十八座狗仔粉

营业中

休息中

一路食咗火鴨翅勁多年，以前晚晚飲完酒都一定會食，呢一年因為限聚令所以冇得出去飲嘢所以少咗食。早排去佐敦嗰間食嘅時候已經覺得希咗好多，我喺度諗係咪阿姐夜晚嘅時候溝咗水，今日去旺角嘅時候一次過買咗四碗返屋企同屋企人食宵夜，屋企人都覺得都係希左好多，唔知係咪因為依家市道問題落少咗料。好可惜.....希望可以再食到你哋足料嘅火鴨翅啦⋯⋯另外狗仔粉以前都成日食，依家見佢個火鴨翅咁樣，都唔係好想再食佢個狗仔粉。。。

一直知道呢度出名狗仔粉，但係因為唔經呢頭所以一直都冇黎呢度試過，今次有機會啦，我覺得狗仔粉幾好食，味道適中，d菜脯係辣既，辣辣地都幾過癮，而且豬油渣加入去真係幾好食，不過就有d小貴，$30幾蚊細細碗，菇切到好碎，豬油渣都係得幾舊仔，感覺就唔係好值呢個價，如果可以大碗d，狗仔粉份量多d,菇多到一舊一舊，，咁就真係一級棒啦overall都係好好食既，如果有機會或者經呢頭，我會再買一次，而且係值得香港人懷念既懷舊面食

呢間狗仔粉我食咗好多年，因為今年疫情就冇去過，上星期心思思就想去食個宵夜如有人嗌左魚蛋，燒賣，上脾，狗仔粉，魚皮餃-魚蛋唔知係咪浸咗好耐，食落口好怪-燒賣入口食落一口粉，而且以前嘅豉油係甜 今次啲豉油好鹹，有生抽feel-魚皮餃加嗰個千味醬係咪重手得滯好鹹-上脾今次入口好重騷味，而且肉好實好鞋， 好似煮咗好耐嘅質感，因為浸騷味頂唔順 食了兩口再吃不下去了唯一安慰係狗仔粉，仲保持到水準，湯底鮮甜，辣菜脯夠辣夠惹味，只係佢啲粉仔唔知點解長咗，依家用匙羹係不能完全‘畢’一條黎食希望過一排再嚟食會水準好返啲吧。。

我由十八座狗仔粉2013年開個時食到而架，一直都覺得好好食，所以呢咁多年一直不斷encore😹👍🏻佢啱啱開個時喺佐頓，細粉好似19蚊，大粉廿幾，食到而架得返一個size30蚊😹以返而架物價黎講，加價幅度算少啦👍🏻都成半年無食過啦，由於今日喺旺角做野，就去食下😋二人限聚令關係，每張檯都好闊落，第一次一個人可以霸晒成張檯！😹以前食過嘅朋友都知，一張檯起碼都成六、七個人😹今次叫左碗粉、燒賣、飲品(食辣菜圃一定要飲嘢😹)，粉就夠大碗啦，但啲粉“林”左好多，雖然未至於一pat pat，但唔係以前嘅口感😟而且以前每條粉唔會太長，匙羹容易“不”，但而架好似長得濟😅唔係“粉仔”了🥺其實味道依然保持到嘅，只係粉嘅質感可以有更好嘅水準😺惟有遲啲再幫襯啦😺

狗仔粉係香港傳統街頭小吃之一，亦係絕對能夠代表香的港美食。以粘米製成，麵條形狀與狗的尾巴相似，名為「狗仔粉」十八座狗仔粉更獲得米芝蓮推薦「招牌狗仔粉」用豬骨湯煲6小時 湯底味夠濃，因為麵粉令湯底麵黏湯稠，但這反而令狗仔粉更加滑身配料包括有小蝦米、豬油渣、香菇同香蔥提味。最值得一提係辣菜脯，必定要加!!!(唔加你會後悔)辣菜脯可以話係精華所在，辣菜脯惹味爽口，加左辣菜脯絕對係錦上添花，辣菜脯與「狗仔粉」係絕配

