十大碗粥麵專家 (豉油街) (已結業)

我是一位對貴餐廳服務感到非常失望的顧客，我寫信是要表達對於我最近在貴餐廳外賣訂購過程中遭遇到的不愉快經歷的投訴。在今天3月13日，我到貴餐廳訂購外賣，並在到達店內準備買外賣時遭遇了一起極其不尊重客戶的事件。當我拿起外賣紙選看時，一位店員突然對我呼喝，並搶回了我手中的外賣單張。他不僅沒有給我任何合理的解釋，還大聲喊叫著要我離開店內到外面。這種對待客戶的方式完全不符合一家高品質餐廳應有的禮貌和尊重。作為一位顧客，我對這樣的對待感到非常震驚和困惑。我相信每一位顧客都應該受到平等和尊重的對待，無論是在餐廳內還是外賣訂購過程中。這樣的事件不僅給我帶來了困擾和尷尬，也讓我對貴餐廳的形象產生了嚴重的懷疑。

位於旺角同太子都有既十大碗👍🏼招牌蝦籽雲吞麵有跟傳統，上既時候雲吞會係底。麵條以鴨蛋製作，令麵條更有蛋香，麵質彈牙爽口，亦沒有鹼水味。而大地魚湯底夠香夠清甜，加上蝦籽令到整體鮮味十足。而主角雲吞就有整隻蝦，蝦同豬肉比例啱啱好，爽口彈牙，口感豐富。另外餐廳既腸粉，炸兩試過都不錯，大家亦可試下。總結食物質素同價錢，個人覺得水準比坊間一些名店更好。太子同旺角分店都食過不止一次，餐廳出品都穏定，兩間分店既雲吞麵都好味

今日就近食晏，揾到間「十大碗粥麵專家」，入面人頭湧湧。第一眼見到枱上免費嘅酸蘿白，鹹酸刷新，好夾嘅。點咗碗豬手雲吞撈麵，我話你知啊，嗰碗豬手正到不得了，滋味透心涼，咁滑嘅肉經已化咗喺我嘅嘴裡。至於嗰啲脆爽餛飩，大粒嘅蝦肉鮮甜中帶點鹹鮮，該死嘅好味😋！轉個頭試吓鮮豬潤北菇滑雞粥，簡直係暖笠笠嘅抱抱。粥滑得黎好飽滿，每啖咀都覺得周身暖笠，豬潤厚切得黎口感豐富，肉質夠韌夠味，滑雞細膩得嚟肉感十足，不過北菇真係搵唔到喎！😂最後有個炸蜆芥鯪魚球，嘩，真係大過拳頭，炸得啱啱好，外脆內軟，鯪魚肉彈牙鮮美，佢嗰汁更加話事，一試難忘！總括黎講，「十大碗粥麵專家」將平民食物做到有驚喜，真心唔錯，值得再嚟🍜🥣！

食雲吞麵一向都會去麥字頭嘅麵店，但今日食過十大碗後係我心目中竟然覺得幾好食，（質素上不下於麥x記果啲），爽脆又夠味唔過咸嘅薄皮雲吞冇得輸，竟然唔係麥字頭嘅店都有嘅個質素係厲害，麵爽口彈牙冇過冧，最最最重要係啲麵放面責住啲雲吞果然傳統做法。另外仲叫咗油菜同可樂。侍應服務好周到出菜都好快速但座位略為迫，地方亦淺窄冇太多空間走動。平日嚟下午茶較好冇太多人但假日就人多要等。十大碗絕對值得大家去食嘅雲吞麵店👍🏻

依間都算出名食雲吞麵，所以去試一試。- 蝦籽雲吞麵雲吞麵跟番傳統，雲吞係底，麵上再有蝦籽。麵條彈牙爽口，大地魚湯底都幾鮮甜，而雲吞就有成隻蝦，爽口彈牙。- 鮮鯪魚球麵鯪魚球大大粒，結實彈牙。湯底同雲吞麵一樣，都係咁鮮甜。- 三色腸粉 (鮮蝦，牛肉，叉燒)三色腸粉，鮮蝦，牛肉，叉燒各有一條，涵料都豐富。總體比較一般，冇乜特別驚喜。整體而言，蝦籽雲吞麵比較出色，其他就一般水準。

鮮蝦淨雲吞$41 唔算好大粒但有好多粒! 唔記得8定10粒，食左咁多次都未試過有腥（我另一愛店中環三多偶爾係會有蝦腥味）肥肉唔多，蝦好爽，湯頭都OＫ食完唔口乾柱侯牛腩撈麵 $52麵爽口彈牙，好多牛!!! 牛腩都幾軟淋，醬汁咸左少少～蜆介鯪魚球$24 / 2粒超大粒，真係一個波黎，外面仲有包左d 脆脆，咬落去更脆身，但又唔會過厚。鯪魚肉超彈，但唔硬身，軟軟的，好似加左彈力既魚腐，味道都唔錯，加左香茅同陳皮味，恰到好處，唔腥又唔會cover 左魚肉味，不過個醬汁就有d 腥。叉燒腸粉$32 / 蝦$38估唔到腸粉先係呢度既皇者，個腸粉皮薄到好多貴酒樓／會所都做唔到，薄得黎又爆餡蝦腸同雲吞一樣好爽彈，但叉燒比較澎湃炸兩$35同腸粉比有點貴，但似乎係另一招牌，所以就試下不過我唔會二刷，中間油炸鬼真係太油，本身炸得唔好，炸得太硬脆我喜歡外面脆但中間軟糯，佢又未硬到台式油條果種而腸粉皮薄係佢特色，可惜套用係炸兩度我就覺得有d失色，存在感唔太高，一係佢卷多兩圈

