一星期點都要食一次辣野, 呢個星期咁啱想食麻辣香鍋, 梗係要去味道夠曬正宗嘅十二味啦。揀左經典香辣鍋中辣, 配料就要左5款, 分別係雞翼、嫩牛肉、台灣魚腐、花菜同土豆。唔好以為5款配料好少 ar, 佢嘅份量係大到夠3個人食架。所有配料都炒得好香, 魚腐微焦、雞翼香脆、土豆外脆內糯、花菜清甜爽脆。食一啖菜再食一啖飯, 真係唔知唔覺咁食曬成碗飯呀！食完香鍋可以點碗冰粉解辣, 心滿意足咁完成一餐麻辣盛宴。

今晚唔想煮飯，所以就諗住買外賣自取，行過見到十二味勁抵，又有乾鍋，又有白飯，仲有青瓜或者木耳跟配都只係$200十二味香辣鍋有：嫩牛肉、雞翼、午餐肉、蓮藕、薯仔同油麥菜，叫咗小辣，超好送飯。牛肉好軟柔，雞翼勁滋味，蓮藕同土豆好爽脆，而且配上白飯，感覺絕對唔會係油膩，份量更加係超級足料，專登夾咗一碗第二日帶飯！另外叫咗份紅糖糍粑同埋Q彈魷魚鬚，紅糖分開另上，糍粑拎到返屋企雖然凍咗，但係口感都幾煙靭，魷魚鬚落咗孜然粉，燒得剛好，一口size十分滋味。

之前食過呢間黃大仙嘅分店，感覺都幾好。今日經過尖沙嘴見到呢度都有得食，朋友都係愛辣🌶之人，舉手贊成再食多次。好快就揀好心頭好：水煮牛肉、紅糖糍粑。之後見到炸串又幾特別，除左牛肉之外，羊腸、羊腩筋都係坊間少見，橫豎有套餐，唔洗左揀右揀，決定要埋呢款小食。 炸串套餐 ($58) 🍢有成6串咁多，分別係羊腩筋、羊小腸、同牛肉粒，各有兩串。個人最愛係羊小腸，脆卜卜，仲有好香嘅孜然味。而羊腩筋亦都幾唔錯，有咬口，但又唔會太韌，細細粒，非常易入口。水煮牛肉($158) 🥘比想像中大盆，滿滿紅色嘅水煮湯異常吸引。視覺刺激味蕾，睇到已經流晒口水。牛肉非常軟腍，入口鬆軟。個人喜好: 水煮食物一定要配白飯，白飯能中和麻辣味，但同時又能夠突出水煮食材嘅香味；如果唔想食飯嘅，都唔驚唔夠飽，因為水煮牛肉裡邊，原來有唔少煙煙韌韌嘅寬粉。寬粉掛湯，索滿湯汁，入口Q彈惹味。紅糖糍粑 ($48)🍮呢個係我食川菜嘅必選甜品，糍粑(年糕條)入口非常軟糯，炸得啱啱好，外脆內軟，沾滿黃豆粉，略點微暖嘅紅糖伴食，唔會太甜，豆香加埋糯米嘅香口，好食到要同朋友爭食。菠蘿汁($25) 🍍微酸帶甜，正好用來解辣。 兩個人食到飽飽，食埋甜

講開食酸菜魚月不嬲都有一間心水嘅選擇就係十二味 價錢唔貴份量又多又好味——————————酸菜魚嘅份量非常多 而且個金湯好好味入面有大量嘅薯粉 萵筍 仲要有香菇最重要有得揀少油 食完都唔使驚太肥膩水煮牛肉叫咗小辣 味道啱啱好入面亦都有薯粉青瓜同埋油麥菜薯粉吸晒啲辣汁好正識咗咁多辣嘢梗係要叫返個四季豆加埋肉碎炒特別香 份量都好大份食川菜必叫紅糖糍粑啱啱咋出嚟熱辣辣配黑糖份量唔多兩個人食啱啱好—————————-講到最鍾意嘅川菜十二味一定係我嘅首選