十八座狗仔粉

营业中

休息中

每一次嚟深水埗都一定係食狗仔粉每一次嚟食狗仔粉都一定叫衣三樣: 細粉，細翅，大雜細粉係狗仔粉，軟軟淋淋嘅粉配少少冬菇碎肉碎之類嘅，湯底係少少杰杰哋的，加埋有辣有唔辣嘅菜甫粒有不同層次嘅口感細翅係碗仔翅，一啲都不吝嗇鴨肉絲，木耳絲，比起出面一般嘅碗仔翅衣款係星級版大雜係大雜會，可選辣度，有豬肚，大腸，豬皮，蘿蔔，其實本身啲送係淡淡哋的但加埋啲濃濃嘅汁就好正，有少少甜味嘅。啲送夠晒淋，本人就最鐘意大腸，好肥美唯一係夏天去唔夠冷氣好熱，但我都會繼續支持的

十點幾係深水埗肚餓唔知食乜好，見到十八座仲有客坐緊，所以就入去食個宵夜。其實我係第一次食，所以好多野都想試，但兩個人食唔晒，最後叫左狗仔粉、火鴨翅、大雜燴、魚肉湯。狗仔粉唔太好食，唔識講有d咩問題，但同細個食嘅味道差好遠，不過d菜圃幾好食。火鴨翅好食，好足料，味道夠濃。魚肉湯普通水準。大雜燴有豬肚、豬皮、豬腸同蘿蔔，都係不過不失咁啦。總括而言，想食宵夜可以一試火鴨翅，聽講隻火鴨脾都好正，下次可以再試下。

宵夜除左文記之外，十八座亦係我最常去的黎得呢道食野，預左衛生情況會差少少😂馳名狗仔粉 小$22 大$29 狗仔粉口感軟硬度幾適中，煙煙韌韌😍最重要係個湯底好濃配上冬菇、蝦米等等今次仲額外+$3叫左自家炸油渣，份量好少😭不過脆卜卜！人生第一次食幾得意試左少少勁辣菜脯，真係勁辣！！我提議食原味，一樣咁有口感！我加左大量😚 總括來說好好食！唔會太稀or太稠翅滾火鴨脾 上脾$22 下脾$30我叫左下脾 (下脾成日賣哂) 留意返係限量供應！鴨脾肉味香濃，啖啖肉亦好嫩撈翅一齊食，簡直係回味無窮大雜燴 $35 五香豬肚、原味大腸、清湯豬皮、鮮甜蘿蔔😆嘩！個秘製千味醬真係世界級咁正😍聽講係用一小時以多種材料製成，惹味指數💯💯💯

做左咁多年人終於去食狗仔粉。成人聽人講，但自己又好似冇咩衝動特登去食咁，今日約左兩個朋友去深水埗，個lunch有d唔夠飽，又咁岩經過間狗仔粉就入左去醫肚。omg第一次食就愛上了！個粉仔口感彈牙軟滑，配埋個麵糊一齊食好正有d飲食粥，係有口感既粥。另外要讚既係店舖特製既菜脯，真係好配個粉，唔會太鹹，岩岩好。佢檯上面仲有樽特制辣菜脯，我唔太食得辣，試左少少，好辣。但我friend話佢幾好食。anyway經過會再幫襯

十八座狗仔粉係平食天堂糧尾必到嘅地方！除左平之後，仲要有保證今次食左燒鴨脾，上菜嗰下真係嘩左岀聲！大個我男朋友隻手呀！Order左火鴨脾之後，姐姐會將鴨脾放入翅入面大火加熱，遠處已經聞到香味，正正正識食一定用手食！大啖咬落去，真係好幸福呀

本來去深水埗諗住食文記車仔麵，點知見到勁多人排隊，於是就去咗十八座狗仔粉。一路都見過呢間野嘅分店，但就每次都係經過冇入去。見到佢鋪入面貼左好多同明星嘅合照，睇嚟都係出名嘅食店，就同朋友入去試吓啦上網睇話狗仔粉呢個名嘅來源，原來係因為佢搓出嚟之後個形狀似狗嘅尾巴我哋一人嗌咗一碗狗仔粉，另外嗌咗啲蘿蔔、豬腸、豬皮大家都落咗啲辣菜脯落狗仔粉，佢啲辣菜脯超辣，就算我咁食得辣都係落咗兩三匙就唔敢再落！啲豬油渣超好食，佢係啲湯度浸腍晒，但依然好香口，同埋食落好有口感，陣油香同脂肪融化晒係個口度🤤 狗仔粉嘅質感好特別，好有咬口得來又唔會話係煙韌，又唔會比啲湯浸淋晒，好正👍🏿蘿蔔豬皮正正常常，豬腸幾好食，有肥膏係入面，又唔會咬唔爛，純粹係覺得個醬唔係自己鍾意嘅，但係都成碟清哂，食食吓就覺得好好食！覺得個狗仔粉嘅好味程度係要自己都去食😋 要推薦比多啲朋友嚟試吓！

