十八味私房牛肉麵

营业中

休息中

放工醫肚， 紅磡搵野食 ! 見到好光猛既招牌， 有牛肉食 ! 即刻衝入去叫野食 !環境good, 服務員好好 ! 鰻魚好味 ! 麻辣都正 !!加凍飲 凍檸蜜都係加3 蚊， 抵 ! 有小食， 主菜+ 麵 係68 蚊， 追加小食都係10 蚊左右 ! 正 !

第一次去食，我朋友介紹我去試，佢話好味。我叫左紅燒牛肉辣台灣面，加凍檸茶。碗面黎到有驚喜，裡面除左牛肉，還有牛展加2粒丸！湯底好牛肉味，加左d酸菜，個味道勁夾，面底煮得剛剛好，軟硬適中！而且個餐有3款前菜，所以一定會飽！下次我要試ma 個牛筋面！

以前的功夫十八味，工夫麻辣搬了去另外一條街，改做牛肉麵。苦等了幾個月終于開了👏🏻👏🏻👏🏻。雖然食物有些不同，但依然很好味。今次叫了下午茶套餐，加小食雞亦。食到了美味，還食到了人情味。

玫瑰杏仁冰粉好特別，仲有特價，抵！其實附近有好幾間鋪頭，都有冰粉食，個人覺得呢間最好。紅燒牛筋牛肋條，慢煮牛骨台灣麵，麵條夠彈牙，D湯用黑蒜頭淆出嚟，幾好！嗰三款前菜就弱啲，所以唔講喇。師傅用心煮嘢，價錢都合理，套餐$70 ，冰粉另加。鋪面好乾淨，望入去個廚房都係。坐得算舒服。交通方面就不過不失啦，黃埔囉。樓面位哥哥好搞笑，上次食完佢叫我多多支持，我見各方面都唔錯所以今次第二次嚟，遲啲等佢推出乾麵再嚟幫襯！

精選午市自選定食|$60A. 餐前小食蟹棒沙律//玉子燒//涼拌小黃瓜- - - - - - - - -B.主菜紅燒牛筋牛肋條- - - - - - - - -C.麵類私房麻辣台灣麵- - - - - - - - -*餐飲：凍奶茶- - - - - - - - -呢間係紅磡新開嘅牛肉麵小舖，裝潢簡單舒適，店員非常有禮。牛筋唔會硬崩崩，牛肋條非常嫩滑，台灣麵亦都好彈牙。

從來唔寫食評嘅我，今日下午3點同朋友打算去黃埔花園附近搵嘢食，但經過呢間私房牛肉麵比個姐姐叫停，佢話新開張話味道獨一無二叫我地試吓仲話有學生證可以打九折，見個姐姐咁熱情就入去試吓啦，入到鋪內已經聞到好香嘅味道，我叫咗個三寶台灣麵加杯凍檸茶$68，我朋友叫咗個午市鰻魚拉麵套餐，條鰻魚真係成條上😱 上面仲灑左勁多木魚，仲有前菜三款，中華沙律，螺肉，拍青瓜包杯熱奶茶$65，個拍青瓜我同朋友都覺得超爽脆味道都幾特別，上台時候個賣相超靚，我地就知冇入錯舖頭，我朋友仲勁影相，準備要食時另外一個姐姐好有禮貌咁同我講解佢地個湯底，原來佢地用左韓國黑蒜要先將湯同黑蒜攪勻先飲啖湯，果然味道真係同外面食嘅牛肉麵好與眾不同，勁香，我叫嘅三寶台灣麵有金錢肚，牛肋條，滷肥腸，份量超大，個姐姐聽到我問係唔係牛腩？佢即刻同我解釋佢話佢哋係用牛肋條，我都係第一次食牛肋條果然同牛腩有好大分別，入口好軟好嫩滑無出邊啲牛腩咁鞋口，我同朋友連個湯都飲晒，最後個姐姐介紹佢地個招牌甜品：玫瑰冰粉新張試食價$12蚊，有好香嘅玫瑰花味上面仲有d水果，埋單$145，呢間私房牛肉麵係我暫時食過最好味嘅一間牛肉麵店，真心話味道有驚喜價錢好平