十八座狗仔粉

营业中

休息中

今日放工同同事途經十八座狗仔粉，就被吸引左入去食😋😋😋首先一定要叫碗招牌菜-狗仔粉佢有兩個size，小$22，大$29狗仔粉的麵條大約有半隻手指粗。其實狗仔粉就係熱水混合粘米粉搓成條狀，由於粉條尖頭尖尾，像狗的尾巴，故稱為「狗仔粉」，又簡稱「粉仔」。個湯底食得出有洋蔥、蝦皮、冬菇來同狗仔粉煮成，之後加上蔥花、菜脯及豬油渣等配菜真係好香，加$3有豬油渣，係必加！重點係！佢有自家製嘅菜脯，如果食得辣，可以挑戰佢嘅自家製勁辣菜譜，食完真係會噴火！金絲火鴨魚肉湯$29比普通生菜魚肉更香更好味！有幾條金絲，其實係粉絲，火鴨絲加入左魚肉👍🏻一碗有勁多條魚肉，所以好抵食！

認識狗仔粉係因為之前睇電視劇楝仁的時光，聽到主角袁偉豪成日提到，原來狗仔粉又叫粉仔！上網做過簡單嘅研究，聽講狗仔粉嘅出現源於六七十年代，香港經濟環境差，d人就用熱水開粘米粉搓成條狀嘅粉仔，煮熟嚟食。，因粉條尖頭尖尾，似唐狗尾巴，所以叫「狗仔粉」，亦都因為麵條短，所以又叫「粉仔」。十八座狗仔粉食物選擇唔多，碗仔翅、狗仔粉、生菜魚肉、咖哩魚蛋等，都係香港地道小食。簡單嘅食物做到可以開到7間分店，集體回憶的力量真係唔可以睇小！狗仔粉上枱，湯底係灰白色，配料有冬菇，碎蔥，上面仲有菜脯，賣相平實。食落去，湯底味道唔算濃，但食到淡淡蝦米香菇味，以為彈牙嘅粉仔，原來係好淋，甚至可以話有d糊口。菜脯有兩款，辣同原味，辣嘅真係好鬼辣，落嘅時候真係要小心謹慎。加入粉仔到食，都令碗粉好食d！抱著好奇嘅心態，終於試過，好好食又唔係，平實簡單係我嘅結論。或者係因為六七十年代嘅回憶不屬於我。

十八座這招牌是近年香港小食界的奇葩，牆身是搶眼的鮮黃色，放著木紋圓摺檯，襯以灰色膠椅，典型大版攤檔格局，環境不算典緻亮麗，雖然較想像衛生乾淨，但地方淺窄，人們都是夾著背包背貼背地坐，主打狗仔粉和火鴨翅兩大懷舊食物，辣魚蛋魚皮餃等本土街頭小食，但自2013開業四年以來，名人光顧不斷，而且由2016-2018都入選米芝蓮車胎人榜單，至今已經擴張至八間分店。自己吃過多次，這次朋友則是慕名而來。狗仔粉出現於六七十年代的廣東，人們燒一鍋水，把麵粉和粘米粉搓成的短粉條，就像狗尾巴，舀在開水中煮熟成粉糰，口感軟綿煙韌有咬勁，湯底是糊糊的半湯半羹湯汁，加入蝦米，冬菇，豬油渣熬煮，用湯匙舀來就可吃，份量雖小但飽肚，成了窮人恩物。這裡的狗仔粉層次豐富，麵條粗而厚實，粉仔兩端鈍鈍，反偏奶白，盡吸濃湯，可惜偏腍身。口感軟滑綿煙韌彈牙，比烏東短小，比上海麵粗身，比唧唧魚麵軟滑。十八座的狗仔粉，就是將豬骨湯加入洋葱、蝦米仔、冬菇、豬油渣，煮成湯底。加入已切好的麵條，先煲約一小時，煲好後蓋上煲蓋焗約半小時，讓湯底偏稠身濃郁，並伴上蝦米、冬菇、豬骨、葱花等，還有金黃的豬油渣，甘香沒有益味，逼出肉骨的香濃和鮮甜。沒有菜

新聞間唔中都會報導下九仔粉，自己從來冇食過，但睇個樣就好似烏冬咁，既然經開深水 步就買黎試下，碗九仔粉好細碗，睇落岩女士多d，我估男士食完都唔飽，味道唔覺得特別好味，好似食上海麵咁，我覺得麻麻地。

深水埗向來都多野食，次次行完電腦廣場都會係附近食下野，今日選擇左食十八座狗仔粉店舖座位大約有20個位左右，逼逼地，好彩1入到去有個角落位坐。馳名狗仔粉 (有菜甫 蝦米 青葱 肉碎)食每一口都好重蝦米味招牌火鴨翅鮮味魚皮餃無咩特別，醬汁好怪😵😲再加左3蚊要豬油渣 味道麻麻 好油，下次5會加🙅🙅