去深水埗買完野想快快趣食好野但又唔想熱氣， 突然腦袋閃過就衝左去，狗仔粉呢到冇得輸，夠粗夠咬口， 做tea 一流， 又平又好食， 辣辣哋開胃又醒神， 唔好睇佢細細碗其實都幾飽ga

日日經過都冇食。。。最後都決定買一碗做燒夜~~其實狗仔粉就只是狗仔粉。。。食既係回憶,係感情,係感覺呀!唔係咩高等食材,亦唔係咩特別醬料,食得返兒時味道,會有畫面浮現,係感情呀¡¡¡ 不過...粉條彈牙,條條分明,人大左食辣就可以加辣菜甫...好味是50分再加50分情感😂😂😂😂😂

今日行開深水埗，行到累累地又想塭野咬吓，之後就周圍塭下有咩野食，條街實在有太多餐廳所以唸左好耐，最後就試左呢一間十八座狗隻粉因為未食過，而且個名又幾特別。餐廳食物價錢定價幾合理，今次叫左翅滾火鴨上脾同細碗狗仔粉。火鴨上脾實物都好大隻圓轆轆咁，而且重淡淡肉，如果係女仔叫真係食一隻就已經飽哂。鴨脾食落個感覺好似食燒鵝脾咁，整得十分好。狗仔粉雖然係細碗，但份量都不少。食落口感有 D 似淋左既烏冬，個湯底整得幾好，味道帶有蒜香味。

福榮街美食太多，有維記有文記還有劉琛記等。因此，這裡往往不是首選，多次過門而不入。今晚銳意一試真章，叫了三款重點推介。基於筆者的個人喜好，此處食物很偶一為之即可。。。狗仔粉：粉很糯，湯頭杰身但味淡，沒有菜甫便沒有味道。在進食途中，不下３次大量添加燒鴨肉碗仔翅：燒鴨味確實很重，但「翅」不多，說是碗仔翅進化版不如說是蛇羮變化版更貼切千味醬魚皮餃：餃子皮口感頗佳，但千味醬不見突吃畢，叫人最難忘的還是那２瓶自由添加的菜甫。

因為就黎去旅行 去深水埗買電話卡周圍行 諗住搵朋友推薦間餐廳食嘢點知我見到依度有十八座狗仔粉 好多年無食啦！好懷念之前同某人食😎狗仔粉 味道同之前一樣！不過可以熱啲就會更好！暖暖哋食落無咁好食火鴨下脾 我諗諗下 鴨脾唔係得下 有上架咩？

同朋友一齊買完野 咁就去左食個狗仔粉先啦 咁我就叫左個上鴨脾加個碗仔翅 咁就鴨脾都好大舊下 肉都好嫩 啖啖都係肉都幾爽架 碗仔翅就叫左細碗因為我驚食唔晒呀 咁都OK既 岩岩好碗仔翅都份量多

同舊同事約係深水埗食晏，周街都企爆晒排隊的人，好彩狗仔粉等一張台就有位，於是就入去食。我點了火鴨下脾。此鴨脾係碗仔翅燶湯內熬足幾個鐘，好入味。略嫌肥咗少少，不過都好多肉，嫩滑彈牙。狗仔粉就不過不失，勝在加上菜脯、生蔥，伴著粉一齊食好惹味！

本身想食文記車仔麵 但去到見到極長人龍就轉去食對面既十八座狗仔粉！狗仔粉配辣菜鋪 我都好鍾意食唔食得辣既話落少少好啦！！都真係幾辣架！！仲點左魚皮餃，魚肉湯，同埋細既雜燴（有蘿蔔豬腸豬皮）⋯同男朋友2個齊齊清哂！！大食怪

來十八座好多人都會食狗子粉或鴨腿碗仔翅。但原來十八座的魚皮也不錯，因為佢配上醬汁一齊食真的唔錯。而且還有辣同唔辣，我個人就比較中意食辣的。真系第一次甘食魚皮餃，感覺好創新特別。