十二味 (裕民坊YM²)

营业中

休息中

放工後仍然掛緊三號風球，觀塘區有微風同怪風，但都唔影響我地想食魚嘅心兩個人黎到呢個新商場裕民坊，呢個商場有幾個出入口，有啲難搵路上到3樓餐廳呢層7點幾上到黎，已經坐左7成，都幾爆場。叫左個酸菜魚配粉條，其實我建議可以唔好用咁細張枱，兩個個一人一邊，盤魚黎到都已經無位放其他野睇到隔離枱又係2個人，叫左盤魚，又有一個土豆絲同2碗白飯，佢地2個要全程拎住碗白飯係手，碟土豆絲都有1／4出左枱邊睇到都覺得食得唔舒服我地叫左小辣，但佢今次個辣度已經係出面其他分店嘅中辣程度，唔知點解佢個魚片今次有陣陣腥味，所以佢放左好多薑絲，試圖去掩蓋個腥味，不過都遮唔唒，之前都係佢其他分店食過，都無咁嘅情況出現過。開得多分店，但食物水準維持唔到，直線下降，人手又唔夠，叫斟杯水都等左可能有4／5分鐘，另外碗筷洗得唔夠乾淨，仲有層油膜，希望管理層正視下問題啦

裕民坊搬左上商場都冇試過堂食，今晚屋企冇飯開，梗係搵一間試下啦，今晚想食酸菜魚，見佢咁多人幫襯，又咁多分店，應該冇問題 ! 一於食佢 ~ 拎飛等左一陣，都好快有位。入面既位置都幾好坐，我地睇下有咩野叫，全部都用 QR CODE 落單，GOOD !! 我地叫左3樣野，諗住仲可以番屋企食個生果...太天真 ...D碟頭大到呢 ... 盡力去食唔浪費 ! 其實都只係叫左3樣...首先係前菜，酸辣木耳 (HKD43.0)，呢個前菜我以為都係細細碟，好快可以KO左佢...點知...都要D時間 ! 味道唔錯，帶酸好開胃口！木耳又爽，雖然佢寫既辣度係小辣，都唔野少，但都接受到。再黎就係我好想食既 人見人愛酸菜魚 (配粉條) 小辣 (HKD286.0)，黎到俾隻大碗盤嚇親，大到呢 !!!!入面既份量都唔野少，都勁多魚，配料既種類唔算多，入面有窩荀 / 酸菜 / 粉條，仲有大量既魚。其實呢個算好抵食，味道又好，魚又滑 !! 正 ~ 要壇既野就係花椒太多，我地不停咁隔。粉條都唔少架，又彈牙，正 ~再黎諗住點都要叫個菜食下既，我地叫左 乾煸四季豆 (HKD68.0)，呢道平時係出面既餐廳食...起碼兩碟 !

話說，今年食咗好多餐酸菜魚，今次試食十二味餐廳，事不宜遲介紹吓今次試食嘅酸菜魚。我哋叫咗個土豪版酸菜魚（四人份量）:🌶🌶🌶❗️魚片：每一塊魚片都有差唔多半隻手掌心咁大，唔會一夾就散、非常厚實且入味，每塊魚片都給左酸菜湯嘅精華。😍♨️湯：以顏色來講係貼近大陸風格嘅酸菜魚，聞落好重花椒同辣味，成個湯有唔同層次嘅味道，🔥💦⭐️🌶有麻、酸、辣、鹹、香，好豐富嘅味道，淨係個湯已經可以送幾碗飯！🍚💯配料：不但配有酸菜、萵筍、芽菜、魚片，😍裏面仲有寬粉，寬粉雖然比薯粉、米線，或者水晶粉闊而且感覺上比較厚啲，但係每一啖寬粉都有酸菜魚湯嘅濃厚味道，而且唔油膩，🤭每一啖都都覺得同個湯好夾。除咗酸菜魚之外，我哋仲叫咗幾款小食，包括尖椒皮蛋、手帕青瓜等等，😋都拍得住每一間各大川菜或者食辣野餐廳嘅質素。🍹飲品方面有一杯叫做熱情果乜乜嘅飲品，超大杯（二人份量）大家有機會可以試吓。✅

觀塘經過舊區重建，終於有一番新景象，全新嘅裕民坊有熟識嘅店舖，仲有好幾間新開嘅食店，近排愛上咗酸菜魚，見到有新開嘅十二味，梗係要去試吓啦十二味開係商場頂層平台花園，環境好好店舖坐得唔算太闊落，不過防疫措施都算ok酸辣木耳叫咗小辣，醋味多過辣味，木耳好厚身，食完好開胃人見人愛酸菜魚（配粉條）大大盤，酸菜同魚肉份量十足，配菜仲有萵苣、雞肶菇，唔太食得辣嘅我地叫咗少辣，酸辣比例剛好，魚肉好滑完全冇骨，小朋友都可以放心食乾煸四季豆又係大大碟，我地兩個差啲食唔晒，炒得好夠鑊氣，連埋肉碎好好送飯