狗仔粉聽就聽得多，食就真係第一次！！！- 馳名狗仔粉（大）我好中意呢種粗麵，咬落好有口感，佢個湯唔算好濃，但加咗d菜脯粒就夠晒味。真心要試佢哋嘅辣菜脯加完之後勁快KO到一碗狗仔粉。佢嘅菜脯仲要係任落架可辣可唔辣，一啖辣一啖唔辣又得。我都加咗好多，因為真係好好食- 招牌火鴨翅佢個翅真係無得頂！！！完全唔係出面嗰d碗仔翅咁水汪汪，呢個係好足料架！好多火鴨絲，鴨味好香好濃，好想配個白飯呀- 魚蓉燒賣就普普通通，但唔係咬落一pat粉嗰種，都算都彈牙嘅

稀左好多，前兩個月已經係咁樣。而家好似水咁，已經唔係好似以前結濃個種味道冇左火鴨絲香味，好失望. 其實可以同大半年前既食評相比較下 就知道差左幾多感覺好似變稀左既碗仔翅咁差 希望可以改善下

佢既辣菜鋪真係超好食，九仔粉就好似無以前咁好多了粉好淋好淋，但個菜鋪一樣無變咁好食，辣得刺激又爽口，佢既碗仔翅都好好食，材料足料，黑脾大大隻，我每次去都差唔多落哂成樽菜鋪

久不久都會想食一下狗仔粉今日經過深水埗晚上七點幾黎到，唔洗等位就有得食。平時食開旺角分店 今次黎到深水埗，比起旺角分店大好多，有唔少座位。3人行，一人一個細狗仔粉好鐘意狗仔粉種質感，‘’傑傑‘’地糊狀既粉，配上菜脯，個湯底真係好惹味每間分店既狗仔粉都一樣有水準。。魚肉翅既魚肉略嫌唔夠彈口魚肉如果大塊d會更加岩我既口味。。點左個唔辣既大雜燴，有豬皮、蘿蔔、豬大腸蘿蔔夠腍身，豬皮厚度適中，但唔夠入味，淨係靠表面既醬汁，而個醬汁都唔太岩我口味不過整體黎講，味道都叫不過不失份量唔少，三個人一齊食都幾夠。狗仔粉呢個平民美食真係隔一頭半個月就會想食番碗

成日聽d年長一輩都講九仔粉係懷舊美食，我自問唔識欣賞，我覺得同食烏冬冇分別，又細碗價錢又貴，反而佢d豬皮肉丸有個汁幾好食，我諗都係試一次就夠，食完都好似冇食過野咁。

今日出開深水堔 成日都見到十八座九仔粉但從來未試過今日決心要試一試Menu 簡而精 價錢平坐位唔算闊只可以當係快食! 因為好多人排隊最出名既係狗仔粉同火鴨翅今日得我一個人食 所以只係點左細狗仔粉同小辣魚皮餃好快有得食！細狗仔粉我仲加左豬油渣幾爽卜卜 唔錯我鐘意食小辣加小小辣菜甫就岩哂份量適中 只係$22 細size大食的一定要叫大size 先夠飽狗仔粉軟硬適中 幾好味魚皮餃$12 有5粒 好抵食都唔錯加埋加多寶可以解一解辣可以一試下次要試火鴨翅

路過深水埗，很久都沒有幫親過十八座狗仔粉，雖然食了早餐，也一於捧下場先今次叫了一個細火鴨翅，加了小小勁辣菜甫，已覺很辣。翅底很濃味，勁多鴨肉，食起上來啖啖肉，yummy 呀順帶一提，四寶現在沒有了雙拼，只得大及細雜燴啊

已經好耐無試過凌晨4點鐘仲未訓仲走去食宵夜 皆因老公帶老婆去游車河好耐都無試過啦🤣 重搭回憶🤗游完車河 當然唔小得既就係糖水/宵夜啦因為成班人都係好肚餓 走咗去深水埗食宵夜遇上狗仔粉 火鴨絲翅味道夠- 麵唔太”林”加上菜譜 👌🏻幾乎每個人到呢間野 必食🙌魚肉燒賣 $12 一大碗加上既🌶️ ，太鹽🤔火鴨絲翅（細）（$22）食到有火鴨絲絲偏鹹咗小小餐牌上仲有其他既野食雖然野食唔多選擇 但佢係可俾你座底 慢慢食唔洗企價錢👌🏻

話說我唔知咩係狗仔粉，行過見到十八座狗仔粉即刻想到既係十八座大王（離題）好好奇狗仔粉係咩就行入去叫左碗大粉狗魚皮餃，嘩！原來狗仔粉咁好味架，重手左加左好多辣涌菜（？）好惹味呀！但又辣到流鼻水，言歸正傳。狗仔粉既口感軟滑綿密，湯底因為有蝦米冬菇蔥花既關係香味十足，齒甲留香。如果加埋豬油渣會更惹味。

十八座狗仔粉🍜絕對係富有香港特色既街頭小食🤤粉仔大概一吋長，有小小腍身啲粉仔吸曬湯既味道，非常入味仲會少少漿口🍲佢既湯底係豬骨湯底入面仲有冬菇和小蝦米仲有炸過豬油渣令到成個湯都好杰作餐廳每張枱仲有兩款菜脯任添淺色既不辣帶甜味紅色既落幾粒已經好辣😋好建議鐘意食辣既朋友試下大雜燴🍲大雜燴有豬肚，豬腸，豬皮同蘿蔔上面有十八座秘製千味醬非常滋味😋大家可以去試下呢個咁有香港特別既本土小食 😚😚另外 佢既招牌火鴨翅都好出名但今次冇試到我下次試完再同大家分享😋