本人在25/5嗌咗4個魚肉湯 1個火鴨絲翅 1個燒賣 1個黑白雙丸 1個魚蛋 1個大雜燴同1個魚皮餃價錢一共:$332 其他全部有送到但就冇咗3個魚肉湯同個魚蛋 打過去十八座個道同佢講話送漏咗 佢就話送唔到 仲叫我哋自己諗掂佢 喂！而家咩態度呀！？ 打去客服 客服同我講話叫我自己搵十八座個邊 咁姐係點啊而家？錢就識收 嘢食就唔識比啊？之後十八座打返過嚟話佢哋個兩個staff 話冇可能得返1個staff係鋪面 話唔會送返過嚟 同我哋講會向外賣app追究返啲錢 大佬 我呢個係lunch呢㗎！唔係下午茶啊！成村人等緊個lunch㗎 仲要咁嘅態度同我講嘢

兒時回憶，剛巧經開呢間以狗仔粉命名嘅小食店，招牌菜狗仔粉一碗＄30，要豬油渣另加＄5，材料簡單，有粉、冬菇及少許豬油渣，再灑上菜脯碎，提升味道及增加口感！連湯一齊食，感覺有少許油感，有菜脯碎係唔錯！枱上仲有辣菜脯，喜愛食辣可加些！粉入囗偏軟身及短身，用匙羹食都方便，食曬成碗都幾飽肚，之後要多飲水！

每次行過都會見到有好多人排隊堂食或者叫外賣，今次終於坐低試下。今次叫咗佢哋招牌菜，狗仔粉。第一次食估唔到會咁大碗同埋好足料，湯底味道都好夠濃，而且仲有我鐘意食既菜脯，香蔥菜脯同個湯嘅味道非常之夾，如果鍾意食辣嘅朋友加辣就會覺得更加正而且價錢非常抵食，一碗已經好夠飽，下次經過應該都會再嚟食🤣

好耐冇食啦好懷念呢個味道～今次嚟到旺角呢邊食，環境有少少擠迫而且好多人食，等左差唔多10幾分鐘嗌咗招牌火鴨翅～同碗仔翅好唔同，其實之前已經食過一次，係因為食過朋友一啖，覺得好特別，好好食，所以今次就嗌咗呢碗馳名碗仔翅梗係唔可以唔嗌啦！加埋辣味菜脯真係好好食啊不過就真係有啲辣，因為放多咗少少辣到就嚟噴火啦仲嗌咗黑白炸丸，有墨魚丸、牛丸、豬肉丸同蘑菇貢丸，除咗牛丸嘅外皮炸得有少少硬之外，其他都唔錯最後就係魚皮餃啦！本身就冇乜特別既，但佢啲汁就好够味，所以加埋食好正！

原本我地係門口睇緊有咩食，個老闆好nice同好親切咁介紹有咩食，我地見到入面都差唔多滿座，最後就決定入去試下我地叫左三樣野食第一樣緊係佢嘅招牌菜—狗仔粉 la好大碗，個湯底好濃同埋冬菇味都幾濃！面頭有蔥同菜浦，溝埋落啲粉到一齊食幾好食。 枱上面有甖辣菜浦可以自己加落去，我平時都幾中意食辣所以一野加左好多落去，點知原來***好好好辣*** 碗粉湯底即刻變左紅色，辣到噴火 🔥所以奉勸大家唔好一次過落咁多😂😂第二樣係火鴨翅個翅好足料，鴨味十分重，木耳絲好爽口！淨係食曬呢碗都已經好飽！鮮味魚皮餃(有得揀大辣中辣同小辣)我叫左中辣但反而又冇啲菜浦咁辣😂 啲醬好食但反而魚皮餃就好普通🤭 老闆好好服務態度間餐廳仲有聖誕歌，好有節日氣氛添！

18座狗仔粉已經好多分店，但係仍然覺得花園街呢一間係最好食，因為佢由細舖變大舖，坐得舒服左，同埋呢個位比較就腳同埋乾淨，每次行過都忍唔住要食一碗，不過依家冇咗細碗啦，只係得大碗，不過係我眼中菜甫先至係重點，同埋而家愛上左食佢嘅燒賣，佢嘅汁真係大愛！