觀塘市中心岩岩新開左間商場無耐，就黎親熱鬧，行到累累地就去左商場個花園觀賞下，旁邊有間餐廳，就入去試下休息下。呢道點餐係用二維碼自己手機點餐，非常方便，而且好長，一點餐立即有職員送上賬單，野食都好快到。首先我地點左人見人愛酸菜魚配粉條，份量十足，我地點左小辣，辣到可以接受，粉條非常彈牙，口感一流，吸收曬酸菜魚既汁，十分滿足，魚片方面入口即溶，味道好新鮮。值得一試。之後再試咪個川式口水雞，賣相十分精緻，一個半球體，睇見都想立即食落肚。我地都係選左小辣，味道都好好，有小小微辣，非常暖胃，好有雞味，我個人十分喜愛。

因為太太好想食酸菜魚，所以上openrice搵到這間十二味，預先致電訂位。晚上去到入坐，很方便的以掃QR CODE在手機點餐，並點了兩道餸<人見人愛酸菜魚>及<經典香辡鍋>，下單後不久有一位侍應生走來說酸菜魚已賣晒，需要取消order，真的非常失望，因為在網頁中有得選擇的項目竟然無得吃，應該售罄時立即在網詀中更新，或用其他方式通知在場的客人，以免會出現此情況。所以這次用餐真旳十分失望。香辡鍋普通，梳打水很一般。因風口位向坐位直吹，很凍，要求想調另位置，服務員愛理不理地向我們想調之坐位走過去看看，然後回來說都是一樣，但我們走過去試試，其不是一樣，服務真的比較差。是此用餐感覺不好，請原諒小弟太直接。點品方面可以一試，紅糖糍粑。

見到十二味又開咗分店今次試吓觀塘呢間喺裕民Square.地方唔算好大座位闊落.用手機 scan QR code 落單可以自選辣度、要唔要走配料、少鹽、即上定後上 等等.武隆尖椒雞 $103 : 主要係蓮藕粒加有骨雞粒，如果冇骨更加好，唔洗 lur；叫咗小辣，辣度剛剛好，仲可以食埋啲尖椒蔥油拌麵 $38 : 幾有油香，唔會過分濃味同油膩，再多啲蔥會好啲么兒粉冰 $26 : 桂花味冰冰甜甜，食完上面兩味咁濃嘅，用呢嚟埋尾可以中和返個味蕾

今日放工夜晚去觀塘找朋友一起行裕民坊，發現三樓平臺有一家新開的十二味川菜，以前在其他分店吃過他們的麻辣香鍋，今次都決定繼續！餐館屬中式風格，簡單大方，舒適寬敞，與其他分店的感覺不同，反而有種文青風，我們平日夜晚八點多去都要排隊，非常火爆。因為friend不可以吃辣，於是我們要了一個本店特色之一的秘製醬香鍋。一般每鍋可選擇不少於五種菜品進行搭配，我們選了雞軟骨、美國肥牛、鵪鶉蛋、花菜、豆皮等喜歡的幾種。不一會兒一盆香味撲鼻熱氣騰騰的香鍋就端上了桌，頓時驚到了我們，所有的菜品份量十足，經過大廚的精心製作，完美加工，讓人胃口大增。肥牛薄厚均勻，肥而不膩；雞軟骨咬嚼有力，香脆彈牙；鵪鶉蛋軟滑有型，入口彈牙；花菜爽脆清香，富有營養；豆皮新鮮油韌，豆味濃郁，真可謂色香俱全，回味無窮的美味佳肴！川菜的魅力就在於它的口味對人的神經有一種刺激感和滿足感，兩個女仔要五個麻辣香鍋菜已經好足夠，staff亦都好nice，十分滿足的一餐。

上次試過一直好懷念今次竟然發現店鋪進駐裕民坊岩哂喇 就再encore啦店內防疫措施都做得足樓底高唔會好壓迫講返食物我地叫左最出色的酸菜魚配粉皮再加埋川式口水雞酸菜魚份量好足有面盆咁大份睇個賣相好似好spicy其實係花椒味濃 唔太spicy～配上雞肶菇 青瓜 薄薄魚片非常入味粉皮連湯一齊食哇😋不得了啊另外加左個口水雞賣相精緻用碗吸出碗形冰冰凍凍 暖暖地就會好味啲啦個人覺得食食下都有啲辣👀但都算接受到既整體我會比4.5/5啊間唔中食下都好過癮👍🏻

同男友重遊舊地見證住觀塘真係改變左好多😮我地黎左裕民坊呢個商場行下，意外發現竟然開左十二味！😱 當然要試下新舖既水準如何啦😎午市套餐$45起包前菜同飲品，真係好抵食👏🏻我地叫左個午市酸菜魚套餐(小辣)，單點左大盤花菜(小辣)同冰粉😊前菜薯仔絲好爽口，帶濃郁既麻油香，唔錯👍酸菜魚魚肉肉質滑捋捋，一啲都唔腥，酸菜夠晒開胃😋配料仲有爽口既萵筍同埋啲菇菌類，實在太好送飯😆大盆花菜係川菜既經典菜式👍 用左少量五花肉帶起油香，椰菜花夠爽脆兼乾身，小辣對我地黎講岩岩好，惹味得黎又唔會食得太辛苦😂冰粉係男友必嗌既甜品，口感滑捋捋，唔會太甜又解辣😎呢間十二味既環境特別靚👏👏用左落地玻璃，外面好多花草樹木，我諗夜晚黎食又會有另有一番景象😍

