十勝牛和食料理

营业中

休息中

今午兩人到安達邨十勝牛下午茶, 兩人叫了兩sets下午茶及八件火炙三文魚寿司, 結果先來了八件三文魚寿司，負責落單這位黒衫兼收銀的女士(相信或許是店長吧！)我覺得奇怪點解會變成三文魚寿司並非我叫的火炙三文魚寿司喎(價錢當然是火炙貴三元一件啦) 於是我便問該位女士點解啦～？她第一個答案是(係你自己剔嘅)，於是我就叫佢你睇下我剔張紙 ! 她便去柜位睇完當然無聲出啦拎走我枱面的錯來三文魚寿司一言不發, 當然連句道歉都冇! 我都算數了。再來的兩個下午茶餐, 一個是雞翼的都變成魚柳! 我又叫該位女士問她啦(雞翼價錢又同魚柳價錢當然亦不同啦！)她來望一望的反應就講( 咁你食過未吖！) 我即時著火答未食囉！她才拎走錯來的魚枊又係一聲道歉都冇。這樣的服務態度要得嗎？還要收取(服務費) 真是豈有此理 ! 這是誰之過呢？真是希望十勝牛管理層好好檢討一下, 食物質素就尚可, 價錢亦合理, 不過服務xx

本来想吃日式迷你火锅shabu shabu，可以店家话无了，改食散点。份量足，建议主食两个人分享好d。和新鲜好味。串烧杂锦一般啦，比较油左少少。呢个冷盘唔错，乌冬烟韧，加上青瓜丝和沙律菜同食，清爽开胃。总体来讲唔算好贵，人多食更好，可以试多几款

呢間十勝牛勝在平同大份，水準都幾飄忽，之前黎食過其他野，炒飯呢類都係麻麻，松露炒飯一時有松露味一時無味，但五想食大家樂麥當勞等快餐又五想出街，無計。但又五系話就真系好難食，要識揀。次次黎親都要幫襯既有什錦天婦羅，石鍋海鮮麻辣烏冬。前者新鮮炸出黎，蝦都大大隻五會凈系食到粉食五到肉，55蚊三隻大蝦加番薯茄子青椒冬菇南瓜，非常之抵，必食推介。另一個抵食之選石鍋海鮮麻辣烏冬，仲滾住既時候就上台，入面有一隻大蝦，一隻元貝肉，兩隻青口一條蟹柳比你，湯底雖然味精左d但六十蚊有找都食得過。除左以往會食既，今次第一次食既燒三文魚沙律都幾驚喜，上台擺盤都好靚，三文魚花有四五片三文魚，凱撒沙律上面有大蔥絲同煙肉碎，汁似檸檬汁一樣酸酸甜甜好開胃，咁岩我中意食酸，同炸野好夾。跟住落黎就係純粹價錢ok但味道好麻麻既帶子火鍋。味精豬骨湯+八片一開二既帶子+兩件三文魚壽司+一堆蔬菜+西瓜汁=$68齋食一個餐，無面其實根本就食五飽，呢d火鍋套餐系得肥牛火鍋果d先有烏冬跟餐，貴既帶子三文魚火鍋反而無面。有面既火鍋餐成件事就會變得抵好多，肥牛火鍋$58加一有埋壽司同野飲，大家樂既一人火鍋食悶可以黎轉下口味。番茄烏冬，三十幾

偷工減料!袖珍鰻魚，開邊北寄貝....水溝麵豉湯，仲要得半碗， 麵豉湯好貴咩，裡面啲料又少，勁淡!。沒有一樣合格!上菜慢，啲食物又凍，燒牛肉定食啲牛肉同係街市買個啲醃製牛肉一樣，仲要係燒完都仲係凍的!本身已經沒有什麼客。我不知道開這間餐廳的集團有冇去過日本學藝。對面枱有位婆婆問豬排飯有啲咩佐料，個侍應勁hea應佢，句句都加個‘‘囉‘‘字!人地老人家都好好禮貌，廳面又唔多客，都唔知佢趕啲咩。但除左差，我沒有什麼可以講了。

間唔中都會幫襯十勝牛，質素其實永遠都係一般般不過我唔挑食，肚餓食黎頂下肚係ok。今次真係難食到呢…飯係鴨胸飯，淨係睇相你一定估佢唔到出到黎係咁，乜X味都無。烏冬係七味炸雞烏冬，七味粉一粒都見唔到，炸雞係冧到一個點，湯係無味，只可以話係暖，熱都唔熱，烏冬係直頭硬，唔好講七味，我乜X野味都食唔到，如果你識黎呢個地址，想食餐好既，唔好諗，直接去隔離金源！佢完全係同金源無得比，金源貴過佢但人地值～（同金源無任何關係，只係近住戶小薯）

今日午餐入去食，叫左個鰻魚拉麵，拉麵很少選擇 ，只有幾款 ，見佢寫住超人氣所以點左鰻魚拉麵55元 冇野飲可接受，來到進食知唔得，鰻魚入口是凍的，拉麵和最重要的湯底是冇味的，可見這店野食一般，埋單走人先知佢還要收+1 咩世界 永久blacklist

星期日打8號風，最後食日本野。今日等左1分鐘都冇, 可能打風關係😂假日晚上7點左右要等15分鐘到。魚生冷麵沙律🍝蟹籽軍艦加三文魚壽司加州卷系甘多野食入面我覺得呢個真係好抵食叫左2客加州卷，15蚊4件，不過一開業個陣真係好多蟹籽，而家少左好多了，但都抵食我覺得。叫呢個既時候，職員都會問清楚係咪8件。我同後面個枱客都有問，可能之前太多人落錯單關係？金龍蝦皇反卷🍤忌廉薯餅杯西瓜汁都抵🍉，6蚊，但只限堂飲侍應服務都OK, 上菜速度都幾快。甘既價錢，味道唔差，食得飽好滿足😜

這間日式食店位於一個新落成的超大型屋邨，一到晚飯時間，總會見到外面圍著一家大小在等位的街坊，相信都算是他們的飯堂吧。七時多來到，已有人在等位，但剛好在人山人海的店舖內有兩個空位，雖然要「搭枱」卻可以遲來先上岸，實在都有點不好意思。客人很多，但店員效率亦很高，需要的熱水或紙巾都很快送上。兩個人，只點了一個石鍋湯豆腐及一碗他人蓋飯（牛，蛋），不消5分鐘便都上桌了，廚房亦很有效率！石鍋湯非常熱，可以先放著，先吃這個「滑蛋牛肉飯」，賣相不錯，滑蛋送飯亦很難會不好吃（其實是很好味的），轉眼已將它解決掉。石鍋湯看上去「似乎」很清，配料有金菇、昆布、日式魚蛋等，很豐富！我們吃完裡面的牛肉、粉絲，還將湯都喝完。回家後，我們發現整晚都非常口乾，即使是不斷喝水，仍口乾得很利害！相信是因為喝下了整碗湯罷。雖然看上來很清，但味道其實不太淡，想來我們都喝下了不少味精呢！食物是美味的，不過就是味精重了點，餐具亦有少許髒，而價錢十分相宜，整體都可以接受，作為屋邨的「飯堂」，都是可以久不久來一次的好選擇。