#TastewithTA // 十八座狗仔粉回想起來，都有一段很長的時間沒有吃十八座狗仔粉了！昨天隨便逛逛，跟朋友隨便走走找個地方吃一點東西作晚餐，剛好經過十八座狗仔粉就進去了，畢竟我們都很久沒有吃了。感覺好似所有東西都變了，除了餐單。以前狗仔粉可以選擇叫大碗或者小碗，但現在都沒有大小之分。以前堂食狗仔粉都是用雞公碗，現在不知道為什麼都用了外賣的發泡膠碗和膠匙羹，感覺非常不環保呢！ 就連以前直接下單都變成用點餐紙呢～～～ 超不環保。以前堂食狗仔粉，粉的質地沒有這麼硬和長，感覺好像吃狗仔粉味道的烏冬～～～以前去十八座，一定會點燒賣和魚皮餃，因為他們的醬汁實在是絕配，但現在不知為什麼醬汁的味道都不一樣了，重點是他們把燒賣和魚皮餃放在同一個外賣碗之後，將和油的比例大約是一比二，太誇張了！感覺就是，不太一樣了～

7 ~ 80年代, 報章曾經報導過全香港最最最嚴重小販出現問題, 係葵芳村.除咗有衫衭鞋襪玩具日用品販賣, 當然重有大量掃街美食! 房屋署開工前, 小販就賣早餐, 收工后就賣小食, 記憶中單單係小食小販起碼有三十檔.最慘係.... 每一檔都好好味! 而且每一檔小食都唔同無重覆.有幸地.... 年幼時就住係葵芳村, 狗仔粉就係當年第一次品嘗.唔係好明白點解叫18座狗仔粉, 因為葵芳未重建之前無18座, 甚至問過好多年紀相若嘅朋友, 好多朋友連以前有售狗仔粉都唔清楚, 上網搵過吓又無正確答案....由於天氣太熱, 所以買外賣返屋企慢慢嘆.成碗狗仔粉D粉唔係重點, 重點係湯底, 濃郁, 咸鮮.即使相隔四十年, 不單只味道無變, 連湯嘅質感都無變.對其他人黎講, 只不過係一碗米芝蓮狗仔粉, 對自己黎講係情懷, 回憶.

食狗仔粉一定要配辣菜莆同豬油渣狗仔粉本身都有豬油渣唔夠可以加$5要多d豬油渣魚蓉燒賣 每次都必點因為一碗狗仔粉唔夠飽魚蓉燒賣都可以選擇要辣架🙆🏻‍♀️除左狗仔粉 仲有火鴨翅 可以加鴨脾都好食👍🏻

说起香港美食，就一定会想到旺角；而说到旺角美食，「十八座狗仔粉」这个名字有点狗血的小食铺一定位列前几。这段时间在旺角拔草了好多家网红美食店，来了香港那么久其实我也是第一次去，沿着地图走才发现原来我之前经常路过，所以美食大概就是路过很多次最终都不会错过的那种~人均：50HKD（有最低消费标准哦，20HKD/人）推荐：驰名狗仔粉、招牌火鸭翅环境：这家店在一个路口进去一点，店面以暖黄色为主色调、各种菜单和明星留影里里外外贴满了整个店铺，一到晚上灯光就显得非常亮，非常港风，也特别好找。但店铺有一店小，位置有一店挤，但在这寸土寸金的香港却别有一番风味。驰名狗仔粉：狗仔粉的名字由来有不同说法，有人说是因为面条形状像小狗尾巴，因此而得名。其实狗仔粉就是一碗当时很普通的平民面食，里面有粗短的面条，面条质感略糙但有面香，用汤滚煮，饱吸汤鲜。我觉得有点像我们吃的面疙瘩，粉仔非常随性，短短的，滑溜溜的，放入上汤中煮，出锅淋上虾米、菜脯、猪油渣等，简单且有嚼劲。桌上自加的萝卜干实在好评（是放在桌上供客人自己添加的，分辣的和不辣的两种），这个免费的萝卜干为狗仔粉加了很多分。招牌火鸭翅：另一道不容错过的小食就是招