最近觀塘新開左十二味，環境幾舒服，樓底幾高，店舖未夠八點已經有人排隊。嚟到當然要食呢度最出名嘅香鍋，可自選唔同配料，最少要選5樣，我地今次叫左牛舌、午餐肉、雞軟骨、椰菜花同豆皮，加埋大約二百幾蚊。份量好多，原本都叫個白飯都食唔哂！午餐肉厚切，牛舌唔會乾痴牙，椰菜花唔同豆皮索哂d香料汁，夠哂入味，辣得過癮。仲叫左紅糖糍粑，即叫即炸，最怕紅糖預先落左糍粑到搞到林哂，但呢到就分開上，而且紅糖夠哂多，正！橙汁桂花酒釀，有d少

近來口淡淡 想搵啲重口味 刺激既嘢食下。觀塘行行下街，諗起呢度有個新商場，YM2。等我入去睇下呢度會唔會有我想要既嘢先! 雖然係新商場，估唔到都幾多嘢食，係天台既花園度，我聞到一股好濃烈既香氣！我就知道我搵到啦！ 呢間店叫做 十二味，係好多地方都有，估唔到係觀塘都係開一間。我同朋友今晚就叫左酸菜魚同毛血旺。第一次試，試左小辣先，廢事辣得制食唔到。菜式上一台既時侯，哇！咁大碟既，一碟酸菜魚就成張台咁大，搞到黎毛血旺果陣，又要霸多張台，好彩今日早啲黎食咋，如果唔係一張二人台根本放唔哂。酸菜魚，湯酸魚嫩，不自覺地食下食下就食哂。毛血旺好多人都未必知道咩黎，其實係重慶江湖菜的鼻祖之一，起源於重慶磁器口的著名川菜小吃，主要係食又辣又麻既豬紅，毛肚。

觀塘真係好繁忙多人, 裕民坊重建後有好多餐廳進駐, 試下呢間新開川菜, 係平台花園環境優美, 寧靜休閒別有一番洞天！落地玻璃很有現代透視感, 可欣賞花園景色, 令人心境頓時變得寧靜平和！餐廳用手機點餐, 掃一掃q r code簡單方便！而家openrice訂座仲有折扣優惠！川式口水雞上碟擺盤精緻吸引, 見到紅紅嘅辣椒油, 心跳即刻加速, 充滿重慶四川辣味感覺！食落又唔係咁辣, 口水雞屬冷盤, 配川辣真係恰到好處, 雞肉十分入味, 嫩滑唔係鞋口, 雞皮都好滑流, 真係食到口水流！桂花冰釀隻杯造型精緻, 好有古典特色, 啱曬打卡。味道感覺似酒釀丸子嘅飲品版, 酸酸甜甜非常醒胃！

我最鍾意食辣嘢, 麻辣火鍋、水煮牛肉、麻辣湯都係我嘅至愛。今日約咗朋友去裕民坊新開嘅十二味試下！經典麻辣香鍋揀左五款配菜, 午餐肉、五花腩、豆皮、花菜、蓮藕片。麻辣香鍋本身已經有黃豆、芫茜、辣椒做配菜, 仲可以揀大中小辣、加麻和和減鹹, 真係非常貼心！呢度嘅麻辣香鍋乾身唔油膩, 又有麻辣嘅感覺, 麻中帶辣唔搶口, 夠鑊氣非常惹味！特別是五花腩超級爽脆！ 豆皮吸收麻辣精華, 令人食到停唔到口。 厚切午餐肉啖啖肉加麻辣, 另有一番風味！整體份量很多, 足夠兩個人食, 下飯一流！熱情果梳打香甜果汁味梳打, 加埋粒青檸, 冰凍解渴消滯減辣, 大大杯好抵飲！

觀塘裕民坊商場內眾多餐廳, 今日Lunch 想試川菜"十二味"每份午餐包括 前菜土豆絲,白飯一碗,檸檬茶一包或加錢轉飲汽水或特飲。今日叫了三份午餐1. 酸菜魚 =》果然名不虛傳，人見人愛酸菜魚， 魚片份量十足， 配上酸菜還有萵筍， 魚片 質地鮮嫩夠滑，唔腥， 湯底酸酸帶點微辣 ，送飯一流👍2. 麻辣牛肉香鍋 =》 惹味鮮牛肉配上大豆芽，蓮藕和薯仔片， 鮮牛肉質新鮮，蓮藕爽口，薯仔片淋淋的， 正👍3. 麻婆豆腐=》 川菜經典名菜， 滑滑豆腐配上牛肉碎， 麻辣，花椒，豆腐熱騰騰趁熱送飯味道更佳，真係越食越開胃 👍