登記入座混亂，點餐要自己用手機落單，落單張紙枱號錯，食物自然送錯枱，唔止我，幾張枱都錯，埋單收錢亦錯，要提先知收少錢，錯漏百出，員工態度亦差，以後都唔會再幫襯。

叫左個碎牛粥 粥底稀 碎牛極少又細粒 問咗侍應可唔可以加返啲碎牛 佢話係固定份量 原來佢從來都冇比少 $36蚊一碗粥嚟講一定唔係平 仲要偷工減料😮‍💨 如果入嚟係想食粥嘅話 就唔建議 環境一般 態度普通 啲侍應成日漏單 食碗粥都聽到隔籬枱漏咗三次單

今天中午在旺角，想起有介紹的十大碗，便順暢去試試，两人叫了一碗雲吞麵，另一碟豬什捞麵，雲吞有大地魚和少許肉末，鮮蝦甚爽口，可惜豬肉太少。豬什十分新鮮，但粉腸和豬心只各有一片。麺身有嚼勁，是銀絲細麺，不過美中不足是有碱味。

啲嘢食名過其實，雲吞麵極度普通，雲吞無蝦味；牛腩河同平時粉麵店食無異；炸兩完全唔好食，腸粉仲痴住嘅。嘢飲仲要加$12，離晒譜。開係旺角收咁貴？！完全唔同意所謂餐廳食物要飽埋舖租呢個講法！你啲嘢係完全唔好食，我哋叫果幾樣仲要話招牌，仲好意思叫招牌喎！重點係，食完即肚屙，連食物衛生咁基本都做唔到！埋單兩個麵，一個炸兩，兩杯嘢飲要$140比呢個價位嘅粉麵舖，相信出到去大把選擇，呢個係完全唔合資格自己決定食唔食啦

撈麵套餐: 柱侯牛腩撈麵+雲吞三粒配飲品店舖較少，枱同枱之間較迫，不過食好嘢，唔計較得咁多。麵幼彈口，雲吞內有新鮮蝦與豬肉7:3比例剛好，不會太大不會太細。湯有香濃大地魚味及長條狀黃久，抵食。套餐奶茶也ok。牛腩夠淋有咬口。

店名: 十大碗粥麵專家地址: 旺角豉油街66號地舖旺角站E2出口，行5分鐘環境: 3.5/5價錢: 4/5味道: 4/5聽講呢間出名細蓉，不過食落佢哋嘅粥比麵更好食🤭招牌雲吞撈麵❤️❤️❤️❤️$45雲吞嘅蝦🦐大隻得黎，既爽口又彈牙，撈嘅話本身有少少乾，加翻佢哋嘅湯就變到啱啱好☺️狀元及第粥❤️❤️❤️❤️❤️$45有豬潤，豬心等等嘅內臟🤪豬潤同出面嘅好唔多，出面食落好多都係粉狀，但佢地煮到啱啱好，係爽口嘅🤩第一次食到爽口嘅豬潤，驚豔到我，超推薦大家試下🥰三色腸粉(鮮蝦,牛肉,叉燒)❤️❤️❤️❤️$401碟入面包哂3款最經典嘅腸粉，最蹤啲選擇困難症嘅人士鮮蝦腸一條都有3,4隻蝦，同雲吞嘅一樣，蝦身🦐彈牙，叉燒同牛肉就無咩特別，鮮蝦最好食🤪上湯油菜❤️❤️❤️$28普通生菜🥬，無咩特別，份量都算多嘅#stitchfoodie旺角 #stitchfoodie油麻地#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐

鮮牛麵，牛嫩足料，湯底清怡，不失大地魚鮮，食完唔口喝，麵爽彈有勁，原來系鴨蛋麵，無碱水味，啱我口味。下次可試埋其他野。服務正常，任食腌蘿白，鮮，爽，脆，很可以嘅

見細仔仔，食過靠得住及小皇府呢兩間食店嘅，雲吞麵都面露不滿表情，揾食肥華特登約佢在4月26日，到旺角呢間雲吞麵出名平靚正嘅麵店，食雲吞麵，可能在消費券帶動之下，此店呢個雲吞麵下午茶餐，已由$35蚊加到$48蚊，本來趁勢加價，在商言商肥華亦覺得無可厚非，但加價後此店呢碗，雲吞麵個湯底，麵質水準大不如前，祇有雲吞保持原有水準，就真係有啲那過，一碗水準大跌嘅雲吞麵，當然令到我個，特登由西貢出嚟食呢碗麵嘅細仔仔，大失所望，亦令肥華覺得老點咗佢，幸好此店個碗滑牛粥及盅酸蘿蔔都得到，佢嘅垂青才令肥華稍減歉意，以今日此店呢碗雲吞麵所收嘅價錢及質素，已經唔值得專誠捧場，行過路過就可一試

哩間新貴系幾年間可以同中環麥奀、佐敦麥文記等齊名，今日行過旺角，就去食下。鋪頭門口好窄，都系細細張2或4位檯，裝修亦好普通，舒服就吾講得咖啦！去到4點幾，附近餐廳都吾滿，哩度可以話9成半,搵兩個位吾容易。雲吞吾系大件夾抵食過種，得4隻，無廣告話的金魚尾，咬開睇到成隻蝦，好爽，廣告話不用河蝦，系用東南亞海蝦喔，好似無豬肉，涵料比較重麻油味，無鮮味，但個埋口位睇到一疊疊，好厚，吾滑口。大把雲吞鋪頭好過佢。麵就比較硬吾爽，唯一好處系無鹼水味。Overall, 入10大勉強都OK，頭5名就無可能。