影片
以上资料只供参考，请与餐厅确认详情
講起科學園，大家都諗起科研同研究方面嘅資料，但原來喺科學園都有一間高質嘅日本料理🍣，呢日平日放假🤓，特登同朋友嚟到科學園試吓呢間餐廳，竟然有驚喜🩷，環境非常優美，座位亦都好闊落🤩❣️午市套餐-鰻魚飯配麵豉湯及茶碗蒸 $118呢個餐足足有大半條鰻魚，十分足料👍🏻，而且非常厚身，食落啖啖肉，配上珍珠米，超級美味，茶碗蒸就食到材料嘅鮮味同蛋香味，唔錯😋❣️午市套餐-壽司拼叉燒湯烏冬配麵豉湯及茶碗蒸 $128估唔到呢個都有驚喜，如果坐到bar枱可以即場睇到師傅製作壽司，壽司嘅飯底都有經過精心調配，可以媲美貴價日本餐廳嘅壽司🍣，叉燒厚身入味，烏冬煙靭彈牙😋❣️燒明太子雞翼 $48明太子雞翼每隻都脹卜卜，入面塞滿明太子，鹹香味十足😀🏦是次消費總額 $323（人均消費 $162） 🍴須加一服務費👅好味度：9（10分滿分）第一次嚟到科學園就試到咁高質嘅日本料理，真係不枉此行😆，食物質素中上，平日嘅午市都爆滿，可想而知佢嘅品質有一定嘅保證，回頭率高😎，下次可以試吓去尖沙咀分店
继续阅读
來吃2次，第一次叫了串燒，等了30－45分。牛舌不太新鮮第二次只是兩個熱食的餐（鰻魚和天婦羅） 由點到出都等了30分以上。有無限時間的可以來一下不過，刺身好吃，新鮮。service 都不唔錯…
继续阅读
下雨天係科學園商場避雨，順便食個lunch ，見到呢間✨十和田 Towada Sushi✨日式嘅餐廳，簡單日系風格，好舒服自愈嘅感覺，就入去試吓！叫咗個壽司拼叉燒湯烏冬套餐，6款壽司新鮮好味，飯係加咗醋嘅飯團，同平時壽司飯吾同，零舍惹味。朋友叫咗西京味噌燒銀鱈魚定食，肥厚又有油脂嘅銀鱈魚，廚師將魚皮煎到好脆，魚肉鮮嫩吾腥無骨，淨係用鹽同醬油調味已經超好食。兩個定食都跟嘅麵豉湯果然係解膩神隊友，清香鮮甜，另外茶碗蒸裡面除咗蟹肉，竟然有銀杏，配合濃郁蛋香，口感好特別🥰
继续阅读
雨下的休閒午餐時光小編今日約咗一位住係附近的見面，黎到科學園，發現多咗好多飲食選擇，比起幾年前更加容易有選擇困難症。最近香港天氣不穩定，炎熱的同時又傾盤大雨，所以我哋都一致建議去食壽司。朋友帶咗我去十和田，小編早幾年係尖沙咀食過，木系風格使環境乾淨舒適。估不到週末都有定食套餐，這樣就會相對抵食。三色丼（配味噌湯及茶碗蒸）估不到價錢一直無變，依然維持在188價錢。雖然分為3個迷你丼，有蟹肉蟹膏、海膽及吞拿魚蓉，但份量依然是肉眼可見的爆多。最濃味的是蟹肉丼，人手拆的蟹肉絲絲分明，而且好鮮甜，水份都滲入了底下壽司飯，加上濃郁稠密的蟹膏，完全可以撈飯。海膽雖然不夠厚身，但勝在師傅會比多幾塊，最後有整整5大塊海膽，而且食落都淡淡鮮甜淡淡肉，壽司飯表面還曬上甜甜的肉鬆碎。吞拿魚蓉要食得好小心，因為份量太多，容易食到周圍都有，吞拿魚肉質偏微結實，脂肪香味不算很明顯，魚味相對清，加上醬油，配上蔥花就剛剛好。午市壽司套餐（配味噌湯）由廚師即日發辦的壽司套餐，估不到也有海膽、帶子跟赤蝦。米飯是用紅醋調味，淡淡的酸味，米粒煮得軟綿煙韌。壽司材料每件都新鮮，溫度微溫。赤蝦蝦肉彈牙軟糯，蝦頭都有少少膏。三文魚好肥美；三文魚子鹹香；吞拿魚微酸及結實。十和田壽司（科學園）沙田白石角香港科學園第三期科技大道西5號企業廣場地下S067-S069號舖#科學園美食 #科學園 #十和田壽司 #十和田 Towada Sushi #壽司 #日式餐廳 #日本菜 #japanese #三色丼 #海膽 #蟹肉 #蟹膏 #吞拿魚蓉 #午市套餐 #廚師發辦 #Foodie #foodiehk #hkfoodie #香港美食
继续阅读
之前經過尖沙咀金馬倫道有印象見過呢間日本野，同科學園間鋪一樣咁大，第一次竟然係科學園試咗。見佢門口貼左外賣壽司便當餐單，而平日 lunch time都坐滿晒人，食過覺得質素好好，午市套餐包括茶碗蒸同麵豉湯，性價比高，難怪成為科學園打工仔飯堂火灸左口魚邊丼 $148本身好鍾意食左口魚，但最驚喜竟然原來仲有食物名冇寫嘅海膽。左口魚厚身肥美，灸燒咗油香滿溢，軟身入口即溶，海膽都好鮮甜壽司拼叉燒湯烏冬 $128老實講六件壽司就咁睇樣唔會覺得好吸引，但真心食落係有驚喜，軟滑新鮮，壽司飯亦係紅醋飯。是日壽司冇得自己揀，但佢比嘅都係大路款式好啱食烏冬比較粗身，質地好彈牙好抵讚，叉燒厚身都有灸燒過，甜甜地有油香
继续阅读